fredag 7. september kl på Los Marine, Rubbestadneset

Transkript

1 Jnr GJG/rr Ordførarar og rådmenn i Sunnhordland Ordførar og rådmann i Fusa kommune Ordførar og rådmann i Haugesund kommune Ordførar og rådmann i Vindafjord kommune INNKALLING TIL MØTE I SAMARBEIDSRÅDET FOR SUNNHORDLAND Det vert med dette kalla inn til møte i Samarbeidsrådet for Sunnhordland fredag 7. september kl på Los Marine, Rubbestadneset Saker Sak 30/18 Sak 31/18 Sak 32/18 Sak 33/18 Sak 33/18 Sak 34/18 Sak 36/18 Tidsplan: Kl Kl Kl Godkjenning av referat frå møte 22. juni d.å. Sunnhordland tingrett og jordskifterett Skyss reduksjon i ferje tilbodet Sunnhordland museum kommunal museumsstrategi Sunnhordland som Bærekraftig reisemål Skriv og meldingar a) Vestnorsk Brusselkontor b) Stifting av Sunnhordland Amatørkulturråd c) The Tall Ships Races Bergen 2019 d) Konferanse 28. september vg. skular i Sunnhordland e) The Viking Planet f) Tema til fellesmøte med fylkes- og stortingsrepr frå Sunnhordland 12 oktober g) Møte med Hardangerrådet og regionrådet i Nordhordaland h) Invest in Bergen og Etablerarsenteret i) Halvårs rekneskap Ymse Møte i Samarbeidsrådet Felles lunsj med Atheno Felles møte mellom Samarbeidsrådet og Atheno Tema til møte med Atheno: Næringspolitikk auka samhandling mot felles mål Regionrådet for kommunane Austevoll, Bømlo, Etne, Fitjar, Kvinnherad, Stord, Sveio og Tysnes A Postboks 444, 5403 Stord T Orgnr E firmapost@samarbeidsraadet-sunnhordland.no W samarbeidsraadet-sunnhordland.no

2 Sunnhordland, 30 august 2018 Gro Jensen Gjerde dagleg leiar

3 MØTEBOK Samarbeidsrådet for Sunnhordland Fredag 7. september 2018 kl LOS Marine, Rubbestadneset Sak 31/18 GJG/rr Sunnhordland tingrett og Sunnhordland og Haugalandet jordskifterett Bakgrunn I 2018 vart det oppretta ein Domstolkommisjon som skal greie ut om domstolane sine oppgåver, uavhengigheit og organisering. Kommisjonen skal gi si tilråding 11 august Justis og beredskapsdepartementet har nyleg bedt Domstolkommisjonen om å forsera arbeidet som gjeld den framtidige domstol strukturen. Domstolkommisjonen har som mål å levera ein delrapport 1 oktober Bakgrunnen for dette er mellom anna at fleire domstolar allereie har slått seg saman frivillig samt at det har blitt etablert felles leiing fleire stader som fylgje av at domstol leiarar sluttar. I mandatet til Domstolkommisjonen står det mellom anna: «Det er i dag 63 alminnelige førsteinstansdomstoler, der mer enn en tredjedel er bemannet med to eller tre dømmende årsverk. I tillegg er det 34 jordskifteretter, nesten halvparten med ett eller to dømmende årsverk. Det er behov for endringer i denne domstolstrukturen». Siste strukturreform blei gjennomført i Det førte til ein reduksjon av talet på tingrettar frå 92 til 66. Domstoladministrasjonen evaluerte denne reformen i 2010, og sa mellom anna dette: «For å gi bedre vilkår for god faglig og økonomisk drift anbefales at tingrettenes bemanning generelt bør være på minst 8-10 dømmende årsverk, og at det bør etableres fleire store domstoler med dømmende årsverk». Når det gjeld jordskifterettane sa dei dette: «Her foreslås en minimumsbemanning på 9 årsverk, med en grunnbemanning på 3 dommere, 3 ingeniører og 2 saksbehandlere». I tillegg til å gi råd om talet på tingrettar, skal Domstolkommisjonen også vurdere om det er grunnlag for å integrere eller samlokalisere jordskifterettane med tingrettane. Førebels er det ikkje lovrunnlag for integrering. 4-5 stader i landet er tingrett og jordskifterett samlokalisert. Grunngjevinga som har vore nytta for større einingar: - Betre ressursutnytting (mellom anna optimalisering ift saksmengde) - Betre fagmiljø, betre fagleg kvalitet og betre grunnlag for kompetanseutvikling - Realisering av gevinstar som ligg i bruk av informasjonsteknologi - Moderat spesialisering - Meir attraktiv arbeidsplass for søkande arbeidstakarar - Økonomisk innsparing på sikt - Unngår å bli handlingslamma ved fråvær

