Saksframlegg. Kvinnherad kommune

Transkript

1 Saksframlegg Saksmappe Saksbehandlar 2012/ Asbjørn Skår Saksgang Saksnr Utval Møtedato Komité for oppvekst, kultur, idrett Formannskapet Kommunestyret Strukturendringar grunnskulen i Kvinnherad Innstilling frå rådmannen: Med utgangspunkt i kommunestyret sitt vedtak av , utgreiing om endringar i skulestrukturen, og for å oppnå forventa innsparingar og reduksjon i talet på årsverk tilsette innan 2015, sluttar kommunestyret seg til følgjande endringar i skulestrukturen: 1. Elevane frå Skarveland krins og tidlegare Holmedal krins får skuletilbodet sitt ved Valen skule frå Krinsgrensene vert føreslegne endra i samsvar med dette. Skarveland skule vert nytta som del av Valen skule inntil Valen skule er bygd ut og tilrettelagd for alle elevane. 2. Elevane frå Sunde krins får skuletilbodet sitt ved Undarheim skule frå Krinsgrensene vert føreslegne endra i samsvar med dette. Sunde skule vert nytta som del av Undarheim skule inntil Undarheim skule er bygd ut og tilrettelagd for alle elevane. 3. Elevane frå Ølve krins og Trå krins 5.-7.årssteg får skuletilbodet sitt ved Hatlestrand skule frå Krinsgrensene vert føreslegne endra i samsvar med dette. 4. Elevane frå Bringedalsbygda krins får skuletilbodet sitt ved Uskedalen skule frå Krinsgrensene vert føreslegne endra i samsvar med dette. 5. Ungdomsskuletilbodet for elevane frå Halsnøy oppvekstområdet vert samla ved Husnes ungdomsskule frå det tidspunkt Husnes ungdomsskule har kapasitet til alle elevane. Vurdering av dette vert å gjera i Ungdomsskuletilbodet for elevar frå Åkra skule vert lagt til Rosendal ungdomsskule når elevtalet går under ei fagleg forsvarleg grense. Vurdering av dette vert å gjera seinast styre føreset at det vert utarbeidd planar for utviding og opprusting av Uskedalen, Valen og Undarheim skular, og at dette vert følgd opp med løyvingar i budsjett og økonomiplan. side 1

2 Saksutgreiing: Bakgrunn. styre vedtok i møte følgjande: Strukturendring på skulane med nedlegging av dei som ikkje utløyser behov for investeringar på mottaksskulane. Innsparing 2,15 mill.kr i 2013 og 8 mill. kr i 2014 og 15. Det heiter vidare i vedtaket:.. Skal ein oppnå nødvendige innsparingar, må arbeidet med å førebu endringane starta omgåande. Her må ein først sjå på dei skulane som ikkje utløyser auka bemanning og investeringsbehov på mottaksskulane. Bakgrunnen for vedtaket er den vanskelege økonomiske situasjon i kommunen, der det i Økonomiplanen er vedteke å redusera driftsbudsjettet med 70 mill. kr. gjennom reduksjon i talet på tilsette med 100 årsverk. I kommunestyret sitt vedtak om budsjett og økonomiplan er det lagt inn ei vidareføring av innsparingane for Kommunestyret sitt vedtak føreset endringar i skulestrukturen i kommunen, og dette skal skje utan investeringsbehov av noko omfang. Føremålet er ikkje ein fullstendig skulebruksplan, men endringar som kan redusera driftsutgiftene til grunnskulen alt frå inneverande år. Mandatet for rådmannen var å utgreia kva skular som har kapasitet til å ta imot fleire klassar/elevar, og avklara kva skular som er aktuelle for samanslåing med desse skulane. Utgreiinga skulle såleis visa kva skular som kan slåast saman ut frå premissane om ledig kapasitet og utan investeringar, og verknadene av dette. Utgreiinga med rådmannen si tilråding vart ferdigstilt og offentleggjort , og sendt ut på høyring til aktuelle partar og interessentar. Frist for å gje fråsegn til utgreiinga vart sett til Tilrådingar i utgreiinga. Med utgangspunkt i kommunestyret sitt vedtak av om innsparingar ved endringar i skulestrukturen, og ut frå mandatet frå kommunestyret, tilrådde rådmannen slike endringar i skulestrukturen i Kvinnherad frå : 1. Skarveland skule og Valen skule vert samla i Valen skule, frå Sunde skule og Undarheim skule vert samla i Undarheim skule, frå Ølve skule, Trå skule 5.