Med hjarte for heile kommunen

Transkript

1 KOMMUNEVALPROGRAM SOGNDAL SENTERPARTI Med hjarte for heile kommunen 1

2 VÅRE HOVUDSAKER SOGNDAL SOM BU- OG ARBEIDSOMRÅDE: Sp vil styrke Sogndal som trafikknutepunkt, og vil jobbe for betre trafikkavvikling gjennom sentrum og tunnel frå Hagalandet til Valeberg (museet), «Sogndalspakken». Me vil legge til rette for busetnad og næring på Kaupanger, i Fjærland, Norane, Barsnesfjorden og Sogndalsdalen og samstundes vidareutvikle sentrum. Sp vil leggje til rette for auke i matproduksjon og matrelaterte næringar. Sp vil arbeide for å ta vare på og etablere fleire arbeidsplassar i kommunen. Sp vil ha breiband og fiber i heile kommunen. Sp vil at skulebygda Sogndal skal vidareutviklast. Sp vil jobbe for god integrering av busette flyktningar. Sp vil betre kultur- og opplevingstilbod for alle aldersgrupper. Kommunesamanslåing må vere frivillig. Innbyggjarane må få seie sitt gjennom folkeavrøysting. Kommunen skal prioritere miljø- og klimavenlege løysingar der dette er mogleg. Sogndal sin unge folkesamansetnad skal speglast att i tenestetilbodet. Kommunen skal tilby: Moglegheiter for busetnad i alle delar av kommunen. Ledige barnehageplassar til ei kvar tid. Kulturskuleplassar til alle og satsing på breiddeidretten. Helsestasjon for unge. Trygge nærmiljø og gode oppvekstvilkår. 2

3 Ordførarkandidat Laura Kvamme VERDIGRUNNLAG Senterpartiet vil byggje samfunnet nedanfrå. Me vil ha eit samfunn med frie sjølvstendige menneske som med tru på eigne evner tek ansvar for sitt eige liv, for fellesskapet og natur og miljø. For Sogndal Sp handlar kommune- og fylkestingsvalet i 2015 om å gje eit kraftig signal om at desentralisering av makt, kapital og busetnad framleis må vere berebjelkar i det norske samfunnet. Sjølvsagt må dei lokale sakene vere med å styre ditt val, men hugs også at dette er eit retnings- og verdival. I dette valet er det viktigare enn nokon sinne at du som veljar gjev di stemme til partiet som er oppteke av heile Noreg. For kvar stemme du gjev til Senterpartiet og Sogndal Senterparti vil signalet om motstand til den blå-blå regjeringa sine sentraliseringsreformer verte forsterka. Sogndal Sp seier ja til frivilligheit og folkeavrøysting i diskusjonen omkring kommunesamanslåing og nei til tvang. Me trur at innbyggjarane i Sogndal veit betre kva som er best for Sogndal enn kommunalministeren. Heile Sogndal kommune er eit døme til etterfølgjing for kva ein kan få til med samarbeid og dugnadsånd. «Sjå til Sogndal» vert stadig oftare brukt som omgrep og merkelapp på kva det er mogleg å få til i eit lite lokalsamfunn når alle gode krefter dreg i same retning. 3

