Kostar hjorten meir enn han smakar?

Transkript

1 Bioforsk Rapport Vol. 5 Nr Kostar hjorten meir enn han smakar? Del 1: Berekning av kostnad og nytteverdi av hjort i Eikås storvald i Jølster kommune Pål Thorvaldsen, Samson L. Øpstad, Arve Aarhus, Erling Meisingset, Åsmund Austarheim, Hans Lauvstad og Magnus Mo. Bioforsk Vest Fureneset

2

3 Hovedkontor Frederik A. Dahls vei 20, 1432 Ås Tlf: Fax: Bioforsk Vest Fureneset Fureneset 6967 Hellevik i Fjaler Tlf: fureneset@bioforsk.no Tittel/Title: Kostar hjorten meir enn han smakar? Del 1: Berekning av kostnad og nytteverdi av hjort i Eikås storvald i Jølster. Forfattar(e)/Autor(s): Pål Thorvaldsen, Samson L. Øpstad, Arve Aarhus, Erling Meisingset, Åsmund Austarheim, Hans Lauvstad, Magnus Mo. Dato/Date: Tilgjengelighet/Availability: Prosjekt nr./project No.: Arkiv nr./archive No.: 15. mars 2010 Åpen Rapport nr: ISBN-13 nr.: Antall sider/number of pages: 5(59) Antall vedlegg/number of appendix: Stikkord/Keywords: Hjort, beiteskader av hjort, hjorteforvalting Fagområde/Field of work: Grovfôr og kulturlandskap Samandrag Hovudmålsetjinga med prosjektet Kostar hjorten meir enn han smakar? er å utvikle metodar for å berekne inntekter og utgifter som hjorten representerer for den enkelte grunneigar, og samla innafor eit avgrensa område (storvald). Som referansevald for berekningar av nytte- og kostnadsverdi har ein nytta Eikås storvald i Jølster kommune. I valdet vart skadeomfanget etter beiting av hjort berekna på all innmark og all granskog i hogstklasse III og IV, samt furu i hkl II. Verdien på ein foreining grovfôr vart relatert til prisen på kraftfôr med eit fråtrekk for sparte haustekostnadar, og fastsett til 2,28 kr. Når ein la denne prisen til grunn vart avlingstapet berekna til 109 kr pr daa i snitt for all innmark i valdet. I desse berekningane har ein teke omsyn til kostnadar knytt til auka behov for engfornying og ein har teke omsyn til at beiting i attleggsåret gir eit avlingstap som vert akkumulert i dei etterfølgjande engåra. Resultatet for skog synte at dei årlege kostnadane på gran i hkl III og IV i snitt var kr 26,60 pr daa og på furu kr 2,80 pr daa, når ein legg til grunn veksetida fram til kulminasjon og hogst. Desse resultata er først og framt gyldige for Eikåsvaldet med dei tilhøva ein finn der i høve til bestandstettleik av hjort, arealfordeling og korleis jord- og skogbruk vert praktisert ved dyrking av eng og skjøtsel av skog, mellom anna så er truleg resultatet frå furu noko lågt på grunn av underoptimalt tretal i dei takserte bestanda. Det samla skadeomfanget i valdet vart samanstilt med inntektene generert gjennom jakt og utleige av jaktløyve. Dette ga eit knapt overskot for valdet på kr pr år. Godkjent / Approved Prosjektleder/Project leader Navn og tittel Navn prosjektleder

4 3

5 Føreord Bestandsveksten av hjort på Vestlandet har vore formidabel over mange år og tilført landsdelen ein ressurs som skaper glede for nokon og irritasjon for andre. I desse dagar når denne del-rapporten vert sluttført, ligg mange dekar innmarksareal heilt eller delvis brakk i landsdelen og det ligg grovfôr til overs etter fjorårets rekordavlingar på mange gardar. Fleire vil hevde at det dermed ikkje kan vere eit problem at ein del av grasavlinga tilfell hjorten i eit område der husdyrproduksjonen elles er i ferd med å verte trappa ned. Hjorten har synt seg å favorisere ny eng, og den vil derfor gjere størst skade hos dei som praktiserar regelmessig engfornying om tilhøva kring elles ligg til rette. Den rammar av den grunn dei mest aktive bøndene som ønskjer å utøve si verksemd under mest mogeleg optimale tilhøve. Desse bruka er berebjelken i det framtidige vestlandsjordbruket. Samstundes ser ein at ei ny, lokal forankra næringsverksemd er i ferd med å utvikle seg i tilknyting til jakt, sal av jaktrettar og utleige av fasilitetar i tilknyting til jaktutøving. Slik det er i dag ligg det eit stort, unytta potensiale for auka verdiskaping og nye inntekter til garden i dette. Den nye næringa har trong for ein stabil hjortebestand over tid slik at rammevilkåra vert forutsigbare. Det er av den grunn viktig at ein søkjer å finne gode løysingar i denne situasjonen slik at dei ulike interessene kan få utvikle seg i sameksistens og forståing med kvarandre, så langt det er mogeleg. I rapporten ligg det for første gang føre ei samla framstilling av kostnad og nytteverdi av hjort innafor ei forvaltingseining. Ei tilstrekkeleg stor og balansert hausting av hjortebestanden, ei god forståing av skadeproblematikken og ein sikker lokalkunnskap er viktige element som dannar fundamentet for ei berekraftig lokal bestandsforvalting som tar omsyn til ulike interesser. Vi håpar at rapporten vil gi innspel til løysingar i ein ofte motsetningsfylt situasjon i mange grendelag. Rapporten er første del av sluttrapport etter prosjektet Kostar hjorten meir enn han smakar?. Etter ein innleiande fase kom dette prosjektet i gang for fullt i 2003 med Synnøve Rivedal ved Planteforsk Fureneset Fagsenter som prosjektleiar fram til ho gikk over i anna stilling i Prosjektet har sidan vore leia av Pål Thorvaldsen. Medforfattarar og ansvarleg for berekning av dei økonomiske kostnadane i skogdelen har vore Hans Lauvstad, Magnus Mo og Samson L. Øpstad for gran og Åsmund Austarheim på furu. Erling Meisingset har forfatta kapitlet om jakt og bestandsforvalting saman med Samson L. Øpstad, medan Arve Århus har forfatta delar av kapittel 7. Takk også til Leif Jarle Aasheim, forskar ved NILF, og Leif Egil Loe, forskar ved UiO, for nyttige innspel til høvesvis kapittel 7 og 3. Alle foto er ved Pål Thorvaldsen om anna ikkje er nemnd. Sjølv om rapporten har hovudfokus på skadeomfang og formidling av forskingsresultat i prosjektet er det gitt nokre forvaltingsmessige tilrådingar i høve til bestandsforvalting i kapittel 6. Desse er først og framt mynta på den lokale viltforvaltinga i Jølster og er i hovudsak eit samandrag av Meisingset & Aarhus (2009). For meir detaljerte gjennomgang av lokal bestandsforvalting vert det synt til heile rapporten på Elles vil vi syne til Hegland (2009) som har føretatt ein grundig gjennomgang av status og utfordringar for hjorteforvaltinga i Møre og Romsdal. I den rapporten vert det også vert gitt fleire tilrådingar til lokal viltforvalting som har allmenn gyldigheit. Prosjektet har hatt ei styringsgruppe. I den sat Egil Hauge, FMVA Hordaland, Hans Lauvstad, FMLA Sogn og Fjordane, Bjarte Nordanger, tidl. styreleiar Sogn og Fjordane Bondelag og Otto Leif Østenstad, styreleiar Sogn og Fjordane Skogeigarlag. Alle desse har vore viktige diskusjonspartar i prosjektet, og skal ha stor takk for si medverknad. 4