-7.årssteg og Hatlestrand skule vert samla i Hatlestrand skule frå Bringedalsbygda og Uskedalen skule vert samla i Uskedalen skule frå Øyatun skule og Husnes ungdomsskule vert vurdert samla i ein ungdomsskule på Husnes frå Elevar i ungdomssteget ved Åkra skule får tilbod ved Rosendal eller Husnes ungdomsskule seinast frå 2018/19, eller tidlegare om foreldre ønskjer det. Rådmannen tilrådde at det i denne omgang ikkje vart gjort endringar for desse skulane: 1. Mauranger skule vert vidareført som skule for 1.-7.årssteg. 2. Brekke skule vert vidareført som skule for elevar i 1.-4.årssteg. 3. Omvikdalen skule vert vidareført som skule for elevane frå Matre og Omvikdalen krins. Høyringsrunde og prosess: Til utgreiinga er det komne inn 43 fråsegner; frå rådsorgan ved skular, frå leiarar og tilsette sine organisasjonar, frå bygdelag og næringsliv mfl. Saka vert fremja for fagkomité, formannskap og kommunestyre, og det er føresett vedtak i februar side 2

3 Utgreiing. 1.Tema i fråsegnene generelt. Ein del tema går att i mange fråsegner, og desse vert gjennomgått felles: Grunngjeving for endring Mandat for utgreiinga. I ein del fråsegner er det peika på at utgreiinga har eit einsidig økonomisk fokus, og at utgreiinga ikkje har med sentrale moment som kvalitet i opplæringa, pedagogiske utfordringar, sosiale og samfunnsmessige tilhøve mv. Mandatet frå kommunestyret presiserer at føremålet med utgreiinga er å oppnå reduksjon i driftsutgiftene i grunnskulen, alt frå Hovudfokus i utgreiinga er såleis i samsvar med mandatet, men det er lagt vekt på å avklara verknader av dei endringane som er føreslegne. Gode skular vert nedlagde. I mange fråsegner vert det vist til at skular som vert tilrådd nedlagde/samanslegne, er gode skular, som gjev eit godt pedagogiske og sosialt tilbod til elevane, og at endringar kan få negative konsekvensar for elevane. Tilrådingar om endring i skulestrukturen baserer seg ikkje på ei kvalitetsmessig vurdering av skulane sitt arbeid, men byggjer utelukkande på kommunestyret sitt mandat om reduksjon i driftsutgiftene for grunnskulen. Rådmannen legg til grunn at det er andre faktorar enn storleiken på skulane som er avgjerande for kvaliteten i skuletilbodet for elevane, og at røynslene ved tidlegare strukturendringar i kommunen stadfestar dette. Rådmannen er vidare overtydd om at gjeldande struktur ikkje kan førast vidare. Når lønskostnadene er blitt ein så stor del av skulane sine samla budsjett, er det eit spørsmål om kor lenge kvaliteten i skulen kan oppretthaldast. Barnekonvensjonen Barn beste. I nokre fråsegner er det hevda at utgreiinga ikkje tar omsyn til Barnekonvensjonen artikkel 3 nr. 1 om Barns beste. I utgreiinga pkt. 2.6 er Barnekonvensjonen omhandla. Konklusjonen i dette punktet er at den økonomiske situasjonen i kommunen fører til ei utarming av grunnskulen, og at endringar i skulestrukturen vil sikra ressursgrunnlaget framover, til beste for alle elevane i