Giske kommune sette ned ei arbeidsgruppe med slik samansetting: Kommunalsjef helse og omsorg: Lene Bjørlo Overå Leiar og sekretær i gruppa

Transkript

1 Ny organisering av helse- og omsorgstenestene 2018 Giske kommunestyre , fatta følgjande vedtak i økonomiplan : «Kommunen skal innan juni-18 politisk behandle sak om ny struktur innan helse- og omsorgstenestene. Vurdere tenesteinndeling.» Giske kommune sette ned ei arbeidsgruppe med slik samansetting: Kommunalsjef helse og omsorg: Lene Bjørlo Overå Leiar og sekretær i gruppa Einingsleiar BFH Hildegunn N. Roald Einingsleiar Valderøy omsorgsd. Tone Urtegård Einingsleiar Vigra, Giske, Godøy omsorgsd. Nina Skjong Hovudtillitsvalgt Fagforbundet Solfrid Giskegjerde Hovudtillitsvalgt Sjukepleiarforbundet Inger Lise Emini Leiar Komitè helse og omsorg, AP Roar Dyb-Sandnes Nestleiar Komitè helse og omsorg, H Sven Inge Molnes Arbeidsgruppa starta sitt arbeidet 5. januar -18. Det vart lagt plan for arbeidet fram mot politisk behandling i kommunestyret 14. juni -18. Arbeidsgruppa gjorde først ei avklaring og tydleggjering av bestillinga frå kommunestyret. Gruppa arbeidde med følgjande mandat: Mandat: I utgangspunktet gjeld dette omsorgstenestene, men delar av tenestene i BFH kan bli berørt i arbeidet t.d psykisk helse- og rusteneste, dagtilbod og sosiale tenester. Ny organisering av tenestene fremjer effektiv, fleksibel og rett bruk av ressursane og kompetanse. Ny organisering skal gi økonomiske gevinstar, meir effektiv og kvalitativt betre tenester. Digitalisering og bruk av ny teknologi skal implementerast. Arbeidsgruppa vektla følgjande i arbeidet: Tilsettinvolvering. Det var svært viktig at vi starta arbeidet med involvering. Gruppa trengde tilbakemelding om kva som fungerar og ikkje fungerar i dagens tenester, kva tankar ein har om kva som skal til for å få betre tenester, økonomisk berekraftig drift og best bruk av ressursane. Involvering vil skje gjennom workshop med dei tilsette, informasjon, dialog og engasjere personalet i personalmøter og liknande. Tillitsvalgte må delta og nytte sine arena. Vurdering av dagens organisering og ny organisering. Gjennomføre SWOT-analyse i Workshop 6. februar med tilsette innan helse- og omsorg.

2 Framtidsperspektivet: kva ventar oss i tida framover innan oppgåveoverføringar, kompetanse og rekruttering, tenesteutvikling, demografiske endringar, digitalisering og bruk av ny teknologi. Jamfør Helse- og omsorgsplan Heilhetsperspektivet. Gruppa må evne å sjå heilhetleg om tenestene og sjå samanhengar. Brukarperspektivet. Vurdere korleis bevare det som fungerar bra i dag, der det er god økonomisk drift, fleksibel bruk av ressursar, godt arbeidsmiljø. Vurdere korleis gjere endringar der det ikkje fungerar så godt i dag, kva endringar i organisasjonen må til for å i møtekome mandatet. Vurderer tenesteinndeling, evt korleis tilnærme seg dette best mogleg for å i møtekome mandatet. - Vurdere felles organisering av PU - vurdere felles organisering av rus/psykiatri - vurdere felles organisering av heimebaserte tenester - vurdere felles organisering av heildøgnsbemanna bustadar Samarbeid på tvers. Oppretthalde etablerte samarbeidsarenaer og skape nye. Høgt fokus på dette og fleksibel bruk at ressursane. Vurdere organisering av tildelingskontoret. Vurdere organisering av komande tilbod som t.d dagtilbod, behov for nye bufellesskap (personar med dement liding, barn/unge med autisme) Vurdere organisering av kvardagsrehabiliteringsteamet. Vurdere leiarressursane, leiarstruktur, fordeling. Vi skal ikkje ha fleire leiarar enn i dag, evt vurdere mogleghet for reduksjon. Vurdere samanslåing av ramme 6 (BFH) og ramme 7 (Pleie- og omsorg) til èi felles økonomisk ramme. Vurdering: Det har vore eit stort engasjement i einingane og dei tilsette har deltatt på workshop, i fleire ulike møter og arena for involvering. Både tillitsvalgte, leiarar og politikarar gir tilbakemelding på at det har vore gode prosessar for tilsettinvolvering og deltaking i arbeidet. Innspela har vore svært viktige for arbeidet i gruppa. Det var ein markant forskjell på tilbakemeldingane frå omsorgsdistrikta. Tilsette i Vigra, Giske og Godøy omsorgsdistrikt (VGG) var tydelege på at dagens organisering fungerar bra og at det ikkje var ønske eller behov for å gjere store endringar. VGG arbeider fleksibelt, nyttar ressursane på tvers av tenester, har god økonomisk drift, godt arbeidsmiljø og lavt sjukefråvær. Tilsette i Valderøy omsorgsdistrikt (VAOMS) gav tydeleg tilbakemelding om at det er stort behov for å gjere organisatoriske endringar. Distriktet er for stort i høve tal tilsette og mange ulike og komplekse tenester. Valderøy omsorgsdistrikt har om lag 120 årsverk, 200 tilsette og har fått nye tenester dei siste åra som ØHD-tilbod, rehabiliteringsavdeling, utvida