4 - Små domstolar er meir sårbare ift krevjande og store enkeltsaker - Habilitetsproblem Argument for å behalde små domstolar: - Avstand til det rettssøkande publikum - Lokalkunnskap - Viktig del i identitets- regionsbygging - Ta vare på advokatmiljøet på staden Kort om fordelar med samlokalisering tingrett-jordskifterett: - Større og betre fagmiljø - Stordriftsfordeler (samarbeid om merkantile oppgåver, førstelinje, HMS, driftskoordinator) - Utnytting av ingeniørar til andre oppgåver (som omfattar kart og geografisk informasjon) - Betre arealutnytting (til dømes rettslokale) Sunnhordland Sunnhordland tingrett, lokalisert på Stord, har 9 tilsette. Jordskifterett, særdomstol for fast eigedom, har 11 tilsette. Sunnhordland tingrett dekker 6 kommunar i Sunnhordland. Haugalandet og Sunnhordland jordskifterett dekker 15 kommunar i Sunnhordland og Nord-Rogaland. Sorenskrivaren i Sunnhordland, Knut Gramstad har gjeve melding om at han vil søkja om avskjed gjeldande frå sumaren Med bakgrunn i gjeldande praksis vil ein vurdere felles leiing når domstolleiarar går av. Det inneber at det mest sannsynleg blir enten sorenskrivaren i Haugesund eller sorenskrivaren i Bergen som får i oppdrag å leia Sunnhordland tingrett. Domstolkommisjonen sin tilråding vil mest sannsynleg danna grunnlaget for den nye strukturen. Sunnhordland tingrett har mest sannsynleg lågare bemanning enn det som blir foreslått som «minstebemanning». Enten vil Sunnhordland tingrett bli lagt til Bergen (Hordaland tingrett) eller til Haugesund (Haugalandet og Sunnhordland tingrett). Haugalandet og Sunnhordland jordskifterett vil truleg ikkje bli råka i første omgang, men vil bli knytt til ein tingrett (i sør eller nord) på sikt dersom det blir bestemt at jordskifteretten blir ein avdeling i tingretten. Eit alternativ til dette kan vera at Domstoladministrasjonen har gjeve høve til å gjennomføre «frivillige» samanslåingar der dei tilsette i domstolane er positive til det. I motsett fall er risikoen stor for at både tingretten og jordskifteretten blir lokalisert ein annan stad om ikkje så lenge. Vurdering Dette er ikkje første gang Samarbeidsrådet har måtta arbeida for å hindra at Sunnhordland tingrett vert lagt ned. Siste gang var i Arbeidsutvalet fekk i møte ei orientering om situasjonen av Sorenskrivar Knut G. Gramstad og Jordskiftedommar Oddmund Roaldkvam. Ut i frå orienteringa meiner administrasjonen at det kan vera fleire strategiar for å prøva å sikra tingretten denne gong.