kommunen. Der vert også peika på at skyssordning og lang reisetid vil vera eit sentralt moment i vurdering av kva som er best for barna, og at dette er vektlagd i tilrådinga. Økonomi. Innsparing ved strukturendring. I ein del fråsegner vert det hevda at det ikkje er noko å spara på å gjera endringar i skulestrukturen. Dette er eit tema som også har vore oppe politisk i ulike samanhengar. I mandatet frå kommunestyret er det lagt til grunn at ei samanslåing av skular, med færre klassar, vil gje ei innsparing i driftsbudsjettet til grunnskulen. Utgreiinga viser at talet på klassar går ned ved dei tilrådde endringane. Dette gjev reduserte utgifter, særleg til løn men også i utgifter til lokale. Den tilrådde endringa fører til reduksjon i talet på klassar, og dermed i talet på tilsette. Dette vil gje reduserte lønskostnader, i tråd med kommunestyret sin føresetnad. side 3

4 Skuleanlegga. I nokre fråsegner vert det hevda at utgreiinga overdriv behovet for investeringar i skuleanlegga, og at det ikkje er trong for store investeringar. Rådmannen har lagt til grunn kommunestyret sitt vedtak av Kommunestyret slutta seg der til eit politisk utval si vurdering, som konkluderte med at kostnader med å rusta opp alle skulane i kommunen til ønskjeleg standard, tilpassa ei framtid som eigna skuleanlegg dei neste 20 åra, ville koma på kr. 270 mill. Vedtak om tiltak ved t.d. Rosendal ungdomsskule og Uskedalen skule byggjer på dette, men erfaringane viser at kostnadene vert langt høgare enn det som vart lagt til grunn i kommunestyrevedtaket. I diverse andre saker til kommunestyret dei siste åra er det også påvist behov for omfattande standardheving og investeringar i skuleanlegga i kommunen. Rådmannen ser ikkje at det er grunnlag for å redusera kostnadsoverslaget for å rusta opp alle skulane, snarare tvert om. Ved å redusera talet på skular, vil behovet for investeringar verta redusert, og innsparingar i driftsutgifter kan delfinansiera investeringane. Alternativet er ekstra høge lønsutgifter til grunnskulen, minimalt med midlar til kompetanseutvikling og utstyr, høg lånegjeld, mange skular som treng fornying og opprusting, og manglande økonomisk evne til å løysa desse investeringsoppgåvene. Pedagogiske verknader. I ein del fråsegner vert det uttrykt uro for vaksendekning, og negative verknader for elevar med spesielle behov når klassar vert slegne saman. Situasjonen for grunnskulen i Kvinnherad er at lærartimetalet er redusert dei siste åra, og at vaksendekninga er svekka. Talet på tilsette er t.d. redusert med om lag 15 årsverk siste året. Økonomiplanen føreset ytterlegare reduksjon i ramma for grunnskulen. Midlar til anna enn løn er reduserte dei siste åra, og er på eit nivå som ikkje er berekraftig. Utan strukturendringar vil det berre vera lønsutgiftene som kan reduserast. Dette vil få dei negative verknadene for alle elevane i kommunen som ein er uroa over i fråsegnene. Strukturendringa skal gjennomførast ved at elevar i små klassar vert samla i klassar der det er fleire elevar. Elevtalet i klassane vil såleis auka, men reglane for klassedeling vil uansett gjelda, jf utgreiinga s.70. Som det går fram av utgreiinga pkt er det i tilrådinga lagt til grunn at strukturendringane skal vera så omfattande at grunnskulen samla får eit økonomisk handlingsrom, som sikrar tilfredsstillande bemanning i klassane, og som frigjer midlar til kompetanseheving, utstyr, læremidlar, inventar og andre driftsmidlar. Nærskuleprinsippet og kapasitet på skulane. Nokre fråsegner stiller spørsmål ved om nærskuleprinsippet er følgd i utgreiinga. I vurderinga av kva skular som er aktuelle for å vera mottakarskule, er Opplæringslova 8.1. om nærskuleprinsippet avgjerande. Elevar har rett til å gå ved den skulen som ligg nærast heimen, og dersom denne skulen vert lagt ned, har elevane rett til å gå ved den skulen som då ligg nærast. Dette er bakgrunnen for at elevane frå Bringedalsbygda krins vil få Uskedalen som nærskule ved ei eventuell nedlegging. Ved ei endring av skulestruktur føreset lova at alle elevane frå same krins/område får gå til den nye skulen. Sunde skule er nærskule for elevane frå Undarheim krins, men Sunde skule vil ikkje ha plass til alle elevane. Når det gjeld elevane frå Røsslandslia viser vi til avsnittet under Sunde Undarheim. side 4

5 Skuleskyss og trafikksikring. Strukturendring vil føra til at fleire elevar får lenger skuleveg enn 4 km, og dermed rett til fri skuleskyss. Dette er eit moment som er teke opp i fleire fråsegner, og det vert peika på at det er ønskjeleg at elevane går til/frå skulen. Det er også reist spørsmål om trafikktryggleik og skyssordningar. For fysisk fostring vil det ikkje vera ein føremon at fleire elevar får fri skuleskyss. Det er likevel eit konstatert faktum at mange elevar utan rett til fri skyss, vert skyssa av sine føresette til/frå skulen i dag. Foreldre opplever at mange strekningar til skulane ikkje er trygge for sine barn, og vel å skyssa sjølve når barna ikkje har rett på fri skyss. Tidsklemma for føresette er også eit moment. Nemnda som greidde ut skulebruksplan i , tilrådde tiltak over heile kommunen for å sikra tryggare busshaldeplassar. Ansvaret for dette ligg til vegeigar og transportør. Transportør av skuleskyssen tilrettelegg for skyss ut frå den skulestruktur som kommunen til ei kvar tid har, og reglane for kostnadsdeling vil vera dei same som før. SFO tilbod. I nokre fråsegner er det spørsmål kring SFO ordning når skular vert slegne saman. Ved samanslåing av skular vil det framleis vera tilbod om Skulefritidstilbod ved mottakarskulane. Den einskilde skule vil leggja til rette for eit tilbod ut frå etterspurnaden og påmelding. Endring i skulestruktur vil kunna innebera meir foreldretransport enn i dag. Reglane for transport vil elles vera dei same, slik at elevar ikkje har rett på skyss til/frå SFO dersom dette inneber ekstra skyss. 2. Tema knytt til dei ulike alternativa. Skarveland skule Valen skule. 1. Elevtal. I fråsegner frå Skarveland og Valen er det vist til at elevtalet i utgreiinga er feil, og at rådmannen si tilråding såleis byggjer på sviktande grunnlag. Krinsen har henta inn informasjon frå sikre kjelder, har fått fram slike skilnader i framtidig elevtal: 2013/ / / / /18 Tal i utgreiinga Tal frå krinsen Skilnad Rådmannen har ikkje grunn til å tvila på desse nye tala. Årsaka til skilnaden er m.a. å finna i noko innfløkte krinsgrenser, og at elevar i dette området har fått rett til å velja kva skule dei vil gå til. Det er likevel først i 2015/16 at auken i elevtal er avgjerande stor. Dei nye tala vert lagt til grunn for rådmannen si vurdering og endelege tilråding i saka. 2. Plass på Valen skule. I fråsegner vert det hevda at Valen skule ikkje har plass til alle elevane frå Skarveland skule. Verksemdsleiar meiner det ikkje er plass til meir enn 120 elevar, sjølv om formingssalen vert bygd om til klasserom. Valen skule har hatt 7 klassar gjennom mange år, og skulen hadde i skuleåret 2003/ elevar, ifølgje GSI rapportar. I 2013/14 vil ein samanslegen skule på Valen framleis få 7 klassar, der elevtalet vert 159 elevar. 2 av klassane får meir enn 25 elevar. Seinare år vil side 5

6 det vera 3 og 4 klassar med meir enn 25 elevar, og eitt årssteg med 30 elevar, som gjev klassedeling. I utgreiinga har rådmannen tilrådd å omdisponera formingsavdelinga for å møta auken i elevtalet og få fleire disponible klasserom/undervisningsrom. Isolert sett skulle dette gje skulen tilstrekkeleg areal for klasseromsundervisninga. Det er likevel problemstilling ved Valen skule knytt til mangel på grupperom, personalareal og spesialrom. I tilrådinga er det difor føreslege å nytta Skarveland skule til eitt eller 2 klassesteg, for å sikra nok areal. Rådmannen legg til grunn at Valen skule vil kunna ta imot alle elevane frå Skarveland skule for skuleåret 2013/14, men at det vert trongt, og at det i åra etter ikkje vil vera plass til alle elevane på Valen. Ved å nytta Skarveland skule og omdisponera formingsarealet, kan ein også gå utover 2013/14. Dette bør likevel vera eit tidsavgrensa opplegg. Rådmannen legg til grunn at ei samanslåing av Skarveland og Valen skule frå 2013 må følgjast opp med løyvingar til utbygging av Valen skule. 3. Alternativ strukturendring. Frå leiarane ved Skarveland og Valen skule er det føreslege ei alternativ strukturendring for krinsane frå hausten 2013: Mellomsteget, 5.-7.årssteg frå Skarveland skule vert overført til Valen skule, medan småskulesteget, 1. 4.årssteg, held fram ved Skarveland det første året, slik at ein finn løysingar på plassproblemet på Valen skule. Løysinga vil innebera at klassetalet samla for desse skulane vert 9 klassar, som er 2 meir enn ved å slå saman alle klassestega. Innsparinga frå hausten 2013 vert redusert frå 1,5 mill. kr. til om lag 0,8 mill. kr. På årsbasis vert innsparinga redusert frå 3,5 mill. kr til om lag 1,8 mill. kr. Framlegget er ein variant av rådmannen si tilråding, då Skarveland skule skal nyttast, men i dette høvet for elevane i årssteg frå Skarveland. Dette er ei ordning som ein hadde før Skarveland skule vart bygd ut. Under føresetnad av at tilbodet på Skarveland skule vert administrativt og styringsmessig lagt under Valen skule, er dette eit alternativ som rådmannen ser kan gjennomførast, og som bøter på dei ulempene som full samanslåing inneber. Denne løysinga sikrar også at Valen skule kan takla ei eventuell klassedeling. Alternativet kan også vidareførast i nokre år, t.d. i den tida det vil ta å utvida Valen skule. Ulempa ved framlegget er at det vert mindre innsparing i driftsutgiftene. Sunde skule Undarheim skule. 1. Areal på mottakarskulen. I ein del fråsegner vert det reist spørsmål ved om Undarheim skule har kapasitet til å ta imot alle elevane frå Sunde skule. Undarheim skule har hatt 14 klassar i mange år. Dei ordinære klasseromma er på 60 kvm. Ein felles skule for Undarheim Sunde krins vil få 15 klassar så langt elevtala er kjende, og ved tilpassing av eksisterande areal kan skulen ta imot 15 klassar. Det vert i utgreiinga gjort greie for manglar ved Undarheim skule, med 2 brakker som ikkje er permanente, og med eit gym.anlegg som er for lite i høve til skulane på Husnes. Ut frå dette tilrår rådmannen i utgreiinga å slå saman skulane, og nytta Sunde skule for dei øvste klassestega. Føremonene er at det vert betre plass på Undarheim skule; mangelen på grupperom, spesialrom og kroppsøvingsareal vert løyste, og Sunde skule sin kapasitet vert utnytta. side 6

