Gloppen kommune. Møtebok. Utval Oppvekstutvalet Møtestad Gloppen heradshus Dato Tid Kl. 09:00-12:15. Følgjande medlemar møtte

Transkript

1 Gloppen kommune Utval Oppvekstutvalet Møtestad Gloppen heradshus Dato Tid Kl. 09:00-12:15 Møtebok Følgjande medlemar møtte Bernt Reed Hege Lothe Jostein Arne Røyrvik Svein-Ottar Sandal Venke Kollbotn Gunnvor Sunde Frå SP SV SP KRF KRF SD Forfall/møtte ikkje Frå Følgjande varamedlem møtte Frå Jeffrey Elliott Thomas SP Andre som møtte Per Arne Strand, oppvekstsjef i alle saker. Møteleiar: Bernt Reed Underskrift: Bernt Reed

2 Sakliste Sak nr. Sakstittel 026/18 Godkjenning av møteprotokoll, innkalling og sakliste 027/18 Referat og orienteringssaker 028/18 Rapport for 1. halvår /18 Evaluering av gratis norskopplæring for arbeidsinnvandrarar 030/18 Skulerute for grunnskulane i Gloppen /18 Søknad om gratis skuleskyss langs Søreidsvegen 032/18 Vedteksendring kommunale barnehagar 033/18 Fleire barnehageplassar i Gloppefjordområdet Side 2

3 Gloppen kommune Arkiv: FE JournalpostID: 18/10729 Saksbehandlar: Beate Kornberg Saksnr. Utval Møtedato 026/18 Oppvekstutvalet Godkjenning av møteprotokoll, innkalling og sakliste Vedlegg i saka: Protokoll - Oppvekstutvalet Utvalsleiar si tilråding: 1. Oppvekstutvalet godkjenner møteboka frå sitt møte den 30. mai Oppvekstutvalet godkjenner innkallinga og saklista til møtet den 5. september Møteboka frå siste møtet blir lagt fram til godkjenning. Samstundes ber utvalsleiar om godkjenning av innkallinga og saklista til dette møtet. Oppvekstutvalet Behandling OPP- 026/18 Vedtak 1. Oppvekstutvalet godkjenner møteboka frå sitt møte den 30. mai Oppvekstutvalet godkjenner innkallinga og saklista til møtet den 5. september Side 3

4 Gloppen kommune Arkiv: FE JournalpostID: 18/11386 Saksbehandlar: Jan Kåre Fure Saksnr. Utval Møtedato 027/18 Oppvekstutvalet Referat og orienteringssaker Rådmannen legg ikkje fram tilråding i saka. Referatsaker Tittel Fleksibel skuleskyss Fråsegn - Nynorskelevane treng lærarar som kan nynorsk Referat frå møte i Samarbeidsutvalet i Mona barnehage Sak til Oppvekstutvalet - romsituasjonen og læringsmiljøet ved Sandane skule Avsendar/mottakar Sogn og Fjordane fylkeskommune Norsk Målungdom Ane Merete AustrheimElise EideHilde Karin AardalHildegunn GjelsdalJens EimhjellenKirsten StensakerPer Arne StrandRandi Brynestad SkaadenSondre Louis Gjelsten Liv Kristin E. Rauset Orienteringssaker: Ordet fritt... Oppvekstutvalet Behandling Oppvekstutvale hadde omvisning og orientering i Bakkelidgrenda barnehage ved styra Else L. Bakkelid, Austrheim barnehage ved styrar Gunn Svendsen og Nordstranda barnehage ved styrar Anne Hugvik. Referatsaker: Brev frå verneombod og tillitsvald på Sandane skule vart lagt fram og diskutert i møte. Semje om å få til synfaring knytt til eit komande møte i formannskapet eller oppvekstutvalet. Det har kome svar frå kunnskapsdepartementet etter kommunestyret si fråsegn om læremiddel på nynorsk både i bøker og skriftleg. Ordet fritt: Bernt Reed, SP tok opp følgjande spørsmål: - Hyen skule, byggestart idrettsbygget. - Oppvekstmelding - Situasjonen på drikkevatn på Gloppen ungdomsskule. - Karakterforskjell mellom gutar og jenter, kva kan oppvekstutvalet gjere? Side 4

5 OPP- 027/18 Vedtak Oppvekstutvalet tok saka til orientering. Side 5

6 Gloppen kommune Arkiv: FE JournalpostID: 18/11330 Saksbehandlar: Jan Kåre Fure Saksnr. Utval Møtedato 029/18 Helse- og omsorgsutvalet /18 Oppvekstutvalet /18 MULTEK-utvalet Formannskapet Kommunestyret Rapport for 1. halvår 2018 Vedlegg i saka: Rapport 1. halvår 2018 Rådmannen si tilråding Kommunestyret tar rapporten for 1. halvår til orientering. Saksutgreiing Bakgrunn for saka Rådmannen legg no fram rapporten for 1. halvår Rapporten er mykje lik tidlegare tertialrapportar, men utvida med rekneskapstal frå tilsvarande periode i I tillegg er det lagt inn eit nytt kapittel om statlege tilsyn. Det er mykje arbeid å lage ein god rapport, og rådmannen ser at rapporten kan gjerast betre på fleire punkt. Vi arbeider vidare med dette. --- Som rådmannen brukar å seie om sjukefråværet, kan det leggast fram detaljerte tal for kvart ansvar i budsjettet. Mange av ansvara har så få tilsette at slike detaljerte rapportar ikkje kan leggast fram i opne saker og drøftast i opne møte. Rådmannen kjem ikkje med framlegg til budsjettendringar i samband med framlegging av rapporten. Vi har så langt ein skattesvikt som gjev grunn til litt uro, men det er for tidleg å konkludere her. På den andre sida ser det ut som om utbetalingane frå Havbruksfondet blir vesentleg større enn budsjettert. Det skal utbetalast til saman 2,4 milliardar frå fondet i 2018 til fylkeskommunar og kommunar som har oppdrettsanlegg. Kor mykje kvar kommune får, blir ikkje klart før på slutten av året, men signala seier at auken i utbetalinga for vår sin del er større enn svikten vi har i skatteinntektene så langt. Det ser også ut til at pensjonskostnadene kan bli noko lavare enn rekna med. Rådmannen lovar betre oversikter og rapportering på investeringane enn det vi så langt har greidd å levere. Dette gjeld både sluttrapportering og rapporterings undervegs. Side 6

