Innkalling til Flora eldreråd

Transkript

1 FLORA KOMMUNE Innkalling til Flora eldreråd Møtedato: Møtestad: Alderssenteret Havglytt Møtetid: 11:00 Den som har lovleg forfall, eller er ugild i nokon av sakene, må melde frå så snart råd er, tlf , eller til organisasjonogpersonal@flora.kommune.no, slik at varamedlem kan bli innkalla. Varamedlemar møter etter nærare innkalling. Alternative framlegg til vedtak i nokon av sakene kan du sende på e-post til arne.schei@flora.kommune.no. Flora kommune Jostein Midtbø leiar Arne Schei sekretær

2 Saknr. Tittel Sakliste 001/18 Godkjenning av møtebok 002/18 Planlegging av auka kapasitet heildøgnsplassar - handsaming i eldrerådet 003/18 Årsmelding Flora eldreråd 004/18 Konstituering av eldrerådet dei neste 2 åra ORIENTERINGSSAKER: Tilbakemelding frå ev. møte Saker om kjem til

3 FLORA KOMMUNE Saksframlegg Saksnr Utvalg Type Dato 001/18 Flora eldreråd PS Sakshandsamar Arkiv ArkivsakID Arne Schei K /320 Godkjenning av møtebok Framlegg til vedtak: Møteboka vert godkjent slik den ligg føre. Dette dokumentet er elektronisk godkjent og har difor ingen signatur.

4 FLORA KOMMUNE Saksopplysingar: 32T Protokoll - Flora eldreråd

5 FLORA KOMMUNE Møteprotokoll for Flora eldreråd Møtedato: Møtestad: Alderssenteret Havglytt Møtetid: 12:00-13:37 Desse møtte Eldbjørg Rognsøy Jostein Midtbø Laila Nygård Solbjørg Tonheim Arlene Oddbjørg Vågene Parti Arbeidarpartiet Høgre Forfall meldt frå følgjande medlemar Audbjørg Langøy Lala Steindal Parti Følgjande varamedlemar møtte Elisabeth Ellingsund Parti Møteleiar: Jostein Midtbø Merknad til innk.: Ingen merknader. Godkj. sakliste: Godkjent. Frå adm. møtte: Kommunalsjef Norunn Stavø, omsorgsfagleg rådgjevar Trude Gulbranson, møtesekretær/adm.kons. Arne Schei Utlevert i møtet: Strategisk bustadplan Orientering: Leiar orienterte mellom anna om cowboyfest på Furuhaugane omsorssenter 30. august og eldredagen, som i år vart arrangert 7. oktober, og levekårsutvalet sitt seinaste møte. Norunn Stavø om budsjett og handlingsprogram 2018 Trude Gulbranson om arbeidet med institusjonsplanlegging. Spm./interpell.: Synfaring: Ymse:

6 Sakliste Saknr. Tittel 013/17 Godkjenning av møtebok 014/17 Budsjett orientering 015/17 Arbeidet med planlegging av institusjonsutbygging 016/17 Konstituering av eldrerådet dei neste 2 åra

7 013/17: Godkjenning av møtebok Framlegg til vedtak: Møteboka vert godkjent slik den ligg føre. Handsaming: Framlegget til vedtak vart samrøystes vedteke. Vedtak: Møteboka vert godkjent slik den ligg føre /17: Budsjett orientering Framlegg til vedtak: Eldrerådet tek orienteringa til vitande. Handsaming: Framlegget til vedtak frå Jostein Midtbø vart samrøystes vedteke. Vedtak: Eldrerådet tek gjennomgangen av budsjettframlegget til orientering. Eldrerådet ser positivt på den auken som er lagt inn i budsjettet når det gjeld eldreomsorga. Men eldrerådet meiner likevel den foreslegne auken burde vore større. Vi veit at et er stort press i tenestene, noko både tilsette, klientar og pårørande opplever. Oppslag i media om overforbruk opplevest negativt for alle. Tenestene vil då sjølvsagt prøve å stramme inn. Eldrerådet ber Bystyret om å auke dei økonomiske ramme for omsorgstenestene ut over budsjettframlegget. Det er viktig at ein kan komme bort frå ein situasjon med underbudsjettering /17: Arbeidet med planlegging av institusjonsutbygging Framlegg til vedtak: Eldrerådet tek orienteringa til vitande. Handsaming: Framlegget til vedtak vart samrøystes vedteke. Vedtak:

