Høyringssvar frå Kobbeleia Grendalag vedrørande: Sak 3/13 Framlegg til ny skulestruktur i Fjell kommune

Transkript

1 INNHALD OM KOBBELEIA GRENDALAG... 1 STYRET SITT SYN... 1 SKULEGRUPPA SIN PLAN FOR FLYTTING AV BORNA PÅ EKERHOVD SKULE... 2 OPPSPLITTING AV GRENDAMILJØ... 3 FOLKETALSPROGNOSE... 3 AREALPLAN OG UTBYGGING... 3 VEGUTBETRING OG TRAFIKKSIKRING... 4 FAMILIELOGISTIKKEN... 4 VEDLIKEHALDSETTERSLEPET PÅ EKERHOVD SKULE... 4 LOKALE ARBEIDSPLASSAR... 5 UTVIDA OMGANGSKRETS (I ANTAL, MEN OGSÅ GEOGRAFISK)... 5 KOMMENTAR TIL KOMMUNENS KONKLUSJON... 5 ALTERNATIV BRUK AV EKERHOVD SKULE... 6 Om Kobbeleia Grendalag Kobbeleia Grendalag arbeider for trivsel, samhald og utvikling, samt gode oppvekst- og butilhøve i bygdene Ekerhovd, Lie og Liaskjæret. Grendalaget vart stifta i 1997, og har pr. dato halvparten av innbyggarane som medlemer, i alle aldersgrupper og frå heile området frå Døsje til Liaskjæret. Som grendalag ser me det i denne saka som vår oppgåve å vise til moglege konsekvensar for vårt nærområde dersom forslag om nedlegging av Ekerhovd skule vert vedteke. Me har ikkje tatt stilling til heilskapen i plan til ny skulestruktur for Fjell kommune. Høyringssvaret er utarbeidd av styret i Kobbeleia Grendalag. Styret sitt syn Kobbeleia Grendalag meiner at Ekerhovd skule er ein viktig faktor for trivsel og samhald i grenda, og at det difor er svært uheldig for lokalmiljøet om skulen vert lagt ned. Hovudforslaget til Kobbeleia Grendalag Vår primærinnstilling er at Ekerhovd skule ikkje bør leggast ned, av omsyn til borna sine oppvekstvilkår, men også for å oppretthalda eit godt lokalmiljø og gje moglegheit for vekst og utvikling av ei grend med potensiale for utbygging og tilflytting. Sekundært vil me føreslå utsetjing av flytting av elevane våre, med begrunning i at alternativet (Kolltveit skule) er for usikkert og for dårleg utreda mht. kapasitet, læringsmiljø og andre konsekvensar. Vårt inntrykk er at prosessen mht. Ekerhovd skule har gått for fort, og at planen for flytting av elevar ikkje er god nok. Me ber også skulegruppa og kommunestyret vurdera alternativet med å slå saman administrasjon for skulane Kolltveit og Ekerhovd, men behalda undervisning lokalt på begge skulane. Dette er betre for elevane, for grenda, og gjev betre kapasitet og fleksibilitet for kommunens skuleplan. For nærare grunngjeving og belysing av konsekvensar, viser me til etterfølgjande avsnitt. Side 1 av 6

2 Skulegruppa sin plan for flytting av borna på Ekerhovd skule Me har mange familiemedlemskap i grendalaget, og er difor opptekne av skuleborna sine oppvekstvilkår, og me ser med uro og skepsis på skulegruppa sin plan for flytting av elevar. Planen til skulegruppa er at elevar frå Ekerhovd vert flytta til Kolltveit skule. Dette er ifølge Norconsult-rapporten og skulegruppa sin rapport mogleg når det gjeld tal på elevar. Kor vidt dette kan gjennomførast i praksis er i beste fall usikkert. Ved ei eventuell nedlegging av Ekerhovd skule vil elevtalet ved Kolltveit allereie hausten 2013 verta 234 elever (tal henta frå Norconsult-rapporten), noko som er over rektor si vurdering av elevkapasitet ved denne skulen, som er på 210 elever (pers.med. Rektor Berit Andersen Kolltveit skule). Påfølgande år vil elevtalet vera på 248 elever, noko som også overskrider Norconsult si vurdering av skulen sin kapasitet. Rapporten frå Norconsult påpeikar også at små grupperom kombinert med få spesialrom, vil gje skulen store utfordringar i forhold til delingsproblematikk ved eit så høgt elevtal. På bakgrunn av dette meiner me at ei nedlegging av Ekerhovd skule i høg grad vil gå ut over elevane sine læringsforhold. Det