7 Helse- og omsorgsutvalet Behandling Rådmann Jan Kåre Fure var til stades under behandling av saka. HOU- 029/18 Vedtak Helse- og omsorgsutvalet er samd i tilrådinga. Vedtaket var samrøystes. Oppvekstutvalet Behandling Det vart diskutert om rapportering og kommentarar på tenestenivå ville vere meir hensiktsmessig. Oppvekstsjefen vil prøve å gjere grep på det i neste rapport. OPP- 028/18 Vedtak Oppvekstutvalet tilrår at kommunestyret tar rapporten for 1. halvår til orientering. Side 7

8 Gloppen kommune Arkiv: FA - A20 JournalpostID: 18/11332 Saksbehandlar: Per Arne Strand Saksnr. Utval Møtedato 029/18 Oppvekstutvalet Evaluering av gratis norskopplæring for arbeidsinnvandrarar Rådmannen si tilråding Oppvekstutvalet gjer ordninga med 50 gratis timar i grunnleggande norskopplæring permanent. Timane gjeld dei som kan følgje undervisning i allereie etablerte grupper på dagtid, uavhengig om dei er i jobb eller ikkje. Saksutgreiing Bakgrunn for saka Oppvekstuvalet gjorde i sak 024/16 eit slikt vedtak: Oppvekstutvalet ber rådmannen søkje om at Gloppen opplæringssenter blir godkjend som leverandør til BKA og lage opplegg i samarbeid med interesserte verksemder i Gloppen med tanke på oppstart våren Oppvekstutvalet ber om at Gloppen kommune set i gong ei prøveordning der vaksne innvandrarar utan arbeid, som ikkje har rett på norskopplæring får tilbod om inntil 50 timar gratis grunnleggande norskopplæring. Gloppen opplæringssenter får i oppgåve å passe dette inn i si ordinære undervisning. Oppvekstutvalet ber om å få ei evaluering av tiltaket om eit år. Den evalueringa som er bedt om her har ikkje vore gjort og kjem i denne saka. Fakta i saka Gloppen opplærinigssenter (GOS) starta opp dette tilbodet ved skulestart i august Den hausten var det to deltakarar frå Litauen som fekk tilbod om 50 gratis norsk-timar. 49 av desse timane vart brukte i august og elevane fortsette deretter vidare på norsk-kurs resten av skuleåret. GOS har hatt ordninga og registrerer at elevtalet har varieret litt. I snitt har det vore mellom 1 og 3 elevar som nyttar seg av ordninga per semester, og det er difor om lag 10 stk. som har nytta seg av ordninga til no. GOS har hatt døme både på elevar som har gått vidare og elevar som ikkje har gått vidare etter at dei 50 første timane er over. Sidan oppstarten av tilbodet, er det kun 2 elevar som har valt å ikkje fortsetje på norskkurs etter at dei har vore ferdige med startpakken. Desse to fekk derimot fast jobb her på Sandane. Ordninga er meint å gjere det attraktivt for arbeidsinnvandrarar å starte på norskkurs, sidan pengar ofte er ei barriere, spesielt når dei i ein startfase gjerne har låg inntekt. GOS synest at dette er eit svært positivt tiltak av fleire årsaker. Etter at dei 50 første timane er over, får kommunen inntekter på 50 kroner per undervisningstime for elevane som vel å gå vidare på norskkurs. Økonomiske konsekvensar for kommunen Det vil ikkje vere økonomiske konsekvensar så lenge aktuelle kandidatar kan gå inn i etablerte grupper på dagtid. Kostnaden vil vere tida til administrasjon av elevane. Det kan og vere grunnlag for Side 8