8 Eldrerådet tek orienteringa til vitande /17: Konstituering av eldrerådet dei neste 2 åra Framlegg til vedtak: 1. Eldrerådet vel som ny leiar i neste toårsperiode. 2. Eldrerådet vel.. som ny nestleiar i neste toårsperiode. 3. Medlemer i eldrerådet dei neste to åra vert Arlene Vågene,H, og Solbjørg Tonheim, Ap. 4. Dei tre andre medlemene i rådet vert attvald. Handsaming: Leiar føreslår å utsette saka til neste møte. Samrøystes vedteke. Vedtak: Saka vert utsett

9 FLORA KOMMUNE Saksframlegg Saksnr Utvalg Type Dato 002/18 Flora eldreråd PS Sakshandsamar Arkiv ArkivsakID Arne Schei K /216 Planlegging av auka kapasitet heildøgnsplassar - handsaming i eldrerådet Framlegg til vedtak: Eldrerådet tek orienteringa om saka til vitande. Dette dokumentet er elektronisk godkjent og har difor ingen signatur.

10 FLORA KOMMUNE Saksopplysingar: Kva saka gjeld: Det går fram av vedlegget kva saka gjeld. I levekårsutvalet si handsaming 31. januar vart tilrådinga frå rådmannen vedteke med sju mot tre røyster. Innleiing: Vurdering: Økonomiske konsekvensar: Miljømessige konsekvensar: Aktuelle lover, forskrifter, avtalar mm: 32T Bystyresak om institusjonsplanlegging - til eldrerådet

11 FLORA KOMMUNE KVALITET OG UTVIKLING Saksframlegg Sakshandsamar Arkiv ArkivsakID Trude Gulbranson 17/ Planlegging av auka kapasitet av heildøgnsplassar - endring av tilskotsordningar frå Husbanken Framlegg til vedtak: Plangruppa for auka kapasitet heildøgnsplassar skal i tillegg til gjeldande mandat frå sak 062/17, og inkludere Furuhaugane omsorgssenter som mogleg plassering av auka kapasitet døgnplassar. Furuhaugane Omsorgssenter skal fortsatt driftast som heildøgns omsorgsplassar. Terje Heggheim rådmann Norunn Stavø kommunalsjef Dokumentet er elektronisk godkjent og treng ikkje signatur