6 Prosjektet har gjennom storparten av prosjektperioden hatt ei lite forutsigbar finansiering med fleire ulike finansieringskjelder og stor del usikre midlar. I tillegg til bruk av Bioforsk sine fagområdemidlar og fagsentermidlar har prosjektet vore finansiert gjennom BU midlane frå Sogn og Fjordane og delvis Hordaland i sluttfasen, kommunale og fylkeskommunale viltfond i Sogn og Fjordane, Hordaland, Møre og Romsdal og Rogaland. I sluttfasen har ein også moteke sentrale viltfondsmidlar frå Direktoratet for Naturforvalting. I tillegg har fylkesbondelaga i dei aktuelle fylka bidrege fleire år. Bioforsk Vest Fureneset retter med dette ei stor takk til alle desse. Vi vil samstundes rette ei serskild takk til alle gardbrukarane som velviljug har stilt opp og gitt prosjektet tilgang til sine områder. Først og framt gjeld dette alle grunneigarane i Eikås storvald som vi har hatt eit svært godt og fruktbart samarbeid med gjennom heile prosjektperioden. Samstundes har ein også framskaffa resultat som er viktige for prosjektet frå feltforsøk hos gardbrukarar i Guddalen og på Lone i Fjaler, på Sande i Gaular kommune, samt i kommunane Vindafjord, Fusa, Gulen, Askvoll, Ørsta og Stordal. Stor takk til alle desse også. Takk også til tilsette ved Mo og Jølster vidaregåande skule for hjelp i samband med skogtakseringane på gran i Eikås. 5

7 Innhald 1. Samandrag Introduksjon Områdebeskriving Kostnader ved beiteskader i eng Introduksjon Metode Feltmetodikk Utvikling av beiteskadeindeks og berekning av avlingstap Berekning av skadeprofil for storvaldet Berekning av avlingstap for samla innmarksareal i storvaldet Berekning av akkumulert avlingstap Økonomiske berekningar Resultat og diskusjon Variasjon i avlingstap mellom enkeltbruk og skadeprofil for valdet Mellom enkeltbruk Skadeprofil for valdet Skadeomfang i høve til beliggenhet Estimert avlingstap for storvaldet Akkumulert avlingstap Økonomiske kostnader Kostnader i skog Gran i hogsklasse III og IV Introduksjon Metode Resultat Evaluering av takseringsmetodikk Hjorteskader på furuskog i hogstklasse II Introduksjon Metode Resultat Diskusjon Jakt og bestandsutvikling Lovgiving knytt til forvalting av hjortevilt Metode Resultat og diskusjon Fellingsstatistikk Bestandsutvikling i Eikås Grunnlaget for god bestandsforvalting Bestandsutvikling i Jølster Kostnadar ved jaktuttak av hjort Inntekter frå jaktutleige og sal av fellingsrettar for hjort Metode Fastsetjing av kjøtpris for hjortekjøt Slaktevekter for hjort Rekreasjonsverdi av hjortejakt Resultat og diskusjon Rekreasjonsverdi av jakt på hjort i Eikåsvaldet Standardisert rekreasjonsverdi Nytteverdien av hjort i Eikåsvaldet Samla nytte/kostnadsrekneskap frå Eikås storvald; Resultat og diskusjon Litteratur Vedlegg

8 1. Samandrag Hovudmålsetjinga med prosjektet Kostar hjorten meir enn han smakar? er å utvikle metodar for å berekne inntekter og utgifter som hjorten representerer for den enkelte grunneigar, og samla innafor eit avgrensa område (storvald). Som referansevald for berekningar av nytte- og kostnadsverdi har ein nytta Eikås storvald i Jølster kommune. I valdet hadde ein 12 forsøksfelt på eng i perioden , og i 2007 vart skadeomfanget på all innmark i valdet taksert gjennom ein forenkla takseringsmetodikk før 1. og 2. slått. Det gjennomsnittlege skadeomfanget på innmark vart berekna til 109 kr pr daa når verdien på ein foreining grovfôr vart relatert til prisen på kraftfôr med eit fråtrekk for sparte haustekostnadar og berekna til 2,28 kr. I desse berekningane har ein teke omsyn til kostnadar knytt til auka behov for engfornying og ein har teke omsyn til at beiting i attleggsåret gir eit avlingstap som vert akkumulert i dei etterfølgjande engåra. Hjorten påfører også skogeigaren kostnadar. Hausten 2004 vart 10 granskogbestand i hogstklasse III og IV taksert i valdet ved hjelp av ein takseringsmetodikk utvikla av Hjorteskadeprosjektet ( ). Hausten 2008 vart 6 plantefelt av furu i hkl II taksert etter ein modifisert takseringsmetodikk. Det årlege skadeomfanget vart berekna for dei takserte bestanda, og snittet vart gjort gjeldande for bestand i tilsvarande hogstklassar. Resultatet synte at dei årlege kostnadane på gran i hkl III og IV i snitt var kr 26,60 pr daa og på furu kr 2,80 pr daa, når ein legg til grunn veksetida fram til kulminasjon og hogst. Desse resultata er først og framt gyldige for Eikåsvaldet med dei tilhøva ein finn der i høve til bestandstettleik av hjort, arealfordeling og korleis jord- og skogbruk vert praktisert ved dyrking av eng og skjøtsel av skog, mellom anna så er truleg resultata frå furu noko låg på grunn av underoptimalt tretal i dei takserte bestanda. Det samla skadeomfanget i valdet vart berekna og samanstilt med inntektene generert gjennom jakt og utleige av jaktløyve. Dette ga eit knapt overskot for valdet på kr pr år. Ein anna viktig del av prosjektet har vore å sjå på korleis landskapet kring innmarka påverkar beitenivået av hjort og gir opphav til skilnadar i skadeomfang mellom skifter og mellom gardbrukarane. Resultata synte at det er store forskjellar i beitepåverknad av hjort mellom dei ulike skifta i valdet, blant dei målte skifta hadde dei med størst skadeomfang heile 5 gangar så stort tap som dei med minst. Bortfall av erstatningsordningane gjer at grunneigarane nå må søke å kompensere skadeomfanget på eng og skog ved jaktuttak og den meirverdien som kan skapast gjennom vidaresal av løyver og foredling av utleigeprodukt i tilknyting til jakt. Det er derfor viktig for grunneigarane at det er eit visst samsvar mellom løyvetildeling og skadeomfang. Dagens hjorteløyve vert tildelt ut i frå eigedommens arealopplysingar, der alt landbruksareal under skoggrensa i praksis tel likt. 7

