Skodje kommune Teknisk avdeling

Transkript

1 Skodje kommune Teknisk avdeling Eide Bygg og Rådgivning Skulevegen SKODJE Dato Sakshandsamar Vår ref. Deres ref Regine Bruteig 17/981-18/ Detaljregulering del av Gnr.10 Bnr naustområde på Glomset - vedtak i sak om offentleg høyring av plan - FPU-sak 64/18 Det faste planutvalet vedtok i møte i sak 64/18 å legge forslag til reguleringsplan for del av gnr.10 bnr.1 Leithaugvika på Glomset ut til offentleg ettersyn, på følgjande vilkår: - Parkeringsplass skal utvidast før det blir gitt løyve til naustbygging. - Det skal vere eit felles båtopptak for naustområdet. - Krava skal innarbeidast i forslag til plandokument før dei blir lagt på høyring. Planforslaget vert sendt på høyring så snart vi får oppdaterte plandokument og SOSI-fil i samsvar med vilkåra i vedtaket. Med helsing Regine Bruteig Saksbehandler Mottakarar: Namn Postadresse Postnr. Poststad Eide Bygg og Rådgivning Skulevegen SKODJE

2 Sak 64/18 Arkivsak nr: 17/981 Arkiv: Sakshandsamar: Regine Bruteig Sak nr Utval Møtedato 64/18 Det faste planutvalet DETALJREGULERING DEL AV GNR.10 BNR NAUSTOMRÅDE PÅ GLOMSET - OFFENTLEG HØYRING Det faste planutvalet Handsaming: Rådmannens framlegg vart samrøystes vedteke. Innstilling/vedtak: Det faste planutvalet vedtek å legge forslag til reguleringsplan for del av gnr.10 bnr.1 Leithaugvika på Glomset ut til offentleg ettersyn, på følgjande vilkår: Parkeringsplass skal utvidast før det blir gitt løyve til naustbygging. Det skal vere eit felles båtopptak for naustområdet. Krava skal innarbeidast i forslag til plandokument før dei blir lagt på høyring. Vedlegg Plankart, datert Føresegner og retningsliner, datert Planomtale, datert Kvittering frå naboar, datert Kunngjering av oppstart av planarbeid, liste over varsla partar, datert Uttale frå Kystverket, datert Uttale frå Møre og romsdal fylkeskommune, datert Uttale frå Fylkesmannen i Møre og Romsdal, datert Uttale frå NVE, datert Saksutgreiing og vedtak i FPU-sak 73/17, datert Referat frå førehandskonferanse, datert Saksutgreiing og vedtak i FPU-sak 43/18, datert