7 Rådmannen legg til grunn at dette må vera ei mellombels ordning. Ein samla skule sitt arealbehov, og tilstrekkeleg kapasitet for kroppsøving, må utgreiast og få si løysing innan kort tid. 2. Alternativ strukturendring Røsslandslia til Undarheim. I nokre høyringsfråsegner vert det hevda at overføring av alle elevane frå Røsslandslia til Sunde skule vil gje same innsparing som ved å flytta heile Sunde skule til Undarheim. styre vedtok i møte følgjande: Elevar i byggjefeltet Røsslandslia får skulestad Undarheim skule, men med høve til å søkja til Sunde skule, når dette ikkje skiplar klassedelinga, og det ikkje fører til ekstra kostnader for kommunen. Mange av elevane i dette feltet har Undarheim skule som nærskule, og eit vedtak om å overføra elevane til Sunde skule vil vera i strid ned nærskuleprinsippet. Rådmannen går såleis ikkje nærare inn på dette. Trå skule Ølve skule Hatlestrand skule. 1. Skuleordning Varaldsøy. I fråsegn frå FAU ved Trå skule vert det vist til at ein framleis ønskjer at Trå skule skal ha elevar på alle årsstega. Det vert også vist til at utgreiinga har feil i reisetida. Skuleåret 2012/13 går elevane i årssteg ved Hatlestrand skule, etter ønskje frå foreldra. Rådmannen legg til grunn at dette er ei ordning som er bra for elevane, med eit større klassemiljø og fleire jamaldringar for elevane, og meiner at dette er ei ordning som bør verta permanent. Trass i at samla reisetid truleg er lenger enn det som går fram av utgreiinga, er dette inkl. ventetid, og reise med ferje, som er mindre belastande enn å sitja samanhengande i buss. Reisetida for 5.-7.kl. kan også samanliknast med reisetida for elevar i same alderssteg frå Brekke skule. 2. Inneklima Hatlestrand skule. I høyringsfråsegner vert det vist til manglar ved inneklima ved Hatlestrand skule, og at skulen ikkje tilfredsstiller krav til innemiljø. Hatlestrand skule har elevar på alle klassesteg i dag, og det er elevar frå både Ølve, Hatlestrand og Trå krins på ungdomssteget. Det er ei prioritert oppgåve å sikra at elevane ved denne skulen, som ved andre skular, ikkje vert utsett for eit helseskadeleg inneklima. Alvorlege manglar ved Hatlestrand skule sitt inneklima må såleis ordnast straks, uavhengig av vedtak om endringar i skulestrukturen i denne delen av kommunen. Øyatun skule Husnes ungdomsskule. 1. Bassenget på Halsnøy. I fråsegner frå krinsen vert det reist spørsmål om framtida til bassenget på Halsnøy, dersom ungdomsskuleelevane frå Halsnøy får sitt tilbod ved Husnes ungdomsskule. Symjebassenget på Halsnøy er ikkje bygd for Øyatun skule, men er eit tilbod til området, der barneskulen på Halsnøy vil vera brukar av bassenget på dagtid, og ålmenta vil nytta bassenget etter skuletid. 2. Ungdomsskulesteget næringslivet sine behov. side 7