12 Saksopplysningar: Kva saka gjeld: Saka gjeld endringar i Husbanken sine tilskotsordningar for heildøgnsbemanna omsorgsplassar (også kalla døgnplassar) herunder heildøgnsbemanna omsorgsbustad og institusjonsplassar. Desse endringane vil gi konsekvensar for tidlegare vedtak og føringar for plassering av auka kapasitet av døgnplassar i Flora kommune. Rammevilkåra for finansiering med Husbanken sitt investeringstilskot er gradvis endra frå 2017 med full effekt frå Endringa gjeld krav om nettotilvekst av døgnplassar. Denne endringa vil gi ein betydeleg meirkostnad for nybygg av institusjonsplassar og heildøgnsbemanna omsorgsbustader i kommunen, om ein samstundes legg ned institusjonsplassar på Furuhaugane Omsorgssenter. Rådmannen legg fram sak til politisk handsaming og tilrår at plangruppa for auka kapasitet døgnplassar i tillegg til gjeldande mandat frå sak 062/17 inkluderer Furuhaugane Omsorgssenter i vidare planlegging. Innleiing: I innleiinga vert det gitt ei oversikt over vedtak når det gjeld institisjonsutbygging i Flora kommune seinare år. Endra rammevilkår for finansierng frå Husbanken i 2017 vil være av betydning for gjeldande vedtak. Flora bystyre vedtok oppstart av planlegging av auka kapasitet heildøgnsplassar. Mandatet til plangruppa vart vedtatt i punkt 7. Utgreie nærare behovet for heildøgnsbemanna omsorgsplassar. Tilrå plassering av dei heildøgnsbemanna omsorgsplassane basert på behov. Sak om Analyse og behov, og tilrådd plassering for auka kapasitet for heildøgnsbemanna omsorgsplassar vert å legge fram for Flora bystyre i juni I forkant av dette vedtaket og mandatet ligg det ei lang arbeidsrekke med politiske vedtak og påfølgande planarbeid rundt framskrivingar og plassering av institusjonskapasitet/døgnplassar, og organisering av berekraftig omsorgsteneste. Denne saksutgreiinga tar med historikken i kronologisk rekkefølge. 1. Sak Flora bystyre : Sak om behov for auka institusjonskapasitet- oppnemning av plankomite og mandat. Bakgrunn for saka var at Flora bystyre gjennom Helse,-sosial og omsorgsplan vedtok oppstart av planarbeid i 2014 for å møte utfordringane knytt til framskrive behov for institusjonsplassar. Plangruppa fikk mandat om å utgreie nærare analyse og behov for institusjonsplassar med bakgrunn i framskrivingar vedtatt i HSO-plan Mandatet innebar tilråding av plassering av auka institusjonskapasitet. Plangruppa for auka institusjonskapasitet (som vart nedsett som følge av vedtaket) arbeidde med framskriving, og plassering av auka institusjonskapasitet. Sjukehusgruppa ( "Nydal-utvalet") arbeidde paralellt med å finne anvendingsområde for Sjukehuset. I tillegg fikk rådmannen kapasitetsvurdert sjukehuset som ein institusjon for det totale framskrive behovet for institusjonsplassar fram mot Framskrivingane som behovet for auka institusjonskapasitet vart gjort utifrå ei dekningsgrad på 18,5 % institusjonsplassar for befolkninga over 80 år, og eit behov for 6,5 % omsorgsbustadar med heildøgnsbemanning ( 80+). Plangruppa (plangruppene) leverte si tilråding til rådmannen, og rådmannen fremja sak til politisk handsaming: 2. Sak Flora bystyre : Sak om framtidig institusjonsstruktur for auka institusjonskapasitet, og bruk av Florø sjukehus. Saka var basert på:

13 Rapport frå gruppa som skulle finne anvendingsområde for sjukehuset. (låg som Vedlegg i saka) Plangruppa for auka institusjonskapasitet sitt vedtak frå om å få kapasitetsvurdert 2 alternativ for auka institusjonskapasitet. Alt 1: Furuhaugane Omsorgssenter + Flora Omsorgssenter. Alt 2: Flora Omsorgssenter+ sjukehuset. ( låg som vedlegg i saka) Rådmannen hadde på sjølvstendig initiativ utgreidd om sjukehuset, og evt tilbygg på tomta kan nyttast som ein institusjon. I tillegg er det vurdert om sjukehuset kan nyttast til kontor/administrasjon. Saka synte framskrivingar av behov, alternative bygg, tomt og areal, 8 modellar for utbygging inkludert analyse og vurdering av desse modellane, og rådmannen tilrådde 2 val. Dette var alternativ utbygging av Florø Omsorgssenter 72 nye plassar, i tillegg til utbygging av sjukehuset. Og alternativ 2: utbygging av Florø sjukehus som ein institusjon. Rådmannen sitt framlegg falt med 1-30 stemmer. Bystyre vedtak vart: 1. Levekårsutvalget set ned ei plangruppe med mandat om å komme med eit framlegg for levekårsutvalget og bystyret innan juni Framlegget skal syne korleis ein kan organisere omsorga i lys av ressursbruk og kvalitet. Målet er å finne løysingar som er driftsøkonomiske, bærekraftige og ivaretek ynskjer og krav frå dei med omsorgsbehov. 2. Sentrumsnære områder i Flora kommune som t.d. Flora Omsorgssenter, kvartalet rundt Docen og sjukehustomta/sjukehuset vert framtidig arena for utbygging av omsorg. Punkt 2 i dette vedtaket gjev føringar for utfasing av Furuhaugane Omsorgssenter som institusjon, og seier kva areal kommunen skal nytte for utbygging av omsorgskapasitet. Når dette vedtaket vart fatta var det ikkje eit krav frå Husbanken om nettotilvekst av heildøgnsbemanna omsorgplassar, for å kunne motta tilskot. 3. Sak levekårsutvalet Bystyrevedtaket førte til sak i Levekårsutvalet om planlegging av auka institusjonskapasitet organisering og dimensjonering. Plangruppa fikk i sak og påfølgande vedtak mandat: Kome med framlegg om driftsøkonomisk og berekraftig organisering/tenestemodell for eldreomsorga i lys av ressursbruk og kvalitet. dimensjonering av døgnplassar, og vurdere korleis ein best mogleg kan nytte dei samla ressursane i dei øverste trinna i omsorgstrappa. Organiseringa skal vere driftsøkonomisk og berekraftig med god kvalitet. Plangruppa hadde 4 planmøte våren 2016, og hadde 2 framlegg for innspill av Levekårsutvalet. Plangruppa la eit samla utfordringsbilde i omsorgstenestene til grunn for sitt arbeid. Det samla utfordringsbildet var gitt med bakgrunn av faktaopplysningar frå tenestene, frå nasjonale føringar, frå Flora kommune sitt arbeid med kommuneplanen sin samfunnsdel og frå oppdatert forsking på ressursbruk og organisering av eldreomsorg. Plangruppa la si tilråding fram til rådmannen, som fremja sak til politisk handsaming: 4. Sak Flora bystyre Organisering av Framtidas Omsorgstenester. Vedtaket i saka vart mellom anna at Flora kommune skal ha ein heimebasert omsorgsprofil, med styrking av heimetenester. Kommunen skal planlegge fleire døgnplassar som Omsorg Pluss konsept, og utbygging av heildøgnsbemanna omsorgsbustader skal lokaliserast til Docen-området. Det skal og planleggast i Eikefjord.Vedtaket seier og at kapasiteten på Docen området skal nyttast før ein nyttar sjukehusbygget/tomta til omsorgsføremål med bemanning.

