Nordfjordrådet. Møteinnkalling. Sakliste. Utval: Nordfjordrådet Møtestad: Nordfjordeid, Eid vgs Dato: Tid: Kl. 10:00

Transkript

1 Nordfjordrådet Møteinnkalling Utval: Nordfjordrådet Møtestad: Nordfjordeid, Eid vgs Dato: Tid: Kl. 10:00 Eventuelle forfall til møtet skal meldast til sekretariatet i Gloppen kommune på tlf Forfall kan også meldast på e-post til: servicetorget@gloppen.kommune.no For medlemmene i Nordfjordrådet, og for dei som har møte- og talerett i rådet (rådmennene), ligg saklista til møtet også i møteportalen, som du finn link til på Gloppen kommune si heimeside. Saklista til møta i Nordfjordrådet skal elles vere tilgjengeleg på alle medlemskommunane sine heimesider, dvs. på heimesidene til Eid, Gloppen, Hornindal, Selje, Stryn og Vågsøy kommunar. Sakliste Sak nr. Sakstittel 010/18 Godkjenning av møteprotokoll, innkalling og sakliste 011/18 Referat og orienteringssaker 012/18 Nordfjordrådet si oppfølging av prosjekt Grøn næringsutvikling 013/18 Søknad frå NoMil om støtte til forprosjekt Biogassanlegg Sandane, Kristin Maurstad Ordførar i Vågsøy kommune Roger Aa Djupvik Dagleg leiar

2 Nordfjordrådet Arkiv: FE JournalpostID: 18/6961 Saksbehandlar: Roger Aa Djupvik Saksnr. Utval Møtedato 010/18 Nordfjordrådet Godkjenning av møteprotokoll, innkalling og sakliste Leiaren si tilråding: 1. Nordfjordrådet godkjenner møteboka frå 30. april 2018 på Sandane 2. Nordfjordrådet godkjenner innkallinga og saklista til dette møte. Møteboka frå Nordfjordrådet sitt møte på Sandane den 30. april 2018 vert lagt fram til godkjenning. Leiaren har sett opp slik dagsorden for dette møtet: Tid Orienteringssaker: Rekrutteringsfilm for helsefagarbeidarar Nordfjord opplæringskontor Skuleprosjekt STILIG Hilde G. Corneliussen, Vestlandsforsking Orientering og omvising Eid vgs - Ove Anfinn Bjørlo Lunsj Rapport frå Skredestranda - Tone Anette Espe, seksjonsleiar i Statens vegvesen Forprosjekt biogassanlegg NoMil Inge Bent Arnestad, adm. dir. Nordfjord Miljøverk IKS Grøn næringsutvikling - Tilråding frå arbeidsgruppe om vidare arbeid med prosjektet Søknad frå NoMil om tilskot til forprosjekt biogassanlegg Status i samanslåingsprosessane/samarbeid i regionen Møte slutt

3 Nordfjordrådet Arkiv: FE JournalpostID: 18/6962 Saksbehandlar: Roger Aa Djupvik Saksnr. Utval Møtedato 011/18 Nordfjordrådet Referat og orienteringssaker Leiaren si tilråding Saka vert lagt fram utan tilråding Orienteringssaker: Rekrutteringsfilm for helsefagarbeidarar - Nordfjord Opplæringskontor Skuleprosjekt STILIG - Hilde G. Corneliussen, Vestlandsforsking Orientering og omvising Eid vgs - Ove Anfinn Bjørlo Rapport frå Skredestranda - Tone Anette Espe, seksjonsleiar i Statens Vegvesen Forprosjekt biogassanlegg NoMil - Inge Bent Arnestad, adm. dir. Nordfjord Miljøverk IKS

4 Nordfjordrådet Arkiv: FA - U01, HIST - 16/1278 JournalpostID: 18/7919 Saksbehandlar: Roger Aa Djupvik Saksnr. Utval Møtedato 012/18 Nordfjordrådet Nordfjordrådet si oppfølging av prosjekt Grøn næringsutvikling Vedlegg i saka: Oppsummering innspel frå konferansedeltakarane Leiaren si tilråding Nordfjordrådet jobbar vidare med prosjektet Grøn næringsutvikling med utgangspunkt i områda som arbeidsgruppa har jobba fram. Dette med bakgrunn i oppsummeringa gjort av prosjektleiar Trond Haavik i Segel der han har konkretisert ulike satsingsområder for vidare arbeid med prosjektet. Saksutgreiing Bakgrunn for saka I møte i Nordfjordrådet 5. mars 2018, sak 003/18, er vidare arbeid med prosjektet Grøn næringsutvikling diskutert. I vedtaket heiter det at arbeidsgruppa for prosjektet skal legge fram ei tilråding med konkretisering av vidare oppfølging av konferansen Grøn næringsutvikling. Det lukkast ikkje å få dette til før møtet på Sandane, difor vert tilrådinga lagt fram på møte i Nordfjordrådet 4. juni. Fakta i saka Nordfjordrådet engasjerte Trond Haavik i Segel AS som prosjektleiar for arbeidet med Grøn næringsutvikling i mai Det vart oppretta ei arbeidsgruppe til dette arbeidet som bestod av Alfred Bjørlo, Stein Robert Osdal, Stig Olav Lødemel, Rune Hovde, Birte Fossheim og Trond Haavik. Prosjektleiar har gjennomført ei kartlegging opp mot regionalt næringsliv og kommunar når det gjeld satsingar inn mot det grøne skiftet. Resultatet frå denne kartlegginga danna grunnlaget og innhaldet i dags seminaret som vart gjennomført på Nordfjordeid 23. januar Prosjektleiar har levert ei oppsummering og samandrag frå konferansen som grunnlag for Nordfjordrådet sitt vidare arbeid med dette prosjektet. Arbeidsgruppa for Grøn næringsutvikling gjennomførte eit arbeidsmøte på Nordfjordeid der Alfred Bjørlo, Stein Robert Osdal, Trond Haavik, Birte Fossheim og Roger Aa Djupvik deltok. Der vart det jobba fram ei tilråding for Nordfjordrådet sitt vidare arbeid med prosjekt Grøn næringsutvikling. Tilrådinga er gjort med bakgrunn i oppsummeringa som Trond Haavik og Segel gjorde i etterkant av konferansen 23. januar Oppsummeringa ligg vedlagt i saka. Arbeidsgruppa plukka ut nokre punkt under satsingsområda som ein ynskjer at Nordfjordrådet jobbar vidare med.

5 Økonomiske konsekvensar for Nordfjordrådet Ingen Vurdering Prosjekt Grøn næringsutvikling og dags seminaret som vart gjennomført på Eid 23. januar med god deltaking, har skapt ein del forventningar både i kommunar og næringsliv generelt for vidare arbeid med dette tema. Det er difor viktig at Nordfjordrådet følgjer opp dette arbeidet, og utnyttar engasjementet og viljen til å jobbe vidare på dette området. Oppsummeringa som er gjort av prosjektleiar viser at det er mange områder ein kan ta tak i, men det er ikkje alle områda der det er like naturleg at Nordfjordrådet tek ballen vidare. Arbeidsgruppa meinar likevel at det vil vere lurt å definere nokre områder der Nordfjordrådet tar initiativ til vidare framdrift. Med bakgrunn i oppsummeringa til prosjektleiar, har arbeidsgruppa sett opp følgjande punkt Nordfjordrådet arbeidar vidare med. Tematikk og arbeid i fleire av punkta vil også gå over i kvarandre. 1.Effektivisering av bygg (offentlig og privat) Her ynskjer ein å etablere nettverk med personar med ansvar for drift og vedlikehald av bygg, både i offentleg og privat sektor, som kan lære av kvarandre. Enøk-senteret har ein slik modell der ein bygger på erfaringsutveksling og kompetanse på tvers av ulike næringar. Medverkande her vil vere kommunar og andre offentlege og private byggeigarar. Nordfjordrådet tar kontakt med Enøk-senteret for å undersøke kva både offentlege og private aktørar kan gjere saman på dette området, korleis vi kan ta dette vidare og kva det vil koste for dei som deltek. Nordfjordrådet vil bidra til deling av informasjon i vårt nettverk. 2. Innkjøp dele kunnskap og samarbeide om offentlege innkjøp Dette omfattar både deling av kunnskap om korleis offentlege innkjøp kan medverke til «grønare» val, men også konkret innkjøpssamarbeid. Her bør blant anna fokuset rettast mot det innkjøpstekniske (juridisk) og miljøaspektet. Medverkande her vil i fyrste omgang vere kommunar og evt. Fylkeskommunen. Nordfjordrådet kontaktar rådmannsgruppa for å få arbeidet forankra der. Vidare kan ein sjå for seg ein temadag for fagpersonar på området i kommunane med innkjøp og prosessane nemnt over som tema. 3. Grøn næringsutvikling Konferansen som vart gjennomført 23. januar med god deltaking var ein suksess. Dette viser eit behov for ein møteplass mellom private og offentlege aktørar der ein kan utveksle erfaringar og kompetanse innanfor grøn næringsutvikling og på tvers av næringar. Nordfjordrådet ynskjer å legge til rette for fleire slike møteplassar. Her kan det både vere snakk om ein større konferanse som sist, eller så kan ein også tenkje seg ulike temadagar i mindre skala for fagpersonar innan spesifikke områder. Fylkeskommunen må koplast på i forhold til regional plan for klimaomstilling Nordfjordrådet utfordrar kommunar og næringsliv til å kome med innspel på tema til ein slik