5 Arbeida for at det vert tilsett ny sorenskrivar etter at noverande går av. Arbeida for at det vert ei samlokalisering av Sunnhordland tingrett og Haugaland og Sunnhordland jordskifterett med eiga lokal leiing. Arbeida for at ein samanslått tingrett og jordskifterett med leiing frå Haugaland tingrett. Administrasjonen meiner at det er lite truleg at det vert tilsett ny sorenskrivar og at Samarbeidsrådet difor må arbeida for å få til ei samlokalisering av jordskifteretten og tingretten med lokal leiing. Sunnhordland tingrett og Haugalandet og Sunnhordland jordskifterett har ved to tidlegare høve (2010 og 2014) teke initiativ til samlokalisering. Domstoladministrasjonen har ikkje akseptert dette. Det kan difor stillast spørsmål til om dei vil gå med på samlokalisering no utan at ein godtar ein felles domstol eining med ein nabodomstol. For å få dette til må det arbeidast fram ein grundig dokumentasjon på kvifor det bør vera ein domstoladministrasjon i Sunnhordland. I Sunnhordland er det fleire advokatkontor og eit sterkt juridisk miljø. På Stord har politiet ei geografisk driftseining med lokal leiing. Saman med jordskifterett og tingrett utgjer dette ei solid klynge som kan vidareutviklast snarare enn å byggjast ned. Dersom det ikkje let seg gjera å få til samlokalisering, må neste fase vera å arbeida for ei løysing som går ut på ein samanslått tingrett med ein avdeling på Stord, der jordskifteretten og tingretten er samlokalisert. Rettskrinsen til jordskifteretten er identisk med den samla rettskrinsen for Haugaland tingrett og Sunnhordland tingrett. Samarbeidsrådet bør vurdera å setja ned ei ad-hoq gruppe som arbeider tettare med korleis ein kan få Domstoladministrasjonen til å sjå at ei samlokalisering med lokal leiing er ei god og framtidsretta løysing. Framlegg til vedtak 1. Samarbeidsrådet for Sunnhordland meiner at ei samlokalisering av Sunnhordland tingrett og Haugaland og Sunnhordland jordskifterett med eiga lokal leiing er ei god framtidsretta løysing. 2. Følgande personar får eit særskilt ansvar for å følga opp saka:

6 MØTEBOK Samarbeidsrådet for Sunnhordland Fredag 7. september 2018 kl LOS Marine, Rubbestadneset Sak 32/18 GJG/rr Skyss reduksjon i ferjetilbodet Gjennom media er det gjort kjent at ferjeoperatørane har blitt kontakta av leiinga i Skyss for å få innspel til korleis selskapa kan gjennomføra kostnadskutt. Bakgrunn for dette er at Hordaland fylkeskommune må spara nær 100 millionar kroner i Samferdsle er ein av dei største sektorane i fylkeskommunen, og det ligg forventingar til at ein stor del av kostnadsreduksjonane kjem her. Skyss forventar ein kostnadsauke som er høgare enn forventa inntekter, og vil arbeida for å få ned kostnadane. Eit framlegg frå Skyss er å kutta første eller siste avgangen på alle 17 fylkesvegsambanda i Hordaland. Då ferjekontraktane vart vedtekne i fylkestinget i førre periode, var vedtaket veldig tydeleg på at ferjedrifta måtte sikrast finansiering. Dette var eit klart vilkår. Utgreiinga som var lagt til grunn for vedtak har vist at nullutsleppsalternativet som blei valt, maksimalt skulle kosta 60 mill. kroner ekstra i året. Tal som no er førelagt syner at kostnadsauken viste seg å vere på over 70 prosent. Årlege kostnadar auka frå rundt 330 mill. til 570 mill. kroner. I tillegg til reduksjon i rutetilbodet er det og framlegg om mindre bemanning på ferjene, billettprisane er auka og det kjem ytterlegere auke ved innføring av autopass. For Sunnhordland som har i alt 9 fylkesvegsamband vil dette ha stor innverknad på utvikling av Sunnhordland som bu, arbeids- og servicemarknad. Færre avgangar og auka kostnadar vil særleg ramma pendling og varetransport. Hordaland fylkeskommune arbeider no med det faglege underlaget til budsjettet for Innspel til kostnadskutt vil gå inn i ein pågåande prosess som skal enda med fylkesrådmannen sitt framlegg til budsjett for 2019 og komande økonomiplanperiode. Dette skal endeleg godkjennast i Fylkestinget i desember. Arbeidsutvalet drøfta saka i sitt møte 23.august og konkluderte med at Samarbeidsrådet må arbeida på fleire områder for å hindra ytterlegare reduksjonar i tilbodet.