14 Dette vedtaket seier og noke om plasseringa som rådmannen no vurderer kjem i konflikt med Husbanken sine reglar om nettotilvekst av døgnplassar for å kunne motta tilskot til utbygging. Vedtak i saka vart og at oppstart institusjonsplanlegging vert i januar Dette vart seinare framskunda i sak i Flora bystyre den som er grunnlaget for noverande arbeid. Husbanken sine reglar om tilskot med omsyn til nettotilvekst: Husbanken gjennomfører statens til ein kvar tid gjeldade bustadpolitikk, og handsamar og tildeler ulike tilskot. Investeringstilskot vert gitt til kommunane med føremål å fornye og auke tilbodet av institusjonsplassar og omsorgsbustader. Frå 2017 vart det ei endring i reglane om investeringstilskot med gradvis innføring av krav om at prosjekt som vert delfinansiert av investeringstilskot skal bidra til ein nettotilvekst av heildøgns-omsorgsplassar. Nettotilvekst tyder at den totale mengda heildøgns omsorgsplassar i kommunen skal auke. Kommunar som mottar tilskot kan ikkje avvikle eksisterande plassar i takt med utbygging av nye tilskotsfinansierte plassar. Nye prosjekt som mottar tilskot skal gi netto tilvekst i minst 10 år frå tildelt tilskot. Med plass meiner Husbanken; plass i institusjon herunder sjukeheim. Omsorgsbustad til personar med behov for heildøgns helse-og omsorgstenester som er tilrettelagt for å kunne yte slike tenester, og døgnomsorgsplassar til personar med trong for øyeblikkelig hjelp. "Heldøgns pleie- og omsorgstjenester defineres med utgangspunkt i Husbankens veileder HB 8.C.8. Med personer som har behov for heldøgns helse- og sosialtjenester menes her personer som trenger tjenester på ulike tider i løpet av hele døgnet. Omfanget av tjenestene vil kunne variere gjennom døgnet og over tid. Dette inkluderer personer med langvarig somatiske sykdommer, funksjonshemming, utviklingshemming, rusproblemer eller psykiske og sosiale problemer. Det er ikke noe krav at kommunen må ha en omsorgsbase i det enkelte prosjekt så lenge denne ligger i boligen(es) nærmiljø. Kommunen har ansvaret for hvordan tjenestene organiseres." I praksis tyder dette at om Flora kommune vel å utfase 45 plassar på Furuhaugane Omsorgssenter vil kommunen ikkje motta tilskot for dei første 45 plassane vi bygger nye. Tilskota er per no 45 % per omsorgsbustad, og 55 % per institusjonsplass. Dette vert ein vesentleg faktor når det gjeld finansiering og plassering av døgnplassar framover. Tilskot til velferdsteknologi, heving av teknisk standard, bygging av fellesareal og dagaktivitetssenter vert videreført, sjølv om det ikkje representerer nettotilvekst. Investeringstilskotet til desse tiltaka er per no 55 % av kostnadane. Døme : Finansiering av 24 nye institusjonsplassar/sjukeheim: (Henta frå Husbanken) Oppsett finansiering: Totale anleggskostnader inkl mva kr Tilskot frå husbanken - kr ( 55 %) Refusjon mva - kr (25%) Kommunens eigenandel = kr ,- Dømet syner anleggskostnader satt til husbankens maksimalt godkjente anleggskostnader. Husbanken informerer om at veldig ofte er dei totale anleggskostnadane høgare enn dette. Døme syner at investeringstilskotet er ein vesentleg rammefaktor for finansiering av sjukeheimsplassar. Vurdering: Når det gjeld institusjonsplanlegging er det over år gjort et grundig planarbeid og politiske vedtak når det gjeld analyser av framskrivingar og driftsoptimal plassering kopla med statlege føringar for bærekraftig omsorg. Rådmannen vurderer at arbeidet som har vore gjort har vore grundig, og kommunen har kome fram til gode vedtak. Vedtaka er hovudsakleg basert på heimebasert omsorg, men at det skal være tilgjengelege institusjonsplassar/døgnplassar for dei som treng mest omsorg.