er eit faktum at nokre klassar (årstrinn) blir store, opp mot 40 elevar. Kommunen har ikkje vist detaljerte planar for korleis dette skal handterast. Me legg til grunn at læringstilhøva ved Kolltveit skule ikkje er gode nok til å oppretthalda eit pedagogisk nivå på lik linje med dei andre skulane i Fjell kommune, ved ei flytting av elevane frå Ekerhovd allereie hausten Dei faktiske økonomiske kostnadene ved å flytte elevane til Kolltveit må utgreiiast. Ei kostnadsvurdering må samanlikna kostnadar for opprusting av Kolltveit skule mot dei økonomiske konsekvensane ved ei opprusting av Ekerhovd skule for ein framtidig reell elevmasse. Me vil også i samband med dette kommentere at i kommunen sitt høyringsframlegg blir det konkludert med at ei nedlegging av Ekerhovd skule vil føre til at talet på ledige elevplassar i kommunen blir redusert med 150 elever, noko som tilsvarar elevkapasiteten på Ekerhovd skule. Me meiner at konklusjonen ikkje er korrekt, då ei overflytting av elevane til Kolltveit skule krev ei auke av elevtallskapasiteteten ved Kolltveit skule for å få plass til alle elevane. Allereie i 2014 vil kapasiteten ved Kolltveit skule vera over skulen sin kapasitet (sjå avsnitt over). Me meiner at detaljerte planar, iht. faktiske elevtal, må presenterast i god tid før vedtak skal gjerast i kommunestyret, slik at både politikarar og foreldre kan vite nøyaktig kva som er planen for kvar klasse og kvart born frå Ekerhovd, Lie og Liaskjæret. Opplæringslova paragraf 9a 2 seier at skulane skal planleggjast, byggjast, tilretteleggjast og drivast slik at det blir teke omsyn til tryggleiken, helsa, trivselen og læringa til elevane. Me meiner at dette ikkje blir oppretthaldt ved ei hastig overflytting av elevane til Kolltveit skule. Spørsmålet om lite tid til førebuing av elevflyttinga blei tatt opp på allmøte ved Ekerhovd skule 7. februar, og skulegruppa argumenterte med at administrasjonen ved Kolltveit skule allereie var i ferd med å førebu eit auka elevtal frå hausten. Me vil understreke at dette i høgste grad også må gjelde for elevane som skal flyttast. Foreldre, elevar og lærarar ved Ekerhovd skule treng også tid til å omstilla elevane som skal flyttast, og det finns ingen planar som ivaretek dette. Rundskriv Udir gjev klare retningslinjer for sakshandsaming rundt endring av skulestruktur. Fjell kommune si forskrift om skulekrinsgrenser må også endrast ved ei eventuell nedlegging av skular. Dersom retningslinjene gitt av Justis- og beredskapsdepartementet vedrørande forskriftsarbeid i kommunane skal overhaldast, ser me det som vanskeleg gjennomførbart å endra skulekrinsgrensene på ein forsvarleg måte før skulestart. Dei foreslår bl.a. ein to månaders høyringsfrist for endring av ei forskrift. Korleis planen til skulegruppa vil slå ut for lokalsamfunnet på Kolltveit skal ikkje me uttala oss for mykje om. Me registrerer at det er planlagt omfattande nybygging på Kolltveit, i umiddelbar nærleik til Kolltveit skule, men at ungar frå desse nybyggsområda skal skyssast til Knappskog skule. Dette er i sterk kontrast til det viktige Nærskuleprinsippet som vert lagt fram som eit viktig punkt i Høyringsframlegget, og framstår for oss som ei ulogisk løysing. Side 2 av 6

