3. BRUKARINTERESSER 3.1 JAKT, FANGST OG FISKE

Transkript

1 3. BRUKARINTERESSER 3.1 JAKT, FANGST OG FISKE Status Det blir jakta på hjort, villrein, elg, li- og fjellrype og noko rådyr og hare i verneområda. Jakt på hjort føregår både i Luster, Skjåk og Lom. I Lom og i Skjåk vert det også jakta elg. Reinsjakta skjer over skoggrensa i delar av verneområda. Omfanget varierer med svingingar i villreinbestanden og kvar dyra står under jakta. Ei handfull utøvarar nyttar seg òg framleis av den tradisjonelle snarefangsten på rype som er tillate etter viltlova i Lom og Skjåk (men ikkje i Luster). Det er sal av jaktkort for småvilt i statsallmenningen, Skjåk Almenning, hjå andre grunneigarar og i områda disponert av jeger- og fiskeforeiningane. Jakta på privat grunn blir stort sett leigd ut. Heile Breheimenområdet er godt jaktterreng. Det er aure i mange av vatna i verneområda. Unntaket er høgareliggjande vatn og vatn som er sterkt påverka av brear. Flest fiskevatn er det i Skjåk allmenning. Det er fiskekortordning for dei fleste vatna. Om lag alt fiske skjer om sommaren. Det blir drive aktivt fiske og kultiveringsarbeid innanfor verneområda. Dette inneber utsetjing av fisk og tynningsfiske. Ingen av vatna innanfor verneområda har vore kalka. Utleige av jakt og fiske saman med utleige av jaktbu/fiskebu gjev gode leigeinntekter for grunneigarane, og er difor ein vesentleg ressurs for fleire av eigedommane i verneområda. Jakt og fiske for vidaresal av fangsten har lite omfang og har ikkje nemnande økonomisk verdi. Den skal tidleg krøkast - Instruksjon i flåing av rein i Mårådalen, Breheimen nasjoanlpark. Foto: Bjørn Dalen 44 Forvaltingsplan for Breheimen nasjonalpark

2 Motorferdsel i samband med jakt og fiske blir handsama i kap Temakart Sjå vedlegg 10 for kart over område for rypetaksering og utvida bandtvang i grotliområdet Forvaltingsmål Det er eit sentralt mål for forvaltinga av Breheimen at jakt og fiske framleis skal kunne gå føre seg innanfor rammene av verneføremålet. Desse aktivitetane høyrer til det enkle friluftslivet som er ein del av verneføremålet, og har stor tyding, særleg lokalt. Jakt og fiske utgjer dessutan eit bidrag til å regulere bestandane. Rammer og reglar - Jakt, fangst og fiske (Vedlegg 1) Vernereglane er ikkje til hinder for utøving av tradisjonell jakt, fangst og fiske. Forskrift for Breheimen nasjonalpark 3 pkt. 3 Dyrelivet, medrekna hi, reir, hekke-, yngle- og gyteplassar, er verna mot skade og unødig forstyrring. Utsetting av dyr på land og i vatn er forbode, jf. 3 pkt Regelen er ikkje til hinder for jakt, fangst og fiske i samsvar med gjeldande lovverk, eller skadefelling av store rovdyr i samsvar med gjeldande lovverk, jf. 3 pkt Forvaltningsstryesmakta kan gi løyve til utsetting av fisk frå lokale fiskestammar der dette er gjort tidlegare, kalking av vatn og elvar som er naudsynt for å hindre at ein art døyr ut, eller iverksetting av tiltak for å få villreinen tilbake i søre del av Ottadalen villreinområde, i samsvar med retningsliner fastsette i forvaltingsplan, jf. 3 pkt I tråd med forskrifta skal det gjennom forvaltingsplanen fastsetjast eit referanseområde som ikkje kan kalkast, jf. 5. Forskrift for Strynefjellet landskapsvernområde 3 pkt. 3 Forskrift for Mysubytta landskapsvernområde 3 pkt. 