15 Plassering av utbygginga til sentrumsnære område med ei forståing av utfasing av Furuhaugane Omsorgssenter har og med institusjonen sin alder, standard og utforming å gjere. Endringane i rammevilkår for å kunne nytte investeringstilskot må kommunen likevel ta innover seg. Tal institusjonar drift. Tal institusjonar som kommunen kan drifte har vore vurdert i tidlegare plangrupper. Plangruppa for auka institusjonskapasitet ( oppnevnt i Flora bystyre ) drøfta stordriftsfordeler og smådriftsulemper knytt til driftsøkonomi og tilgjengelig personell, og konkluderte og fatta vedtak om at Flora kommune ikkje vil ha økonomi eller personell til å drifte meir enn 2 institusjonar. Rådmannen vurderer at dette fortsatt må være gjeldande. Kommunen har per no 2 institusjonar, og i tillegg skal det være heildøgnsbemanning på Docen 2. Ei tenkt drift av sjukehuset som ein eventuelt 3. institusjon vil i tillegg til utfordringar med nok økonomiske ressursar til å bemanne døgnplassar i ytterlegare ein institusjon, vil kunne gi utfordringar med tilstrekkeleg høgskulekompetanse i turnusvaktene. Med endra rammevilkår for finansiering vurderer og tilrår rådmannen at arena for utbygging av heildøgns omsorgsplassar må være knytt til eksisterande institusjonar Florø Omsorgssenter, Furuhaugane omsorgssenter og Docen. I tilrådinga og vurderinga ligg det at plangruppa som skal arbeide videre med saka dimensjonerer og differensiere plasseringa etter nivå 6 og 7 i omsorgstrappa. Det som er sett av planmessig ved Sjukehuset til omsorgsføremål som saka ligg no, bør rettast mot omsorgsbustader utan fast bemanning. Plangruppa sitt arbeid per no. Plangruppa har starta sitt arbeid og har laga framskrivingar, analyse og behov etter faktiske tildelte plassar og søknader over år i Flora kommune. Framskrivingane som kommunen tidlegare har gjort har vore basert på prosentvis dekning av aldersgruppa over 80 år. Desse framskrivingane har truffe bra for kommunen sitt behov. Mangelen på omsorgsplassar som kommunen opplever no er først og fremst kopla mot forsinking av realisering av byggeprosjekt ( Docen 2). Rådmannen vurderer likevel at ei framskriving basert på faktiske tildelte plassar og behov over år vil gi kommunen enda meir presise framskrivingar. Framskrivingar behov for døgnplassar, samla nivå 6 og nivå 7 i omsorgstrappa: Nb: Framskrivingane er innafor plangruppa sitt mandat med å dimensjonere på nivå 6 og 7 i omsorgstrappa, og vil vere retningsgjevande til plangruppa har levert sitt arbeid til rådmannen. Dette gjeld hovudsakleg linje 5 og 6 som kan justerast, men total døgnplassar vert vurdert som ferdig framskrevet. Framskriving faktisk tildelte inst.plassar Faktisk Tal institusjonsplasser Hyblar Planlagt Docen 2 (HDO) Total døgnplasser Framskrevet behov instit.plass, alle grupper Framskrevet behov HDO total framskrevet behov døgnplasser Docen 3 ( lagt i Bustadplan) HDO i tilknyting til inst ( Bustadplan Avvik i høve plassar og behov