4 For å forsterke dette inntrykket ytterlegare ynskjer Sogndal Sp å bidra til auka skaparkraft. Nokre av dei viktigaste tiltaka for å få til dette er utbygging av breiband og fiber i heile kommunen, tilrettelegging for nye og eksisterande næringar, vidareutvikling av skulebygda Sogndal og gode samferdsleløysingar som gjer det trygt å ferdast frå heimen til arbeidsplassen. Vidare må det satsast på ungdomen, som er vår viktigaste ressurs. Sogndal Sp er kultur- og frivilligheitspartiet og vil leggje til rette for kulturskuleplassar til alle og satsing på breiddeidretten. I tillegg vert det viktig å utvikle tilbod for dei ungdomane som ikkje finn sin stad i idretten eller kulturlivet. Sogndal er også ein allsidig landbrukskommune. Me har mange bein å stå på og næringsaktørane innafor landbruket fortenar å verte satsa på. Sogndal Sp vil difor arbeide for auka matproduksjon og knoppskyting innanfor matrelaterte næringar. Dersom du ynskjer at Sogndal kommune igjen skal styrast av eit parti som ser heile kommunen sitt behov, frå Kaupanger i aust til Fjærland i vest, så er det viktig at du gjev di stemme til partiet «med hjarte for heile kommunen». Dersom du ynskjer at Sogndal skal ha ein kvinneleg ordførar som arbeidar hardt for at Sogndal skal verte ein enda betre plass å bu, så må du stemme på Sogndal Sp og Laura Kvamme. Dersom du er ungdom og bryr deg om at aktivitetar og ungdomstilbod skal vere på ungdomen sine premissar, så må du gje di stemme til det lokallaget som tek ungdomen på alvor, og har den lågaste snittalderen på kommunevallista. Me ynskjer deg som veljar eit retteleg godt val på valdagen 14. september. Hugs at du kan førehandsrøyste frå 1. juli til 11. september. MATPRODUKSJON OG NÆRINGSUTVIKLING Senterpartiet vil satse vidare på det eksisterande næringslivet og jobbe for å etablere nye arbeidsplassar i heile kommunen. Me ønskjer ein langsiktig og føreseieleg næringspolitikk og vil at kommunen skal jobbe aktivt gjennom Sogn Næring for å trekke til seg ny næring og arbeidskraft. Sogndal kommune har område som er svært godt eigna for skogbruk, grasproduksjon, stor- og småfehald, frukt- og bærdyrking. Matproduksjonen er ei særs viktig næring for kommuneni tillegg til eigen verdiskaping er næringa råvareleverandør til dei største industriverksemdene i kommunen. Naturgjevne forhold og dyktige produsentar er glimrande utgangspunkt for vidare utvikling og innovasjon innan jordbruk, hagebruk og skogbruk. Senterpartiet vil ha ei meir offensiv satsing på landbruk frå kommunen si side og vil leggje til rette for å trygge framtida for dei som vil satse i denne næringa. For å gjere dette mogleg, kan ei felles landbruksforvaltning i samarbeid med nabokommunane vere eit alternativ. 4

5 Sp ønskjer også at næringsfondet i større grad skal nyttast til matrelatert næring, og me vil arbeide for å opprette ei samarbeidsstilling som støttar opp om auka lokal matproduksjon. Me meiner også det er viktig å oppretthalde og styrke kompetansemiljø som Njøs Næringsutvikling og Norsk Landbruksrådgjeving Sogn og Fjordane. Sp vil at kommunen skal revidere landbruksplanen i byrjinga av neste periode. Det er viktig at matjord vert nytta til aktivt jordbruk, og busetjing i alle delar av kommunen er eit viktig verkemiddel for å sikre dette. Sp ønskjer å innføre ei ordning der utbyggjar må betale inn til eit fond dersom dei byggjer ned produktivt landbruksareal. Fondet skal kunne nyttast til t.d. nydyrking. Alternativt må ein innføre ein jordbank slik at ein kan opparbeide dyrka mark andre stader i kommunen. Me vil også arbeide for at vern av matjord må prioriterast. Eit aktivt landbruk og reiseliv heng nøye saman, og dette er noko av det som gjer Sogndal til eit attraktivt reisemål. Senterpartiet ønskjer at Sogndal skal halde fram utviklinga innan heilårs reise- og friluftsliv på ein berekraftig måte, og ønskjer at det blir lagt til rette for fjellsport, vidare utbygging i Hodlekve, bruk av fjorden og aktivitetsbasert reiseliv. Fosshaugane Campus er ein motor innan kunnskapsbasert tenesteproduksjon, og kommunen må også i framtida vere ein aktiv samarbeidspartnar og støtte opp om utviklinga som skjer her. Sogndal Sp ynskjer at kommunen skal satse på industrifelta på Kaupanger og Fjærland. Sogndal kommune bør til ei kvar tid ha fleire lærlingar innafor dei ulike tenesteområda, og såleis vere med på å sikre rekruttering til desse yrka. Me meiner det er viktig å oppretthalde aktivt og lokalt eigarskap i Sognekraft. 5

6 OPPVEKST BARN OG UNGE Alle barn og unge har krav på ein trygg oppvekst. For å sikre dette, er det viktig med tidleg oppfølging og tett samarbeid mellom foreldre, barnevernstenesta, helsetenesta, barnehage og skule. Senterpartiet vil at Sogndal kommune skal bli like gode på barnehage som me er på skule i dag. Me vil prioritere å auke bemanninga og halde fram satsinga på kompetanseheving for dei tilsette. Kommunen må vidareutvikle samarbeidet med fagmiljøet på Høgskulen. Me vil arbeide for at det er full barnehagedekning og alltid tilgjengelege barnehageplassar i kommunen. Bygging av ny sentrumsbarnehage må gjennomførast tidleg i perioden for å sikre dette. Det geografisk spreidde barnehagetilbodet må oppretthaldast. Me ynskjer også å satse på fleire friluftsbarnehagar. Sogndal kommune skal framleis vere i Noregstoppen på skule. Senterpartiet meiner at dagens skulestruktur fungerer godt og bør vidareførast. Me ønskjer at kommunen skal ha fokus på tidleg innsats, der dei som har særskilte behov skal få hjelp og individuelle tilpassingar. Sp vil at Sogndal kommune som barnehage- og skuleeigar skal ha fokus på trivsel og godt inne- og utemiljø, der fysisk aktivitet og sunt kosthald skal halde fram med å vere ein del av kvardagen i skule og SFO. Me ønskjer å vidareføre MOT-arbeidet i kommunen. 6

7 KULTUR Sogndal har eit rikt og mangfaldig kulturliv og er eit samlingspunkt for kulturopplevingar både lokalt og regionalt. Sp vil arbeide for betre rammevilkår for kulturlivet i heile kommunen, både det organiserte og uorganiserte. Sp vil auke kulturmidlane slik at ein kan prioritere støtte til mellom anna kor og korps. Solhov skal framleis vere eit senter for den uorganiserte ungdomskulturen. Sp vil bidra til å utvikle kulturskulen som lokalt ressurssenter innanfor estetiske fag. Sp vil arbeide for å gjere meir ut av kulturminna i kommunen, som til dømes slaget ved Fimreite. Me ynskjer også å få sett opp eit minnesmerke over falne og dei som bidrog til å gjere Noreg fritt under andre verdskrig. 7

8 HELSE OG OMSORG God helse og god omsorg er vårt felles ansvar. Med venta vekst i folketalet, spesielt i den eldre delen av befolkninga, er det viktig å satse på kompetanseheving og tilstrekkeleg kapasitet innan helse og omsorg. Senterpartiet meiner at me skal gje behandlingstilbod i eigen kommune så langt det er forsvarleg. Øyeblikkeleg hjelp-tilbodet ved Sogndal helse- og omsorgssenter må bli verande. Målet vårt er at alle skal kunne bu heime så lenge dei sjølve ønskjer. Sp meiner at eit dagsentertilbod på helse- og omsorgssenteret er eit viktig tiltak for å nå dette målet, på same måte som det frivillige arbeidet med matutkøyring. Sp vil oppretthalde desentraliserte omsorgsbustader og gjerne legge til rette for fleire. Sogndal kommune skal halde fram med å legge til rette for førebygging og kvardagsrehabilitering. Viktige førebyggjande tenester er: Helsestasjon for barn, ungdom og unge vaksne Gode tenester innan psykisk helse Rusførebygging Interkommunalt lærings- og meistringssenter Fysioterapitenester Omsorgsteknologi Frivillegsentralen Inn på tunet Inn på tunet 8

9 IDRETT OG FRILUFTSLIV Sogndal har eit stort miljø for uorganiserte friluftsaktivitetar som, saman med dei organiserte aktivitetane i idrettslaga, bidreg veldig positivt til kommunen sitt omdømme Kartfesta løypenett for gåande og syklande bør utviklast, men då i samarbeid med grunneigarane. Me ynskjer også å leggje til rette for betre parkeringsmoglegheiter for dei uorganiserte aktivitetane. Sp meiner det er viktig å ha eit tett samarbeid med idrettslaga og trimgruppene i kommunen for å stimulere og legge til rette for auka fysisk aktivitet. Me ønskjer at leikeplassane i kommunen skal rustast opp, og vil at kommunen skal støtte etableringa av kulturstiar. Sogndal Sp støttar arbeidet for realiseringa av ny fleirbrukshall. 9

