Informasjon frå kultur- og idrettsavdelinga, seksjon for idrett og friluftsliv

Transkript

1 HORDALAND FYLKESKOMMUNE Kultur- og idrettsavdelinga Til kommunane Vår ref.: (nyttast ved korrespondanse) Dykkar ref.: Bergen, 20. desember /626/EINGRI Informasjon frå kultur- og idrettsavdelinga, seksjon for idrett og friluftsliv Fylkesutvalet vedtok november planprogrammet for regional kulturplan. Planprogrammet skisserer bakgrunn og rammer for planarbeidet, føremål, plantema og planprosessen med organisering og medverknad, og ei vurdering av trong for utgreiingar og analyse. Regional kulturplan skal formulere ein tydeleg regional kulturpolitikk med målsettingar, politiske ambisjonar og prioriteringar som skal vere gjeldande for arbeidet med kulturfeltet i Hordaland dei neste 10 åra. Planen vil særskilte føremål for dei ulike fagområda arkiv, bibliotek, idrett, friluftsliv, kulturminnevern og museum og kunst- og kulturformidling. Det skal parallelt utarbeidast eit handlingsprogram som skal gje eit oversyn over tiltak for å nå mål og strategiar som er fastlagt i planen. Handlingsprogrammet skal rullerast årleg og vil danna utgangspunkt for prioriteringar i budsjett og økonomiplan. Planprogrammet finn de på Fylkesdelplan fysisk aktivitet, idrett og friluftsliv ( ) er gjeldane til regional kulturplan vert sendt ut på høyring etter handsaming i fylkestinget i oktober og skal vedtakast i juni Det vert oppretta ein faggruppe idrett og friluftsliv med representantar frå fylkeskommunen, fylkesmannen, KS, to kommunar, Hordaland idretttskrets, Bergen Turlag, Bergen og Omland friluftsråd og Høyskolen i Bergen. I tillegg vert det lagt opp til fleire høyringsmøter knytt til planen frå februar til september 2. januar 2013 byrjar Bjørg Larsen for fullt i ei 100% fast stilling som anleggsrådgjevar for idrett, friluftsliv og kultur. Bjørg har økonomiutdanning og har jobba for Telenor i 15 år. Ho har også vore styreleiar i Hordaland friidrettskrets. Ho vert sentral i handsaminga av spelemiddelsøknadane for Me gler oss over å fått Bjørg Larsen med på laget, og vonar de vil få enno betre støtte til anleggsutviklinga lokalt. De når ho på tlf: eller bjorg.larsen@hfk.no I haust har vi gjennomført vi eit oppfølgingskurs i anleggsregistreringssystemet idrettsanlegg.no og to opne dagar i fylkesbygget der kommunar kunne ta med seg søknadar og arbeide med dei direkte i idrettsanlegg.no under rettleiing frå fylkeskommunen. I tillegg vart det gjennomført eit kurs i Ulvik for kommunane i Hardanger. Totalt var det 25 deltagarar. Attendemeldingane frå deltakarane var gode og eit liknande tilbod vert det gitt neste haust. Fristen for å søke spelemidlar til anlegg for idrett og fysisk aktivitet er som vanleg 15. januar. Lukke til med innspurten i sakshandsaminga. Vi ber dykk bruke mal for oversendingsbrevet som de finn på våre nettsider. Ta kontakt med Tore Andersen og Bjørg Larsen om de har spørsmål. Oppdatering av idrettsanlegg.no er ei kontinuerlig arbeidsoppgåve for å få eit meir oppdatert register og for å halde kunnskapen vedlike. Det vart gjort ein god jobb av mange i samband med fristen den 15. oktober 2012, men det er framleis ein del arbeid igjen for nokre av dykk. Nye oppgåver knytt til oppdatering av anleggsregistreringssystemet idrettsanlegg.no vil bli sendt ut i løpet av året. Målet med dette er å halde arbeidet med registeret ved like. Oppgåvene vert distribuert per e-post med frist for tilbakemelding til Bjørg Larsen. Minner om at det er eit krav om at kommunane skal Besøksadresse: Agnes Mowinckels gate 5 - Postadresse: Postboks Bergen - Telefon Telefaks Direkte telefon: E-postadresse: kultur@hfk.no Bankgironr Foretaksnr. NO mva.