16 Forklaring av tabell : Linje 1: Linja syner faktisk tal institusjonsplassar som kommunen har i dag på Furuhaugane Omsorgssenter og Florø Omsorgssenter. Linje 2: Linja syner hyblane som er laga i underetasjen på Furuhaugane Omsorgssenter, der pasientar får døgntilbod. Linje 3: Linja syner døgnplassane i Docen 2, som skal stå ferdige i november Linje 4: Linja syner dei totale mengda døgnplassane som er tilgjengelege i slutten av Linje 5: Linja syner framskrevet behov for døgnplassar. Desse framskrivingane er laga basert på faktiske tildelte tenester i Flora kommune, kopla mot ssb sine folketalsframskrivingar. Dette vurderes som meir rette framskrivingar enn ein prosentandel av befolkninga over 80 år. Linje 6: Linja syner framskrevet behov for heildøgns omsorgsbustadar. Nivå 6 i omsorgstrappa. Desse brukarane får tenester tildelt som heimesjukepleie, med bustaden/bygget skal være bemanna 24 timer i døgnet. Dette er i tråd med vedtak om at Flora kommune skal drive heimebasert omsorg. Desse framskrivingane er gjort med ei dekning på 6,5 % av befolkninga over 80 år etter ssb sine framskrivingar. Prosendelen er gjort etter kartleggingar basert på andre kommunar, rapportar etc. Det føreligg ikkje statleg norm for dette. Linje 7: Linja er ei oppsummering av framskrevet behov for døgnplassar basert på linje 5 og linje 6. Linje 8: Linja syner planlagte heildøgnsbemanna omsorgsbustader i strategisk bustadplan Linje 9: Linja syner planlagte døgnplassar i strategisk bustadplan Linje 10: Linja syner avvik i høve plassar og behov som er i ulike år. Tala forutsetter realisering av linje 8 og 9. Pluss tyder overkapasitet, medan tabellen syner at frå 2030 vil kommunen igjen trenge døgnplassar. Plangruppa skal og definere og differensiere behov på nivå 6 og 7 i omsorgstrappa og tilrå plassering. Som vedtaket om plassering står no har ikkje plangruppa mandat til å inkludere Furuhaugane Omsorgssenter i planlegginga. Utgreiing på kapasitetmuligheter har tidlegare synt (sak Florø bystyre ): Furuhaugane Omsorgssenter: Det er vurdert både stor og lita utbygging. Maks kapasitetsutnytting med nybygg og utvida tomt vil kunne gi 114 døgnplassar. Florø Omsorgssenter: Det er vurdert både stor og lita utbygging. Maks kapasitetutnytting vil kunne gi 114 døgnplassar. Florø sjukehus: Det er vurdert ulike modellar. Når ein ser vekk frå modell som inkluderer gamledelen. ( murbygget) er det kapasitetsvurdert mulighet for 80 døgnplassar som nybygg i "sjukehushagen". Den nyaste delen av sjukehuset samt nybygg/påbygg mot Florø barneskole er vurdert en mulig kapasitet på 72 døgnplassar. Når det gjeld kapasitet syner tala over at kommunen kan dekke behova for døgnkapasitet med bruk av sentrumsnær utbygging, og ei utfasing av Furuhaugane omsorgssenter.