9 2. Introduksjon Hjortestamma på Vestlandet har auka svært mykje dei siste tiåra. Fellingsstatistikken kan gje eit visst bilete av utviklinga. Sogn og Fjordane er det største hjortefylket, der auka tal felte dyr frå 1293 i 1975 til i Dersom ein legg til grunn ei gjennomsnittleg slaktevekt på 50 kg og ein salsverdi på 60 kr pr kg så skapte dette samla sett ein kjøttverdi på nær 34 mill kr dette året berre i Sogn og Fjordane. På landsbasis vart det felt heile hjort i Det er såleis snakk om store verdiar, men hjorten gjer også stor skade både på eng, skog, frukthagar og anna i område der tettleiken er stor. I løpet av det siste tiåret har det vorte verksett viktige forvaltingsmessige endringar med omsyn til hjorteforvaltninga. Forskrift om forvalting av hjortevilt og bever (MD 2002) legg premissane for dagens hjorteforvalting. Den har ei målsetjing om at forvaltinga skal sikre bestandsstorleik som medfører at hjorteviltet ikkje forårsakar uakseptable skader og ulemper på andre samfunnsinteresser. I Skogbrukslova (LMD 2005) heiter det i 9 at Der beiting av hjortevilt fører til vesentlege skadar på skog som er under forynging,.., skal kommunen som viltorgan vurdere om det er behov for å regulere bestanden av hjortevilt slik at beitetrykket blir redusert.. Det er og eit mål at forvaltinga av hjorteviltressursane innan 2006 i hovudprinsippet skal vere grunneigarstyrt. Den offentlege forvaltinga i kommunane skal vere på eit meir overordna plan. Sentrale myndigheiter si rolle vert å trekke dei store retningslinjene som t.d. å fastsetje jakttider og overordna prinsipp for bestandsmål og forvalting. Bestandsmålet slik det er skissert av MD skal avvegast mot skadeomfanget på andre samfunnsinteresser slik at desse ikkje vert påført uakseptable ulemper ved hjortebestanden. Når det gjeld beiteskader i landbruksnæringa vil det vere stor variasjon mellom utøvarane i høve til kva den enkelte utøvar er viljug til å akseptere av skader. I takt med veksande hjortebestand og skadeomfang vart det på slutten av 1990 talet gjennomført to prosjekt for å belyse skadeproblematikken på eng og skog ved beiting av hjort: Beiteskadeprosjektet (Meisingset et al 1997; Meisingset & Krokstad 2001), Hjorteskadeprosjektet (Veiberg 2001). Robberstad & Hovstad (2000)) sine innleiande studiar i eng i Ytre Sunnfjord synte at skadebeitinga var omfattande. Resultata frå denne undersøkinga initierte prosjektet Kostar hjorten meir enn han smakar?, som starta opp med eit forprosjekt i 1999/2000 i regi av dåverande Planteforsk Fureneset Fagsenter. Då hadde ein over fleire år parallelt med den veksande hjortestamma registrert aukande skade på innmark og skog, med eit skadeomfang som mange gardbrukarar etterkvart oppfatta som langt over kva dei kunne akseptere og som dei hevda medførte tildels store inntektstap. I 2003 etablerte prosjektet gjennom eit formalisert samarbeid med Landbrukets Forsøksringar (LFR) forsøksfelt spreidd over Vestlandet frå Vindafjord i Ryfylke i sør til Storfjord på Indre Sunnmøre i nord. Feltarbeidet vart avslutta sommaren Hovudmålsetjinga i prosjektet er: Utvikle metodar for å berekne inntekter og utgifter hjorten representerer for den enkelte grunneigar, og samla innafor eit avgrensa område (storvald, driftsplanområde). Delmål 1. Dokumentere verknaden av at hjort beiter på eng 2. Utvikle retningslinjer og dataverkty til taksering av beiteskader på eng 3. Prøve ut takseringsverkty for skog og eng i eit storvald 4. Finne fram til gode måtar å rekne ut inntektene hjorten representerer innafor eit storvald 5. Formidle kunnskap om bruk av takseringsverkty og økonomiske utrekningar slik at ein sikrar ei hjorteforvalting som kan gje grunnlag for næringsmessig utnytting på eit berekraftig nivå. 6. Gje enkle dyrkingsmessige tilrådingar for jord og skog til brukarar Resultata frå prosjektet vert publisert i to delrapportar. Del 2 har arbeidstittelen: Engdyrking ved beitepress frå hjort og metodikk for å taksere beiteskadar, og har hovudfokus på delmål 1, 2 og 3. 8

10 Av resultata frå denne delen kan det nemnast at ein har funne ein tydeleg tendens i talmaterialet til at ein får det største tapet i 1. års eng dersom tilhøva kring ligg til rette. I ein typisk skadesituasjon i eit område i ytre Sunnfjord med stor haust-, vinter og vårbestand av hjort har prosjektet målt rå-avlingstapet i 1-årseng til 120 FEm/daa som utgjorde 20% av førsteslåtten dette året. Dette var i snøbare områder, og av avlingstapet stod beiting gjennom vinteren (medio okt- medio mars) for meir enn halvdelen. I dei same områda målte ein rå-avlingstapet ved andre slått til 50 FEm/daa hos ein gardbrukar. Dette utgjorde 13% av andreslått. I prosjektet har ein vidare synt at hjorten har ein klår preferanse for timotei. Ettersom timotei tåler beiting dårleg vil den gå tidlegare ut av enga enn normalt, og i dei fleirårige feltforsøka ein har hatt i felt utsett for intensiv beiting av hjort har ein synt at dekningsgrad av timotei vart redusert med 6% årleg i dei beita rutene i høve til dei ubeita. Samstundes aukar innhaldet av ugras. Fleirårig raigras vert også negativt påverka av hjortebeitinga. Utover sumaren et den og ein del kløver, og tar da gjerne blomsterstanden. Artar som engrapp og engsvingel vert derimot i liten grad negativt påverka når det gjeld dekningsgrad. Desse grasartane er robuste og tåler beiting, men er artar som gir mindre avling i tidlege engår. Hjorten beiter også mindre på desse artane, spesielt utover i vekstsesongen. I ei blanding der desse artane inngår vil ein derfor få ei forskyving mot dei beitetolerante artane framfor timotei. Hjortebeitinga forsterkar såleis den naturlege eldinga av enga og gir aukande behov for engfornying. Vidare har studier av fenologisk utvikling hos timotei synt at intensiv hjortebeiting gjennom haust, vinter og vår også fører til at tidspunkt for begynnande skyting kjem nokre få dagar seinare ved 1. slått slik at haustetidspunkt vert tilsvarande forskyvd. I figur 2.1 er det gitt eit oversyn over ulike forhold ved hjortebeitinga som har vore tema i prosjektet og samanhengen mellom dei ulike delane av prosjektet. Skadebeiting i skog Inntekter frå jakt og sal av fellingsløyve Figur 2.1. Skjematisk framstilling av problemkomplekset i prosjektet og samanheng mellom dei ulike delane i prosjektet. Prosjektet har hatt eit nært samarbeid med Eikås storvald i Jølster kommune, som har vore nytta som referansevald i nytte/kostnadsberekingane, og det er resultata frå denne delen av prosjektet som vert publisert i Del 1 av sluttrapporten. Ein har berekna det samla kvantitative avlingstapet på eng i valdet og fastsett ein verdi på dette. 9