3 Kort samandrag av saksutgreiinga Eide Bygg og Rådgiving har, på vegne av grunneigar Ole Daniel Glomset, utarbeidd forslag til reguleringsplan for del av gnr.10 bnr.1 ved Leithaugvika på Glomset. Planforslaget, føresetnader og bakgrunn for saka er gjort nærare greie for i plandokumenta som ligg ved her, datert Det faste planutvalet vedtok i møte , i sak 43/18 å utsette behandling av sak om offentleg høyring til plandokumenta vart utbetra jf. vilkår i med vedtaket. Eide Bygg og Rådgiving har revidert planforslaget, og ber om at planforslaget vert lagt på offentleg høyring. Rådmannen vurderer at planforslaget kan leggast ut på offentleg høyring på vilkår. Saksutgreiing Eide Bygg og Rådgiving har, på vegne av grunneigar Ole Daniel Glomset, utarbeidd forslag til reguleringsplan for del av gnr.10 bnr.1 ved Leithaugvika på Glomset. Planforslaget, føresetnader og bakgrunn for saka er gjort nærare greie for i plandokumenta som ligg ved her, datert Det faste planutvalet vedtok i møte , FPU-sak 73/17, å gi løyve til oppstart av reguleringsplanarbeid på vilkår. Spørsmålet om frådeling til naust har tidlegare vore handsama som dispensasjonssak. Tiltakshavar fekk då signal frå det faste planutvalet om at dei vil vurdere søknaden på nytt, dersom det vert søkt om oppstart av privat reguleringsplanarbeid. Utvalet er vidare tydeleg på at ein ser føre seg at heilskapen og verdiane i området vert best ivaretekne ved at delar av området vert lagt til rette som rekreasjonsareal/badeplass for ålmenta. For utfyllande opplysning om bakgrunn for saka elles, visast det til vedlagde saksdokument og referat frå førehandskonferanse med kommunen, datert Det faste planutvalet vedtok i møte , FPU-sak 43/18, å utsette behandling av sak om offentleg høyring av planforslaget til plandokumenta vart utbetra. Vedtak i sak 43/18: Det faste planutvalet utset saka og bed tiltakshavar om å korrigere planen på følgjande punkt: 1. Planforslaget skal sikre området køyretilkomst og høve til å setje frå seg bil i tilknyting til badeplassen. Snuplass og parkeringsplass skal avklarast gjennom detaljreguleringa. 2. Nytt naustbygg skal plasserast minimum 2,40 meter over middelvasstand, for å imøtekomme krav i høve havnivåstigning og stormflo, og skal dimensjonerast i samsvar med gjeldande teknisk forskrift TEK17, Følgjande formuleringar skal innarbeidast i føresegnene til plan: - Vindaugsarealet si dagslysflate skal ikkje overstige 3% av hovudplanet sitt bruksareal(bra). - Takutstikk skal ikkje overstige 0,5 meter. - Det skal vere mogeleg for ålmenta å ferdast framfor naust og mellom naust/naustgrupper. 4. Området skal utvidast sørover til å omfatte tilliggjande naustrettar. 5. Liste med oversikt over varsla partar skal følgje saka.

4 Eide Bygg og Rådgiving formidla reviderte plandokument i brev datert , saman med eit dokument som summerer opp endringane som gjort i plandokumenta, og som er i tråd med vilkåra sett av det faste planutvalet. Om planforslaget Planområdet har ein storleik på om lag 2 daa og ligg sør for fv.656 på Glomset. Arealet er i gjeldande kommuneplan avsett til LNF-føremål (landbruks, natur og friluftsområde). Området grensar i vest til sjø, og i nord (og vest) til planområdet til reguleringsplan for Honningdalsvågen, stadfesta i Føremålet med reguleringsplanarbeidet er å legg til rette for oppføring av tre naust, samt bygging av vor for om bord/ilandstiging av småbåt, båtopptrekk og badeplass. Badeplassen skal vere tilgjengeleg for ålmenta. Planforslaget omfattar areal til byggeområde for tre naust, parkering og gangvegtilkomst. Øvrig areal er avsett til friluftsområde badeplass og friluftsområde i sjø. Fareområde for høgspentline kryssar den nordlege delen av omsøkt planområde. I planforslaget er det gjort vurderingar av området, og ein finn ikkje at planarbeidet påverkar omsynet til landskap, kulturminne og kjende naturverdiar. Når det gjeld verdi til rekreasjon og friluftsliv jf. planomtalen, vert det vist til at området har stort potensiale som rekreasjonsområde for folk som bur på Glomset. I forslag til reguleringsplan er det lagt til grunn tilkomst til området over privat veg som er open for ålmenn ferdsel. Når det gjeld universell utforming, visast det til at området er tilgjengeleg for personar med redusert bevegelsesevne. Planområdet ligg på areal under marin grense. Der det kan vere fare for kvikkleire. ROS analysen pkt gjer nærare greie for desse omsyna. Reguleringsforslaget legg til grunn at området langs sjøen skal byggast ut etter prinsipp om universell utforming, på areal som er lett skråande. Inngjerding eller andre konstruksjonar som hindrar fri ferdsel for ålmenta er ikkje tillate. Som eit rekkefølgjekrav vert det lagt opp til at gangveg skal opparbeidast før det vert gjeve løyve til bygging av naust. Parkeringsplassen skal opparbeidast samtidig med utbygging av badeplassen. For utfyllande opplysning om vilkåra for utbygging av naust og anlegg, visast det til vedlagde forslag til reguleringsføresegner. Byggjeområde for naust I planføresegnene er det teke inn krav til planlagde naust i området. Krava bygg i stor grad på kommunen sine naustreglar, som vart vedtekne av Skodje kommunestyre Det vert lagt til grunn at nausta skal ha 1 etasje og ikkje ha større BYA en 50 m2. Det tillatast ikkje loft for opphald. Tiltakshavar viser til forventa stigning av havnivå og har planlagt naustbygget sitt fundament 2,4 meter over middelvasstand. Maksimal mønehøgde for naust er i planforslaget foreslått til 5,5 meter mot sjø. Altan eller utkraging er ikkje tillate, og bygget skal ha saltak med takvinkel innanfor grader. Kledninga kan vere av naturstein, trevirke eller ein kombinasjon av desse. Skarpe fargar eller kvit farge er ikkje tillate.