17 Rådmannen har vore i kontakt med Husbanken. På spørsmål om tilskot etter krav om nettotilvekst kan det bli gitt delvis tilskot basert på kva år det vert byggestart før år Dette tilskotet vil gradvis synke. Ved byggestart og søknad om tilskot etter 2021 er det 100 % krav om nettotilvekst. Som tilskotsordningane er regulert per no kan ikkje rådmannen tilrå ei utfasing av Furuhaugane omsorgssenter. Økonomiske konsekvensar: Om Furuhaugane Omsorgssenter skal utfasast vil det verte betydelege økonomiske konsekvensar for å erstatte plassane. Erstatningsplassane vil ikkje få tilskotsfinansiering frå Etter Husbanken sitt døme i innleiinga i saka er tilskotet på 1,7 millionar kroner per plass. Om ei reknar 50 plassar på Furuhaugane Omsorgssenter vert det snakk om betydelege summar. Det må poengterast at summen er retningsgjevande, og at alle prosjekt må særskilt utreknast. Rådmannen har vore i kontakt med Husbanken, og med grunngjeving som nevnt i teksten over kan rådmannen ikkje legge fram ein eksakt sum på kor mykje tilskot kommunen må finne alternativ finansiering på om ein vel å utfase Furuhaugane Omsorgssenter. Miljømessige konsekvensar: Aktuelle lover, forskrifter, avtalar mm:

18 FLORA KOMMUNE Saksframlegg Saksnr Utvalg Type Dato 003/18 Flora eldreråd PS Sakshandsamar Arkiv ArkivsakID Arne Schei K /216 Årsmelding Flora eldreråd Framlegg til vedtak: Årsmelding for Flora eldreråd vert godkjent slik den ligg føre. Dette dokumentet er elektronisk godkjent og har difor ingen signatur.

19 FLORA KOMMUNE Saksopplysingar: Kva saka gjeld: Årsmeldinga er vedlagt. Innleiing: Vurdering: Økonomiske konsekvensar: Miljømessige konsekvensar: Aktuelle lover, forskrifter, avtalar mm: 32T Årsmelding Flora eldreråd

20 FLORA KOMMUNE ORGANISASJON OG PERSONAL Fleire mottakarar Vår ref. Dykkar ref. Dato: 17/216-31/K1-033/ARSC Årsmelding Flora eldreråd Bakgrunn I 2007 (sak 93/2007) gjorde Flora bystyre vedtak om å vidareføre ordninga med eldreråd i kommunen med medhald i 2 i Lov om eldreråd, med 5 personar tilrådde av pensjonistlag/foreining og 2 politisk valde medlemer. Rådet skal vere eit kommunalt utval etter 10 nr. 1 i kommunelova og eit forvaltningsorgan etter 1 i forvaltningslova. Mandat Rådet skal vere eit rådgjevande organ med føremål å sikre eldre sine levekår i kommunen. Rådet skal: Handsame saker som er særleg viktige for eldre i Flora kommune. Rådet skal ha framlagt alle saker som vedkjem eldre for uttale og merknader før desse blir lagt fram for hovudutval, plan- og prosjektutval, formannskap og bystyre. Konsentrere seg særskilt om større og overgripande saker, slik som økonomiplan og årsbudsjett, saker som vedkjem eldre sine livsvilkår etter helse- og sosiallovene, og kommunal planlegging etter 8 i kommunelova. Kome med uttale og merknader før politisk avgjerd verte teke. Sjå til at planarbeidet med universell utforming og realisering av dette vert følgd opp av og i Flora kommune. Medverke til at samfunnsskapte barrierar i høve eldre vert fjerna, og at direkte og indirekte diskriminering blir motarbeidd innanfor heile det kommunale saksområdet. Sikre at eldre får tilgang til kommunal informasjon og til dei kommunale tenestene som er nødvendig for at dei skal fungere best mogleg i kvardagen. Ta opp saker på eige initiativ. Ikkje behandle saker som gjeld einskildpersonar. Ikkje ha med forvaltning av kommunale tilskot til lokale brukar- og interesseorganisasjonar å gjere, og heller ikkje forvalting av tilskot til særskilde tiltak for målgruppa. Postadr.: Besøksadr: Telefon / faks: Bankgiro: E post: Markegata / postmottak@flora.kommune.no 6905 FLORØ Org.nr: MVA