9 motivering til å ta vidare timar som er betalte, enten på dag eller kveldskurs. Rådmannen si vurdering GOS si vurdering er at det er lettare for elevane å fortsetje på norskkurs når dei først har starta på skulen. Her får dei god kjennskap til kva språknivå dei bør ha i Noreg for å klare seg godt i arbeid og i samfunnet elles, og mange vert heilt klart motiverte for å lære meir norsk etter at dei har brukt opp timane i startpakken. I tillegg er dette med å bygge eit positivt omdømme for kommunen utad. Det som er viktig vidare er å ha ein klar definisjon av kven som kan ta del i ordninga. Skal det kun vere gratis timar til dei som ikkje er i jobb, eller skal det og vere til elevar som er i jobb, men som likevel har høve til å følgje opplæringa på dagtid. GOS meiner at dersom kommunen definerer dette som ein startpakke for alle som kan følgje undervisninga på dagtid, kan det vere at bedriftene er interesserte i å betale for eit eventuelt norskkurs vidare på dagtid. Det er like fullt viktig å understreke at tilbodet skal gjelde dei elevane som har høve til å følgje undervisninga i etablerte grupper på dagtid. GOS har inntekter på kveldskursa sine og det er eit viktig grunnlag for drifta på skulen. Oppvekstsjefen meiner at det vil vere eit godt tiltak å halde fram med dei gratis timane, definert til dei som kan følgje undervisning på dagtid i allereie etablerte/planlagde grupper. Språket er ein nøkkel til inkludering og arbeid. Oppvekstutvalet Behandling OPP- 029/18 Vedtak Oppvekstutvalet gjer ordninga med 50 gratis timar i grunnleggande norskopplæring permanent. Timane gjeld dei som kan følgje undervisning i allereie etablerte grupper på dagtid, uavhengig om dei er i jobb eller ikkje. Vedtaket var samrøystes. Side 9

10 Gloppen kommune Arkiv: FA - B06 JournalpostID: 18/11279 Saksbehandlar: Per Arne Strand Saksnr. Utval Møtedato 030/18 Oppvekstutvalet Skulerute for grunnskulane i Gloppen Vedlegg i saka: Samordna framlegg til skulerute for elevane i Sogn og Fjordane for Rådmannen si tilråding Med heimel i opplæringslova 2-2 vedtek oppvekstutvalet forskrift om skulerute for grunnskulen i Gloppen kommune skuleåret Forskrifta er i samsvar med samordna framlegg frå skuleutvalet i Sogn og Fjordane med fyrste skuledag måndag 19. august 2019 og siste skuledag fredag 19. juni Skulane har høve til lokale tilpassingar til skuleruta under føresetnad av at dette ikkje fører til auka utgifter for kommunen. Saksutgreiing Bakgrunn for saka Skuleutvalet i Sogn og Fjordane har sendt ut samordna framlegg til skulerute for Framlegget er samordna med fylkeskommunen og vidaregåande skule sine ynskje. Fakta i saka Vedtak om skuleruta er formelt ei forskrift, og skal følgje kravet til sakshandsaming for forskrifter og soleis vere i samsvar med forvaltingslova 37 og 38. Oppvekstsjefen har ikkje sendt ut framlegget til skulane, men informert rektorane om det. Det har difor ikkje vore på høyring på skulane og i FAU. Skuleutvalet i Sogn og Fjordane har vedteke eit framlegg til skulerute som er felles for kommunane og fylkeskommunen. Første skuledag er måndag 19. august 2019 og siste skuledag er fredag 19. juni Den viktigaste samordninga her er feriar og skuleskyss. Økonomiske konsekvensar for kommunen Endringar i framlegget vil ut ifrå gjeldande praksis påføre kommunen meirkostnader til skuleskyss. Rådmannen si vurdering Det er etter opplæringslova med forskrifter kommunen som vedtek forskrift for organisering av skuleruta og dermed skuleåret for grunnskulen. I ein kommune som Gloppen der ein stor del av elevane har skuleskyss er det i praksis vanskeleg å endre på skuleruta utan at det får store økonomiske konsekvensar for kommunen. Det vil og vere vanskeleg å få til samarbeid på tvers av skulane og mellom dei ulike kommunane. Det er slik rådmannen ser det lite som talar for å skulle endre på den framlagde skuleruta. Det må likevel vere rom for lokal tilpassingar for den einskilde skule så lenge det ikkje fører til meirkostnad for kommunen. Med det som bakgrunn fremjar rådmannen vedlagde framlegg til skulerute for grunnskulen i Gloppen kommune Side 10

11 Oppvekstutvalet Behandling OPP- 030/18 Vedtak Med heimel i opplæringslova 2-2 vedtek oppvekstutvalet forskrift om skulerute for grunnskulen i Gloppen kommune skuleåret Forskrifta er i samsvar med samordna framlegg frå skuleutvalet i Sogn og Fjordane med fyrste skuledag måndag 19. august 2019 og siste skuledag fredag 19. juni Skulane har høve til lokale tilpassingar til skuleruta under føresetnad av at dette ikkje fører til auka utgifter for kommunen. Vedtaket var samrøystes. Side 11