10 SAMFERDSLE OG KOMMUNIKASJON Sp vil framleis vere ein pådrivar for betre trafikkavviklingsløysing gjennom Gravensteinsgata. Me meiner dette er viktig for å gje betre luftkvalitet, tryggleik for fotgjengarar og for å få betre flyt i trafikken. Eit miljølok eller ein tunnel på baksida av sentrum vil også bidra til å gjere Sogndal sentrum meir attraktivt. Vidare vil vi prioritere tunnel frå Hagalandet Valeberg (museet) i lag med trafikkavviklingsløysing for sentrum («Sogndalspakken»). Sp ønskjer betre utnytting av billagstomta slik at det kan etablerast ny aktivitet. Nye parkeringsplassar i sentrum bør leggjast under bakken. Regelmessige pendlaravgangar mellom Sogndal og nabokommunane er viktig. Rutetilbodet i regionen bør styrkast i helgane. Me vil leggje til rette for betre parkeringsmoglegheiter ved kyrkjene. Sp vil at kommunen skal jobbe vidare for å få nattparkert fly på Haukåsen, og for at det skal etablerast fleire direkteruter til og frå Sogndal. Sp vil auke tildelinga til vedlikehald og opprusting av kommunale vegar. Me vil vidareføre fjordstien i Sogndalsfjøra tilpassa terrenget og miljøet i området, med bruk av offentlege tilskotsordningar. Sp ønskjer fiberutbygging og mobildekning i heile kommunen, og vil nytte statlege og fylkeskommunale midlar til dette føremålet. Me vil at kommunen skal leggje til rette for vidareutbygging av fjordvarmenettet. Me vil jobbe for at det skal byggjast gang- og sykkelveg på strekninga Ølnes Hermansverk. Sp vil jobbe for å få på plass rassikring ved skredpunkt mellom Ylvisåker og Ølmheim. 10

11 LISTEKANDIDATAR Ordførarkandidat Laura Kvamme (Fjærland) 2. Ivar A. Slinde (Norane) 3. Bente Sønsthagen (Kaupanger) 4. Ole-Mathias Nes (Sogndal) 5. Bjarte Stedje (Sogndal) 6. Anette Skarsbø (Sogndal) 7. Magne Bruland Selseng (Kaupanger) 8. Hilde Bøtun (Fardal) 9. Olaug Marie Bjelde (Sogndal) 10. Niels Arne Torstad (Sogndal) 11

12 Sogndal Senterparti Kommunevallista Nr. Namn 1 Laura Kvamme 54 år Fjærland 2 Ivar A. Slinde 53 år Slinde 3 Bente Sønsthagen 31 år Kaupanger 4 Ole-Mathias Nes 31 år Sogndal 5 Bjarte Stedje 44 år Sogndal 6 Anette Skarsbø 29 år Sogndal 7 Magne Bruland Selseng 42 år Kaupanger 8 Hilde Bøtun 48 år Fardal 9 Olaug Marie Bjelde 53 år Sogndal 10 Niels Arne Torstad 29 år Sogndal 11 Svein Jarle Slinde 35 år Fardal 12 Anders J. Bøyum 61 år Fjærland 13 Reidun Fimreite Kleiven 45 år Sogndal 14 Frank Fardal 36 år Sogndal 15 Ingrid Elde 36 år Sogndal 16 Per Magne Fimreite 50 år Fimreite 17 Siv-Anita Hundershagen 41 år Fardal 18 Randi Marie Sjøholt 52 år Sogndal 19 Ole Magnar Rygg 58 år Kaupanger 20 Heidi Malene Steig 29 år Kaupanger 21 Per Sigve Selseng 30 år Sogndal 22 Ole André Hjelmeseter 24 år Fardal Sogndal Senterparti ynskjer deg eit godt val! Sogndal Senterparti e-post: sogndalsp@gmail.com facebook.com/sogndalsp twitter.com/sogndalsp Sogndal Senterparti v/ole-mathias Nes leiar E-post: olemnes@hotmail.com Mobil: senterpartiet.no INNMELDING Bli SP-medlem send «SP» til For deg under 30: Bli Senterungdommedlem ved å sende «SUL» til 2360 Du kan betale via mobil eller kredittkort