11 Samstundes fører hjortebeitinga til meir indirekte kostnadar som også har vorte talfesta. Utgang av timotei og endring av botanisk artsamansetjing i enga gir også eit avlingstap som vert akkumulert i etterfølgjande engår ettersom timoteiinnhaldet er viktig for å sikre ei god avling. Beiting av hjort fører derfor også til auka behov for engfornying. Dette medfører også kostnadar som ein har berekna i denne delen av prosjektet. I denne delen av prosjektet har ein også tatt i bruk takseringsmetodikken for skadebeiting av hjort etter borkgnag på gran i hkl III og IV utvikla av Veiberg & Pettersen (2000) for å taksere skogskadane i Eikåsvaldet. Desse takseringane vart gjennomført vinteren Hausten 2008 vart takseringane supplert med takseringar på plantefelt av furu i hkl II etter ein justert metodikk. På bakgrunn av desse takseringane vart omfanget av skadebeiting av hjort på skog desse hogstklassane i valdet berekna. Det er også viktig i denne delen av prosjektet å greie ut variasjonen i skadeomfang mellom grunneigarane og ulike faktorar som verkar inn på dette. Slik det er i dag får den enkelte grunneigar ikkje kompensert for kostnadane sine utan gjennom tildeling av hjorteløyve. I dagens forvaltingspraksis vert hjorteløyva delt ut med grunnlag i teljande areal der innmark og utmarksareal under skoggrensa tel likt. Sjølv om det er etablert storvald der ein får ei samla tildeling av løyver, har ein mange stadar valt å halde fast på dei gamle jaktvalda og opprettheld dei tidlegare grensene både ved den vidare fordelinga av løyva og under sjølve jakta. I ein fase der ein forsøker å redusere bestanden av hjort gjennom auka avskyting og utan å praktisere ei målretta styring av tilleggsløyver mot dei delområda innan valdet med størst skadeomfang, inneber dette ein risiko for at ein ikkje greier å oppfylle verken målet om ein bestandsreduksjon eller ein betra skadesituasjon. Det er mange stader ikkje etablert systematiske ordningar for omfordeling av fellingsløyver mellom grunneigarane der ein tek omsyn til bruk som har eit større skadeomfang enn andre. Dette er viktige moment som prosjektet ønskjer å kaste lys over og som kan bidra til å dempe den lokale misnøya som veks i takt med den auka bestanden av hjort. Figur 2.2. Beitande kolle med fjorkalv på innmark sein vår. 10

12 3. Områdebeskriving Eikås storvald ligg i nedre del av Jølster kommune på grensa til Førde kommune og opp mot busetnaden sør for Jølstravatnet. Valdet er ei samanslåing av dei tidlegare jaktfelta Kvammen, Slåtten, Grimsbø, Østenstad, Eikås og Støfring. Heile arealet under tregrensa på begge sider av Jølstra inngår i valdet som har eit teljande areal på daa. Av dette er 1638 daa innmark. Valdet strekkjer seg frå dalbotnen og oppetter lisidene så langt skoggrensa når. I dalbotnen deler Jølstra saman med E39 valdet om lag i to. Det vert drive eit aktivt jord- og skogbruk, og mjølkeproduksjon er viktigaste driftsform. For studieperioden ( ) ligg den årlege tildelinga av løyver i snitt på 68 dyr. Det er i dag 7 aktive bruk i valdet med mjølkeproduksjon og/eller kjøttproduksjon på storfe eller sau. I tilegg har fleire bruk gått saman i to samdrifter. Figur 3.1. Utsnitt frå Eikåsvaldet Desse nedre delane av Jølster er ein viktig samleplass for hjort i vinterhalvåret. Geografisk sett så møtest to større dalføre i valdet som begge er viktige område for hjort. Dyr på trekk ned desse dalføra møter her dei øvste delane av bustadområda i Førde kommune. Her finn den også mindre snøtunge tilhøve. I valdet vart det i perioden i snitt felt 3,1 hjortar pr. km 2. Dette indikerer at det er ein stor tettleik av hjort i valdet. Til samanlikning vart det for Jølster kommune i heilskap felt 1,7 hjort pr km 2 teljande areal i den same perioden. Figur 3.2. syner utbreiinga av hjort i Eikås og nærområda slik den vart kartlagt i av Olav Ingebrigtsen. Ein ser at Eikås er eitt av dei få områda der ein tidlegare fann hjort mellom dei viktige, store utbreiingsområda i Nordfjord og Sogn/Sunnfjord. Figur 3.2. Utsnitt frå Olav Ingebrigtsens utbredelseskart over Norges Hjortetrakter i (Ingebrigtsen 1924). 11

13 Merkeprosjektet i Sunnfjord og Ytre Sogn utstyrte vinteren koller med GPS sendarar i valdet. Dette vart gjort i samarbeid med Atle Mysterud og Leif Egil Loe ved Universitetet i Oslo (Loe 2006, Loe 2008). Av desse fekk ein resultat frå 9 stk dette året. Resultata syner at berre eit av dei merka dyra var stasjonært, medan dei åtte andre var dyr som nytta valdet som vinteropphaldstad. Av desse kom ei frå Naustdal, ei i frå nordsida av Jølstravatnet, fem i frå sørsida av Jølstravatnet og ei trekte mot aust før ho dauda ved Holsen i april. Nokre av resultata frå merkeprosjektet er oppsummert i tabellane nedanfor. Som det går fram av tabellane så skil dei merka dyra frå Eikåsvaldet seg frå dei andre ved lengre trekkavstand og større home range. For fleire detaljar, sjå prosjektet si heimeside: Tabell 3.1. Berekna home range frå merkeprosjektet i Sunnfjord (etter Loe 2008) Trekkavstand 95% leveområde* Stad (km) (Luftlinje) Heile året Vinter Vår Sommar Haust Jølster (median) 13, Andre kommunar 2, (median) *Berekna etter Minimum Convex Polygon metoden Tabell 3.2. Tidspunkt for start og stopp av vår- og hausttrekk, trekkavstand og tal trekkdagar for hjort i Eikåsvaldet (etter Loe 2006) Jølster Trekk Trekk vårtrekk Haust start stopp dager Start stopp dagar km trekk km vår haust Gjennomsnitt /4 26/ /10 20/10 3 Maks /5 18/ /11 16/11 5 Min /4 11/ /9 9/9 1 % trekkdyr Vår: 78%; Haust: 56% Resultata frå merkeprosjekta har så langt resultert i to masteroppgåver der den eine har sett på hjorten sine habitatpreferansar innan leveområdet (Rivrud 2007, Godvik et al 2009) og den andre sesongvariasjoner i leveområde og trekk (Kleveland 2007). Merka hjort i Nordfjord, Sunnfjord og Ytre Sogn inngjekk i desse oppgåvene. Rivrud (2007) syner mellom anna at tal hjort som nyttar innmarka ikkje uventa er størst vår, haust og vinter og at del dyr som vel innmark eller dyrka beite er 26% lågare om sommaren. Tilsvarande synte Kleveland at skog er det prefererte habitatet framfor habitata innmark og overflatedyrka beite, fjell eller myr hos all hjort bortsett frå Sunnfjordhjorten som prefererte kategorien innmark og overflatedyrka beite framfor dei andre om vinteren. Bioforsk har fått tilgang til å nytte GPS posisjonane frå kollene som vart merka i Eikåsvaldet og har fått løyve til å utføre eit par innleiande, generelle analysar på dette materialet for å synleggjere korleis hjorten i Eikås nyttar valdet. Alle posisjonane avsett utaføre Eikåsvaldet er fjerna frå datamaterialet ettersom det her er Eikåsvaldet og kva dyra gjer mens dei er innafor valdets grenser som er av interesse. Dei dyra som vart merka vart fanga inn på søraustsida av valdet. GPS posisjonane vart registrert regelmessig med 1 times intervall gjennom heile døgnet, samt i intervall på 6 min i periodar på 24 timar kvar 14. dag. Alle registreringar avsett med 6-min intervall er fjerna frå desse analysane. Dei avsette posisjonane gir derfor eit generelt bilete på dyra sine bevegelsar med om lag 1 times mellomrom i perioden dei er innafor valdgrensane. Datamaterialet dekkjer såleis kollene sine aktivitetar haust, vinter og vår bortsett frå kolle nr 5 som stort sett er stasjonær. 12

14 Tal posisjonar i Eikåsvaldet i perioden Snitt på innmark 14,5% Labels Innmark Utmark 0 Kolle1 Kolle2 Kolle3 Kolle4 Kolle5 Kolle6 Kolle7 Kolle8 Kolle9 Cumulative within variables. Figur 3.3. Dei 9 kollene som vart merka i Jølster og korleis posisjonane som vart avsett kvar time fordeler seg mellom innmark og utmark mens dyra var innafor grensa til Eikås storvald. Merk at nummer på kolle ikkje er identisk med dei nummera som merkeprosjektet nyttar i sine rapportar. Figur 3.3. synleggjer skilnaden mellom dei merka kollene i høve til kor lenge (eller tal posisjonar) dei har opphalde seg innafor valdgrensene. Kolle 5 er den einaste som ikkje har eit ordinært trekk og oppheld seg storparten av tida innafor valdet. Den har avsett 94,5% av posisjonane som er registrert med timesintervall innafor valdet. Motsett har kolle 6 minst tid innafor valdet og oppheldt seg berre 14,5% av tida innafor valdet sine grenser frå november til april. Deler av denne tida er den i dei nedre delane av Viskedalen rett utafor valdgrensene der den stort sett held seg i utmark. Alle dei andre dyra oppheld seg stort sett innafor valdet heile vinteren. I figuren er posisjonane avsett på fulldyrka eng i valdet gjennom perioden skilt ut. Gjennomsnittleg tilbringer kvar kolle kvar 8. (±5) time på innmark (14,5 ±5%). Ein må merke seg at resultatet er samanfatta for heile perioden der dyra har avsett posisjonar innaføre valdet sine grensar. For alle kollene som har trekk, så strekkjer perioden seg frå medio oktober til sist i april (tabell 3.2). Kolla som nytta mest tid på innmark oppsøkte innmarka kvar 5. time, mens den som var minst innpå lar det gå nær 22 timer mellom kvar gong. Dette er kolle nr 6 som skil seg noko ut i materialet. Kolla som nyttar innmarka nest minst er kolle nr 7 som lar det gå i overkant av 9 timer mellom kvar gong den er inne på innmarka. Dette indikerar at kollene har nytta mellom 2,5 og 5 timar på innmarka pr døgn dersom ein antar at fordelinga mellom posisjonane i sum gjenspeglar opphald gjennom døgnet. Talet kan synast lågt ettersom posisjonane hovudsakleg er avsett vinter, vår og haust, men samstundes fell dei posisjonane som er tatt vekk utanom valdgrensane oftast i utmark slik at dette vil verke motsatt. På ei anna side vil vêrtilhøve, utøving av jakt osb virke inn og redusere tida på innmark. Det er heller ikkje sikkert at dyra oppsøker innmarka regelmessig kvar dag. På grunn av at ein har valt å avgrense datamaterialet geografisk til Eikåsvaldet gir det lita meining i å testa om skilnadane ein ser mellom kollene er reelle. Tala gir derfor berre ein indikasjon på at det kan vere skilnader mellom kollene i høve til kor mykje dei bruker innmark. Godvik (2009) syner at tidsbruken på innmark hos kvart enkelt dyr aukar med andel innmark innan home range, men ikkje proporsjonalt (dvs at ein ikkje får ei dobling i bruk av innmark når tilgjengelegheita vert dobla). Dette er viktige spørsmål i forvaltingsamanheng som forhåpentlegvis dei mange merkeprosjekta som føregår vil belyse enda meir. Rivrud (2007) har synt at det er skilnad mellom dyra i Nordfjord og Sunnfjord når det gjeld bruken av innmark og at dyra i Nordfjord i mindre grad oppsøkjer innmark. Slike regionale skilnadar kan ha med beitekvaliteten i utmarka å gjere. Kollene som vart merka i Eikåsvaldet har hatt tilnærma lik tilgang på innmark i vinter-homerange. Det kan derfor også vere atferdsmessige variasjonar som ligg til grunn for dette tilhøvet, nokre dyr er meir vare enn andre og unngår helst dei tettast busette områda. Kanskje kan ein eventuell slik forskjell 13

15 mellom individa i hjortebestanden syne seg å vere noko som kan utnyttast for å redusere skadeomfanget på innmark? Dersom grunneigarane bevisst rettar det største jakttrykket mot dyr på innmark kan ein over tid oppnå å redusere bestanden av dei individa som nyttar innmarka hyppigast ettersom desse da vil ha størst sannsynlegheit for å verte felt. Av figur 3.4. ser ein at kolle 8 truleg har kryssa Jølstra ved kraftverket før den trekte over til Naustdal etter å ha opphalde seg ei tid på nordvestsida av valdet. I det innsamla materialet ser ein berre eit fåtal slike elvekryssingar. Dette tyder på at dyra er forholdsvis stasjonære når dei er framme ved vinterkvarteret. Av dei 9 kollene har to ikkje avsett punkt nordvest for Jølstra i det heile, 4 dyr har avsett frå 2-6 posisjonar på den andre sida og dei siste tre meir enn 30. Ei av desse var Naustdalskolla og ei anna var kolle 5 som hadde tilhald i valdet også om sommaren. Sjølv om ein har observasjonar på at dyr kryssar Jølstra i forbindelse med jakta (Otto Leif Østenstad, pers.med.), kan det tyde på at Jølstra i kombinasjon med E39 tener som ein barriere dyra ikkje finn hensiktsmessig å krysse i alle fall i delar av året. Hjortebestanden er derfor i praksis todelt innafor valdet, men graden av todeling vil naturlegvis variere med vassføringa i Jølstra frå år til år. Dette er tilhøve som vanskeleggjer forvaltinga av bestanden i valdet og som ein må vere merksam på ved fordeling av løyver innan valdet når jakttrykket er såpass høgt i ein fase der ein ønskjer å regulere ned hjortebestanden. Ein må merke seg at alle dyra som gjekk inn i merkeprosjektet vart merka på søraustsida av valdet. Det er grunn til å tru at dyra på nordvestsida oppfører seg likeeins ved tilsvarande tilhøve i Jølstra. Figur 3.4. GPS posisjonane frå kolle 8 synleggjer hjorten si bruk av innmark og korleis kolla har synt preferanse for eit mindre avgrensa område innan valdet. Dette er kolla som trekte over til Naustdal. Punkta avsett med 6min intervall er teke med i dette biletet og bidreg sterkt til fortetting av avsette punkt. 14

16 4. Kostnader ved beiteskader i eng 4.1 Introduksjon Målsetjingane for aktiviteten ein har hatt på engdelen i Eikåsvaldet er todelt. Det primære har vore å berekne avlingstap og kostnad ved dyrking av eng utsett for beitepress av hjort samla sett innafor ei forvaltingseining. Sekundært har ein ønska å kaste lys over variasjonen i skadeomfang mellom skifter og mellom gardsbruk innanfor korte geografiske avstandar. Som eit ledd i dette vart det våren 2003 lagt ut 12 forsøksfelt i Eikås storvald i Jølster kommune. Desse felta synte seg etter kvart å gi resultat som var lite konsistente med til dels divergerande resultat. Det vart derfor etterkvart klart at ein måtte utvikle ein metode for å kvalitetssikre desse resultata både gjennom ein justeringsprosess og ved å etablere nye felt med gjentak slik at ein om mogeleg fekk validert dei tidlege resultata frå felta i Jølster. Også i denne forsøksserien synte det seg at det å måle avling i eng på jord som ikkje er forsøksjord er problematisk. I ein forsøksserie med åtte felt i ny eng utlagt om hausten fekk ein på ruter som var parvis identisk behandla, eit gjennomsnittleg avvik mellom rutene som utgjorde 45 FEm/ daa i den inngjerda delen. Dette utgjer 7,6% av snittavling i felta, og berre i to av felta oppnådde ein eit avvik på mindre enn 5% som er akseptabelt. I to av felta var ein oppe i avvik på meir enn 100 Fem/ daa. For å få eit godt resultat må ein derfor ha mange gjentak. Dette er ressurskrevjande. I Jølster fann ein diverre ikkje ressursar til dette i den tidlege fasen av prosjektet slik at resultata måtte gjennom ein standardisert prosess som inkluderer både justering og forkasting av måleresultat slik beskrive under metode. Dei oppnådde resultata er validert mot forsøksfelt i andre område der ein nytta 4 gjentak pr. skifte. Likevel må ein vere innforstått med at det berekna totale fôreiningstapet i valdet er eit resultat gitt innafor rammene av ein udefinert feilmargin, og er dessutan framkome basert på år med forholdsvis stor tettleik av hjort innan valdet haust, vinter og vår. I berekning av avlingstap operer ein med eit direkte beitetap og det ein kallar akkumulert tap. Det akkumulerte tapet kjem som ei følgje av at beiting av hjort fører til at den botaniske samansetjinga i eng vert endra. Avlingsnivå dei første engåra er sterkt knytt til innhaldet av timotei, og det er spesielt timotei som vert negativt påvirka gjennom hjortebeiting. I feltforsøk har ein synt at den årlege utgangen av timotei er på 6% fram til og med 3 engår (jfr Del 2). I fjerde engår kom den naturlege utgangen for fullt i dei ubeita felta samstundes som ein fekk full verknad av artar som tåler beiting godt slik at avingstapet vert ubetydeleg i desse eldste åra. Desse resultata er frå felt som har vore intensivt beita alle år i nivå 4. Det akkumulerte avlingstapet kjem uavhengig av om hjorten beitar desse åra eller ikkje, og vil påføre gardbrukaren ein kostnad. Når ein går inn i etablert eng for å måle avlingstap, slik som i denne delen av prosjektet, vil det allereie vere etablert eit akkumulert tap i plantesamansetnaden som ei følgje av tidlegare års beiting også i dei rutene ein gjerder inne. Dette tidlegare akkumulerte tapet vert derfor ikkje fanga opp i målingane frå felta. Dette er derfor eit tap som må bereknast og leggjast til det årlege direkte målte fôreiningstapet for engareal med nyare eng. Ein må merke seg at det akkumulerte tapet er innført for å fastsetje ein økonomisk verdi. I forsøksfelt som går over fleire samanhengande år etter attleggsåret vil jo dette vere inkludert i måleresultata. Det er ikkje teke omsyn til avlingstap ved forseinka haustetidspunkt eller avlingstap ved auka behov for meir hyppig engfornying, ettersom ein del av dette tapet på lengre sikt truleg vert dekt gjennom at engarealet totalt sett vert nyare. Det er heller ikkje teke omsyn til verdien av forringing av fôrkvalitet ettersom ein ikkje har greid å påvise ein signifikant kvalitetsreduksjon i dei beitepåverka felta med dei målemetodane ein har hatt tilgjengeleg (Del 2). Truleg er dette ein følgje av at grasartane engsvingel og engrapp i stor grad har erstatta timotei i desse forsøka etter kvart som timoteiinnhaldet vert redusert ved beiting av hjort. Desse artane bidreg til at både proteininnhald og dei andre kvalitetsparametrane ein har hatt høve til å måle, vert opprettheldt sjølv om det kjem inn en del ugras. Dersom gardbrukarane er påpasselege med å følgje opp med 15

17 regelmessig engfornying slik som teke omsyn til i det økonomiske reknestykket vil dei samstundes også lukkast med å oppretthalde ein tilfredsstillande avlingskvalitet. Andre faktorar som t.d smakelegheit i fôret har ein ikkje hatt ressursar til å gå inn på i prosjektet. 4.2 Metode Feltmetodikk Det vart i alt lagt ut 12 forsøksfelt hos seks gardbrukarar i Eikås storvald i mai Synnøve Rivedal var ansvarleg for feltarbeidet fram til midten av april 2005 da noverande prosjektleiar overtok. Kvart av felta bestod av 2 ruter á 2 x3 m kor den eine vart gjerda inn, det vart nytta vanleg flettverk i to høgder. Felta vart lokalisert til begge sidene av Jølstra, i alt 6 stk på kvar side. Det vart lagt ut felt både på bruk med stort beitepress frå hjort og på bruk med mindre. Felta vart registrert fire gonger årleg bortsett frå i 2003 då det ikkje vart føreteke registrering om våren. Vår- og haust vart det registrert dekningsgrad av innsådde artar, beiteskader på ein skala frå 0-5 samt trakkprosent, og det vart teke 6 målingar av grashøgde i kvar rute. Felta vart hausta to gongar årleg og avlingsmengd vart berekna ved at tørkeprøve vart teke ut. Det vart registrert dekningsgrad av sådde artar, timotei og innhald av villgras, kløver og urter også ved hausting. Felta vart gjødsla slik som teigen dei låg på av gardbrukarane, dei aller fleste felta vart gylla ved begge slåttane. For kvar rute vart avling målt i kg tørrstoff pr daa og deretter omrekna til FEm/ daa ved at ein nytta resultata av NIR-analysane. Alle seinare berekningar av avlingstap vart føretekne i FEm/ daa. Dette synte seg naudsynt ettersom det var stor skilnad i utviklingsgrad mellom dei beita og dei gjerda rutene noko som både påverkar innhald av tørrstoff og fôreiningskonsentrasjon. I 2003 vart ikkje fôreiningskonsentrasjonen bestemt ved NIR-analyse. På grunn av dette og fordi felta vart etablert så seint på året er ikkje resultata frå dette året nytta i det vidare arbeidet. All resultatberekning vart føretatt i statistikkprogramma Minitab og R. Figur Utsnitt av Eikås storvald sett mot sør. I framgrunnen ser ein Eikåsgardane og i bakgrunnen Grimsbø Utvikling av beiteskadeindeks og berekning av avlingstap På grunn av liten konsistens i talmaterialet mellom registreringar av avlingstap og den registrerte beitepåverknaden i felta vart det utvikla ein beiteskadeindeks (s) for å lage eit system for å kvalitetssikre målingane av avlingstapet. Beiteskadeindeksen er produktet av all målt beitepåverknad for kvart skifte uttrykt i likning