2 oppdatere idrettsanlegg.no for å kunne søke om spelemidlar. Kvart år må vi rapportere til Kulturdepartementet på kva som er gjort av oppdateringar i Hordaland. Søknadsfrist for fylkeskommunalt investeringstilskot til idrettsanlegg med regional og nasjonal verdi er 15. januar. Dette er konstnadskrevjande idrettsanlegg der ein kan arrangere nasjonale og internasjonale meisterskap. Hordaland fylkeskommune føreset tidleg dialog om utvikling av prosjektet. Anlegget det vert søkt om støtte til, skal vere forankra i ein kommunal plan for fysisk aktivitet, idrett og friluftsliv. Om anlegget er forankra i ein regional plan, styrkjar dette søknaden. Det er sett av kr årleg i Hordaland fylkeskommune sin økonomiplan Fristen for å søke om spelemidlar til lokale kulturbygg og regionale kulturbygg er den 15. mars. Retningsliner de finn på Det blir sendt eige brev om dette. Ta kontakt med Ronny Skaar om de har overordna spørsmål knytt til ordninga. Bjørg Larsen skal sakshandsame søknadane. Vi minner også om at fylkeskommunen har inneståande midlar til mindre kostnadskrevjande nærmiljøanlegg. Sakshandsamingstida er maksimalt fem veker. Flott om de kan informere dykkar samarbeidspartnarar lokalt om moglegheitene som ligg i denne ordninga. Meir informasjon og døme på søknadar finn de på våre nettsider Ta kontakt med Tore Andersen om de ønskjer ytterlegare informasjon om ordninga. Dialogmøte kultur og idrett mellom kommunane og Hordaland fylkeskommune kultur og idrettsavdelinga vert februar Møtet vert i år i Rosendal dag 1, der vi skal halde hus på Rosendal fjordhotel. Dag 2 vert på Kulturhuset Husnes. Programmet vert utarbeidd i eit samarbeid med Kvinnherad kulturfestival/kvinnherad kommune. Arbeidet med ny regional kulturplan kjem til å vere viktig på samlinga. Program med påmelding vert sendt ut medio januar Takk til Sylve for ei flott tilrettelegging av Dialogkonferansen 2012 på Stord. Dato for Dialogkonferanse 2013 er september i Fjell kommune. Merking og gradering av padleløyper, «fiskarbondenshus» på Hissøyna, idrettspark på Straume og Sartor Skytehall er noko av dei aktuelle tema for konferansen. Merk dykk datoane. Invitasjon kjem i juni. Fylkeskonferansen for kultur og idrett vart arrangert november Hovudtema for årets konferanse var samspel. Tema på idrett og friluftsliv den 21. november var knytta til ny idrettsmelding, samhandlingsreforma, arenautvikling m.m. Det var 90 deltagarar. Tilgjengelege presentasjonar er lagt ut på Det er sendt ut eit elektronisk evalueringsskjema. De kan også sende oss ein e-post med kommentarar på form og innhald, og innspel til tema på fylkeskonferanse kultur og idrett Vandrekart og sykkelkart Samarbeidsrådet for Sunnhordland har i samarbeid med Hordaland Fylkeskommune, Fylkesmannen i Hordaland og destinasjonsselskapa i fylket laga eit inspirasjonskart med vandreturar i Hordaland. Skilting og merking av turløypene er gjennomført med midlar frå Gjensidigestiftinga. No er Sykkelkart Hordaland tilgjengeleg for alle som ynskjer å ta sykkelen fatt gjennom vakkert landskap! Kartet er 90x90 cm i målestokk 1: og viser graderte turar. På baksida av kartet finn du informasjon om dei ulike sykkelrutene og regionane. Turane er graderte etter vanskegrad, og vegar som ikkje passar for syklistar er og merka på kartet. Karta kan du kjøpe hjå turistinformasjonar og fleire av turistverksemdene i Hordaland. 2