6 konferanse/temadag. 4. «Nordfjordmodellen» a la Blakstad Denne modellen inneber at dei vidaregåande skulane står for oppføringa av energieffektive bygg i samarbeid med lokale entreprenørar, og på oppdrag frå kommunar. Her vil ein blant anna kunne utvikle tverrfagleg kompetanse ved å få til eit godt samarbeid mellom skulane, entreprenørar og kommunane. Nordfjordrådet tek kontakt med rådmannsgruppa i Nordfjord for ei forankring av vidare arbeid, og for å etterspørje mulige byggeprosjekt i kommunane. Deretter må ein gå i dialog med rektorane på alle fire skulane for å sjå på moglegheiter for å realisere dette. Ein kontakt mot næringslivet vil også kunne gje moglegheit for byggeprosjekt. Det er eit ønskje frå Nordfjordrådet at alle vidaregåande skulane i Nordfjord blir kopla på med sine respektive miljø på området. 5. Fornybar infrastruktur bygg/eigedomsrelatert Her ynskjer ein ei utgreiing på kva som er dei beste energiløysingane for byar, tettstader og spreidd busetnad i Nordfjord. Deretter kan ein tenkje seg utarbeiding av handlingsplanar med konkrete tiltak. Fjordvarme gjennomfører ein pilot der ein ser på moglegheiter for å invitere «nabolaget» når ein offentleg aktør skal oppgradere større eksisterande bygg eller nybygg, slik at dette kan gjerast på ei felles fornybar energikjelde. Det er søkt om EU- midlar til piloten, og evt tilslag vert gjeve i september. Nordfjordrådet ynskjer å hauste erfaring frå prosjektet som Fjordvarme gjennomfører, og vidare sjå om desse erfaringane kan nyttast også andre stader. 6. Fornybar infrastruktur transportrelatert Transportnæringa jobbar mot ein overgang til nullutslepp, og mange aktørar har uttala ambisiøse mål for dette. Nordfjordrådet kontaktar Avinor og andre sentrale aktørar innan transportsektoren i regionen, for ein status på korleis dei ser på framtida med tanke på fornybar energi. 7. Sirkulær økonomi Utnytting av avfall som råstoff for produksjon av ny energi vert stadig meir aktuelt. Nordfjord sitt renovasjonsselskap, NoMil, arbeider med å undersøkje moglegheitene for eit biogassanlegg i Nordfjord. Avfallsbransjen siktar mot sirkulær økonomi, og i dette ligg blant anna ei miljøvenleg og ressursbevarande behandling av matavfallet som NoMil tek hand om. Her vil det kunne vere ei spennande kopling til pkt. 6, og transportnæringa sine mål om bruk av fornybar energi. Nordfjordrådet held dialog med NoMil om vidare prosess med utarbeiding av forprosjekt biogassanlegg i Nordfjord.

7 8. Nordfjord som «berekraftig destinasjon» Kan ein sertifisere Nordfjord som berekraftig destinasjon? Her må ein ivareta både det offentlege perspektivet, innbyggjarane sine interesser og behovet for å skape konkurransedyktige reisemål med lønsame bedrifter og nøgde gjestar. Satsinga i reiselivet kan og koplast til fornybar infrastruktur og sirkulær økonomi. Nordfjordrådet kontaktar Visit Nordfjord for vidare arbeid med dette.