3 Oppsplitting av grendamiljø Skulegruppa legg også vekt på at dei som ynskjer det, kan velja Knappskog skule. Nedlegging av Ekerhovd skule vil truleg medføre at grenda sine ungar vert spreidde mellom Kolltveit, Knappskog og Danielsen, noko som betyr oppsplitting av lokalmiljøet, dette vil gjelde både ungar og vaksne. Grenda vår blir ikkje lenger ein stad kor alle ungane kjenner kvarandre. Også treffpunkt for foreldre og vaksne, som skuleavslutningar, 17.mai-arrangement, Talentiade/Stjerner i sikte, er viktige for ei grend utan andre naturlege treffstader. Skulen vert også brukt på ettermiddags- og kveldstid, av speidarar, grendalag og til trening. Bortfall av desse sosiale møteplassane, som skulen er katalysator for, vil være negativt for lokalsamfunnet vårt. Folketalsprognose I Norconsult sin rapport er det stipulert ingen eller moderat befolkningsvekst på strekninga Ekerhovd-Lie-Liaskjæret. Me stiller spørsmål ved om desse prognosane held mål, med følgjande argumentasjon: Det er planlagt utbetring av veg, med plan om gang/sykkelveg. Dette vil utvilsamt gjere området meir attraktivt, spesielt for familiar i etableringsfase. Med dårleg veg og utan offentleg vatn og kloakk har grendene likevel oppretthaldt stabil busetnad. Fiberoptikk er nyleg kome på plass, og dersom det kjem øvrig infrastruktur på plass iht. det som er normal og forventa standard, vil området bli betydeleg meir attraktivt for nybygging. Ny arealplan, sjå eige kapittel. På grunnlag av alderssamansetning forventar me eit betydeleg generasjonsskifte i bygda. Ein stor andel av grenda sine innbyggjarar er eldre, og eksisterande hus og eigedomar vil difor bli tilgjengeleg for yngre kjøparar dei neste åra. Dette vil påverka talet på born i skulepliktig alder i positiv retning. Ringverknader av planar for Straume-området Ekerhovd skule ligg ca. 8 min. frå planlagt Kystby på Straume og Bildøy. Me meiner strekninga difor er høgaktuell for vidare utbygging. Potensiale for tomteareal er også stort. Ringverknader av nytt fastlandssamband Ikkje berre Straume, Foldnes og Kolltveit, men også Ekerhovd/Lie vil få positiv effekt og vekst som resultat av nytt fastlandssamband. Heile Bergen kommune er innanfor akseptabel pendlaravstand med dagens køproblematikk. Med meir effektiv trafikkflyt kjem Bergens arbeidsplassar nærare i pendlartid. Arealplan og utbygging Arealplan er pr. dato oppe til rullering. Utfall av dette er ikke gitt, men det er et sterkt ynskje i bygdene våre at utbyggingstakta aukar. I dag brukar kommunen argument om manglande infrastruktur mot videre utbygging. Me vil minne om at dei opp mot 1000 innbyggjarane på strekninga har krav på ein tilfredsstillande infrastruktur, uavhengig av skule- og utbyggings planar. I tillegg ligg heile strekninga inne som LNF med godkjenning kun for spreidd bustadbygging. Ein arealplan vil og bør kunne opne for betydeleg nybygging på strekninga Døsje-Ekerhovd-Lie- Liaskjæret. Me veit at det er stor interesse for å bygge og for å frigje tomteareal for dette formål. Det er difor grunn til å anta at nybyggingsfrekvensen vil kunne vera høgare enn det Norconsult har kome fram til. Side 3 av 6

4 Vegutbetring og trafikksikring Som Grendalag er me opptekne av innbyggjarar i alle aldersgrupper, og det er ikkje berre familiar med skuleungar som ønskjer å behalda skulen. Det vart i folkemøte på Ekerhovd skule 7. februar gitt signal frå politikarane (v/leiar Syljeseth) om at det er ei klar kopling mellom skuleveg og prioriteringar mht. trafikksikring og utbetring av vegar. Om det ikkje lenger skal være skule på Ekerhovd, fryktar me at strengt naudsynt utbetring av vegen i grenda også vert salderingspost. Me vil få minna om at born og vaksne brukar vegen også utanom transport til og frå skule. Vegen er, spesielt for born, forbindelseslinja til vener, trening, akebakkar og andre aktivitetar. Vegen vert nytta til helsefremmande aktivitetar som sykling og jogging, slik at gang- og sykkelveg er påkravd uavhengig av om vegen er skuleveg eller ei. Gjennom ei skulenedlegging, og