21 Jfr. Lov om eldreråd Eldrerådet 2016 Jostein Midtbø, leiar Laila Nygård, nestleiar Medlemer: Laila Steindal Eldbjørg Rognsøy Audbjørg Langøy Vara: Reidar Høyset Vara: Leif Amundsen Vara: Elisabeth Ellingsund Vara: Oddvar Østrem Vara Nils Jørgen Hansen Politisk valde: Ap: Solbjørg Tonheim Vara: Gunnvar Seljeseth H: Arlene Vågene Vara: Cecilie Udberg-Helle Møte i 2017 Eldrerådet hadde fire møte i løpet av 2017 og det vart handsama 16 saker. Rådet har hatt møte på alderssenteret Havglytt måndagar kl.11.00, som hovudregel. Rådet har ikkje hatt ein møteplan kvart år, men leiaren i samarbeid med sekretæren har fått fullmakt til å sette datoar for møte fortløpande når det har vore aktuelle saker å handsame. Sekretariat Sekretariatsfunksjonane for eldrerådet er ivaretatt ved organisasjon- og personalavdelinga i Flora kommune. Sekretær i det kommunale eldrerådet har vore adm.kons. Arne Schei frå 6. februar Oppfølging av saker Rådet har i 2017 spesielt engasjert seg i følgjande saker: Lev Vel-prosjektet Framdrifta av Docen 2 Den internasjonale eldredagen HSO-planen Institusjonsplanlegginga 27.februar gjorde rådet følgjande samrøystes vedtak i sak 002/17: Eldrerådet har merka seg at Docen 2-prosjektet er inne i ei vanskeleg fase. Dette er svært beklageleg, då behovet for dei omsorgsplassane som er skissert i dette prosjektet er presserande, jf. Fp sitt intervju med kommunalsjef Stave sist fredag. Eldrerådet ber om at alt vert gjort for å lande dette prosjektet snarast. I mellomtida må kommunen finne alternative løysingar. Til plangruppa for institusjonsutbygging var det val i møtet 28. august: Då vart nestleiar Laila Nygård samrøystes vald til medlem av gruppa, med Laila Steindal som vararepresentant. Eldrerådet kom med følgjande innspel til budsjettprosessen i møte 4. desember: Eldrerådet tek gjennomgangen av budsjettframlegget til orientering. Vår ref.: /17/216//1417 Side 2 av 3

22 Eldrerådet ser positivt på den auken som er lagt inn i budsjettet når det gjeld eldreomsorga. Men eldrerådet meiner likevel den foreslegne auken burde vore større. Vi veit at et er stort press i tenestene, noko både tilsette, klientar og pårørande opplever. Oppslag i media om overforbruk opplevest negativt for alle. Tenestene vil då sjølvsagt prøve å stramme inn. Eldrerådet ber Bystyret om å auke dei økonomiske ramme for omsorgstenestene ut over budsjettframlegget. Det er viktig at ein kan komme bort frå ein situasjon med underbudsjettering. Andre saker i 2017 Eldredagen vart flytta frå 1. oktober til 7. oktober som følgje av eit samrøystes vedtak i eldrerådet. Vår ref.: /17/216//1417 Side 3 av 3

23 FLORA KOMMUNE Saksframlegg Saksnr Utvalg Type Dato 016/17 Flora eldreråd PS /18 Flora eldreråd PS Sakshandsamar Arkiv ArkivsakID Arne Schei K /216 Konstituering av eldrerådet dei neste 2 åra Framlegg til vedtak: 1. Eldrerådet vel som ny leiar i neste toårsperiode. 2. Eldrerådet vel.. som ny nestleiar i neste toårsperiode. 3. Medlemer i eldrerådet dei neste to åra vert Arlene Vågene,H, og Solbjørg Tonheim, Ap. 4. Dei tre andre medlemene i rådet vert attvald. Dette dokumentet er elektronisk godkjent og har difor ingen signatur. Flora eldreråd - 016/17 FLER - handsaming: Leiar føreslår å utsette saka til neste møte. Samrøystes vedteke. FLER - vedtak: Saka vert utsett.

24 FLORA KOMMUNE Saksopplysingar: Kva saka gjeld: Jostein Midtbø har vore leiar for eldrerådet dei siste to åra. Han ønskjer no at nokon andre tek over leiarvervet. Det må også veljast ny nestleiar. Dei to i eldrerådet som er vald av bystyret, er vald for fire år, så dei er ikkje på val denne gongen. Innleiing: Vurdering: Økonomiske konsekvensar: Miljømessige konsekvensar: Aktuelle lover, forskrifter, avtalar mm: