17. mai Kva vil det seie å vere norsk?

Størrelse: px

Begynne med side:

Download "17. mai Kva vil det seie å vere norsk?"

Lucas Dahlen
5 år siden
Visninger:

1 Undervisningsopplegg om norskheit, kultur og nasjonal identitet, trinn 17. mai Kva vil det seie å vere norsk? Til lærar: I samband med 17. mai har Solaris utvikla eit undervisningsopplegg for trinn. I tida rundt 17. mai ser vi ofte diskusjonar i media om kva det vil seie å vere norsk, og forsøk på å trekkje grenser for norskheit. Det er viktig at elevane får reflektere over ulike måtar å vere norsk på og kva identitet og tilhøyrsle i ein nasjonalstat tyder for kvar einskild. Dette opplegget stimulerer til forståing for kulturell identitet og mangfald. Forslag til læringsmål Frå læreplanen i samfunnsfag, etter 7. trinn Elevane skal kunne: diskutere samfunnsfaglege tema med respekt for andre sitt syn, bruke relevante fagomgrep og skilje mellom meiningar og fakta gje døme på ulike kulturelle symbol og gjere greie for kva vi meiner med omgrepa identitet og kultur Mål til eleven: Eg skal øve på å tenkje kritisk, diskutere og vere ueinig. Eg skal reflektere over ulike måtar å vere norsk på. Opplegget inneheld følgjande delar: Kort introduksjonssamtale basert på kong Harald sin tale Tenkjeark, del 1 Kva veit vi frå før om temaet? Arbeidsark individuelt og i gruppe «Hvem skal ut?» Gruppeoppgave og klassesamtale om kulturelle symboler ptx Tenkjeark, del 2 Kva veit vi no? Oppsummering i gruppe og samla klasse 1

2 Rammer Tidsbruk: 45 minuttar / 1 skoletime Nivå: trinn Utstyr: utskrift av tenkjeark og oppgåver, blyantar til elevane, projektor e.l. til å vise kongen sin tale Innleiing introduksjonssamtale og tenkjeark, del 1 Tidsbruk: 20 minuttar Start timen med å vise kong Haralds tale til hagefesten 1. september Denne festen blei halden i Dronningparken ved Slottet for å feire at kongeparet hadde vore 25 år på trona. I talen snakkar kongen om ulike måtar å vere norsk på. Spør elevane kva dei synest om talen. Kjenner dei seg igjen? Er det noko som manglar i talen? For å setje fokus på 17. mai kan læraren snakke om at sjølv om vi på 17. mai feirar Grunnlova og at alle skal vere med og bestemme, handlar det å vere del av ein nasjonalstat også om identitet og tilhøyrsle. I tida rundt 17. mai er det derfor mange som diskuterer kva det vil seie å vere norsk, og forsøkjer å finne grenser for norskdom. Slike grenser kan verke både inkluderande og ekskluderande. I PowerPointpresentasjonen er det tips til korleis ein kan gjenomføre introduksjonssamtalen. Til lærar: Om bruk av tenkjearket Arket er meint som eit hjelpemiddel for å få i gang diskusjon og deling av idear. Arket tar opp problemstillinga «Kva vil det seie å vere norsk?». Skriv ut arket i A3. Del elevane inn i grupper på maksimalt fire (tenkjearket er utforma for fire deltakarar, men det vil også fungere med grupper på tre, dersom talet i klassen ikkje passar). Elevane får kvart sitt «hjørne» av tenkjearket. Trinn 1: Alle skal skrive ned så mange idear dei greier, i «si» rute. I denne runden skal elevane ikkje snakke saman. Ta tida bruk tre minutt. Trinn 2: Alle les opp sine idear for dei andre i gruppa. Trinn 3: Gruppa skal bestemme seg for kva for tre idear dei meiner er best eller viktigast, og skrive desse i den grøne ruta. Ein gruppesekretær får i oppdrag å notere på vegner av alle. Trinn 4: Gruppa blir utfordra til også å grunngje kvifor dei valde nettopp desse tre ideane. 2