som ein konsekvens av det, fortsatt trafikkfarleg veg, vil det vera til hinder for sosial kontakt internt i grenda. Vegen er allereie definert som særleg farleg eller vanskeleg skuleveg etter opplæringslova 7-1, for mange av skulen sine elevar. Dersom elevane skal overflyttast til ein annan skule reknar me med at dette er eit vedtak som vil gjelda for alle elevane frå Ekerhovd skule. Dette er ein uynskt situasjon med tanke på borna sin daglege fysiske aktivitet. Grendalaget vil, uavhengig av skulesaka, jobba vidare for å få veg og øvrig infrastruktur opp på akseptabelt nivå for våre innbyggjarar. Me fryktar, men vil ikkje akseptera, å bli ein salderingspost, kor skulenedlegging vert katalysator for bortfall av andre tilbod kommunen (og fylket) er ansvarleg for. Familielogistikken Sjølv om flytting av elevar frå Ekerhovd til Kolltveit (og Knappskog) er basert på skuleskyss, vil det kunne medføre visse utfordringar mht. bringing og henting. Spesielt gjeld det i samband med SFO, som ikkje har eige tilbod om buss. Me er uroa for korleis kommunen vil løysa transport til og frå Kolltveit og eventuelt Knappskog. I dag er det mange som hentar ungane på SFO med eigen bil, og flytting til andre skular vil såleis auke trafikken og komplisere logistikken for einskilde familiar. Områda rundt skulane kan også bli meir trafikkert dersom busstilbodet vert utilstrekkeleg og fleire velgjer å levera og henta ungar med private bilar. Vedlikehaldsetterslepet på Ekerhovd skule Grenda og grendalaget har i lang tid kjempa for å få betre vedlikehald av Ekerhovd skule, forfallet er betydeleg og kommunen har over lang tid neglisjert sine plikter ovanfor elevar, lærarar og andre tilsette. Opplæringslova 9.5 seier at kommunen skal sørgje for tenelege grunnskular. Dette er ikkje etterlevd på Ekerhovd Skule. For nokre få år sidan vart det budsjettert med midlar til utbetring av gymsal med skulekjøkken, fellesrom og kontor. Dette vart seinere fjerna utan grunngjeving. At kommunen sitt manglande vedlikehald gjennom fleire år no vert brukt mot oss, som argument for å leggja ned vår skule, opplever me som urettvist. Rapporten frå Norconsult viser til eit behov på 20 mill kroner. Me ynskjer å understreka at dette er basert på ei oppgradering av skulen på bakgrunn av at Norconsult meiner at skulen har ein kapasitet på 150 elever. Dersom det ikkje er ynskjeleg frå kommunen å utnytta heile skulen sin kapasitet, meiner me at kommunen må gjera ei kostnadsvurdering for oppgradering av skulen for det antal elevar som er relevant for skolen. Dersom elevtalet på sikt er på elever, og ikkje 150, så er det sannsynleg at kostnadane for ei opprusting ligg på eit lågare nivå. Norconsult-rapporten meiner at dersom skulen skal oppgraderast for 150 elever så må gamlebygningen sanerast og gjenoppbyggast. Side 4 av 6

5 Me foreslår at dersom gamlebygningen hovudsakleg nyttast som spesialrom, og ikkje som langtids undervisningslokale så kan kostnadane reduserast. Me har også vore i kontakt med lokale byggmestarar, som meiner at Norconsult sine anslag er for høge. Det er heller ikkje vist underlagsmateriale som støttar estimatet på 20 millionar kroner. Det er difor grunn til å tru at skulen kan oppretthaldast med nødvendig oppgradering til ein lågare sum enn 20 mill. Me vil føreslå at betre underlagsmateriale, dvs. eit spesifisert estimat som viser korleis Norconsult har rekna seg fram til dette beløpet, vert lagt fram, då det er eit avgjerande argument i høve til nedleggingsforslaget for Ekerhovd skule. Lokale arbeidsplassar Strekninga vår er eit område med ei rekke ulike arbeidsplassar. Skulen, 2 barnehagar, Marthas