18 n Hbi Hgi ( [ Fb] i= 1 i= 1 s = ) ( ) (4.1) [ Fg] n n I likninga er [F] foreiningskonsentrasjonen (FEm/ kg ts) i høvesvis beita (b) og gjerda (g) ruter. Di mindre beitepåverknaden er di meir lik vil [Fb] bli [Fg] og brøken går mot 1. Hb og Hg er høgdemålingane i beita og gjerda ruter. Den visuelt registrerte beitepåverknaden frå 0-5 ga ingen samanheng med resultata og vart derfor ikkje teke omsyn til. Indeksen vart berekna for alle skifter for både 1. og 2. slått. Den berekna beiteskadeindeksen vart etter dette plotta mot det målte avlingstapet. Ein regresjonsanalyse synte at samanhengen mellom s og det målte avlingstapet var liten basert på feltresultata (R 2 =23,1%). Alle dei målte tala for avlingstap vart derfor delt i 4 nivå basert på s (sjå fig 4.3.4). For kvart nivå vart det deretter berekna ein gjennomsnittsverdi og eit standardavvik for avlingstapet. Skifter som hadde eit avlingstap som avveik frå snittet med meir enn halvdelen av standardavviket vart flytta opp eller ned i nivå, bortsett frå negative avvik i nivå 1 som fekk verdien 0 og positive avvik i gruppe 4 som beheldt sin verdi. Der feltmålingane gav negativt avlingstap for 1 og 2 slått vart verdien sett til 0, men ikkje viss berre ein av slåttane gav negativ verdi. Dette fordi det vert vurdert som lite truleg at avlinga utanom gjerdet er større enn innom, samstundes som det er like sannsynleg at den eine målinga er rett som den andre. Viss dei overflytta skifta framleis avveik frå snittet i den nye gruppa med meir enn halvparten av standardavviket vart det målte tapet forkasta og skifta fekk da middelverdien for den nye gruppa. Figur syner fôreiningstapet slik dei er målt på dei ulike gardane plotta mot beiteskadeindeksen før den systematiske prosessen med forkasting og justering tok til. I plottet er dei fire tapsnivå og det estimerte fôreiningstapet for kvart nivå gitt. n Figur Samanheng mellom tap og beiteskadeindeks i forsøksfelt i Eikås storvald i Jølster vekstsesongen 2004 og 2005 før justering. På bakgrunn av figuren vart alle skifta delt inn i 4 nivå som utgangspunkt for å estimere avlingstap ved at felt der det var liten samanheng mellom beitepåverknad og målt avlingstap vart flytta opp eller ned eller forkasta og seinare gitt ein korrigert verdi basert på gruppesnittet Berekning av skadeprofil for storvaldet Datamaterialet frå valdet vart forsterka i samband med utprøving av takseringsmetodikk i feltsesongen På grunn av at dei tidlegare felta ikkje var tilfeldig lagt ut da dei vart etablert 17

19 var dei heller ikkje representative for skadeomfanget i valdet. Feltsesongen 2007 vart det derfor gjennomført ei kombinert systematisk synfaring og taksering av all innmark i framkant av begge slåttane. Areal med synlege beiteskader vart taksert med ein forenkla takseringsmetodikk. For å få eit fullgodt takseringsresultat krev metoden at ein gjentek takseringane i minst 3 omgangar haust/vår og etter behov før 2. slått (jfr Del 2). Resultata frå takseringane vart derfor berre nytta til å berekne ein skadeprofil på all innmark i valdet for dei tre engkategoriane (jfr kap 4.2.5). Skadeprofilen gjenspeglar hjorten sine preferansar for landskap, skiftestorleik og forstyrringar i valdet Berekning av avlingstap for samla innmarksareal i storvaldet For å berekne den totale økonomiske kostnaden/ nytteverdien av hjort i storvaldet må avlingstapet som vart målt i dei 12 felta skalerast opp slik at dei kan gjerast gjeldande for den øvrige innmarka i Eikås som ikkje hadde felt. Til dette vart det nytta ein modell knytt til engalder. Kategori 1 er første og andre års eng, kategori 2 er tredje og fjerde års eng og kategori 3 er eng eldre enn fire år. Dei estimerte middelverdiane for dei fire tapsnivå danna utgangspunktet for berekning av tapsnivået for dei tre engkategoriane. I Eikåsvaldet har ein hatt eit fåtal felt på gamal eng og på ingen av desse felta har ein målt eit tap der denne kategorien kjem opp i dei to øvste tapsnivåa. Den berekna skadeprofilen (tabell 4.3.1) synte i midlertidig at ein del av skifta i denne engkategorien også har betydeleg beitepress og fell i eit av dei øvste to tapsnivåa. Samstundes er det ein betydeleg overrepresentasjon av felt i engkategori 1 i Nivå 3 i det innsamla talmaterialet, medan det i dei to nedste nivå er ei tilnærma balansert fordeling. I andre delar av prosjektet (jfr Del 2) har ein synt at avlingstapet er størst i ny eng medan det i seinare engår vert mindre. Ein valde derfor å justere den berekna middelverdi frå Eikås for alle nivåa noko. Tapsprosent vart derfor justert ned i kategorien gamal eng med 4% og tilsvarande opp 4% for ny eng i Nivå 4. I Nivå 3 vart det estimerte gjennomsnittstalet gjort gjeldande for Kategori 1. Justeringsprosenten vart satt til 3% i dette nivået slik at Kategori 2 vart justert ned med 3% og Kategori 3 med 6%. Justeringsprosent i dei to nedste nivå vart sett til høvesvis 2% og 1%. Prosentsatsane som vart nytta er basert på talmaterialet i Del 2. Verdiane som kom fram vart gjort gjeldande i den vidare berekninga av økonomisk skadeomfang for valdet i heilskap (tabell 4.3.3). Informasjon om alt innmarksareal (A+B jord) i Eikåsvaldet utanom dei bruka der ein hadde felt, vart henta inn frå gardskartopplysningane hos Skog og Landskap ( og arealet vart fordelt på dei tre engkategoriane. Det vart sett som føresetnad at all jord i eige eie vert fornya kvart 6 år og all leigd jord kvart 10 år, dermed vil ein tredjedel av all sjølveigd jord til ei kvar tid vere i ein av dei tre engkategoriane. For den leigde jorda vil ein tredjedel vere enten i kategori 1 eller 2 og to tredjedelar i kategori 3 til ei kvar tid. Det er noko skilnad på storleiken av innmarksarealet mellom kva som vert oppgitt i søknadar til produksjonstilskot og dei Skog og Landskap har. For dei bruka som har hatt forsøksfelt er opplysningane om areal henta frå søknaden om produksjonstilskott, for dei andre er arealstørrelsen henta frå Skog og Landskap. 18

