MELDING OM DELEGERT VEDTAK. Sakshandsamar: Thomas Winther Leira Arkivsak nr: 2015/119 Delegert sak nr: 69/15 Arkiv: 99/353 Vedtaksdato:

Transkript

1 ØRSTA KOMMUNE Byggesak og oppmåling MELDING OM DELEGERT VEDTAK Sakshandsamar: Thomas Winther Leira Arkivsak nr: 2015/119 Delegert sak nr: 69/15 Arkiv: 99/353 Vedtaksdato: ENKELTVEDTAK med klagerett i samsvar med forvaltningslova kap. 6 DELEGERT VEDTAK - DISPENSASJON - GNR/BNR 99/353 - LØYVE TIL OPPFØRING AV 2-MANNSBUSTAD - KNUT PETTER KLEPPE VEDTAK: A. Med heimel i 19-2 i plan- og bygningslova (pbl) vert det gjeve dispensasjon frå kommunedelplan for Vartdal 1 om krav til utarbeiding av reguleringsplan, slik at det kan oppførast tomannsbustad på gnr/bnr 99/353 som vist på situasjonsplan datert og pla- snitt og fasadeteikningar datert Kommunen legg vekt på at det ikkje kan være særleg tvil om korleis denne eigedomen bør utnyttast med unntak av tilhøvet til mønehøgde, utnyttingsgrad og byggegrenser. Etter ei samla vurdering finn kommunen at omsyna som reguleringsplanen sitt krav til utarbeiding av reguleringsplan skal ivareta ikkje vert vesentleg tilsidesette og at fordelane med å gi dispensasjon er klart større enn ulempene, jf. plan- og bygningslova 19-2 og vurderingar under. B. Med heimel i 21-4 i pbl av 27. juni 2008 nr. 71, med tilhøyrande forskrifter, vedtekter og delegasjonar frå seksjonsleiar tekniske tenester datert , vert det gitt løyve til oppføring av 2-mannsbustad under dei føresetnadar som vist under. C. Følgjande dokument ligg til grunn for godkjenninga: 1. Situasjonsplan, datert , innreg Plan-, snitt- og fasadeteikningar, daterte , innreg Gjennomføringsplan, datert , innreg D. Det vert sett følgjande vilkår i saka: 1. Eigedomen skal knytast til offentleg vassforsyning og godkjent avløp i samsvar med godkjent teknisk plan for området. Takvatn/overvatn skal førast til terreng. Tilknyting til vatn og avløp skal avklarast med eining kommunalteknikk, og vedlagte abonnementskort for tilknytingspunkt skal innsendast før det vert søkt mellombels bruksløyve/ferdigattest. 2. Tiltaket må stikkast ut (plasserast i terrenget) av kvalifisert personell. 3. Bygningen skal plasserast i høgde og horisontalplan som vist i søknaden innanfor ein toleranse på max ± 0,2 m, jf. byggesaksforskrifta 6-3. Toleransekrav gjeld ikkje

2 avstand til regulert byggegrense, byggegrense langs offentleg veg (veglova 29) eller avstand til nabogrense (pbl 29-4). E. Følgjande føretak vert godkjende i samband med denne søknaden, jf. kap. 9 i byggesaksforskriften (SAK 10) og pbl 22-3 : Føretak og organisasjonsnr. K P Kleppe AS, Per Mulvik AS Funksjon (SØK, PRO, UTF, kontroll) SØK, PRO, UTF kontroll Beskriving av ansvarsområdet (arbeid) Heile tiltaket Uavhengig kontroll Tiltaksklasse 1 1 F. Før bygget kan takast i bruk, må søknad om ferdigattest eller eventuelt mellombels bruksløyve leverast inn og vere godkjent av kommunen, jf. pbl Dette løyvet og dei kart og teikningar det viser til, skal alltid vere tilgjengeleg på byggeplassen. Utskrift: K P Kleppe AS Morkavegen VOLDA Kopi til: Christian Vartdal og Kari Ellen Vartdal Sætrekroken VARTDAL Saksdokument: I Gnr/bnr 99/353 - Søknad om Knut Petter Kleppe tiltak etter 20-1 tomannsbustad Vartdal I Søknad om dispensasjon frå K P Kleppe kommunedelplanen sine krav om regulering I Merknad til nabovarsel Christian og Kari Ellen Vartdal I Søknad om ansvarsrett Per Per Mulvik AS Mulvik AS I Situasjonsplan Knut Petter Kleppe AS I Situasjonsplan - Knut Petter Kleppe Nabosamtykke I Gnr. 99 bnr. 353 i Ørsta Statens vegvesen Region midt kommune - Oppføring av tomannsbustad - byggeavstand fv. 67 U Gnr/bnr 99/353 - Søknad om oppføring av to-mannsbustad Møre og Romsdal fylkeskommune - Knut Petter Kleppe U Gnr/bnr 99/353 - Vedkomande søknad om oppføring av 2-mannsbustad - Knut Petter Kleppe K P Kleppe AS