sild, Libasbruket/Liaskjærshallen, Betongfabrikken, Bildøy marina og mange sjølvstendig næringsdrivande entreprenørar. Også difor har grenda trong for å behalda skulen, samt få utbetra vegen og øvrig infrastruktur. Då vil det ligga til rette for vidare vekst, utbygging og utvikling. Ekerhovd skule er såleis ein viktig institusjon mht. lokale arbeidsplassar. Skulen gir pedagogar og andre ei moglegheit for å jobbs i nærområdet, utan å vera avhengig av bil eller buss. Noko som er positivt for den enkelte, men som også bidreg til at ein ikkje belastar det totale trafikkbiletet på Sotra gjennom køyring til og frå jobb på Sotra eller i Bergen. Utvida omgangskrets (i antal, men også geografisk) Med flytting til eit større skulemiljø, vert klassane og dermed også omgangskretsen, eller venegrunnlaget om ein vil, større for elevane. Dette er på mange måtar bra og kan være ein positiv faktor for ungar som i dag er i små klassar. Venskap og gode sosiale miljø startar ofte i klasserommet, men skal også vedlikehaldast på ettermiddags- og kveldstid. Me trur at samanslåing av elevflokkane på Ekerhovd og Kolltveit vil gje mange nye, gode venskap og relasjonar. Det vil også føra til meir og lenger foreldre-køyring på ettermiddags- og kveldstid. Me meiner likevel at Ekerhovd skule er ei berekraftig eining på bakgrunn av sosiale og pedagogiske forhold. Me forstår argumentasjonen rundt dette med robuste fag- og elevmiljø kan være ei utfordring ved mindre skular, men me meiner at ved ei organisering av skulen som ein fådelt skule vil dette ivareta robustheten rundt desse tilhøva. Me meiner at argumentasjonen rundt opning for ein meir fleksibel organisering av undervisning i Opplæringslova 8-2 også støtter opp rundt argumentasjonen for å behalda ein fådelt skule. Skulen har eit unikt samhald blant elever på tvers av klassetrinn, og dette er positivt for dei sosiale tilhøva i bygda både i og utanfor skulemiljøet. Organiseringa i ein fådelt skule er også ein faktor som sikrar ein relativt lav lærartettleik. Kommentar til kommunens konklusjon Dersom Fjell kommune etter å ha vurdert høyringsinnspela vil vurdere å oppretthalde Ekerhovd skule, så meiner me likevel at det kan gjerast endringar i skulestrukturen som vil gje ein økonomisk og strukturmessig fordel for kommunen. Eit forslag kan vera å slå saman administrasjonen for Ekerhovd og Kolltveit, men behalda undervisninga lokalt på Ekerhovd skule. Opplæringslova 9-1, og Kommunedelplanen for skule og utdanning opnar for at skular kan ha felles administrasjon, og dette er med hell gjennomført ved skulene Skålevik, Algrøy og Syltøy. Ei slik løysing vil redusera kommunen sine kostnader. Ei oppretthalding av Ekerhovd skule vil gje kommunen større fleksibilitet ved den store befolkningsveksten i samband med utbygging på Kolltveit og Straume/Bildøy. Side 5 av 6

6 Alternativ bruk av Ekerhovd skule Kobbeleia Grendalag er open for å gå i dialog med Fjell kommune om vidare bruk av skulen sine areal, dersom endeleg vedtak tilseier nedlegging av skulen. Skulegruppa ber om innspel til etterbruk av skulane som er foreslått lagt ned. Med den standarden Ekerhovd skule har i dag, er dette ei stor utfordring, då me har forstått at kommunen ikkje er villeg eller i stand til å investera i bygningsmassen. Me ser det som lite realistisk at frivillige lag og organisasjonar, som speidar og grendalag, kan spele noko avgjerande rolle, men vil vera positive til å delta og bidra i ein eventuelle etterbruk som vil koma lokalsamfunnet til gode. Ein eventuell vidare dialog om dette bør skje etter endeleg vedtak. Med helsing Kobbeleia Grendalag v/styret Side 6 av 6