20 Figur Frå feltforsøka i prosjektet. Dette biletet er frå eit forsøksfelt på attlegg i dei indre delane av Guddalen i Fjaler kommune, men kunne like gjerne ha vore teke i Jølster. Biletet er tatt 11. mars på eit skifte som har vore utsett for hard beiting av hjort gjennom heile vinteren Berekning av akkumulert avlingstap Ved hjelp av resultata frå feltforsøk der ein hadde forsøksruter med timotei, engsvingel, engrapp og fleirårig raigras i reinbestand (jfr. Del 2)vart det berekna eit avlingsnivå som var upåverka av den direkte årlege beitepåverknaden, men der plantesamansetnaden var endra av beiting. Den årlege utgangen av dei fire engartane ved beitepåverknad (db)er i desse forsøksfelta gitt av fire regresjonslikningar: db t =a t +b t T+c t T 2 (4.2) Der db t er dekingsgrad ved beitepåverknad av høvesvis timotei (t), engsvingel (e), engrapp (p) og raigras (r). T = engår 1-4. I desse likningane skuldast den årlege utangen både beiting og naturleg avgang. Tilsvarande er den registrerte utgangen for timotei utan beitepåverknad (dg t ): dg t =a t +b t T+c t T 2 (4.3) Desse felta er utan beitepåverknad og endring i dekning skuldast derfor berre naturleg avgang. Det vart berekna ein ny dekningsgrad som utelukkande skuldast beiting (dp n ) ved at den målte beitepåverka utgangen vart skilt frå normal avgang ved differansane: dp n = (db n T - db n ( T+1))- (dg n T - dg n T+1) (4.4) Den predikerte utvikling i dekningsgrad vart deretter justert til relevant blandingsnivå for dei nytta frøblandingane og det vart berekna ein dekningsgrad for kvar av dei 4 første engåra etter såing. Den nye dekingsgraden vart deretter sett inn i dei oppnådde avlingstala for dei ulike reinbestandane (ag n ) gitt ved likningane: ag t =( a t +b t T+c t T 2 )dp t (4.5) 19

21 Predikert avling (ap n ) vart berekna ved å summere dei ulike komponentane (t,e,p,r) sine bidrag ved den nye dekninga. Dei framkomne avlingane vart justert til same dekningsgrad og trekt i frå oppnådd målt avling (ag f ) i dei ubeita felta med normal frøblanding ( f ) for kvart av dei fire engåra gitt ved likning 4.6. At f = ag f ag n (4.6) Dermed tar ein også inn att den naturlege utgangen i enga. Tala ein da fekk fram ved engår 2-4 er eit mål på akkumulert avlingstap i bestandet og gjekk inn i dei økonomiske berekningane på same vis som det direkte målte årlege tapet Økonomiske berekningar For å kunne berekne det økonomiske verditapet av skadebeitinga av hjort måtte ein fastsetje ein verdi på grovfôret. Som utgangspunkt for dette har ein valt å knytte verdien av grovfôret til kraftfôrprisen. Utgangsverdien av grovfôret vert derfor 2,68 kr/ FEm. Dette er gjennomsnittprisen for seks kraftfôrslag (NILF 2006). Det er kraftfôr gardbrukarane i ytterste konsekvens vil måtte erstatte avlingstapet med om arealressursane er små. På grunn av dei gode arealressursane på Vestlandet i dag har ein valt å anta at dei fleste har tilstrekkeleg arealgrunnlag slik at avlingstapet vert erstatta igjennom grovfôrproduksjon. I begge tilfella må ein trekkje sparte kostnader frå denne utgangsverdien. Eriksen (2002) har føretatt ein grundig gjennomgang av kostnadane ved produksjon av grovfôr på Vestlandet, og fastsett desse til 2,13 kr/ FEm. Av dette er 76 øre (35,76%) varekostnadar, 78 øre (36,62%) kapitalkostnadar, 61 øre (26,42%) arbeidskostnadar og 2 øre (1,20%) arealkostnadar. Ein del av desse kostnadane påløper gardbrukaren uavhengig av hjortebeitinga, og vert derfor ikkje trekt i frå. Dette gjeld først og fremst kapitalkostnadane og arealkostnadane, men også deler av arbeidskostnadane og varekostnadane. Sparte kostnadar er hovudsakleg knytt til spart arbeid ved hausting og delvis også til sparte gjødselkostnadar. Ein har på bakgrunn av dette sagt at 20,33% av varekostnadene kjem til frådrag frå verdien av grovfôret (1/3 av gjødselkostnadane) samt 43,23% av arbeidskostnadane. Sparte kostnadar til frådrag utgjer etter dette 0,40 kr/ FEm i sum. Ein kan dermed fastsette verdien av kvar foreining som går tapt på grunn av hjortebeiting til 2,28 kr/ FEm (= kr 2,68 0,40). Til samanlikning vert grovfôr omsett til ein snittpris av 2,00 kr/ FEm i Rogaland (Grødem 2007), men det er sjølvsagt mogeleg å få kjøpt grovfôr rimelegare enn dette andre stadar. Dette vert i tilfelle omsett til ein pris som ikkje dekker produksjonskostnadane ved normaltilhøve. Ved innkjøp av fôr må ein også ta omsyn til fraktkostnadane. Ein bør også nemne at nyare studiar har synt at kostnadane ved grovfôrproduksjon ligg nokre høgare, mellom anna så har arbeidskostnaden auka til kr 0,70 pr FEm (Hansen 2010). 4.3 Resultat og diskusjon Variasjon i avlingstap mellom enkeltbruk og skadeprofil for valdet Mellom enkeltbruk Gjennom feltforsøka og den vidare resultatbehandlinga har ein synt at alle skifta der ein hadde felt har hatt avlingstap som skuldast beiting av hjort. Resultata frå enkeltfelt på dei forskjellige gardane føreligg i vedlegg 2. Der finn ein også berekningar av årlege middeltap for kvart enkelt bruk. Desse tala er basert på måleresultata og er såleis rådata. Som nemnt har ein ved eit feltopplegg utan gjentak på forsøksrutene ikkje høve til å berekne gjennomsnitt og på den måten kompensere for variasjonar i jordmonn og plantedekke mellom forsøksrutene med ulik behandling. Dette gir opphav til målefeil, og slike små målefeil i forsøksruter kan gi opphav til store forskjellar i resultatet når dei vert skalert opp til å gjelde store areal. Det er også stor usikkerheit knytt til gjødslingstilhøva på felta som ser ut til å ha gitt utslag på enkeltfelt som t.d. på Gard 1 som ved 1. slått i 2004 hausta ei meiravling på 150 FEm/ 20