3 U Gnr/bnr 99/353 - Løyve til Statens vegvesen Region midt oppføring av to-mannsbustad mindre enn 15m frå regulert gangveg til fylkesveg 61 - Knut Petter Kleppe I Situasjonsplan 15m Knut petter Kleppe I Brev Statens Vegvesen I Ørsta kommune - oppføring av to-mannsbustad gbnr Møre og Romsdal fylkeskommune 99/353 - Knut Petter Kleppe - dispensasjon fra kommuneplan I Vegrett Arve Sætre Saksopplysningar: Beskriving av tiltaket Det ligg føre søknad, datert , innregistrert , om løyve til oppføring av 2- mannsbustad. Frittståande garasje er vist på situasjonsplan og plassert søraust for bustaden. Inn- og utkøyring er tenkt vinkelrett på privat veg. Garasjen er ikkje byggemeldt. Ansvarleg søkjar og tiltakshavar er K P Kleppe AS. Gjeldande plangrunnlag Eigedomen er i gjeldande reguleringsplan RTK-0110.D, Vartdal- Kommunedelplan, eigengodkjent regulert til bustader. Dispensasjon Det er søkt om dispensasjon, jf. pbl 19-1, frå 1 i reguleringsføresegnene, vedkomande krav om regulering med følgjande grunngjeving: Det er gjeve dispensasjon for liknande tiltak tidlegare. Huset som skal byggjast er godt tilpassa omgjevnadane. Nabovarsling (pbl 21-3) Tiltaket er nabovarsla, sist datert Det ligg føre merknad frå nabo Christian og Kari Ellen Vartdal, eigar av gnr 99, bnr 309, datert , som viser til tidlegare merknad i anna sak på same eigedom, datert Merknaden legg fram at tiltaket er til ulempe for gnr/bnr 99/309 når det gjeld utsyn og skuggelegging av uteplass, terrasse. I merknad til tidlegare byggesak er det lagt fram ulemper knytt til trafikkauke i område der det oppheld seg små born. Ansvarleg søkjar sine kommentarar til merknader: - Bygget er no flytta slik at det vert plassert meir en 4 m frå eigedomsgrense og 15m frå fylkesvegen. - Vegrett for gnr/bnr 99/353 over 99/10 er framlagt, datert Grad av utnytting Grad av utnytting er i søknaden oppgitt til 25% BYA.

4 Tiltakets areal / bygningsopplysningar som vert ført i matrikkelen Eksisterande bygg Ny del 1 Ny del 2 Sum Utbygd areal (BYA) 0 m² 130 m² 130 m² 260 m² Bruttoareal 0 m² { } m² { } m² { } m² Antall brukseiningar Antall etasjar Fordeling av bruksareal (BRA) pr. etasje L01 0 m² { } m² { } m² { } m² H01 0 m² 107 m² 107 m² 214 m² K01 0 m² { } m² { } m² { } m² Sum BRA for bygningen 0 m² 107 m² 107 m² 214 m² Antall rom Antall bad Antall WC Skorstein/røykløp røykløp i kvar bueining? JA JA 2 Utforming av tiltaket / visuelle kvalitetar (pbl (28-7,) 29-1 til 29-3) Tiltaket er vurdert til å ha ei tilfredsstillande estetisk utforming. Sikkerheit mot naturpåkjenningar (pbl 28-1) Det er opplyst at bygningen skal plasserast i område som ikkje er utsett for fare for flom, skred eller andre natur- og miljøtilhøve. Plassering av tiltak (pbl 29-4) Bygningens plassering er vurdert som tilfredstillande. Tilkomst og parkering (veglova og pbl 27-4 og 28-7) Eigedomen har tilkomst til privat veg. Vegrett er dokumentert gjennom avtale datert Vassforsyning og avløp (pbl 27-1 og 27-2) Eigedomen skal tilknytast offentleg vassforsyning og avløpsanlegg. Ansvar og kontrollomfang (pbl 23-1 og SAK 9-3, 14-3 og 14-5) K P Kleppe AS søkjer ansvarsrett som ansvarleg søkjar, ansvarleg prosjekterande og ansvarleg utførande for heile tiltaket. Føretaket har sentral godkjenning som er dekkjande for tiltaket. Per Mulvik AS søkjer ansvarsrett som ansvarleg kontrollerande for uavhengig kontroll i tiltaksklasse 1. Føretaket har sentral godkjenning som er dekkjande for tiltaket. Gjennomføringsplan Det er innlevert gjennomføringsplan frå ansvarleg søkjar, datert Ved søknad om ferdigattest / mellombels bruksløyve må oppdatert gjennomføringsplan innleverast til kommunen. Ansvarleg søkjar skal datere og signere planen kvar gong den skal innsendast, jf. 5-3 i byggesaksforskriften (SAK10).