12 Gloppen kommune Arkiv: FA - N06, HIST - 17/432 JournalpostID: 18/11281 Saksbehandlar: Per Arne Strand Saksnr. Utval Møtedato 031/18 Oppvekstutvalet Søknad om gratis skuleskyss langs Søreidsvegen Vedlegg i saka: Brev om gratis skuleskyss grunna farleg skuleveg Rådmannen si tilråding Oppvekstutvalet fører vidare dagens ordning med skuleskyss som er i området Evebø/Søreide, for dei som bur innanfor 4 km grensa. Saksutgreiing Bakgrunn for saka Jon Kjartan Evebø har på vegne av bebuarane langs Søreidsvegen, sendt epost om det dei opplever som farleg skuleveg. Innspelet kjem som følgje av oppslag i Firda Tidend etter førre sak vi hadde i oppvekstutvalet. Det er spesielt partiet ved hamrane som vert trekt fram. Fakta i saka Rammene for skuleskyss var sist gått igjennom samla og behandla av oppvekstutvalet i sak 7/10 i Etter det har vore gjort einskildvedtak for enkelte strekningar, sist frå Elvaneset. I sak 24/18 vart det behandla ein søknad frå Arnestad som er innanfor 4 km, som det vert vist til av Evebø. Oppvekstutvalet avslo den søknaden. Evebø viser til at fartsgrensa er 60 km/t, men at mange bilar held høgare fart. Trafikken har auka langs vegen etter at Sundebakken vart stengt for biltrafikk. Det er spesielt strekninga langs «hamrane» som vert trekt fram. Skyssordninga i området er at barneskuleelevar har gratis skuleskyss, sjølv om dei bur innanfor 4 km grensa på grunn av farleg skuleveg. Elevar på ungdomsskulen har ikkje hatt gratis skuleskyss før dei bur utanfor 4 km grensa. For avstandar under 4 km langs hovudrute er det kommunen som må definere om det er farleg skuleveg og ta heile kostnaden med skyssen. Opplæringslova 7.1 seier at elevar i trinn som bur meir enn fire kilometer frå skulen har rett til gratis skyss. For elevar i 1. årstrinn er skyssgrensa to kilometer. Elevar som har særleg farleg eller vanskeleg skuleveg har rett til gratis skyss utan omsyn til veglengda. I rundskriv Udir -3-09, punkt 12 står: Elevar som har særleg farleg eller vanskeleg skuleveg har rett til gratis skuleskyss utan omsyn til avstand mellom heim og skule. Særleg farleg eller vanskeleg skuleveg vert vurdert med omsyn til trafikktilhøve og klima. Vurderinga må sjåast saman med den enkelte elev sin alder og modnad. Omgrepet «særleg farleg eller vanskeleg» inneber at faren ved å ferdast på denne vegen er utanom det vanlege. Økonomiske konsekvensar for kommunen Kostnad med skyss for elevar langs Søreidsvegen vil verte kommunen sin kostnad. For kvar elev er er kostnaden 544,-/mnd eller 5.440,-/år. Vi har ikkje oversikt over kor mange elevar dette vil gjelde, Side 12

13 men kan anslå om lag 5-10 elevar. Rådmannen si vurdering Det første spørsmålet er om vegen er særleg farleg eller vanskeleg og faren er utanom det vanlege. Vegen har tidlegare vore vurdert til å vere farleg og på bakgrunn av det har barneskuleelevar fått skyss. Den har òg vore vurdert til å vere trygg nok for ungdomsskuleelevar til å ferdast på til og frå skulen. Då er spørsmålet om det har endra seg nok frå førre vurdering. Vegen er slik den har vore over tid. Trafikkmønsteret er delvis endra med stenging av Sundebakken, noko som har ført til auka trafikk langs vegen til dei som skal i Åsen/Myklebustflata/Mona. For dei som bur i området er det ikkje alternative vegar for å kome seg til skulen. Vegen om Eide vert for lang. Det eksisterer stiar over Åsen, men kan vi ikkje legge opp til vert brukt som offisiell skuleveg. Planar om gangveg er diskutert, men det foreligg ikkje konkrete planar om det pr i dag. Det mange har gjort i området er å kjøpe busskort, enten for delar av året eller berre om vinteren. Oppvekstsjefen si vurdering er at det er heva over tvil at strekninga langs «hamrane» er ei farleg strekning. Resten av vegen er vurdert som sikker nok for ungdomsskuleeelvar. At det historisk har gått bra er heller ingen garanti for at det vil gå bra i framtida. Oppvekstsjefen landar likevel på at ungdomsskuleelevar er modne nok til å ta seg fram i trafikken, enten til fots eller på sykkel og at det er utgangspunktet for dei som bur innanfor 4 km grensa for skuleskyss. Oppvekstutvalet Behandling OPP- 031/18 Vedtak Oppvekstutvalet fører vidare dagens ordning med skuleskyss som er i området Evebø/Søreide, for dei som bur innanfor 4 km grensa. Vedtaket var samrøystes. Side 13

14 Gloppen kommune Arkiv: JournalpostID: 18/11280 Saksbehandlar: Per Arne Strand Saksnr. Utval Møtedato 032/18 Oppvekstutvalet Kommunestyret Vedteksendring kommunale barnehagar Vedlegg i saka: Vedtekter for kommunale barnehagar Rådmannen si tilråding Kommunestyret godkjenner forslag til endringar i vedtektene for dei kommunale barnehagane slik dei ligg føre. Saksutgreiing Bakgrunn for saka Endring i forskrift og endringar vedteke i samband med barnehageinntak gjer det naudsynt med endringar i vedtektene for dei kommunale barnehagane. Fakta i saka Forslag til endra vedtekter ligg ved saka, der nye formuleringar er utheva med gult og gamal tekst er overstreka. Endringane som er foreslått er: Kapittel 3, 3-2 Søknad, andre avsnitt blir retta frå: Det blir gjort to opptak i året, eit hovudopptak i mars og eit suppleringsopptak i oktober. Søknadsfrist for hovudopptaket er 1. mars. Suppleringsopptaket har søknadsfrist 1. oktober, med oppstart i januar året etter. Fristane blir annonserte på kommunen si heimeside og ved oppslag i den enkelte barnehagen. til Det blir gjort eit hovudopptak i året med søknadsfrist 1. mars. Fristen blir annonsert på kommunen si heimeside og ved oppslag i den enkelte barnehagen. Sjette avsnitt blir retta frå: Dersom det etter hovudopptaket er ledige plassar, skal det gjerast kontinuerleg opptak og nye søknader blir registrerte fram til barnehageåret tek til i august. til: Dersom det etter hovudopptaket er ledige plassar, skal det gjerast kontinuerleg opptak og nye søknader blir registrerte fortløpande gjennom barnehageåret. Kommentar: Forskrifta til barnehagelova er endra slik at begerepa hovudopptak og suppleringsopptak er fjerna, Side 14