3 Informasjon om alle tilskotsordningane våre finn du på Fylkesmannen har sett av kr. 25 millionar til skjønnsmidlar for Søknader som gjeld kartlegging og verdsetting av friluftsområde inngår i prioriterte satsingsområde. Søknad må sendast innan 1. februar 2013 på elektronisk søknadskjema de finn på Fylkesmannen sin heimeside. Sjå Statlege midlar til sikring av friluftsområde har søknadsfrist 15. januar til Hordaland fylkeskommune. (Kap post 30) Øivind Rune Bjørkås er sakshandssamar og de når han på tlf: eller øivind-rune.bjorkas@post.hfk.no. Midlar til tiltak i friluftsområde (Kap post 78, del 2) og tilskot til friluftslivstiltak (Kap post 74) friluftsliv i statleg sikra friluftsområde har søknadsfrist 15. februar til Hordaland fylkeskommune. Spørsmål kan rettast til Einar J. Grieg. Tildeling av desse tilskotsordningane vert samordna med sakshandsaminga av tilskotsordningar til lokalt folkehelsearbeid, friluftsliv og nærmiljøanlegg har søknadsfrist 15. februar. Fylkeskommunen tildeler midlar til gode lokale utviklingstiltak på nasjonale og regionale satsingsområde. Ulike stønadsordningar er samordna. Kommunar, regionale aktørar og frivillige organisasjonar kan søkje. Meir informasjon på Fylkestinget vedtok i desember 2012 ei omfordeling av 0,9 mill. kr som skal gå til eksterne tilskot til barne- og ungdomstiltak knytt til fysisk aktivitet og idrett. Desse midlane vert tildelt etter søknad. Kultur- og ressursutval vedtek retningsliner og rammer rundt denne ordninga på første møte, 22. januar februar vert også frist for å søke om stimuleringsmidlar til gradering og merking av turløyper. Merkeprosjektet blir no nasjonalt og Vestlandsprosjektet er forlenga med to år. Den 11. desember vart det gjennomført eit vandreseminar på hotell Norge. Presentasjonane finn ein på våre heimesidar: Det var 70 deltagarar. Endre Kleiveland er tilsett som ny prosjektkoordinator etter Arne Kristian Teigland. De når han på tlf: eller e-post endre@bergen-turlag.no Direktoratet for naturforvalting si database for alle statleg sikra område i Noreg er no oppdatert med all informasjonen som blei samla inn i Den naturlege skulesekken ( skal bidra til å utvikle undring og kunnskap om naturen, medvit om bærekraftig utvikling og auka miljøengasjement hos alle elevar og lærarar i grunnskulen. Den naturlege skulesekken delar kvart år ut stønad til skular som brukar uteskule som del av undervisninga. Ordninga har som kriterier bruk av nærmiljøet, aktive elevar som blir involvert i utforskande arbeidsmåtar og bærekraftig utvikling, fleirfaglege opplegg og øving på grunnleggjande ferdigheiter. Søknadsfrist 15. mars 2013 Fylkeskommunen har vore inne i ein prosess der internett har vore oppgradert i høve til utsjåande og utforming. Vi oppmoder alle til å følgje med og ikkje minst kome med innspel til nettsida Vi tek i mot ros og ris slik at nettsida vert eit nyttig arbeidsverkty for dykk. Vi oppmodar også til å følgje oss på facebook og twitter. Mange av dykk har allereie vore del av våre sosiale medier ei stund, og vi håpar å utvikle dette i endå større grad. På SamSpel-konferansen tok vi i bruk twitter, og det kjem vi til å gjere ved fleire høve. 3

4 For å kunne dra nytte av erfaringar mellom kommunane hadde vi sett pris på om de kunne dele gode saker med oss enten på epost eller t.d. facebook. Frå om lag 10. januar 2013 vil de finne ei samla oversikt på våre nettsider over alle planlagde aktivitetsarrangement for personar innan psykisk helsevern og psykisk utviklingshemma i HFK sin regi i Hordaland fylkeskommune gjennomfører arrangementa i partnarskap med ulike regionale og lokale partnarar. Me vonar de kan vidareformidle informasjonen til aktuelle deltagarar i dykkar kommune. Vinterfestivalen 2013 i Myrkdalen på Voss er eit arrangement for personar innan psykisk helsevern. Me har mål om å samle rundt 100 personar til ei