7 Framlegg til uttale: Ferjene i Sunnhordland er ein del av fylkesvegnettet, og frekvens og stabilitet er ein føresetnad for at «vegane» skal fungera for å binda regionen samen i ein velfungerande bu-, arbeids og serviceregion. Samarbeidsrådet for Sunnhordland er gjort kjent med at ferjeoperatørane er blitt kontakta av Skyss for å gje innspel til kostnadskutt. Skyss skriv at fylkeskommunen vurderer å kutta første eller siste avgang på alle sambanda i Hordaland. Samarbeidsrådet meiner at ein reduksjon i opningstidene på riksvegane ikkje er akseptabelt. Dette vil ramma både innbyggjarar og varetransport i distrikta i Hordaland. I tillegg til reduksjon i rutetilbodet er billettprisane auka, og det kjem ytterlegare auke ved innføring av autopass. Innføring av Autopass vil særleg råke pendlarar. Samarbeidsrådet ber difor om at rutetilbodet ikkje vert redusert samanlikna med i dag, og at Hordaland fylkeskommune revurderer innføringa av Autopass slik at inntektsbortfallet frå passasjerar ikkje vert lagt på køyretøya. Framlegg til vedtak Samarbeidsrådet godkjenner uttalen slik den ligg føre.

8 MØTEBOK Samarbeidsrådet for Sunnhordland Fredag 7. september 2018 kl LOS Marine, Rubbestadneset Sak 33/18 GJG/rr Sunnhordland museum kommunal museumsstrategi Bakgrunn Sunnhordland museum sende våren 2017 søknad til kommunane om auke i tilskot til drift av museet. Stord kommunestyre gjorde i samband med budsjetthandsaminga for 2018 følgjande vedtak vedrørande søknaden frå museet: Kommunestyret ber rådmann / ordførar gå i dialog med dei andre Sunnhordlandskommunane og Hordaland fylkeskommune om å laga ein opptrappingsplan for finansieringa av Sunnhordland museum. Kommunestyret ser det som naturleg at Stord kommune som vertskommune tek ein større del av den kommunale delen av finansieringa. Kommunestyret ber om at ei slik sak vert lagt fram innan sommaren Ordførar og rådmann i Stord bad om at saka vart teken opp i Samarbeidsrådet. Rådet gjorde i sitt møte 16.mars følgjande vedtak: 1. Samarbeidsrådet for Sunnhordland set ned følgjande styringsgruppe til å utforma eit framlegg til museumspolitikk for kommunane i Sunnhordland: Ordførar Jorunn Skåden Rådmann Magnus Mjør Rådmann Odd Ivar Øvregård 2. Administrasjonen i Samarbeidsrådet vert sekretariat for gruppa. Hordaland fylkeskommune og Sunnhordland museum vert inviterte til å delta i arbeidet. 3. Arbeidet skal leggast fram til møte 7 september. Utgreiinga skal som minimum omfatta: ei kartlegging av museumsverksemda i Sunnhordland, både profesjonelle institusjonar og friviljuge lag og organisasjonar vurdera ei utvida konsolidering av Sunnhordland museum gje framlegg om samarbeidsmodellar med frivillig sektor

9 Målsetjinga med arbeidet er å skaffa fram eit grunnlagsdokument for kommunane si satsing på Sunnhordland museum. Det er viktig å presisera at dette arbeidet går på kommunane si rolle og engasjement i høve til satsing på Sunnhordland museum. Det er Sunnhordland museum si oppgåve å laga sin eigen strategi. Gjennomføring Gruppa starta sitt arbeid i april, der og Ronny Skaar frå Hordaland fylkeskommune deltok. I dette møte vart rammene for arbeidet lagt. Skaar orientert og om at det var mogleg å søkja om midlar til arbeidet gjennom HFK si ordning Museumsløftet. Samarbeidsrådet har søkt om kr ,- til delfinansiering av arbeidet. Administrasjonen har ført strategien i penn, og har undervegs hatt god dialog med konstituert dagleg leiar ved museet, Helge Pedersen. Dette har vore svært nyttig. Det er og sendt ut spørsmål til kommunane om dei har bygg som kan vera aktuelle å vurdera inn under Sunnhordland museum. I tillegg er det og stilt spørsmål til kva forventningar kommunane har til museet. Innspela er prøvd ivaretekne gjennom strategiane. Det har og vore eit møte mellom arbeidsgruppa og representantar frå Kulturavdelinga i Hordaland fylkeskommune og Sunnhordland museum. Tidlegare rådmann i Kvinnherad, Odd Ivar Øvregard er gått av og konstituert rådmann Torstein Aarthun er gått inn i staden. Arbeidsgruppa har teke utgangspunkt i mandatet frå Samarbeidsrådet, og har drøfta om strategidokumentet også skal innehalda ein økonomisk opptrappingsplan. Det er konkludert med at Kommunal museumsstrategi vert lagt fram for drøfting i Samarbeidsrådet no, og at styringsgruppa arbeider vidare med framlegg til ein økonomidel som vert lagt fram i neste møte i Samarbeidsrådet. Kommunal museumsstrategi ligg som vedlegg. Framlegg til vedtak 1. Samarbeidsrådet for Sunnhordland sender Kommunal museumsstrategi på høyring til kommunane. 2. Samarbeidsrådet for Sunnhordland ber om at ein økonomisk opptrappingsplan vert lagt fram til møte 30 oktober.