5 Det er i plankartet innteikna ein vor som ligg i grensa mellom arealføremål badeplass og arealføremål naustområde, og båtopprekk til kvar nausttomt. Reguleringsføresegnene seier at voren skal vere i naturstein, med ei maksimal høgd på 1,5 m og maksimal bredde 1,5 meter. Det står vidare at det kan etablerast båtopptak fram til naustet. Båtopptak og stø kan ikkje ha større breidde enn naustet. Båtstø kan ikkje støypast lengre ut sjøen enn 2 meter under flomål. Gjerde, rekkverk eller anna som kan hindre fri ferdsel er ikkje tillate. Gangveg og parkeringsplass Området har tilkomst via eksisterande privat tilkomstveg, som er open for ålmenn ferdsel. Frå parkeringsplass til badeplass og naust er det lagt opp til utbygging av gangveg. Gangvegen skal ikkje ha større breidde enn 4 meter. Det er i dag ein parkeringsplass innanfor regulert område for parkering. Ved utbygging av badeplassen er det lagt opp til at parkeringsplassen skal utvidast innanfor reguleringsgrensene. Badeplass Det vert gjennom reguleringsføresegnene lagt opp til at området skal ryddast for busker og tre, og strandsona skal ryddast for stein. Det er vidare tillate å bearbeide området frå sjøkant til reguleringsgrense, i form av tilsåing. Inngjerding eller andre installasjonar som er til hinder for eit oversiktlig område eller allmenn tilkomst er ikkje tillate. Det er ikkje tillate å føre opp byggverk innanfor område som er avsett til badeplass. Omsynssoner Faresone høgspentanlegg og faresone for flodbølgje er vist i plankart som omsynsone. Verknader. I planomtalen har tiltakshavar gjort nærare greie for verknader av planforslaget i kap. 8. Ein konkluderer her med at ei utbygging i samsvar med plan ikkje vil medføre negative verknader på landskap eller staden sin karakter. Det vert lagt til grunn at ei utbygging, slik den er lagt opp til her, vil innebere ei positiv opprydding av området og tilrettelegging for ein attraktiv badeplass. Areala langs sjøen skal, i følgje planføresetnadene, tilretteleggast ut frå naturleg miljø og så langt som råd tilpassast universell utforming. Når det gjeld sikkerheit mot kvikkleire, viser utbyggar til at tiltaka som er planlagt har så lite omfang at utbygginga ikkje påverkar områdestabiliteten negativt. Planområdet er utsett for havnivåstigning, stormflo, og ligg innanfor oppskyllingshøgda for flodbølgje. Det er i planomtalen teke inn eit punkt (8.14.1) om flodbølgjefaren i området. Fare for flodbølgje, havnivåstigning og høgspentline er teke inn i risikomatrise og vurdert på side 18. Forslagsstiller konkluderer med at planen fell innanfor sikkerheitsklasse 1, og at det er mogeleg å føre opp byggverk i samsvar med krava i TEK Innspel til oppstart av planarbeid. I samband med at tiltakshavar har varsla oppstart, er det kome inn innspel til planarbeidet frå fagmyndigheiter og berørte partar. Innspela er kort gjort greie for her. For fullstendig oversikt over innhaldet i uttalane, blir det vist til vedlagde brev frå partane. Kystverket har i sin uttale , ikkje særlege merknader til planforslaget, men minner om at