3 tilbod ved Løkvegen med fleire senger og fleire tenester. Eininga har hatt høgt sjukefråvær over tid. Det er eit auka behov for meir spissa kompetanse innan rus og psykiatri. Arbeidsgruppa vurderte korleis ny struktur kan i møtekome dagens og framtidas behov innan området. Arbeidsgruppa ynskjer å samle bufellesskapa innan PU, men såg det ikkje som mogleg å samle det på Valderøya i denne omgang. På sikt er dette ønskeleg. Dette grunna 14 årsverk på Reset bufellesskap, Vigra, som gjer det mogleg med fleksibel bruk av ressursar mellom heimebasert omsorg, praktisk bistand og bukollektiv- og institusjonsdrift. Om ein flyttar brukarane og ressursane til Valderøya, vil det vere nødvendig å auke tal årsverk for å drifte fagleg forsvarlege tenester i VGG. Leiarstrukturen i VAOMS vert endra om ein skil ut bufellsskapa, det gjer det mogleg å etablere ny eining utan å tilføre ekstra årsverk leiarressursar. Arbeidsgruppa legg fram følgjande organisering: Slå saman ramme 6 og ramme 7 til ei felles økonomisk ramme for helse og omsorgstenestene. Eining PU, psykiatri og rus (PPR): Samle Løkevegen bufellesskap, Gudmundvegen og Skomakarvegen bufellesskap til ei felles eining i lag med rusteam, psykisk helseteam vaksne og ein psykolog. Det vert ei eining med 3 avdelingar. Arbeidsgruppa ynskjer også å flytte Kingelveven dagtilbod frå BFH. Totalt om lag 65 årsverk. Det er både ynskjeleg og ein fordel at psykolog, rus- og psykisk helseteam er lokalisert på rådhuset. 1 Avdelingsleiarar og 0,4 fagkoordinator ved Gudmundvegen/Skomakarvegen, dagtilbod 1 Avdelingsleiar 80% Løkevegen bufellsskap 1 tilsett i avdelinga for team, vil få funksjon som avdelingsleiar 40%. Rusteam, psykisk helseteam, psykolog Ein avdelingsleiar vil få nestleiarfunksjon Vigra, Giske og Godøy omsorgsdistrikt (VGG) : Flytte natt-tenesta til Valderøy omsorgsdistrikt med 1,9 årsverk. Totalt vert det om lag 67 årsverk i eininga. Eininga har høg kompetanse på dement liding og bukollektivdrift.

4 1 Nestleiar alle tenesteområde 1 Avdelingsleiar Godøy bukollektiv, HBO og PB sone Giske og Godøy 1,5 Avdelingsleiar Vigra omsorgssenter alle avdelingar, Reset bufellesskap, HBO og PB sone Vigra. Valderøy omsorgsdistrikt (VAOMS): Ved ny organisering vert det igjen somatiske avdelingar ved Giske omsorgssenter, HBO og storkjøkken. Totalt vert det om lag 57 årsverk. Eininga blit meir spissa i høve klinisk sjukepleie, palliasjon og rehabilitering. 1 Avdelingsleiar GOS-avdelingane 1 Avdelingsleiar kjøkkenet 1 Avdelingsleiar HBO, Hustruhamna og praktisk bistand Ein avdelingsleiar vil få nestleiarfunksjon. Eining Barn, familie og helse (BFH) Eininga får noko redusert tenester og tal årsverk. Totalt vert det om lag 35 årsverk, i dag om lag 39 årsverk. Arbeidsgruppa ynskjer å flytte Kingelveven, psykisk helseteam vaksne og ein psykolog. Det er vurdert at psykisk helseteam barn og unge må vere igjen i eininga BFH for å sikre barne- og ungeperspektivet. Eininga vil ha følgjande tenester: barnevernteneste, helsestasjon og skulehelseteneste, fysio/ergo-avd med kvardagsrehabiliteringsteam, PPT, logopedteneste, legeteneste, psykisk helseteam barn og unge. 0,5 Nestleiar PPT, helsestasjon, fysio/ergo og barnevernet har teamleiar Tildelingskontoret, med tildelingsteam og flyktningteam. Kontoret fortset vidare lik dagens organisering, direkte under kommunalsjef for helse og omsorg, med avdelingsleiar i tildelingskontoret som øverste leiar. Avdelingsleiar sit i kommunalsjefen sin stab. Arbeidsgruppa vurderer at ein ikkje bør legge tildelingskontoret til ei av einingane, dette for å vidare sikre god og rett tildeling av tenester.