aktiv veke tilpassa eigne føresetnader. I 2013 vert arrangementet i veke 16, april. Vi ønskjer alle deltakarar velkomen. Vinteraktivitetsdagar på Kvamskogen 2013 er eit anna tilrettelagt arrangement for personar innan psykisk helsevern i Hordaland. Arrangementet vert avvikla i veke 8 (19., 20. og 21. februar). Deltakarane vel ein av dagane dei vil kome til Kvamskogen på. Tysdag og onsdag er det ski- og aking som er i fokus, medan torsdag er ungdomsdagen der alpint (slalom og snøbrett) er hovudaktiviteten. I tillegg planlegg vi no ei ny aktivitetsveke for denne målgruppa. Camp Herdla for psykiatrien i Hordaland. Det vert på Herdla, Askøy, september. Meir informasjon om dette kjem etter kvart. Trening fram mot Bergen Turlag sin 7-fjellstur er for både spreke og dei som ikkje er like spreke og som har ei psykisk liding. I løpet av hausten 2011 og våren 2012, kan ein delta på 12 ulike treningsturar som danna grunnlag for deltaking på 7-fjellsturdagen. Denne dagen gjekk våre deltakarar ein trefjellstur (Fløien, Rundemannen og Sandviksfjellet) og fekk si legendariske 7-fjells t-skjorte. Arrangementet vert i 2013 gjennomført sundag 26. mai. Oversikt over treningsturane finn de på Bergen turlag sine heimesider. Vi oppmodar andre kommunar til å ta kontakt med oss slik at enda fleire innan psykisk helsevern kan ta del i eit flott tilpassa treningsopplegg. 21. februar er det Vinteraktivitetsdag på Sjusete for personar med utviklingshemming. Aktivitetsdagen er eit samarbeid mellom Hordaland fylkeskommune, Kvam herad, Os kommune, Norheimsund vgs og andre frivillige lag og organisasjonar. Omlag 100 personar deltek på denne aktivitetsdagen som vi meiner er eit godt og tilpassa arrangement for personar med utviklingshemming. I tillegg til at deltakarane får boltre seg i ny-preparerte skiløyper og egna akebakkar, gjev vi tilbod om kanefart og hundespann. Hordaland skikrets er og ein av samarbeidspartnarane og dei er med for å vise ulikt utstyr som kan vere nyttig for mange med utviklingshemming å gjere seg nytte av i ski- og akeaktivitet. Eit anna tilrettelagt aktivitetsarrangement for personar med utviklingshemming er Vinteraktivitetsveka på Golsfjellet. I 2013 vert arrangementet gjennomført veke 15, mars. I 2012 var det om lag 180 deltagarar. Sommaraktivitetsveke for personar med utviklingshemming vert gjennomført veke 24, juni 2013 i Eidfjord. Aktiv saman er eit samarbeidsprosjekt som starta hausten Målet er å få fleire fleirkulturelle barn og unge meir aktive kvar dag, med eit særskilt fokus på dei som er lite fysisk aktive og/eller fysisk inaktive. Dette er eit prosjekt der fire kommunar (Askøy, Bergen, Samnanger og Fjell), idrettskretsen, Bergen og omland Friluftsråd, Way Forward og Bergen Turlag samarbeider om integrering/inkludering gjennom idrett og friluftsliv. Prosjektperioden er Modellen vi jobbar med er overførbar til andre aktørar og andre fagområde. Målet er at fleire aktørar kan nytta modellen og at den også kan brukast på t.d. ulike område av kulturfeltet. Det er viktig at kommunane i Hordaland hjelper oss med å vidareformidle informasjon om desse ulike arrangementa til aktuelle deltakarar, bufellesskap/institusjonar, folkehelsekoordinatorar og andre, slik 4

5 at fleire nye personar får høve til å delta. I tilknyting til arrangementa er det tilbod om kompetanseopplegg for ledsagarane for å kunne skape ein meir aktiv kvar dag for deltakarane. Ha ei god jul og eit aktivt nytt år! Vi ser fram til vidare samhandling for å skape ein aktiv kvar dag for folk i Hordaland. Med venleg helsing Anna Elisa Tryti fylkeskultursjef Britt Karen Spjeld fylkesidrettssjef 5