6 føremålet naust ikkje omfattar bruk til varig opphald som friitidsbustad. Møre og Romsdal fylkeskommune er i sin uttale, datert , ikkje kjend med at det er registrert automatisk freda kulturminne i det aktuelle området. Ein ber likevel om at ein er varsam under opparbeiding av området, og gjer merksam på at tiltakshavar ved ev. funn er pliktig å stoppe arbeidet for avklaring med kulturavdelinga i fylkeskommunen. Når det gjeld automatisk freda kulturminne i sjø, har saka vore til vurdering ved Bergen Sjøfartsmuseum. Tiltakshavar pliktar å kontakte museet dersom det vert gjort funn som kan vere marine kulturminne. Oppsummert etterlyser fylkeskommunen referat frå oppstartsmøte, og minner om varslingsplikta for automatisk freda kulturminne på land og i sjø. Roger Inge Snipsøyr har uttala seg til saka i brev datert Kommunen vurderer Snipsøyr sine merknader som privatrettslege, og går ikkje nærare inn på desse i denne saksutgreiinga. Fylkesmannen i Møre og Romsdal har i sin uttale, datert , peika på krava i plan- og bygningslova, og viser til at referat frå førehandskonferanse skal ligge ved oppstarsmeldinga. LNF-føremålet i kommuneplanen opnar ikkje for utvikling av området slik grunneigar no vil. Fylkesmannen føreset at konsekvensar for LNF-verdiane vert opplyst gjennom planarbeidet. Fylkesmannen peikar elles på krava om konsekvensutgreiing, og rår til at dette planområdet vert KU-vurdert som del av ein større samanheng gjennom kommuneplanarbeidet. Fylkesmannen gjer elles merksam på at det i strandsonen skal takast særskilt omsyn til natur- og kulturmiljø, friluftsliv, landskap og allmenn tilgjenge. Reguleringsplan må vise korleis landskap og terreng vert teke omsyn til og korleis ålmenta vert sikra tilgang til dei kvalitetane som høyrer til strandsona. Fylkesmannen rår til at følgjande føresegn vert nytta: «Det er ikkje tillate å sprengje/fylle opp/grave ut meir i terrenget enn eit avvik på 0.5 meter i forhold til opphaveleg terrengnivå» Fylkesmannen rår til følgjande føresegner for å legge til rette for allmenn ferdsel i naustområde: «Det skal vere mogeleg for ålmenta å ferdast framfor naust og mellom naust/naustgrupper» og «Det er ikkje tillate med gjerde/levegg eller andre stengslar i naustområde». Når det gjeld naust, rår fylkesmannen kommunen til å nytte følgjande føresegner:

7 Avslutningsvis syner fylkesmannen til plan- og bygningslova 4-3, om kravet til risiko- og sårbarheitsanalyse. Områder med fare, risiko eller sårbarheit skal merkast av i kartet som omsynssone jf. PBL Norges vassdrags- og energidirektorat(nve) har i sin uttale frå , vist til ulike verktøy og rettleiingar som bør nyttast ved utarbeiding av planforslag. NVE viser elles til at grunnen i området består av marine strandavsetningar der ein ikkje kan utelukke kvikkleire, og at fare for områdeskred av kvikkleire må vere tema i arbeidet med risiko- og sårbarheitsanalysen. I plandokumenta må det gå tydeleg fram kva vurderingar som er gjort og korleis dei er innarbeidd i planen. Alle relevante fagutgreiingar må leggast ved plansaka. Vurdering Omsøkt planområde ligg på areal som i gjeldande kommuneplan er avsett til LNF område (landbruks, natur og friluftsføremål). Omsøkt tiltak er såleis ikkje i samsvar med vedteke arealføremål i gjeldande kommuneplan. Rådmannen legg til grunn at det faste planutvalet har tilrådd detaljregulering, og har vore tydelege på at ein ser føre seg at heilskapen og verdiane i området vert best ivaretekne ved at delar av området vert lagt til rette som rekreasjonsareal/badeplass for ålmenta. Tilrettelegging av badeplass og allmenn ferdsel er såleis vitige føresetnader for planarbeidet. NVE har i sin uttale vist til at ein ikkje kan utelukke kvikkleire, legg til grunn at fare for områdeskred av kvikkleire skal vere tema i arbeidet med risiko- og sårbarheitsanalysen. Det er sett krav om at det skal gå tydeleg fram kva vurderingar som er gjort, korleis omsyna er innarbeidd i planen og alle relevante fagutgreiingar må leggast ved saka. Fylkesmannen i Møre og Romsdal har uttala seg til planoppstart og har i sin uttale fleire tilrådingar til føresegner i planforslaget. Fylkesmannen rår m.a. til at det ikkje vert høve til å sprengje/fylle opp/grave ut meir i terrenget enn eit avvik på 0.5 meter i forhold til opphaveleg terrengnivå. Skodje kommune har vedtekne naustreglar, som ivaretek ein del av dei tilrådingane som er teke inn i fylkesmannen sin uttale. Det vert frå fylkesmannen rådd til at også setjast krav som regulerer vindaugsflater og takustikk. Slike vilkår kan sikrast gjennom følgjande formuleringar:

8 Vindaugsarealet si dagslysflate skal ikkje overstige 3 % av hovudplanet sitt bruksareal (BRA). Takutstikk skal ikkje overstige 0.5 meter. Når det gjeld sikring av ålmenta sin ferdsel tilrår fylkesmannen at følgjande formuleringar vert teke inn i føresegnene til plan: Det skal vere mogeleg for ålmenta å ferdast framfor naust og mellom naust/naustgrupper. Det er ikkje tillate med gjerde/levegg eller andre stengslar i naustområde Tiltakshavar er i sitt framlegg til plan tydeleg på at planområdet skal byggast ut etter prinsipp om universell utforming, og badeplass skal vere eit område for ålmenta. I forslag til reguleringsplan er det lagt til grunn tilkomst til området over privat veg, som er open for ålmenn ferdsel. Det er lagt opp til utviding av eksisterande parkeringsplass og opparbeiding av gangveg til badeplassen og naustområdet. Konklusjon. Rådmannen viser til saksdokumenta og eigne vurderingar ovanfor. Rådmannen rår det faste planutvalet til å legge forslag til reguleringsplan for del av gnr.10 bnr.1 Leithaugvika på Glomset ut til offentleg ettersyn, på følgjande vilkår: Parkeringsplass skal utvidast før det blir gitt løyve til naustbygging. Det skal vere eit felles båtopptak for naustområdet. INNSTILLING: Rådmannen si innstilling Det faste planutvalet vedtek å legge forslag til reguleringsplan for del av gnr.10 bnr.1 Leithaugvika på Glomset ut til offentleg ettersyn, på følgjande vilkår: Parkeringsplass skal utvidast før det blir gitt løyve til naustbygging. Det skal vere eit felles båtopptak for naustområdet. Krava skal innarbeidast i forslag til plandokument før dei blir lagt på høyring.