3 Gruppeoppgåve og klassesamtale «Ein skal ut» Tidsbruk: minuttar Elevane jobbar først med oppgåva i gruppa. Målet er å finne det som skil seg ut, og å grunngje dette. Oppgåva er laga slik at det er fleire moglege løysingar, alt ettersom kva kategoriar elevane vel å bruke. Du kan oppfordre gruppene til å finne flest moglege løysingar, og dei får poeng for kvart forslag. I notatfeltet i PowerPointen ligg det også nokre løysingsforslag som læraren kan bruke som eksempel dersom elevane står fast. Det er viktig å poengtere at det ikkje finst eit enkeltståande rett svar. Dersom du trur det er vanskeleg for elevane å forstå oppgåveforma, kan du bruke ei eksempeloppgåve i klasserommet: Moglege svar her kan vere: Eplet skal ut fordi det er ei frukt. Dei tre andre er grønsaker. Mais skal ut fordi han er gul, mens dei andre er raude. Mais skal ut fordi han er avlang, mens dei andre er runde. Når elevane har kome fram til nokre moglege løysingar, deler gruppene sine forslag i heilklassesamtale. Læraren kan stille støttande spørsmål som: Kva er grunngjevinga for svaret dykkar? Var de ueinige om nokre løysingar? Korleis løyste de usemja? 3

4 Det kan også vere lurt å be elevar tenkje på svara til dei andre, og for eksempel spørje: Kva kan vi leggje til det gruppe 1 har svart? Kan de sjå ein samanheng mellom svaret dykkar og svaret til gruppe 2? Kva kan vere bra med denne måten å jobbe på? Var det nokon som hadde idear du sjølv ikkje hadde tenkt på? Avslutning tenkjeark, del 2 Tidsbruk: 5 10 minuttar Gruppene hentar fram igjen tenkjearket og vurderer forslaga sine. Er det noko dei vil endre på? Har dei noko å leggje til? Kva vil dei i så fall endre eller leggje til, og kvifor? Til slutt kan læraren be gruppene rapportere kort til klassen om sine erfaringar med å jobbe på denne måten. Elevane kan få spørsmål om det var lett å snakke om kva det vil seie å vere norsk, og bli bevisstgjort på skilnader mellom gruppene. Dersom det ikkje er stort mangfald i elevsvara, kan læraren forklare at det er mange måtar å vere norsk på, og at det ikkje er noko absolutt svar på det. 4

5 H. Aschehoug & Co (W. Nygaard) 2018 Materialet er verna etter åndsverklova. Utan uttrykkjeleg samtykke er eksemplarframstilling, som utskrift og anna kopiering, berre tillaten når det er heimla i lov (kopiering til privat bruk, sitat o.l.) eller avtale med Kopinor ( Det er gitt samtykke til utskrift og kopiering i dei delane av materialet som er markert med ein eksplisitt utskriftsfunksjon. Utnytting i strid med lov eller avtale kan føre til erstatnings- og straffeansvar. Forfattarar: Kristin Gregers Eriksen og Tuva Skjelbred Nodeland Biletredaktør: Nina Hovda Johannesen Redaktør: Karianne Nessen Omsetjing til nynorsk: Karianne Nessen Teknisk prosjektleiarar/produksjonskonsulentar: Christoffer Glosli, Kari Hovda, Niklas Sandberg og Rolf Simonsen Marknadssansvarlig: Marianne Lehnert Ødemark Biletliste: Barnetog: frodiga/istock, tomat: anna1311/istock, eple: t_kimura/istock, paprika: The_Pixel/iStock, mais: ilietus/istock, tur: Oleh_Slobodeniuk, spill: OHishiapply/Shutterstock/NTB scanpix, langrenn: gorillaimages/shutterstock/ntb scanpix, fotball: Fotokostic/Shutterstock/NTB scanpix, brunost: Geshas/Shutterstock/NTB scanpix, sjokolade: Hege Johnsen, fårikål: Olav Olsen, taco: DronG/Shutterstock/NTB scanpix, kofte: V. Belov / Shutterstock/NTB scanpix, bunad: Inger Marie Grini/NTB scanpix, sko: Ezezer/iStock, sari: Yakov Oskanov/Shutterstock/NTB scanpix 5

Like dokumenter

17. mai Hva vil det si å være norsk?

Undervisningsopplegg om norskhet, kultur og nasjonal identitet, 5. 7. trinn 17. mai Hva vil det si å være norsk? Til lærer: I forbindelse med 17. mai har Solaris utviklet et undervisningsopplegg for 5.