15 dette er og i tråd med oppvekstutvalet sitt vedtak 06/18. Bakgrunn for endringa er at suppleringsopptaket i liten grad har kunne innfri forventningane om plass. Kapittel 3, 3-4, fjerde avsnitt blir retta frå: Barn som ønskjer byte av barnehage eller endra opphaldstid i samband med hovudopptaket, må søkje om dette innan 15. februar for å bli prioritert. Tildeling av plass i ny barnehage etter søknad fører automatisk til at tap av plass i den barnehagen barnet flyttar frå. Takkar foreldra/føresette nei til tildelt plass, må det søkjast på nytt i hovudopptaket. til: Barn som ønskjer byte av barnehage eller endra opphaldstid i samband med barnehageopptaket, må søkje om dette innan 1. mars for å bli prioritert. Tildeling av plass i ny barnehage etter søknad fører automatisk til tap av plass i den barnehagen barnet flyttar frå. Takkar foreldra/føresette nei til tildelt plass, må det søkjast på nytt i hovudopptaket. Kommentar: To fristar har ikkje hatt noko praktisk betydning, fordi opptaket har blitt behandla samla og under eit. Det vil vere lettare å forhalde seg til ein frist for dei som skal ha barnehageplass. Kapittel 3, 3-5 Betaling, tillegg til første avsnitt: Reglane om gebyr på papirfaktura gjeld også for foreldrebetalinga i barnehagen. Kommentar: For å få flest mogleg over på elektroniske betalingsformer må det stå i vedtektene at kommunen kan pålegge gebyr for papirfaktura. Kapittel 4, 4-2 Ferie og planleggingsdagar, første avsnitt blir retta frå: Alle barn skal ha ferie frå barnehagen i minst fire veker gjennom barnehageåret. Barna skal ha tre veker samanhengande ferie om sommaren. Barnehagen held stengt to veker i juli månad, og barna må derfor ta ut den tredje veka i samband med desse to vekene. til: Alle barn skal ha ferie frå barnehagen i minst fire veker gjennom barnehageåret. Barna skal ha tre veker samanhengande ferie om sommaren. Barnehagen held stengt tre veker i juli månad. Kommentar: I tråd med budsjettvedtak for Kapittel 5, 5-1 Klage, nytt andre avsnitt: Det er høve til å krevje grunngjeving og klage for alle søkjarar som får avslag eller blir tildelt plass som ikkje er første eller andre ønske i løpet av barnehageåret, uavhengig av når det er søkt om plass eller kva kommunen eller barnehagen vel å kalle opptaket. Kommentar: Det har vore ut på høyring nye reglar for barnehageopptak og tilhøyrande klagerettar. Direktoratet har sendt frå seg si innstilling til departementet, men det er endå ikkje formelt vedteke. Oppvekstsjefen legg likevel tilgrunn at det vil verte vedteke ei formulering i tråd med det som står over. Økonomiske konsekvensar for kommunen Dei økonomiske konsekvensane av sjølve vedteksendringane vil vere minimale og kan vere med å Side 15

16 trekke i positiv lei for kommunekassa. Rådmannen si vurdering Endringane over er konsekvens av tidlegare vedtak eller endringar i forskrift og difor berre ei oppgradering av vedtekene for at dei skal vere i tråd med vedtak og praksis. Rådmannen sine fullmakter i vedtektene er delegerte til oppvekstsjefen og/eller barnehagestyrar i samsvar med delegeringsreglementet. Oppvekstutvalet Behandling OPP- 032/18 Vedtak Oppvekstutvalet tilrår at kommunestyret godkjenner forslag til endringar i vedtektene for dei kommunale barnehagane slik dei ligg føre. Vedtaket var samrøystes. Side 16

17 Gloppen kommune Arkiv: JournalpostID: 18/11273 Saksbehandlar: Per Arne Strand Saksnr. Utval Møtedato 033/18 Oppvekstutvalet Fleire barnehageplassar i Gloppefjordområdet Kort samandrag av saka Det er i barnehage- og skulebruksplanen sagt at vi skal sjå på barnehagekapasiteten rundt Gloppefjorden. Det mest aktuelle er å flytte kapasitet frå Vereide til sentrum og samla auke kapasiteten. Ulike lokaliseringar vert vurdert og ei samla vurdering landar på Øyna i Sandane sentrum som mest aktuell lokalisering av ein framtidig kommunal barnehage. Rådmannen si tilråding Oppvekstutvalet ber rådmann jobbe vidare med å etablere ein kommunal barnehage i Øyna og kome tilbake med ein konkret plan for korleis det kan gjerast inkludert økonomiske vurderingar. Vidare får Rygg barnehage og Bakkelidgrenda barnehage permanent godkjent barnehageplassar tilsvarande godkjent opphalds- og leikeareal i sine barnehagar. Saksutgreiing Bakgrunn for saka I barnehage- og skulebruksplanen står det at vi skal «på sikt vurdere å etablere ein barnehage til i området Sandane sentrum/øyrane/austrheim. Det må skje i dialog med dei barnehagane vi alt har i Gloppen.» Tanken bak denne formuleringa var å få større samsvar mellom kvar barnehagane er lokalisert og kvar dei som søkjer seg til barnehagane bur. Vi har tre opptaksområde i Gloppen, Hyen, Breim og Gloppefjorden. Under normale omstende er det liten mobilitet mellom desse områda. Det har vore noko mobilitet mellom Breim og Gloppefjorden, begge vegar, men i liten grad. Politisk har det vore signalisert at vi i størst mogeleg grad skal tilby plassar der foreldra ynskjer barnehageplass. Fakta i saka Dei to siste barnehageopptaka og barnehageåra har det vore mangel på plassar i opptaksområde Gloppefjorden. Innanfor opptaksområde har det og vore ein skeivheit mellom dei ulike barnehagane. Trykket har vore større på Sørstranda, Bukta og sentrumsområdet enn på Nordstranda. Barnehagane lokalisert på Vereide har ein stor del av sine barn som er busett andre stader enn Nordstranda krins. Etter lova har Gloppen kommune full barnehagedekning, men for familiar med barn som flyttar til Gloppen i vårhalvåret, flyktningfamiliar og familiar som treng barnehageplass midt i året så er det i praksis ikkje ledige barnehageplassar. Rygg barnehage har hatt dispensasjon for godkjenningstalet sitt, slik at dei har kunne ta inn fleire born siste åra. Rygg ynskjer permanent godkjenning for makismalt barnetal utifrå godkjent areal. Det betyr godkjenning av 3 småbarnsplassar til. Nygård har og hatt dispensasjon, men fekk permanent godkjenning for dette i samband med barnehageopptaket våren Nygård barnehage AS har tidlegare signalisert ynskje og vilje til å Side 17

18 bygge ei avdeling til i sin barnehage. Det har dei gått tilbake på, slik at det ikkje er lenger aktuelt å utvide Nygård barnehage AS. Mona barnehage har hatt 7 avdelingar, men har no 6 avdelingar. Den eine avdelinga som tidlegare var i bruk er no brukt til personale som arbeidsplassar og møtelokale. Det er i tråd med auka pedagogtettleik og krav til planleggingstid. Skal den sjuande avdelinga takast i bruk igjen så må det byggast lokalitetar til personalet. Austrheim barnehage har i brev til kommunen signalsert ynskje å vere med på å diskutere ei eventuell flytting til sentrum. Dei skriv vidare at lokala dei har på Vereide no har utfordringar m.a i høve til soverom, oppbevaring av barnevogner, kontorplass til pedagogane og møte/grupperom. Austrheim har historikk frå sentrum tidlegare. Fleirtalet av barna i Austrheim barnehage høyrer heime i Nordstranda krins. Austrheim barnehage signaliserar at om dei skal flytte så vil dei gjerne halde fram som private. Bakkelidgrenda barnehage har og synt forståing for at kommunen vil sjå på barnehageplassane og lokaliseringa av dei. Fleirtalet av borna i barnehagen bur i Sandane krins. Bakkelidgrenda barnehage har søkt om permanent godkjenning på å ta inn born med tilskot på alt godkjent leike- og opphaldsareal. Inneværande barnehageår har Bakkelidgrenda fått midlertidig godkjent fleire plassar fordi det har vore behov for plassane. Bakkelidgrenda er uro for å si framtid om det vert bygt opp mange plassar i sentrum. Dei har sin barnehage på eigen eigedom og det vil vere vanskeleg med alternativ bruk av lokala. Nordstranda barnehage har hatt best søknad av barnehagane på Vereide, med barn frå ulike stader rundt fjorden. Dei signaliserar at dei primært vil vere der dei er i dag med tanke på lokalisering. Tidlegare Vereide skule som husar både Nordstranda og Austrheim er eigd med ein halvdel kvar. Eigarforholdet må verte noko som vert avklart i samband med ei eventuell flytting av ein av dei. Planforum i kommunen som er rådmannen si plangruppe har sett på fleire alternativ for plassering av ein barnehage i sentrum. Dei skriv at i definisjonen av «sentrumsnær» når det gjeld barnehage må det vere eit poeng at arealet ligg i gangavstand frå sentrum. Dei har sett på sirklar med radius på 500 m og 1000 m med sentrum på Heradsplassen. Sirklane gir indikasjonar på nokre avstandar som er relevante i vurderinga, sjølv om reelle gangavstandar i nokre retningar blir vesentleg annleis. Det er viktig å understreke at dette er vurderingar som har vore gjort utan at det har vore kontakt med aktuelle grunneigarar. Det er og vurderingar som har vore nytta i samband med reguleringsplanen for Sandane sentrum. Frå planforum sine vurderingar: Når det gjeld konkret lokalisering drøfta vi først moglege areal innafor Nordstranda skulekrins. Dette gjeld då primært areal ved Utstillingsplassen, nyleg omregulert friområde/leikeplass på gbnr. 69/167 og 168 og område rundt Nordstranda skule. Den første vart forkasta på grunn av plassering, særleg med tanke på manglande turområde i nærleiken. Den andre meiner vi er for liten (ca. 2 dekar). Begge er i grenseland for å kunne kallast sentrumsbarnehagar. Ei plassering ved Nordstranda skule er etter vår vurdering klart utafor denne definisjonen, og vart difor ikkje nærare vurdert. Innafor Sandane skulekrins drøfta vi fire lokalitetar: 1. Steffen Sandene sin eigedom bak Grandeparken 2. Jon Seljeset sin eigedom ved Gloppen ungdomsskule 3. STIL/Gloppen kommune sin eigedom ved STIL-stova 4. Peter Holvik Lothe dødsbu sin eigedom i Øyna, i kombinasjon med Heimevernshuset. Side 18

19 1. Sandene Området er i dag regulert til bustadformål. I forslag til ny reguleringsplan er det avsett til LNFområde med næringsverksemd knytt til garden. Isolert sett er arealet stort nok og godt eigna, og ein kunne gjerne også utvikle ein barnehage med utgangspunkt i garden og gardshistoria. Kombinasjonen mot parkområdet i fjæra er heller ikkje dumt. Det store ankepunktet mot plasseringa er at det ligg på nedsida av Sørstrandsvegen, slik at alle utflukter utover vandring i fjæra krev kryssing av vegen. Tilkomst-/parkeringsforholda er heller ikkje dei beste, men det kan diskuterast kor sterkt det skal vektleggast for ein sentrumsbarnehage. Det kan vel også ha betydning at Grandeparken er etablert etter frivilleg og lite langsiktig avtale med grunneigar, og at vi har grunn til å tru at han vil vere negativ til at arealet blir beslaglagt til barnehage. 2. Seljeset Området er regulert til offentleg formål, og har «i alle år» vore tenkt som reserveareal for skulane. Sjølv om området er stort nok og på alle måtar greitt plassert for ein barnehage, bør ein i alle fall vente til nødvendige konklusjonar omkring Sandane skule sine utvidingsbehov er trekt før arealet blir teke i bruk til noko anna enn skule. 3. STIL-stova STIL har svært begrensa bruk av STIL-stova, og det kan gjerne vere råd å få kjøpe huset og bygge det om til barnehage. Plasseringa er fin med tanke på turmoglegheiter og infrastruktur/sentralitet, men tomta er lita. Det har ikkje vore nøye vurdert kor godt eigna bygget er til formålet. Bruk til barnehage krev omregulering, og aktuelt areal ligg mest utafor areal der planarbeid pågår. Dersom ein skal halde fast på at parkeringsplassen her må oppretthaldast og kanskje helst utvidast, er det utfordrande å få til tilstrekkeleg uteområde. Vi såg på ulike løysingar for å ta delar av idrettsplassen i bruk til uteområde. 4. Øyna Øyna er i dag regulert til offentleg føremål. Det same er heimevernshuset. Den delen av gbnr. 74/191 som ligg på sørsida av Teina er regulert til bustadformål med tilkomstveg til gbnr. 74/198. I forslaget til ny sentrumsplan er Øyna førebels avsett til barnehage og området sør for Teina til kombinert bustad/hotellformål. Området ligg sentralt på Sandane, men likevel bra skjerma og med gode parkeringsmoglegheiter i nærleiken. Gode turmoglegheiter t.d. oppover langs elva til Jølet. Ny bru over Holvikelva vil bli ei gangbru, og Teina vil då bli stengt for biltrafikk. Det gir større moglegheiter til å tenkje barnehageområde på begge sider av Teina. Det var også drøfta om ein strengt tatt treng Teina som gjennomgåande gangveg, og konklusjonen vart at den framleis bør vere det. Omsynet til grunneigar sine ønske og behov var drøfta, og med å ta i bruk areal også på sørsida av Teina bør det vere mogleg å ivareta fleire interesser. Det var då også nemnt at krysset Teina Søratrandsvegen bør utvidast med tanke på buss og varelevering til hotellet, og at det kan tvinge seg fram ny tilkomst til Glassikring sitt bygg når fylkesvegbrua over Holvikelva skal takast att. Planforum si samstemte oppfatning er at dette er det beste området for ein sentrumsbarnehage på Sandane, og at ein bør ta ein prat med grunneigar eller grunneigar sin representant om dette, og sjå om det også er mogleg å ivareta grunneigar sine ønskje. Heimevernshuset og tomta ved sida av det bør inngå i barnehageområdet, og bygg bør fortrinnsvis plasserast her slik at større del av Øyna kan takast vare på som gardstun/park/uteområde for barnehage. Vi reknar det ikkje som aktuelt å bygge om Heimevernshuset. Økonomiske konsekvensar for kommunen Ja, men det vil vere for tidleg no å konkretisere kostnadane med ein ny barnehage. I ei økonomisk vurdering må det og gjerast vurderingar kring betydninga av om det er ein privat eller kommunal barnehage. Side 19

20 Rådmannen si vurdering Barnehageplassar er ein sentral faktor for familiar som skal vurdere flytting og busetjing. Det er av og til uttalt politisk at alle som vil flytte til Gloppen skal få barnehageplass på kort tid. Sjølv om mykje handlar om plassar i ein slik diskusjon må vi heller ikkje gløyme at kvaliteten på tilbodet er viktig. Noko av det som definerar kvaliteten er relasjonane som vert etablert mellom barna og barna og dei vaksne. Det må vi ikkje gløyme i ein diskusjon der vi fort tenkjer at det handlar om brikker vi flyttar rundt på. Her er barnegrupper som skal etablerast og fungere og som skal kjennast trygge for alle barna. Oppvekstsjefen meiner at det mangfaldet vi har av barnehagar med ulik profil i Gloppen er noko vi skal prøve å ta vare på, det betyr gode valmogelegheiter for foreldrene. Slik barnehageopptaka har vore dei siste åra har det vore vanskeleg å få ynskja til foreldre og plassane vi kan tilby til å gå i hop på ein god måte. Oppvekstsjefen si vurdering er at det er rett tidspunkt å gå vidare med tanken på etablering av ein barnehage som er lokalisert i eller nær tettstaden Sandane, eller Fjordlandsbyen om vi vil. Ein ny barnehage må og ikkje berre flytte kapasitet frå ein stad til ein annan, men og auke barnehagekapasiteten samla sett. Det naturlege vil vere å flytte på plassane på Vereide, der det er mest barnehageplassar i høve behova i nærområdet. Sjølv i Gloppen er det ikkje alle som disponerar bil og det talar for ein sentrumsnær barnehage. Definisjonen av sentrumsnært er ikkje eksakt, men oppvekstsjefen er samd med planforum sine vurderingar om at det må vere i gangavstand for mange. Eit anna spørsmål som må avklarast i etablering av ein ny barnehage eller flytting av ein eksisterande barnehage er eigarskap. Gloppen kommune har i dag 3 kommunale barnehagar og 5 private barnehagar. I Gloppefjordområdet er det 5 private og ein kommunal. Det er noko som ein vidare prosess må avklare, men oppvekstsjefen ser det som naturleg at skal kommunen engasjere seg sterkt i å få etablert ein ny barnehage så bør den vere kommunal. Då vil vi ha større styring med inntakskriterium, vi kan sjå personale og andre ressursar i samanheng med dei andre kommunale barnehagane. Det vil likevel vere rett å gå i dialog med eksisterande barnehagar på dette. Å vurdere behovet for kapasitet framover er vanskeleg og ingen eksakt vitenskap. Folketalsframskrivingar tyder på at vi kan klare oss med den kapasiteten vi har meir eller mindre. Gloppen har likevel ambisjonar om å vere ein kommune i utvikling og vekst. Det politiske slagordet «tilflyttarkommune nummer ein» forpliktar og på barnehagesida. Skulle vi etablere meir kapasitet enn det som det vil vere behov for vil nokre barnehagar enkelte år ha mindre grupper enn det kapasiteten tilseier. Det går å styre inntaket slik at vi får nytte personalet på best mogeleg måte. Det vil likevel vere viktig at vi ikkje overetablerar plassar som gjer at nokon av dei eksisterande barnehagane får problem med sin eksistens. I samband med denne runda vil oppvekstsjefen gjere dei midlertidige plassane i Rygg barnehage permanente, som er 3 småbarnsplassar. Det same vil vi gjere med plassane i Bakkelidgrenda barnehage som dei har dispensasjon for i år. Tal plassar her vil variere om det er små eller stor barnsplassar. Alternativet til å etablere/flytte ein barnehage vil vere å bygge ut eksisterande barnehagar med fleire plassar. Utifrå kjennskapen til eksisterande barnehagar i området så er ikkje det så aktuelt både utifrå interesse og tilgjengeleg areal. Nokre kommunar har ordning med barnehagebuss som kan fungere som ei avdeling. Oppvekstsjefen vil ikkje gå vidare med vurdering av barnehagebuss. Alt i alt meiner oppvekstsjefen at det mest framtidsretta vil vere å få etablert ein kommunal barnehage i område Øyna, der vi tek vare på dei eksisterande barnehagane i prossessen. Enten at ein av dei vert flytta og reetablert eller kommunen tek over og gjer den kommunal med tilhøyrande personal. Side 20

21 Oppvekstutvalet Behandling Framlegg til vedtak frå Venke Kollbotn, KRF og Hege Lothe, SV: Oppvekstutvalet ber rådmann jobbe vidare med å etablere ein kommunal barnehage i Sandane området og kome tilbake med ein konkret plan for korleis det kan gjerast inkludert økonomiske vurderingar. Vidare får Rygg barnehage og Bakkelidgrenda barnehage permanent godkjent barnehageplassar tilsvarande godkjent opphalds- og leikeareal i sine barnehagar. Framlegg til vedtak frå Bernt Reed, SP og Svein Ottar Sandal, KRF: Oppvekstutvalet ber rådmann jobbe vidare med å etablere ein sentrumsnær barnehage og kome tilbake med ein konkret plan for korleis det kan gjerast inkludert økonomiske vurderingar. Vidare får Rygg barnehage og Bakkelidgrenda barnehage permanent godkjent barnehageplassar tilsvarande godkjent opphalds- og leikeareal i sine barnehagar. Røysting: Rådmannen si tilråding - fekk ikkje nokon røyster. Framlegget frå Venke Kollbotn, KRF og Hege Lothe, SV - fekk 2 røyster. Framlegget frå Bernt Reed, SP og Svein Ottar Sandal, KRF - fekk 4 røyster. OPP- 033/18 Vedtak Oppvekstutvalet ber rådmann jobbe vidare med å etablere ein sentrumsnær barnehage og kome tilbake med ein konkret plan for korleis det kan gjerast inkludert økonomiske vurderingar. Vidare får Rygg barnehage og Bakkelidgrenda barnehage permanent godkjent barnehageplassar tilsvarande godkjent opphalds- og leikeareal i sine barnehagar. Vedtaket var samrøystes. Side 21