5 Kvardagsrehabiliteringsteamet er vurdert til å fortsette lik dagens organisering, i Fysio/ergo-avdelinga i BFH. Arbeidsgruppa vurderer at ein ikkje bør legge teamet til ei av dei andre einingane, dette for å sikre rett fokus og framhaldande trykk på den nye tenesta i kommunen. Sjå kart over ny organisering av helse- og omsorgstenestene. Argument for ny organisering: Ny organisering samlar ressursar og kompetanse innan rus- og psykisk helseteneste til vaksne. Med slik organisering vil kommunen blant anna vere styrkja i møtet med eit auka behov innan fagområda, auka tal brukarar, auka krav om samarbeid, høgare kompetanse og meir spesialisering, krav om ØHD-tilbod, tydeleg lokal rehabilitering og mottak av utskrivingsklare brukarar. Årsak til at arbeidsgruppa ynskjer PU i same eining er at det vert ei samling av nærliggande tenester. Ein arbeider mykje på same måte, kommunikasjon er verktyet i møtet med brukaren og ein nyttar dei same faggruppene og mykje lik kompetanse. Dette gjer at ein kan ha meir fleksibel drift på tvers av avdelingane om det er behov og ein kan spisse kompetansen i større grad. Det er også eit argument at ein ynskjer å få om lag like store einingar. Leiar vil ha større moglegheit til å halde fokus og retning på fagutviklinga av tenestene. Økonomisk: Arbeidsgruppa vurderer at ny organisering vil gi økonomiske gevinstar. Einingane vert meir spissa i høve fagområder, enklare å drifte grunna lavare tal tilsette, meir forutsigbar drift, lavare sjukefråvær då leiar kan vere tettare på oppfølginga av dei tilsette, tettare på arbeidsmiljøet og tiltaka. Betre interne løysingar: samle dagtilbodet Kingelveven i felles eining med bufellesskap PU gir betre utnytting av ressursane og eit kvalitativt betre samordna tilbod til brukarane. Flytting av natt-tenesta gir betre utnytting av ressursane og tydelegare leiarskap. Ny organisering vil gi meir effektive og kvalitativt betre tenester. Vi beheld eining VGG som i dag, som vert vurdert til å fungere godt både innan økonomisk resultat, fleksibel bruk av ressursar, arbeidsmiljø og lavt sjukefråvær. Ny organisering gir VAOMS ein betre leiarstruktur og meir spissa tenester, lettare å halde oversikt og skape heilhet. Ny organisering gir mindre og meir oversiktlege einingar. Det vert ein meir ideel størrelse for einingsleiar å lede, meir effektivt, lettare å følgje opp dei tilsette og halde fokus på utvikling og kvalitet på tenestene. Ny organisering beheld same tal leiarar som ved dagens organisering. Ny organisering beheld barn, unge og familieperspektivet i eining BFH. Giske kommune har stort fokus på barn og unge, samhandling av tenester, tidleg innsats og førebygging. Om lag 26 % av innbyggarne i Giske kommune er mellom 0-18 år. Det var viktig for arbeidsgruppa at vidare fokus vert opprettholdt.

6 Ny organiseringsmodell bevegar seg mot meir tenesteinndeling. Arbeidsgruppa anbefaler ikkje rein tenesteinndeling pr i dag. Det vert vurdert til at kommunen ikkje har økonomiske ressursar til slik omlegging og av omsyn til ei stor personalgruppe. Arbeidsgruppa ønsker ei meir gradvis tilnærming og omlegging til ei eventuell rein tenesteinndeling. Arbeidsgruppa anbefaler at det vidare vert arbeid med: På sikt slå saman all teneste innan PU, lokalisert på Valderøya. Utvide tilbodet innan demensomsorga med fleire differensierte tenestetilbod. T.d dagtilbod og fleire bustadar på Vigra. Nivå/trinnmodell. Setje ned arbeidsgruppe. Vurdere behov for felles organisering av heimebaserte tenester, deriblant kvardagsrehabilitering. Vurdere behov for felles organisering av heildøgnsbasert teneste. Tenestene skal ha framhaldande stort fokus på digitalisering og bruk av ny teknologi for å i møtekome det aukande behovet for tenester i dag og framover. Einingane skal ha stort fokus på samhandling på tvers til det beste for brukaren og for å finne gode løysingar for drift, kvalitet på tenesta og økonomi. Starte arbeid med å utvide dagtilbodet til å gjelde fleire brukargrupper. Setje ned arbeidsgruppe i Starte arbeid med å møte det aukande behovet for bustadar/bufellesskap for barn/unge med diagnose innan autismespekteret. Setje ned arbeidsgruppe i Helse- og omsorgsplan skal brukast aktivt i organisasjons- og utviklingsarbeidet. Endringskompetanse, evne til å justere seg etter kvart det er behov for det, både i høve organisering, drift og utvikling. Om ny organiseringsmodell vert vedtatt, ynskjer arbeidsgruppa at denne skal evaluerast innan utgangen av 2020.