8 Næringslivet på Halsnøy viser i fråsegner til at den samla infrastrukturen på Halsnøy, med ein ungdomsskule, er viktig for at samfunnet skal opplevast som attraktivt, og sikra nyrekruttering til verksemdene. Rådmannen går ikkje nærare inn på problemstillingar som først og fremst er politiske. Bringedalsbygda skule Uskedalen skule. 1. Utbygging Uskedalen skule endra planar. I fråsegn frå Uskedalen vert det kravd at ei samanslåing av Uskedalen og Bringedalsbygda skular, ikkje må føra til seinking i opprustinga av Uskedalen skule. Det vert også stilt spørsmål ved om det er rekna med nok areal for alle elevane. I Økonomiplanen er det lagt inn midlar i til opprusting av Uskedalen skule. Etter rådmannen si vurdering vil ikkje planane verta seinka om ein utvidar prosjektet til å omfatta begge skulane samla. Det er ein føresetnad at ein samla skule skal ha tilstrekkeleg areal til alle elevane. 2. Oppveksttilbodet i Bringedalsbygda. I fråsegner frå Bringedalsbygda er det reist spørsmål om framtida for barnehagetilbodet i bygda dersom skuletilbodet vert flytta til Uskedalen. Barnehagetilbodet i Bringedalsbygda med 2 avdelingar er ein integrert del i Kvinnherad kommune sitt barnehagetilbod, og dette vert ikkje endra om skuletilbodet vert lagt til Uskedalen. Det mellombelse tilbodet vert avvikla sumaren 2013, i samsvar med føresetnader og vedtak. 3. Ungdomsskuletilbod for elevar frå Bringedalsbygda krins. I fråsegner vert det stilt spørsmål om ungdomsskuletilbodet for elevane frå Bringedalsbygda krins dersom barneskulen vert flytta til Uskedalen. Elevane frå Bringedalsbygda har Husnes ungdomsskule som nærskule når dei er ferdig med barneskulen. Dette vil ikkje verta endra om elevane får barneskuletilbodet ved Uskedalen skule. Rådmannen ser det ikkje som avgjerande at elevane frå same barneskule skal gå til same ungdomsskule, og viser her til at elevane uansett vert fordelt på ulike klassar når dei kjem på ungdomsskulen. Åkra skule ungdomssteget. 1. Ungdomsskuletilbodet - bygda. I fråsegn frå krinsen vert det vist til at ungdomsskulesteget er viktig for skulen og for bygda, og at det ikkje må takast avgjerd om overføring av elevane på ungdomssteget før I utgreiinga og rådmannen si tilråding er det lagt til grunn at spørsmålet om framtida for ungdomssteget ved Åkra skule skal avgjerast seinast i Dette er såleis i samsvar med krinsen sitt ønskje. side 8 Konklusjon og tilråding. Rådmannen viser til mandatet frå kommunestyret. Oppdraget er å greia ut innsparingar ved strukturendringar i grunnskulen, og kunna gjennomføra desse alt frå Høyringsutkastet la til grunn at det var mogleg å gjennomføra slik endring, og oppnå dei innsparingar som var føresett i kommunestyret sitt vedtak. Fråsegnene til utgreiinga har ikkje endra rådmannen si vurdering om at dette kan gjennomførast, innanfor fagleg forsvarlege rammer.

9 Rådmannen vil likevel tilrå at endringane for Skarveland Valen vert i samsvar med tilrådinga frå leiarane ved desse skulane, slik at 1.-4.klasse ved Skarveland skule held fram ved denne skulen inntil vidare, med den grunngjeving som går fram av saksutgreiinga. Samla innsparing ved dei tilrådde endringane i skulestrukturen vert då i 2013 om lag kr. 3,3 mill. kr., og i 2014 om lag kr. 8,7 mill.kr. Rådmannen legg til grunn at løysingane for Uskedalen, Valen og Undarheim skule føreset investeringar i skulebygga innan kort tid, slik at manglar vert retta opp, og skulane har kapasitet til alle elevane. Uttale frå Eldrerådet: Vert eventuelt ettersendt Uttale frå Rådet for dei funksjonshemma: Ligg ved fråsegnene. Økonomisk konsekvens: Går fram av saksutgreiinga. Miljømessig konsekvens: Viser til utgreiinga. Vedlegg: 1. Høyringsutkast: Utgreiing om endring i skulestrukturen i Kvinnherad frå Fråsegner til høyringsutkastet. side 9