8 Nordfjordrådet Arkiv: JournalpostID: 18/7943 Saksbehandlar: Roger Aa Djupvik Saksnr. Utval Møtedato 013/18 Nordfjordrådet Søknad frå NoMil om støtte til forprosjekt Biogassanlegg Vedlegg i saka: Søknad til Nordfjordrådet om midlar til forprosjekt biogassanlegg Leiaren si tilråding Nordfjordrådet støttar NoMil sin søknad med kroner til utarbeiding av forprosjekt for eit muleg biogassanlegg i Nordfjord. Saksutgreiing Bakgrunn for saka Nordfjordrådet har tidlegare støtta NoMil med kroner til kunnskapsgrunnlag for alternative metodar for handsaming av avfall. Dei har no jobba vidare med dette, og ynskjer å kome i gong med eit forprosjekt for eit muleg biogassanlegg i Nordfjord. Dei tok derfor initiativ til eit møte med dagleg leiar i Nordfjordrådet og Birte Fossheim. Møtet vart halde 22. mai, og NoMil presenterte der planar og vidare framdrift i prosjektet. Forprosjektet er ikkje fullfinansiert, og NoMil søkjer difor Nordfjordrådet om økonomisk støtte. Fakta i saka Utnytting av avfall som råstoff for produksjon av ny energi vert stadig meir aktuelt. Nordfjord sitt renovasjonsselskap, NoMil, legg vekt på å vere med i miljøretta løysingar for handtering av avfall, og har difor det siste året arbeidd vidare med å undersøkje moglegheitene for eit biogassanlegg i Nordfjord. Avfallsbransjen siktar mot sirkulær økonomi og i dette ligg blant anna ei miljøvenleg og ressursbevarande behandling av matavfallet som NoMil tek hand om. Sidan NoMil fekk utarbeida eit kunnskapsgrunnlag for alternative metodar for handsaming av avfall, har dei jobba vidare med eit forprosjekt for eit muleg biogassanlegg i regionen. Det har blitt oppretta ei arbeidsgruppe til prosjektet som har medlemer frå Sogn og Fjordane Bondelag, Hyen Fisk/Nordfjord Laks, Tine og NoMil. Målet med gruppa er å samle kompetansen frå sentrale næringar knytt til eit biogassanlegg. Strenge krav til miljøvenleg handtering av avfall i samband med ynskjer om auka produksjonsvolum, fører til at landbruks- og fiskerinæringa må tenkje nytt. Næringslivet har respondert positivt på dette

9 arbeidet, og fleire aktørar bidreg også økonomisk for å få gjennomført forprosjektet. Sogn og Fjordane Bondelag samt Hyen Fisk/Nordfjord Laks har støtta prosjektet med kr ,- kvar. Frå Fylkeskommunen har NoMil fått tildelt kr ,- (summen forutset motyting på tilsvarande sum frå andre). I tillegg til ovanfor nemnde aktørar, er det også ein positiv dialog med Tine som satsar stort på fornybar energi. Tine er ein stor aktør i begge endar av verdikjeda til biogass ved at dei er leverandør av råstoff i form av slam og brukar av produsert biogass. Dei har ambisiøse mål om bruk av fornybar energi i sin distribusjon i nær framtid, og vil kunne vere ein sterk bidragsytar inn i prosjektet i form at eit solid kompetansemiljø. NoMil ynskjer å kome vidare med forprosjektet som kan greie ut om biogassproduksjon i regionen er realistisk med tanke på investeringskostnader, driftskostnader og kundegrunnlaget til biogassproduktet. Det vil også vere naudsynt å hente inn tenester frå eksterne ressursar/konsulentar med kompetanse på fagområdet. Prosjektleiar har sett opp følgjande budsjett for prosjektet: Kostnadar Kr ,- Kjøp av eksterne tenestar/reise mm Kr ,- Påløpte kostnadar forstudie Kr ,- Prosjektleiing / frikjøp stilling Finansiering Kr ,- frå Sogn og Fjordane fylkeskommune Kr ,- Sogn og Fjordane Bondelag / Tine Meierier Kr ,- Hyen Fisk AS Kr ,- Nordfjordrådet Kr ,- Andre Økonomiske konsekvensar for Nordfjordrådet NoMil søkjer Nordfjordrådet om tilskot på kroner til forprosjekt biogassanlegg. Vurdering NoMil har siste året kome eit steg vidare i arbeidet sitt med å undersøkje moglegheitene for eit biogassanlegg i Nordfjord. Etter at dei fekk utarbeida eit kunnskapsgrunnlag av Timebox, har dei engasjert lokalt næringsliv for å kome vidare med prosjektet. Næringslivet med landbruk- og fiskerinæringa i spissen, ser positivt på eit slikt forprosjekt og vidare muligheiter for eit biogassanlegg. Strenge krav til miljøvenleg handtering av avfall tvingar begge desse næringane til å tenkje nytt på dette området. I tillegg til økonomisk støtte, deltar også fleire aktørar i næringslivet i arbeidsgruppa som er sett ned. Ei slik arbeidsgruppe med tunge aktørar på tvers av fleire næringar innehar mykje kunnskap, og vil kunne vere eit utviklande og positivt kompetansemiljø, både til dette prosjektet, men som også bør kunne utnyttast andre stader. Det vil vere viktig for NoMil å få gjennomført forprosjektet for å kome vidare i prosessen. For

10 å løyse ut tilskotet på kroner frå fylkeskommunen, må NoMil også vise til tilsvarande støtte frå andre aktørar. Prosjektet er også innanfor Nordfjordrådet sitt satsingsområde på grøn energi, og kunnskap retta mot å gjere Nordfjord fornybar.