5 Uttale frå andre styresmakter (pbl 21-5) Statens vegvesen: I vårt skriv datert vart det fatta vedtak om at bygg på eigedomen 99/353 kunne oppførast 15 m frå vegmidte fylkesveg 67. Vi ser ingen grunn til å oppheve dette vedtaket Det vert gitt løyve til oppføring av tre-mannsbustad på eigedomen gnr. 99 bnr. 353 i ein avstand av 15 meter frå vegmidte på fylkesveg 67, som vist på tilsendt kart datert Det er in føresetnad at tilkomst til fylkesveg skjer via privat veg søraust for eigedomen. Møre og Romsdal fylkeskommune: Kulturminnet de skildar er bodordshella i Pegarden. Ho er røyst sekundært der ho no står. Ho låg opphaveleg i gamletunet på Sætre, i tunområda der Gullikegarden bnr 1 og Åmdegarden i dag ligg. Hella som har hogge inn med dei 10 bodorda i konsentriske sirklar og årstalet 1599, er eit eldste vitnemålet om skrivekunne på bygdene denne tida og såleis eit svært viktig kulturminne frå eldste del av nyare tid. Hella er freda av di segna seier dette var ein bauta som før sto på Stupeneset. Hella er tilrettelagt med skilting og fortener litt rom rundt seg mot sjø. Men utifrå omsynet til hella har vi ingen merknad til utbygging på oppsida av vegen slik her er tenkt og planlagt. Vurdering og konklusjon: Nabomerknader Nabo mot sør, gnr/bnr 99/309, viser til klage og klagehandsaming i tidlegare byggesak på same eigedom. Dei viser til at tiltaket fører til større ulemper for dei når det gjeld utsyn og skuggelegging av uteplass. I tidlegare byggesak på same eigedom har nabo merknader som går på trafikktilhøve. Dei gir uttrykk for at dei kan akseptere ein einebustad med avkøyrsle for garasje og biloppstillingsplass. Søkjar har etter dette flytta tiltaket slik at bygget er plassert lenger nord og 4,5 m frå eigedomsgrense. Enkelgarasje nord på eigedomen er fjerna og enkelgarasje og to biloppstillingsplassar sør på eigedomen vert erstatta med ein dobbelgarasje. Bilsoppstillingsplassar vert flytta til bustadane sitt inngangsparti. Kommunen legg til grunn at søkjar delvis har kome merknaden i møte. Det kjem ikkje fram i saka om endringa er varsla til eigarane av gnr/bnr 99/309. Kommunen legg likevel til grunn at endring frå enkelgarasje og to biloppstillingsplassar til dobbelgarasje utan biloppstillingsplassar er ei mindre endring som kan aksepterast utan ny nabovarsling. I vurderinga er det teke omsyn til at situasjonsplan viser plassering av framtidig garasje som ikkje er byggemeldt no, og at nabo vil få kopi av vedtaket vedlagt ny situasjonsplan, slik at naboen sin rettstryggleik er ivareteke ved klageretten. Når det gjeld merknader knytt til utsyn og skuggelegging av uteplass, kan dette etter kommunen sitt syn ikkje tilleggast betydeleg vekt. Området er i kommuneplan avsett til bustadføremål og naboar må pårekne bygging på eigedomen. Det vil legge urimelege begrensningar på ei relativ lita tomt dersom ein skulle legge til grunn at naboeigedomen ikkje skal tape utsyn til fjorden. Kommunen har vanskar med å sjå at bygging nord/nordvest for eigedomen skal kunne skuggelegge uteområdet i vesentleg grad. Når det gjeld trafikk forbi eigedomen kan kommunen ikkje sjå at ein tomannsbustad gir ein samla trafikkauke forbi

6 naboeigedomen som er vesentleg større enn dersom det vert bygd ein einebustad. Kommunen finn derfor ikkje å kome naboen sin merknad i møte. Dispensasjon Plan- og bygningslova sine vilkår for å kunne gi dispensasjon er at omsyna som føresegna skal ivareta ikkje vert vesentleg tilsidesett, og at fordelane med å gi dispensasjon er klart større enn ulempene. Omsyna som kravet til utarbeiding av reguleringsplan skal ivareta er å sikre at området vert utbygd etter heilskaplege løysingar og at dette vert gjort på ein måte som sikrar offentlegheit, samråd og medverknad. Vidare vil ein reguleringsplan styre utnytting av tomta, tilkomst, storleik og tal på bueiningar. Eigedomen som ligg nord for omsøkte eigedom, gnr/bnr 99/315 vart frådelt frå gnr/bnr 99/10 i 1998 (kommunen sitt arkivsaknr. 98/02443). Frådeling skjedde ved dispensasjon frå kommuneplan, og det vart sett som vilkår at eigedomen skulle knytast til privat veg mot sør og knytast til eksisterande avkøyrsle til fylkesvegen. Det kjem og fram av saka at tomtegrenser vart justert for å legge til rette for ei tomt mellom 99/315 og 99/309. Det må derfor leggast til grunn at kommunen allereie i 1998 tok stilling til kvar den private vegen skulle ligge og kva eigedomar som skulle ha tilkomst frå denne vegen. Dåverande eigar av gnr/bnr 99/309 hadde ikkje merknader til dette. Det vart gitt byggeløyve for eit kjeda bustadhus med to bueiningar på eigedomen i 2009, med tilsvarande føresetnad for plassering av tilkomstveg. Kommunedelplan for Vartdal som vart stadfest i 2006 føreset at tilkomst til dette arealet skjer frå regulert veg som ligg om lag der avkøyrsle frå fylkesvegen er i dag. Ein må derfor legge til grunn at ein eventuell reguleringsplan ikkje kan flytte plassering av den private tilkomstvegen eller legge andre føringar for infrastuktur til eigedomane som ligg i området med krav til reguleringplan. Det kan ikkje være særleg tvil om korleis gnr/bnr 99/353 kan utnyttast med unntak av tilhøvet til mønehøgde, utnyttingsgrad og byggegrenser. Med tanke på høgd og størrelse er bygget svært beskjedent, utnyttinga er under normalen (25%BYA) og tiltaket held seg innanfor pbl 29-4 med tanke på avstand til nabogrense, gesimshøgd og mønehøgd. Etter kommunen sitt syn vil derfor eit krav om å utarbeide reguleringsplan for å kunne bebygge denne eigedomen utløyse relativt store kostnader, utan at ein oppnår noko anna enn det ein oppnår ved å handsame dette som ein dispensasjon. Etter ei samla vurdering finn kommunen derfor at omsyna som kommunedelplanen sine krav til utarbeiding av reguleringsplan skal ivareta ikkje vert vesentleg tilsidesette. Omsøkte eigedom er siste ubebygde eigedomen med krav til utarbeiding av reguleringplan aust for fylkesvegen. Etter kommunen si vurdering er fordelane knytt til ei rask og rimeleg utbygging av denne eigedomen ein klart større fordel enn ulempene som fylgjer av at eigedomen ikkje vert regulert. Vilkåra for å gi dispensasjon er derfor stetta, jf. plan- og bygningslova Kåre Hjelle einingsleiar Thomas Winther Leira avdelingsingeniør

7 Sakshandsamingsgebyr: Bustad og fritidsbygning (også rorbu) (bygningstypekode og ): kr ,- Bueining nr. 2 til og med nr 5 i same bygning pr. bueining:1 kr. 2100,- Dispensasjon handsama administrativt: kr. 5500,- Sum: kr Generelle opplysningar Bortfall av løyve, jf. plan- og bygningslova 23-1 Er tiltaket ikkje sett i gong seinast 3 år etter at rammeløyve / byggeløyve er gjeve, fell løyve bort. Det same gjeld dersom tiltaket vert innstilt i lengre tid enn 2 år. Føregåande avgjerd gjeld tilsvarande for dispensasjonar. Fristane kan ikkje forlengast. Vert eit tiltak innstilt i lengre tid enn 3 månader, kan kommunen krevje at stillas og innhegning som støyter mot veg / gate som er open for offentlig trafikk skal fjernast, og at gate og fortau vert rydda og sett i stand. Vert eit tiltak ståande utan framdrift i lengre tid enn 1 år, skal stillas fjernast og anlegget / tiltaket setjast i slik stand at det verkar minst mogleg til sjenanse for omgjevnadane. Varer dette lenger enn 2 år, kan kommunen krevje at tiltaket skal fjernast og at tomta / anlegget vert rydda. Ved reparasjon / ombygging, avgjer kommunen i kva for utstrekning byggverket skal førast tilbake til sin opphavlege stand. Løyve til tiltak etter 20-1 første ledd bokstav m fell bort dersom det ikkje er rekvirert oppmålingsforretning etter lov om eigedomsregistrering innan tre år etter at løyve vart gjeve, eller dersom matrikkelføring vil vere i strid med lov om eigedomsregistrering. Opplysningar om rett til å klage over forvaltningsvedtak Klagerett De har rett til å klage over eit forvaltningsvedtak. Kven kan De klage til? Klagen skal sendast til det kommunale organet som har gjort vedtaket. Dersom dette organet ikkje endrar vedtaket som følgje av klagen, vil den bli oversendt til Fylkesmannen til endeleg avgjerd Fristen til å klage Klagefristen er 3 veker frå den dagen melding om vedtaket kom fram til Dykk. Det er nok at klagen er postlagt innan fristen er ute. Dersom De klagar så seint at det kan vere uklårt for oss om De har klaga i rett tid, ber vi Dykk opplyse når De mottok denne meldinga. Om De har særleg grunn til det, kan De likevel søkje om å få forlenga klagefristen. Årsaka til behovet for forlenga klagefrist bør då oppgjevast. Rett til å krevje grunngjeving Dersom De ikkje alt har fått grunngjeving for vedtaket, kan De setje fram krav om å få det. Eit slikt krav må setjast fram før klagefristen er ute. Klagefristen blir i så fall avbroten, og ny frist blir rekna frå det tidspunktet De får grunngjevinga. Innhaldet i klaga I klagen skal De skrive kva for eit vedtak De klagar på, og nemne den eller dei endringane som De ønskjer. De bør også grunngi kvifor De klagar, og ta med eventuelle andre opplysningar som kan telje med når ein skal vurdere klagen. Klagen må underskrivast Utsetjing av vedtak Sjølv om De har klagerett, kan vedtaket vanlegvis setjast i verk straks. De kan likevel søkje om å få dette utsett til klagefristen er ute eller til klagen er avgjort. Rett til å sjå saksdokumenta og til Med visse avgrensingar har De rett til å sjå saksdokumenta. De må i så fall vende Dykk å krevje rettleiing til det kommunale organet som har sendt denne meldinga. De kan også få nærare rettleiing om klageretten, om korleis De skal gå fram når De klagar, og om reglane for saksbehandlinga elles Klage til Sivilombodsmannen Det er også mogeleg å be Stortingets ombodsmann for forvaltningssaker / Sivilombodsmannen om å sjå på sakshandsaming / eventuelt avgjerd hos fylkesmannen. Sivilombodsmannen har ikkje høve til å behandle saker som er avgjorde av Kongen i statsråd. Dersom klaga Dykkar blir avgjort i statsråd fordi Kongen er klageinstans, kan De difor ikkje seinare få saka Dykkar inn for Sivilombodsmannen.

8

9 ØRSTA KOMMUNE Namn: Adresse: TYPE ABONNEMENT Einebustad Industri Hytte DATA OM LEIDNINGANE Vassleidning Spillvassleidning Overvassleidning TILKOPLINGSDATA Vassleidning Spillvassleidning Overvassleidning Butikk ABONNEMENTKORT RØRLEGGJAR Firma: Dato: Anm.nr.: Dimensjonar Materiale PN Klammer T-rør Leidning Kart nr. Kum Avst(m) Kart nr. Ku m Avst.(m) SPESIELLE INSTALLASJONAR Reduksjonsventil Slamavskiljar KOORDINATAR STOPPEKRAN KOORDINATAR TILKOPLINGSSTAD X: Y: VL X: Y: SP X: Y: O V X: Y: Symjebasseng Olje- og Bensinutskiljar Utvendig stoppekran, tilkoplingsstad, kummar m.m. skal visast og målsettast nøyaktig.

10