10 MØTEBOK Samarbeidsrådet for Sunnhordland Fredag 7. september 2018 kl LOS Marine, Rubbestadneset Sak 34/18 GJG/rr SUNNHORDLAND SOM BÆREKRAFTIG REISEMÅL Samarbeidsrådet har fått støtte på kr ,- frå Hordaland fylkeskommune til å starte arbeidet mot å få status som Bærekraftig reisemål. Merkeordninga Bærekraftig reisemål er eit verktøy for reisemål som ynskjer å arbeida langsiktig for ein meir berekraftig lokal reiselivsutvikling gjennom involvering, ansvarleg styring og verdiskaping. Det er 15 destinasjonar i Norge som til no har fått merket Bærekraftig Reisemål, og reiselivet i Sunnhordland ønskjer å bli ein av dei neste. Les meir om Merket og om destinasjonar som allereie har fått merket Berekraftig reisemål: Etter modell frå Innovasjon Norge vil ein no gjennomføre fase 1 av 2, leia av VisitSunnhordland. Standarden for Merket Bærekraftig reisemål byggjer på totalt 42 kriterium med 104 indikatorar, og er inndelt i 5 hovudområde: A : Forankring og implementering politisk A1 : Kriterie Bærekraftig reiseliv skal være integrert i relevante planer og strategier regionalt og kommunalt. A1 Indikatorer 1. Er bærekraftig reiseliv beskrevet i kommunal( e) -og/eller regionale planer og strategier slik at fremtidig ressursforvaltning og verdiskaping er ivaretatt 2. har kommunene fattet politiske vedtak om å være en aktiv bidragsyter for å oppnå merket for bærekraftig reisemål B: Forankring og implementering på reisemålet C. bevaring av natur, kultur og miljø - kulturell rikdom - Landskapets fysiske og visuelle integritet - Biologisk mangfold - Reint miljø og ressurseffektivitet

11 D.Styrking av sosiale verdier - Lokal livskvalitet og sosiale verdier - Lokal kontroll og engasjement - Jobbkvalitet for reiselivsansatte - Gjestetilfredshet, trygghet og opplevelseskvalitet E: Økonomisk levedyktighet - Økonomisk levedyktige og konkurransedyktig reisemål - Økonomisk levedyktige og konkurransedyktige reiselivsbedrifter Standard for Bærekraftig reisemål ligg som vedlegg. Forprosjektet skal vera gjennomført i løpet av våren 2019 og rapportering og søknad for fase 2 i løpet av våren Vurdering Å få stauts som berekraftig reisemål er nedfelt som eit mål i Reiselivsstrategi Merkevarestrategi for Sunnhordland har og som målsetting ein berekraftig reisemålsutvikling av Sunnhordland. Eit av tiltaka i handlingsplan for reiselivssatsing 2018 er å starte arbeidet mot å bli eit berekraftig reisemål. Gjennom det årlege marknadsarbeidet til VisitSunnhordland, vert det arbeidd med å gjera Sunnhordland som reisemål meir synleg mot norske og utanlandske turistar. I perioden (sommarsesong) har det på hotell vore ein positiv og stabil vekst på heile 66%. Dette tilsvarar gjestedøgn. Den største auken er frå ferie/fritidsmarknaden, blant dei den norske marknaden. Camping- og hytteutleige er størst på utanlandske marknaden. Sunnhordland er ein stor sjø hyttedestinasjon for privateigde ferie og fritidshus, blant den største i Hordaland. Dei utgjer ein betalingsdyktig marknad som bruker dei lokale tilboda, og skapar liv i bygdene. Dette gir og viktige inntekter til kommunane. I fase 2 vil dette verta talfesta gjennom ein ringverknadsanalyse. Basert på Sunnhordland sine styrker jobbar ein med 6 satsingsområde for utvikling av reiseliv i regionen: Sykkel, vandring, padling, fiske, båtturisme og kultur (kystkultur, mat og arrangement/festival). Satsingane er i tråd med Fjord Norge og Visit Norway sine satsingar, og målet er å skape utvikling av gode berekraftige reiselivsprodukt knytt til desse 6 satsingsområda. Dette arbeidet vert og med på å styrkja krav om berekraftig reisemålsutvikling for godkjenning av norsk status for Geopark Sunnhordland. For ein eventuelt seinare UNESCO godkjenning vil det vera eit krav. Men arbeidet skal ikkje berre gjerast for å tilfredsstilla krav om ulike statusar. Det vert og med på å mobilisera regionen til å ha auka fokus på at alle må ta eit tak og gjera ein innsats for miljøet. Første steg på vegen mot eit Bærekraftig reisemål er politisk forankring. Samarbeidsrådet har i Strategiplan sagt følgjande:

12 Vidareutvikla Sunnhordland som ein berekraftig reiselivsdestinasjon. Strategiplanen er godkjent i alle kommunane, men det er og eit krav at kommunane gjer politiske vedtak om å vera ein aktiv bidragsytar for å oppnå merket for Bærekraftig reisemål. Dette må difor vera på plass før oppstart av arbeidet. Det er under etablering eit forum for kommuneplanleggjarar. Dei møtes i lokala hjå Samarbeidsrådet. Administrasjonen ser at dette kan vera eit forum som og kan nyttast for å drøfta ein del av spørsmåla som skal svarast på i fase 1. Framlegg til vedtak 1. Samarbeidsrådet er positive til oppstart av arbeidet med å få status som Bærekraftig reisemål. 2. Administrasjonen får i oppgåve å utarbeida ei felles saksutgreiing for handsaming i kommunane. 3. Frist for kommunane til å gje tilbakemelding på at dei vil vera ein aktiv bidragsytar i arbeidet er sett til 1. november.

13 MØTEBOK Samarbeidsrådet for Sunnhordland Fredag 7. september 2018 kl LOS Marine, Rubbestadneset Sak 35/18 GJG/rr Skriv og meldingar a) Vestnorsk Brusselkontor Ordførar Morten Storebø har teke initiativ til at Samarbeidsrådet får ei orientering om Vestnorsk Brüsselkontor. Austevoll kommune er medlem, og ser at kommunane har store moglegheiter for å få til gode prosjekt gjennom medlemskap. Det vert lagt opp til ei orientering i fellesmøte med Hardangerrådet måndag 29. oktober på Solstrand, Os. b) Stifting av Sunnhordland Amatørkulturråd Samarbeidsrådet for Sunnhordland gjorde i desember 2017 vedtak om at det burde arbeidast for å få etablert eit amatørkulturråd i Sunnhordland. Det har gjennom våren vore fleire møter med representantar frå ulike kulturorganisasjonar for å drøfta oppgåver og få på plass eit amatørkulturråd i Sunnhordland. 27. juni vart Sunnhordland amatørkulturråd stifta. Det er oppretta eit interimsstyre med følgjande medlemmer: Ida Fresvik, Sveio Drill, Randi Olsen, Bømlo Janitsjar, Olav Skjellevik, Tysnes Sogelag, Wenche M. Eriksen, Stord Jazzklubb/ Internasjonal kulturklubb, Veronica Thorsen, Kvinnherad Sunnhordland Amatørkulturråd skal arbeida for at innbyggjarane i dei åtte kommunane skal få ein moglegheit til å utøva og oppleva kultur ut frå sine respektive ønske og behov. Amatørkulturrådet skal vera ein positiv verdiskapar og pådrivar i samfunnet for å styrke vilkåra for amatørkulturen og fungera som ei drivkraft for kulturlivet. Arbeidet i amatørkulturrådet skal leggja vekt på frivillig innsats, demokrati, likeverd og lojalitet. All kulturell aktivitet skal byggja på grunnverdiar som kulturglede, fellesskap, inkludering, meistring og oppleving. Amatørkulturrådet skal mellom anna: Styrke amatørkulturen si rolle og rammevilkår i Sunnhordland. Styrke samarbeidet mellom alle frivillige kultur- og amatørkulturorganisasjonar i Sunnhordland. Amatørkulturrådet skal vera eit felles talerøyr for det frivillige kulturlivet andsynes

14 politikarar, offentlege styresmakter og kulturlivet sine eigne fellesorganisasjonar. Dokumentera og synleggjera breidda i amatørkulturlivet. Vera ein utviklingsarena og skapa møteplassar mellom det offentlege og amatørkulturlivet. Det er under planlegging ein amatørkulturkonferanse i februar/ mars. Konferansen skal ha fokus på amatørkultur, der ein frå synleggjort mangfaldet i regionen, og drøfta ulike tema som er relevante for utvikling av amatørkultur. c) The Tall Ships Races Bergen 2019 Kommunane ved ordførar har fått vidaresendt invitasjon frå CoEvent AS om å verta Cruise in Company under The Tall Ships Races Denne etappen er ein såkalla venskapsseglas kor seglskutene får tid til å bli kjent mad norskekysten og utvalde hamner. AU drøfta invitasjonen og førselår at kommunar som ynskjer å verta CinC hamn tek direkte kontakt. Garanti for at det kjem båtar bør vera ein føresetnad. d) Konferanse 28 september vg. skular i Sunnhordland Samarbeidsrådet er arrangør av konferansen «Korleis bør den vidaregåande opplæringa i Sunnhordland sjå ut i framtida». Konferansen vert på Høgskulen på Vestlandet, Rommetveit. e) The Viking Planet Formannskapa i kommunane på Haugalandet og Sunnhordland er invitert til eit informasjonsmøte på Skakkesenteret i Etne onsdag 29.august om planane om etablering av The Viking Planet. Planane går ut på å laga eit konsept for turisme med moderne datateknologi der vikinghistoria vert formidla. I tillegg skal det byggjast eit opplevingssenter i Haugesund. Det er lagt opp til ei finansiering frå kommunane i regionen. f) Tema til fellesmøte med fylkes- og stortingsrepr frå Sunnhordland 12 oktober Det er planlagt møte med fylkes- og stortingsrepr frå Sunnhordland 12 oktober. Innspel til tema frå AU er framlegg til kutt i ferjetilbodet, ferjeavløysingsmidlar, Stord folkehøgskule og ny organisering av tingretten. Dersom det er andre innspel til tema må dei spelast inn i møte. g) Møte med Hardangerrådet og regionrådet i Nordhordaland Hardangerrådet og regionrådet i Nordhordaland har, som Samarbeidsrådet ynskje om å få lagt funksjonar til seg i den nye regionen Vestland. Det er teke eit initiativ ei møte der representantar frå råda drøfter om ein saman kan arbeida for slike etableringar og gjera prioriteringar, slik at ikkje alle arbeider for å få alt. Møtet vert i Bergen og frå Samarbeidsrådet møter styreleiar Wenche Tislevoll, ordførar Gaute Epland og dagleg leiar. Samarbeidsrådet bør i sitt møte ha ei drøfting på kva som er viktig for Sunnhordland i denne saka. Det er lagt opp til eit fellesmøte med Haudangerrådet måndag 29.oktober, kvelden før Fylkesmannen sitt årlege møte på Solstrand. Det er ynskje frå regionrådet i Nordhordland om å delta i møte. Dette gjer at fellesmøte vert flytta frå Solstrand til ein anna stad. Dette må ein koma attende til.

15 h) Invest in Bergen og Etablerarsenteret Hordaland fylkeskommune har ønskje om å få koma til eit møte i Samarbeidsrådet for å orientera om arbeidet med Invest in Bergen og Etablerarsenteret. Det er lagt opp til denne informasjonen i møte 30. oktober. i) Halvårs rekneskap Vedlagt ligg halvårs rekneskap.