3 Forskrift for Høydalen landskapsvernområde 3 pkt. 3 Forskrift for Mørkridsdalen landskapsvernområde 3 pkt. 3 Forskrift for Vigdalen landskapsvernområde 3 pkt. 3 Vernet er ikkje til hinder for jakt, fangst og fiske i samsvar med gjeldande lovverk, utsetting av fisk frå lokale fiskestammar i samsvar med gjeldande lovverk, eller kalking av vatn eller elvar som er naudsynt for å hindre at ein art døyr ut i samsvar med gjeldande lover. Forskrift for Høyrokampen naturreservat 3 b), 4b) Dyrelivet mellom anna reirplassar og hiområde, er verna mot skade, øydelegging og unødig forstyrring. Utsetting av dyr er forbode, jf. 3 b). Vernereglane er likevel ikkje til hinder for jakt, fangst og fiske i samsvar med gjeldande lovverk, jf. 4 b). Det er ikkje fastsett særskilte reglar om jakt og fiske i nasjonalparken, landskapsvernområda eller i naturreservatet. Jakt og fiske vil gå føre seg etter reglane i viltlova og laks- og innlandsfisklova. Forvaltingsplan for Breheimen nasjonalpark 45

3 Sjølv om jakt er tillate etter gjeldande lovverk, er det ikkje tillate å setje opp saltstein for å lokke vilt til bestemte plassar innanfor verneområda. Oppsetting av saltstein til vilt kan medføre trakk/slitasje på staden, og kan vere i strid med verneføremålet i verneområda, jf. verneforskriftene for Breheimen nasjonalpark og Strynefjellet-, Mysubytta-, Høydalen-, Mørkridsdalen- og Vigdalen landskapsvernområde 3 pkt. 1.1, og Høyrokampen naturreservat 3 bokstav c). Sogn og Fjordane fylkeskommune og Oppland fylkeskommune er forvaltingsstyresmakt etter nemnde regelverk for haustbare viltartar (små og storvilt), samt haustbare artar av innlandsfisk, dvs. innlandsfisk av ikkje-truga bestandar i vatn som ikkje er regulerte. Ut over det som står om hund i kapittel 3.2 (anna friluftsliv), kan bruk av hund til jakt gå føre seg i verneområda etter reglane i viltlova og kommunale forskrifter med heimel i hundelova. Retningsliner for forvalting og bruk Jakt, fangst og fiske kan utøvast som før i samsvar med gjeldande lovverk og forskrifter, dvs. etter reglane i viltlova og laks- og innlandsfisklova. Oppsetting av saltstein for å lokke elg og hjort til faste plassar i terrenget er ikkje tillate. Framkøyring av elgokse, Breheimen nasjonalpark. Foto: Jakop Brennhaug FISKEKULTIVERING OG KALKING Rammer og reglar (Vedlegg 1) Forskrift for Breheimen nasjonalpark 3 pkt. 3.3 a) og b) Forvaltingsstyresmakta kan gje løyve til utsetting av fisk frå lokale fiskestammar der dette er gjort tidlegare ( 3 pkt. 3.3 a) Forvaltingsstyresmakta kan gje løyve til kalking av vatn og elvar som er naudsynt for å hindre at ein art døyr ut ( 3 pkt. 3.3 b). Etter forskrifta skal det gjennom forvaltingsplanen fastsetjast eit referanseområde som ikkje kan kalkast. 46 Forvaltingsplan for Breheimen nasjonalpark

4 Det er mange fiskevatn i Breheimen, og i fleire vatn har det vorte drive kultiveringsarbeid. Dette omfattar utsetting av aure i ein del av vatna i verneområda. Innanfor nasjonalparken kan nasjonalparkstyret gje løyve å setje ut fisk frå lokale fiskestammar der dette er gjort tidlegare etter søknad. Nasjonalparkstyret er innstilt på å imøtekomme slike ønskje om å oppretthalde tidlegare praksis som gjeld kultiveringstiltak, men planane må leggjast fram for nasjonalparkstyret til vurdering og godkjenning. Tyngre fiskekultiveringsstiltak som krev tekniske inngrep, som til dømes oppdemming, utgraving og andre biotopfremjande tiltak er ikkje tillatne i verneområda. Slike tiltak vil vere i strid med det overordna føremålet om å ta vare på landskapet og økosystemet i sin opphavlege tilstand. Nasjonalparkstyret kan gje løyve til å kalke elvar og vatn når det er naudsynt for å hindre at artar døyr ut. Slike løyve skal også handsamast av Fylkesmannen etter lakse- og innlandsfiske lova. Eventuelle løyve vert gjeve i samband med Fylkesmannen si handsaming av slike tiltak etter lakse- og innlandsfisklova, men det er ikkje venta at det vil vere naudsynt med kalking innanfor dei aktuelle verneområda Utsetjing av fisk krev løyve frå fylkeskommunen, som er forvaltingsstyresmakt i medhald av laks- og innlandsfisklova, samt frå Mattilsynet. Det bør vere ei koordinering mellom dei tre offentlege organa, samt fylkesmannen, for å sikre at kultivering og kalking blir sett i samanheng. Retningsliner for forvalting og bruk Fiskekultivering og kalking Innanfor Breheimen nasjonalpark kan det gjevast løyve til utsetjing av fisk frå stadeigne stammar der dette er gjort tidlegare etter søknad. Utsetjing av fisk krev løyve frå fylkeskommunen etter laks- og innlandsfisklova, samt frå Mattilsynet. Innanfor Breheimen nasjonalpark kan nasjonalparkstyret etter søknad gje løyve til å kalke elvar og vatn når det er naudsynt for å hindre at artar døyr ut. Kalking av elvar og vatn krev løyve Frå Fylkesmannen etter laks- og innlandsfiskelova. Det er ikkje særskilt krav om løyve til utsetting av fisk frå lokale fiskestammar eller kalking i landskapsvernområda. Tyngre tekniske kultiveringstiltak er ikkje tillate. Det vert lagt opp til å gje 4-årige løyve til å setje ut fisk i alle dei vatna der det vart gjeve slikt løyve før vernet, etter behovsprøving og så framt slik utsetting har funne stad dei siste 20 åra. Når det gjeld kravet om at det skal nyttast lokale fiskestammar, skal ein følgje vilkåra som fylkeskommunen sett om dette i samsvar med laks- og innlandsfiskelova. Den delen av nedbørsfeltet til Skjøli som er innanfor nasjonalparken er avsett som referansevassdrag, og skal ikkje kalkast, jf. verneforskrifta for Breheimen nasjonalpark 3 pkt. 3.3 b). Retningsliner for motorferdsel sjå kap Forvaltingsplan for Breheimen nasjonalpark 47

5 Fisking i Istjønn, Breheimen nasjonalpark. Foto: Per Olav Haugen BRUKSPRØVAR FOR HUND (JAKTHUNDPRØVAR) Rammer og reglar (vedlegg 1) Forskrift for Breheimen nasjonalpark 3 pkt. 5.3 Sykling, organisert køyring med hundespann, organisert bruk av hest og bruksprøvar for hund er berre tillate på trasear, i område og til tider som er godkjende for slik bruk i forvaltingsplanen. Forskrift for Strynefjellet landskapsvernområde 3 pkt. 5.3 Forskrift for Mysubytta landskapsvernområde 3 pkt. 5.3 Forskrift for Høydalen landskapsvernområde 3 pkt. 5.3 Forskrift for Mørkridsdalen landskapsvernområde 3 pkt. 5.3 Forskrift for Vigdalen landskapsvernområde 3 pkt. 5.3 På vegar er sykling, organisert køyring med hundespann, organisert bruk av hest og bruksprøver for hund tillate. I andre område er slik aktivitet berre tillate på trasear, i område og til tider som er godkjende for slik bruk i forvaltingsplanen. Forskrift for Høyrokampen naturreservat 3 d) Bruk av naturreservatet til teltleirar, idrettsarrangement eller andre større arrangement er forbode. Bruksprøver for hund, det vil seie jaktprøver for ståande fuglehundar, er berre tillate i område og til tider som er godkjende til slik bruk i forvaltingsplanen. På vegar er bruksprøvar for hund direkte tillate. Jakthundprøver bør i utgangspunktet leggjast utanfor verneområda. Det er særskild omsyn til villrein som er avgjerande for reguleringa av jakthundprøver, saman med omsynet til rovfugl og våtmarksfugl. Villrein er ein viktig del av verneføremålet i Breheimen nasjonalpark og i Strynefjellet landskapsvernområde. I desse områda vert det difor ikkje opna for bruksprøver for hund, utanom på vegen i Strynefjellet landskapsvernområde. Villrein er ikkje ein del av verneføremålet i dei andre landskapsvernområda, og i desse områda er det viltlova med tilhøyrande forskrifter som regulerer bruken av bruksprøver for hund. 48 Forvaltingsplan for Breheimen nasjonalpark

6 Retningsliner for forvalting og bruk Jakthundprøver bør i utgangspunktet leggjast utanfor Breheimen nasjonalpark og Strynefjellet landskapsvernområde, utanom på vegen i landskapsvernområdet. Det er ikkje forbod mot bruksprøver for hund innanfor Mysubytta landskapsvernområde, Høydalen landskapsvernområde, Vigdalen landskapsvernområde og Mørkridsdalen landskapsvernområde. Det er forbod mot bruksprøver for hund i Høyrokampen naturreservat TAKSERING AV RYPE MED LAUS HUND Rammer og reglar (vedlegg 1) Forskrift for Breheimen nasjonalpark 3 pkt. 5.2 Reglane i denne forskrifta er ikkje til hinder for organisert turverksemd til fots så lenge naturmiljøet ikkje blir skadelidande. Organisert ferdsel og ferdselsformer som kan skade naturmiljøet må ha særskilt løyve av forvaltingsstyresmakta, jf. 5. Forskrift for Strynefjellet landskapsvernområde 3 pkt. 5.2 Forskrift for Mysubytta landskapsvernområde 3 pkt. 5.2 Forskrift for Høydalen landskapsvernområde 3 pkt. 5.2 Forskrift for Mørkridsdalen landskapsvernområde 3 pkt. 5.2 Forskrift for Vigdalen landskapsvernområde 3 pkt. 5.2 Reglane i denne forskrifta er ikkje til hinder for organisert turverksemd til fots så lenge naturmiljøet ikkje blir skadelidande. Organisert ferdsel og ferdselsformer som kan skade naturmiljøet må ha særskilt løyve av forvaltingsstyresmakta, jf. 5. Forskrift for Høyrokampen naturreservat 5 a All ferdsel skal skje varsamt og ta omsyn til vegetasjon, dyreliv og kulturminne. Taksering av rype er ein organisert aktivitet, der fleire folk er involvert og med bruk av laus hund. Taksering av rype med laus hund vert rekna som organisert ferdsel som kan skade naturmiljøet, avhengig av kvar og til kva tid aktiviteten føregår. Slik aktivitet vil t.d. kunne forstyrre villrein og fjellrev. Det er difor krav om løyve i nasjonalparken for å drive slik aktivitet. Tida for bandtvang er utvida i delar av nasjonalparken av omsyn til villrein, f.o.m. 1. mars t.o.m. 20. august, jf. kap Taksering av rype med laus hund kan såleis ikkje finne stad i denne perioden, i dei delane av nasjonalparken og heile Strynefjellet landskapsvernområde som ligg nord for følgjande grense: Frå nasjonalparkgrensa mot aust, der Glitra elv kryssar grensa, etter elva til utløpsosen i Glittervatnet, langs sørsida av Glittervatnet, til innløpsosen i Glittervatnet (bekken frå Huguvardstjønn) - austre Skridulaupen (1949 moh) vestre Skridulaupen (1962moh) Raudegga (1938 moh) Kvitlenova (1898 moh), jf. vedlegg 11. Taksering av rype med laus hund er ikkje vanleg i den delen av Breheimen nasjonalpark som ligg i Sogn og Fjordane. Forvaltingsplan for Breheimen nasjonalpark 49

7 Rype, Breheimen nasjonalpark. Foto: Morten Kielland Retningsliner for forvalting og bruk Taksering av rype med laus hund må ha særskilt løyve av nasjonalparkstyret etter søknad. Det vil ikkje bli gjeve løyve til taksering av rype med laus hund i perioden, f.o.m. 1. mars t.o.m. 20. august, i dei delane av nasjonalparken som ligg nord for følgjande grense: Frå nasjonalparkgrensa mot aust, der Glitra elv kryssar grensa, etter elva til utløpsosen i Glittervatnet, langs sørsida av Glittervatnet, til innløpsosen i Glittervatnet (bekken frå Huguvardstjønn) - austre Skridulaupen (1949 moh) vestre Skridulaupen (1962moh) Raudegga (1938 moh) Kvitlenova (1898 moh), jf. temakart vedlegg 10. Av omsyn til villrein og fjellrev er det heller ikkje ønskjeleg at rypetaksering med laus hund skjer innanfor Strynefjellet landskapsvernområde. Ved vurdering av evt. løyve er det relevant å ta med i vurderinga at taksering av ryper bidreg til kunnskapsgrunnlaget som dette småviltet vert forvalta ut frå BRUK AV KVIST TIL SNAREFANGST Skade og øydelegging av vegetasjon er i utgangspunktet forbode i nasjonalparken. Tidlegare tradisjonell bruk av områda skal likevel kunne halde fram både i nasjonalparken og i landskapsvernområda så lenge det ikkje er til skade for verneverdiane. I landskapsvernområda er plantelivet verna mot skade og øydelegging som kan endre det verna landskapet sitt særpreg eller karakter vesentleg. Ein har vurdert at bruk av kvist til snarefangst ikkje vil gå utover verneføremålet i nasjonalparken og landskapsvernområda. Vernet regulerer såleis ikkje snarefangst etter rype i desse områda, og snarefangst kan skje i medhald av viltlova med tilhøyrande forskrifter. Rammer og reglar (vedlegg 1) Etter verneforskrifta 3 pkt. 2.1 er vegetasjon, også daude busker og tre verna mot skade og øydelegging av alle slag. Forskrift for Breheimen nasjonalpark, 3, pkt. 2.2 e) Reglane i 2.1 er ikkje til hinder for bruk av kvist til snarefangst. Framhald neste side 50 Forvaltingsplan for Breheimen nasjonalpark

8 Forskrift for Strynefjellet landskapsvernområde, 3 pkt. 2.2 e Forskrift for Mysubytta landskapsvernområde, 3 pkt. 2.2 e) Forskrift for Høydalen landskapsvernområde, 3 pkt. 2.2 e) Regelen i pkt. 2.1 er ikkje til hinder for bruk av kvist til snarefangst. Forskrift for Høyrokampen naturreservat, 3 a) Vegetasjon, mellom anna daude busker og tre, er verna mot skade og øydelegging. Det er forbod mot å fjerne planter og sopp (inkludert lav) eller deler av desse frå reservatet. Planting eller såing av tre og annan vegetasjon er forbode. Viltlova med tilhøyrande forskrifter opnar for snarefangst av rype i Lom og Skjåk, men ikkje i Luster. I Breheimen nasjonalpark kan ein difor drive snarefangst på areal som ligg i Lom og Skjåk kommunar (utan søknad), og ein vil kunne bruke kvist til snarefangst i landskapsvernområda som ligg i desse to kommunane, dvs. Strynefjellet landskapsvernområde, Mysubytta landskapsvernområde og i Høydalen landskapsvernområde, samt i dei delane av nasjonalparken som ligg i Lom og i Skjåk. Retningsliner for forvalting og bruk Det er ikkje forbod mot bruk av kvist til snarefangst i Breheimen nasjonalpark, eller i Høydalen-, Mysubytta- eller Strynefjellet landskapsvernområde. Snarefangst av rype vert regulert gjennom viltlova med tilhøyrande forskrifter. Det er opna for slik aktivitet i Skjåk kommune og Lom kommune, men ikkje i Luster kommune. I Høyrokampen naturreservat er det ikkje opna for bruk av kvist til snarefangst, og det er heller ikkje registrert behov for dette OPPSETTING AV KASSAR FOR UTSTYR OG PROVIANT VED FISKEVATN Rammer og reglar (Vedlegg 1) Forskrift for Breheimen nasjonalpark, 3, pkt. 1.3 i) I Breheimen nasjonalpark kan det etter søknad gjevast løyve til oppsetting av kassar for utstyr og proviant ved fiskevatn i Skjåk allmenning i samsvar med retningsliner fastsette i forvaltingsplanen. Forskrift for Mørkridsdalen landskapsvernområde 3 pkt. 1.3 j) I Mørkridsdalen landskapsvernområde kan det etter søknad gjevast løyve til oppsetting av kassar for utstyr og proviant ved fiskevatn der det eksisterer kassar frå før, i samsvar med retningsliner fastsette i forvaltingsplanen. Det er nokre kassar i Strynefjellet landskapsvernområde i dag, men sidan vatna ligg så nær bilveg er det ikkje opna for å gje løyve til å sette opp nye kassar her. Forvaltingsplan for Breheimen nasjonalpark 51

9 Garnkasse ved Syrtbyttjønn, Breheimen nasjonalpark. Foto: Bjørn Dalen Retningsliner for forvalting og bruk Etter søknad kan det gjevast løyve til oppsetting av kassar for utstyr og proviant ved fiskevatn. Innanfor Breheimen nasjonalpark gjeld dette ved fiskevatn i Skjåk Almenning, og innanfor Mørkridsdalen landskapsvernområde gjeld det ved fiskevatn der det er kassar frå før. Ved løyve vil det bli sett vilkår om at kassen skal kunne brukast av fleire, t.d. i regi av grunneigar eller jeger- og fiskeforeiningar der det er etablert fiskebestandar som bør haustast. Alle kassar skal merkast med namn, adresse og telefonnummer. Ein kasse for utstyr og proviant skal ikkje vere større enn 1 m3. Største høgde skal ikkje overstige 0,8 m. Kassar for utstyr og proviant skal ikkje synast i terrenget. Ein kasse skal difor ikkje vere større enn at han kan ligge i eller under båten når han ikkje er i bruk. Kassane skal ikkje beisast i sterk farge, dei skal primært vere ubehandla eller grå. Synlege flater skal dekkjast til med naturleg material i området. Det er forbod mot å kople fleire kassar saman, når føremålet er å skape bueiningar. Kassar som ikkje lenger er i bruk skal fraktast ut or nasjonalparken/landskapsvernområdet. Garnkassar skal registrerast hjå forvaltingstyresmakta. Det skal førast ei samla oversikt over plasseringa av kassane, med opplysningar om eigar og nøyaktig UTM-koordinat. Ein skal forsøke å legge opp til sambruk av kassane, for å halde talet på slike kassar nede. Den som plasserer ut kassar for utstyr og proviant ved fiskevatn må sjølv ordne med naudsynt løyve frå grunneigar. Ved løyve skal det setjast vilkår om at objekt av kulturhistorisk verdi (hustufter, dyregraver og liknande) ikkje skal skadast. Retningsliner for motorferdsel sjå kap Forvaltingsplan for Breheimen nasjonalpark

10 Tiltak Ta bilete av, og registrere kassar for utstyr og proviant ved fiskevatn med UTM-koordinat, og legge data inn i verneområdeloggen OPPLAG AV BÅTAR Rammer og reglar (vedlegg 1) Forskrift for Breheimen nasjonalpark, 3 pkt. 1.3 j) I Breheimen nasjonalpark kan det etter søknad gjevast løyve til opplag av båtar i samsvar med retningsliner fastsette i forvaltingsplanen, jf. 5. Forskrift for Strynefjellet landskapsvernområde, 3 pkt. 1.3 g). Forskrift for Høydalen landskapsvernområde, 3 pkt. 1.3 n) Etter søknad kan det gjevast løyve til opplag av båtar i samsvar med retningsliner fastsette i forvaltingsplanen. Nasjonalparkstyret stiller seg positive til utnytting av fiskeressursane i verneområda. Det bør så langt det er råd leggast til rette for felles bruk av båtar ved vatn med garnfiske, slik at ikkje alle treng å ha eigen båt. Dette gjeld for Breheimen nasjonalpark, Strynefjellet landskapsvernområde og Høydalen landskapsvernområde. Båt i vinteropplag ved Lundadalsvatnet, Breheimen nasjonalpark. Foto: Bjørn Dalen. Forvaltingsplan for Breheimen nasjonalpark 53

11 Retningsliner for forvalting og bruk Opplag av båtar vil seie lagring av båt ute i området over tid (gjeld ikkje båtar i naust). Løyve kan gjevast ved fiskevatn innanfor Breheimen nasjonalpark, Strynefjellet landskapsvernområde og Høydalen landskapsvernområde der det er opna for fiske med garn. Båtar som ikkje lenger er i bruk skal fjernast. Godkjende båtar skal merkast med eigaren sitt namn, og ved utplassering skal det leverast bilete og UTM-koordinat for lokalisering av båten til nasjonalparkforvaltinga for at ein betre skal kunne følgje opp med fjerning av det som ikkje lenger er i bruk. Øydelagde båtar og restar av anna utstyr skal fjernast. Kommunen kan som forureiningsmyndigheit kontaktast for hjelp til oppfølging i medhald av forureiningslova 37 dersom eigar ikkje sjølv fjernar utrangert utstyr. Mellombels lagring av båtar for fiskesesongen i desse områda, kan skje utan søknad, men det må søkjast om løyve til evt. motorferdsel for transport av båten. Opplag av båt er ikkje tillate i Mysubytta, Mørkridsdalen og Vigdalen landskapsvernområde (jf. forskriftene 3 pkt. 1.1) eller i Høyrokampen naturreservat (jf. 3 c). Dersom opplag av båtar er til hinder for ferdsla langs vassdraget eller får negative konsekvensar for verneverdiane kan nasjonalparkstyret vurdere om det kan setjast nærare vilkår for det enkelte vatn om talet på båtar og kvar, og korleis dei skal lagrast. Breheimen nasjonalparkstyre skal føre samla oversyn over dei løyva som vert gjevne og ha eit register over kven som har båt i verneområdet. For å følgje opp ved opphøyr av løyve, vil bilete av båten vera eit viktig hjelpemiddel for å kunne kontakte rette vedkomande om han vert liggande og forfalle. Høyrokampen naturreservat grensar inn til Høydalsvatnet, og opplag av båtar til bruk på Høydalsvatnet kan skje i Høydalen landskapsvernområde. Ved løyve skal det setjast vilkår om at objekt av kulturhistorisk verdi (hustufter, dyregraver og liknande) ikkje skal skadast. Retningsliner for motorferdsel sjå kap Tiltak Båtar som ikkje lenger er i bruk og øydelagde båtar, samt restar av anna utstyr skal fjernast. Ansvarleg: NP-styret i samarbeid med SNO. 54 Forvaltingsplan for Breheimen nasjonalpark