ETABLERING AV DURMÅLHAUGEN NATURRESERVAT, TINGVOLL KOMMUNE

Transkript

1 HØYRINGSDOKUMENT ETABLERING AV DURMÅLHAUGEN NATURRESERVAT, TINGVOLL KOMMUNE Høyringsfrist

2 2 1. Bakgrunn Gjennom behandlinga av stortingsmeldinga Natur for livet Norsk handlingsplan for naturmangfold (Meld. St. 14 ( )) vedtok Stortinget ei opptrapping av skogvernet i Noreg til 10 % av skogarealet. I mars 2017 var ca. 3,0 % av den produktive skogen i Noreg verna. I stortingsmeldinga vert auka skogvern framheva til å ha betydeleg positiv effekt på trua artar i skog, og Regjeringa vil vidareføre det langsiktige arbeidet med skogvern. Dette skal skje ved vern av offentleg eigd skog og ved frivillig vern av privateigd skog. Frivillig vern inneber at skogeigarane tilbyr staten vern av eigen skog. Dersom ein har naturfagleg kunnskap om det aktuelt tilbodsområde frå før, kan slike data bli lagt til grunn for ein eventuell verneplanprosess. Dersom området ikkje er kartlagt tidlegare, vil Miljøvernstyresmaktene også vurdere tilbodet og sette eventuelt i gang med naturfaglege registreringar for å kartlegge verneverdiar. I Møre og Romsdal er ein vesentleg del av den verneverdige skogen kartlagt tidlegare og aktuelle data er tilgjengelige i Om det på bakgrunn av ei slik registrering vil vere aktuelt å fremme eit verneforslag for det aktuelle arealet, skal det gjennomførast forhandlingar med grunneigar om avgrensing, verneforskrift og økonomisk erstatning. Når staten og grunneigar er kome til semje om desse punkta, vil området gjennomgå ei vanlig saksbehandling i tråd med naturmangfaldlova. 2. Tilbodet. Fylkesmannen fekk tilbod om frivillig vern på eit areal på ca daa produktiv skog frå grunneigaren på gnr 149 bnr 1 i Tingvoll kommune i mail frå ALLSKOG SA av Fylkesmannen har takka ja til tilbodet. Det er gjennomført ei kvalitetssikring av naturkvalitetane i området vinteren 2016/17. ALLSKOG har taksert skogen i tilbodet, og har forhandla med Staten sin skogsakkunnige Severin Myrbakken om erstatning. 3. Heimelsgrunnlag Vern av spesielle område eller førekomstar skjer i medhald av lov av 16. juni 2009 om forvaltning av naturens mangfald (naturmangfaldlova) jf I naturmangfaldlova er det gjeve heimel for vedtak av ulike vernekategoriar. Vernekategorien naturreservat, som er det strengaste vernet etter naturmangfald-lova, blir foreslått brukt for dei 2 skogsområda i dette verneplanframlegget. 37 i naturmangfaldlova har slik ordlyd: «Som naturreservat kan vernes områder som a) inneholder truet, sjelden eller sårbar natur, b) representerer en bestemt type natur c) på annen måte har særlig betydning for biologisk mangfold, d) utgjør en spesiell geologisk forekomst, eller e) har særskilt naturvitenskapelig verdi.

3 3 Som naturreservat kan også vernes et område som er egnet til ved fri utvikling eller aktive gjenopprettingstiltak å få verneverdier som nevnt i første ledd. I et naturreservat må ingen foreta noe som forringer verneverdiene angitt i verneformålet. Et naturreservat kan totalfredes mot all virksomhet, tiltak og ferdsel. I forskriften kan det gis bestemmelser om vern av kulturminner i reservatet. Treffes vedtak om reservat som krever aktive gjenopprettingstiltak, eller vedtak om reservat der bruk er en forutsetning for å ivareta verneformålet, skal det samtidig med vernevedtaket legges frem et utkast til plan for skjøtsel for å sikre verneformålet. Planen kan omfatte avtale om bruk av arealer, enkeltelementer og driftsformer. Planen eller avtalen kan inneholde bestemmelser om økonomisk godtgjørelse til private som bidrar til områdets skjøtsel.» 4. Saksbehandling Naturfaglege registreringar Miljøfaglig Utredning har gjort ei kvalitetssikring av dei naturfaglege verdiane i området, basert på eksisterande kunnskap. Området er delt i to pga. av skilnader i naturmiljøet. Nedre del av området omfattar ei bratt li med naturskogpreg som i øvre del strekker seg opp til ei myrflate på rundt 350 moh. Myrflata inneheld eit variert myrkompleks, men berre nordlige del av dette er inkludert i lokalitetsskildringa. Berggrunnen i området består av ganske næringsfattige gneisbergartar. Nedre del av lokaliteten er kartlagt som gammal furuskog (anslag 50%), men det er også ein del gammal blandingsskog/gammal lauvskog her, både med bjørk (gammal bjørkeskog 30%) og osp (gammal ospeskog (20%). I tillegg fragment av gammal gråor-almeskog (1%). Av grunntypar i skogen er det ganske mykje blåbærskog og bregnerik skog, men også ein del høgstaudeskog, medan det er lite lågurtskog. Også nokre bergveggar og litt blokkmark (samla sett eit par prosent) ligg innanfor lokaliteten. Øvre del av lokaliteten omfattar eit stort og variert myrkompleks med både terrengdekkjande nedbørsmyr, intermediære mjukmatte- og lausbotnmyrer, fattige fastmattemyrer, middelsrike fastmattemyrer. Gamle stubbar førekjem spreidd i heile området, og det er ikkje spor etter hogst i nyare tid (med unntak av kantsoner ned mot vegen). Det er tydeleg at hogsten har vore moderat tidlegare òg, då det førekjem furulæger i alle nedbrytingsstadium, og i øvre delar også fleire hundre år gamle levande, grove furutre, samt nokre grove hogststubbar (kelogadd) av furu. Det er òg ein god del gamle tre og daudt trevirke av lauvskog, m.a. innslag av uvanleg mykje grov bjørk og ein del osp av til dels store dimensjonar. Tilsvarande gammal skog er særs sjeldan å finne på Vestlandet, og området har difor ein uvanleg god førekomst av artar knytt til gammal, lite påverka skog. Eit negativt trekk i nyare tid er den store hjortestammen, som m.a. har ført til beiteskader på dei få almetrea som finst og ingen nydanning av unge almetre (dette er truleg også ein viktig grunn til lite ung osp og furu).

4 4 Totalt 31 raudlisteartar er registrert i området fordelt på 17 NT-artar, 10 VU-artar, 3 EN-artar (inkl. hubro) og 1 DD-art. Desse er fordelte på artsgruppene sopp (13 artar), lav (11 artar), karplante (1 art), fisk (1 art) og fugl (5 artar). Samla sett kvalifiserer Durmålhaugen til *** (nasjonalt verdifull). Oppstartsmelding Fylkesmannen sende ut oppstartmelding til fleire aktuelle interessepartar i brev av I tillegg vart starten av verneplanarbeidet kunngjort i Tidens Krav og Aura Avis samme dagen. Fylkesmannen la ut melding om verneplanarbeidet ut på heimesida si. Det er vist til denne i kunngjeringane. Innspelfristen vart sett til Vi fekk eit innspel frå Møre og Romsdal fylkeskommune som ikkje har merknader til verneprosessen. Brukarinteresser Vi er ikkje kjent med at det er brukarinteresser som kan skape konflikt med vernet. Vidare saksgang I samsvar med naturmangfaldlova og saksbehandlingsreglane i denne, skal Fylkesmannen sende verneframlegg på høyring. På bakgrunn av at det er gjennomført forhandlingar med grunneigarane og at det vart semje om avgrensing og framlegg til forskrift, reknar vi med at det eventuelt blir mindre justeringar av forskriftene etter høyring. Etter denne lokale og sentrale høyringa, vil Fylkesmannen, på bakgrunn av høyringsdokument og innkomne fråsegner, skrive ei tilråding til Miljødirektoratet. Direktoratet fremmer så saka for Klima- og miljødepartementet som deretter vil førebu ho og legge fram eit forslag om vernevedtak for Kongen i Statsråd. Etter vernevedtaket ved kgl. res. vil erstatningar bli utbetalte i samsvar med avtalane. Fylkesmannen får så i oppdrag å gjere vedtaket kjent og sørge for at reservatet blir merka og skilta. Merking og oppmåling blir gjort av jordskifteretten etter krav frå fylkesmannen om grensegang og merking.

5 5

6 6 FORSKRIFT OM VERNEPLAN FOR SKOG. FREDING AV DURMÅLHAUGEN NATURRESERVAT I TINGVOLL KOMMUNE I MØRE OG ROMSDAL FYLKE Fastsett ved kongeleg resolusjon...med heimel i lov 19. juni 2009 nr. 100 om forvaltning av naturens mangfold (naturmangfaldlova) 34, jf. 37 og 62. Fremja av Klimaog miljødepartementet. 1 Føremål Formålet med naturreservatet er å bevare eit stort og variert skogsområde med sitt biologiske mangfald i form av naturtypar, økosystem, artar og naturlege økologiske prosessar. Området inneheld trua og sjeldan natur og det representerer fleire naturtypar med store verdiar knytt til gammal furuskog, dels også gammal lauvskog. Området er lite påverka av inngrep, og kontinuiteten i gamle tre og daudt trevirke er god. Området er velutvikla og med fleire sjeldne artar. Det er ei målsetting å behalde verneverdiane i mest mogeleg urørt tilstand, og eventuelt vidareutvikle dei. 2 Geografisk avgrensing Naturreservatet omfattar eigedommen 149/1 Tingvoll kommune. Naturreservatet dekkjer eit totalareal på ca dekar. Grensene for naturreservatet går fram av kart i målestokk...datert Klima- og miljødepartementet... Dei nøyaktige grensene for naturreservatet skal merkast av i marka. Knekkpunkta skal bli koordinatfesta. Verneforskrifta med kart blir oppbevart i Tingvoll kommune, hos Fylkesmannen i Møre og Romsdal, i Miljødirektoratet og i Klima- og miljødepartementet. 3 Vernereglar I naturreservatet må ingen gjere noko som kan øydelegge eller redusere verneverdiane som er oppgitt i verneføremålet. I naturreservatet gjeld følgjande vernereglar: a) Vegetasjonen, medrekna daude buskar og tre, er verna mot skade og øydelegging. Det er forbode å fjerne plantar, sopp og lav eller delar av desse frå naturreservatet. Planting eller såing av tre eller annan vegetasjon er forbode. b) Dyrelivet, medrekna reirplassar og hiområde, er verna mot skade, øydelegging og unødig uroing. Utsetting av dyr er forbode. c) Det må ikkje iverksettast tiltak som kan endre naturmiljøet, som t.d. oppføring av bygningar, anlegg, gjerde, andre varige eller mellombelse innretningar, parkering av campingvogner, brakker el. l., framføring av luftleidningar, jordkablar, kloakkleidningar, bygging av vegar, drenering eller anna form for tørrlegging, uttak, oppfylling og lagring av

7 7 masse, utføring av kloakk eller andre konsentrerte tilførsler av forureining, deponering av avfall, gjødsling, kalking eller bruk av kjemiske plantevern- eller skadedyrmiddel. Forsøpling er forbode. Opplistinga av tiltak er ikkje uttømmande. d) Bruk av naturreservatet til teltleirar, idrettsarrangement eller andre større arrangement er forbode. 4 Generelle unntak Vernereglane i 3 andre ledd er ikkje til hinder for: a) Sanking av bær og matsopp. b) Jakt og fangst i samsvar med gjeldande lovverk. c) Oppsetting av mellombelse, mobile jakttårn for storviltjakt. d) Fjerning av mindre mengder kvist i samband med utøving av storviltjakt. e) Beiting. f) Bålbrenning med tørrkvist eller medteken ved. 5 Regulering av ferdsel All ferdsel skal skje med varsemd og omsyn til vegetasjon, dyreliv og kulturminne. I naturreservatet gjeld følgjande reglar om ferdsel: a) Motorisert ferdsel er forbode, medrekna start og landing med luftfartøy. b) Bruk av sykkel, hest og kjerre samt riding forbode. 6 Generelle unntak Ferdselsreglane i 5 er ikkje til hinder for: Gjennomføring av militær operativ verksemd og tiltak i samband med ambulanse-, politi-, brannvern-, rednings- og oppsynsverksemd, samt gjennomføring av skjøtsels- eller forvaltingsoppgåver som er vedteke av forvaltingsstyresmakta. Unntaket gjeld ikkje øvingsverksemd. Ferdselsreglane i 5 andre ledd er ikkje til hinder for: a) Naudsynt motorferdsel i samband med uttransport av sjuke og skadde bufe. Køyretøy som vert nytta skal vere skånsame mot markoverflata. Ein skal gje melding til ansvarleg oppsyn for verneområdet i forkant av slik køyring. b) Naudsynt uttransport av felt elg og hjort med lett beltekøyretøy som ikkje set varige spor i terrenget. c) Landing og start med Forsvaret sine luftfartøy. 7 Spesifiserte dispensasjonsreglar Forvaltingsstyresmakta kan etter søknad gi dispensasjon til: a) Avgrensa bruk av reservatet for aktivitetar nemnt i 3 d). b) Hogst og uttak av gran, platanlønn og andre framande treslag. c) Oppføring av gjerde og samleanlegg for beite. d) Nødvendig motorferdsel i forbindelse med aktivitetar nemnt i 7 b) og c). e) Istandsetting, vedlikehald og skjøtsel av kulturminne.

8 8 8 Generelle dispensasjonsreglar Forvaltingsstyresmakta kan gjere unntak frå forskrifta dersom tiltaket ikkje er i strid med vernevedtaket sitt føremål og ikkje kan påverka verneverdiane nemneverdig, eller dersom tryggleiksomsyn og omsyn til vesentlege samfunnsinteresser gjer det naudsynt, jf. naturmangfaldlova Skjøtsel Forvaltingsstyresmakta, eller den forvaltingsstyresmakta bestemmer, kan setje i verk tiltak for å oppretthalde eller oppnå den natur- eller kulturtilstanden som er føremålet med vernet, jf. naturmangfaldlova Forvaltingsplan Det skal utarbeidast forvaltingsplan med nærare retningsliner for forvalting av naturreservatet. Forvaltingsplanen kan innehalde nærare retningsliner for gjennomføring av skjøtsel. 11 Forvaltningsstyresmakt Miljødirektoratet fastset kva instans som skal vere forvaltingsstyresmakt etter denne forskrifta. 12 Iverksetting Denne forskrifta trer i kraft straks.