Tilskot til regionale miljøtiltak (RMP) i Hordaland

Transkript

1 Tilskot til regionale miljøtiltak (RMP) i Hordaland Rettleiingshefte med retningslinjer Søknadsfrist regionale miljøtiltak 15.oktober 2018 Søknadsfrist organisert beitebruk 15.november 2018 Landbruksavdelinga

2 Innhold 1. INNLEIING...2 Kort om søknad om tilskot frå Regionalt miljøprogram (RMP) i Hordaland GENERELLE VILKÅR FOR Å MOTTA TILSKOT Krav for å kunne søkje om støtte Kva kommune skal eg levere søknad til Slik søkjer du Vedtak og utbetaling Avkorting, trekk, motrekning og tilbakebetaling TILSKOTSORDNINGANE VEGLAUSE OMRÅDER BYGDENÆRT TILSKOT TIL INNMARKSBEITE I LANDSKAPSPARKAR SKJØTSEL AV BRATT AREAL OG AREAL MED SPESIELLE VERDIAR - BRATT AREAL FRUKT DRIFT AV BEITELAG BEITE I UTMARK TILSKOT TIL FØRETAK SOM DELTEK I ORGANISERT BEITEBRUK I FJELLET SKJØTSEL AV ARTSRIK SLÅTTEMARK AREAL REGISTRERT I NATURBASE SKJØTSEL AV KYSTLYNGHEI /BRENNING SKJØTSEL AV STYVINGSTRE BEITE AV ARTSRIK BEITEMARK - AREAL REGISTRERT I NATURBASE STØLING SKJØTSEL AV AUTOMATISK FREDA KULTURMINNE SKJØTSEL AV STEINGARDAR SKJØTSEL AV VIKTIGE KULTURHISTORISKE OMRÅDE MILJØAVTALE ELVEMUSLING, MED UGJØDSLA RANDSONE I ENG TILTAK MOT UTSLEPP TIL LUFT FORSKRIFT OM TILSKOT TIL REGIONALE MILJØTILTAK I HORDALAND...13

3 1. INNLEIING Kort om søknad om tilskot frå Regionalt miljøprogram (RMP) i Hordaland Dette heftet er ei rettleiing for utfylling av søknad om RMP-tilskot i Du som søkjer på RMP må setje deg inn i det som står i dette heftet. Vi føreset at du kjenner til: Dei juridiske føresegnene som går fram av forskrift om tilskot til regionale miljøtiltak i Hordaland av 9.juli 2018 Rundskriv 01/18 frå Fylkesmannen i Hordaland Rundskriv frå Landbruksdirektoratet Du finn dei aktuelle dokumenta på Fylkesmannen i Hordaland si heimeside under Landbruk og mat. I rundskriv 01/18 finn du kommentarar og presiseringar til forskrift om tilskot frå regionalt miljøprogram i Hordaland. I rundskriv frå Landbruksdirektoratet er sakshandsaming av tilskotsordninga utdjupa. Under omtalen av dei ulike tilskotsordningane i kap.3 i heftet, har vi i dette rettleiingsheftet lagt inn kodane og titlande som de finn i søknadsskjemaet i Altinn. Vi vonar det skal gjere det enklare å søkje. 2. GENERELLE VILKÅR FOR Å MOTTA TILSKOT 2.1 Krav for å kunne søkje om støtte Alle føretak som fyller grunnvilkåra for produksjonstilskot i jordbruket, som har landbruksdrift i Hordaland og som elles fyller vilkåra som vert stilt i dei ulike ordningane, kan søkje. Føretaket må disponere arealet/dyra for å ha rett på tilskot frå RMP, jf. tilsvarande reglar for produksjonstilskot. For ordninga Tilskot til elvemusling er det satt krav om skjøtselsavtale mellom søkjar og kommunen («miljøavtale elvemusling»). 2.2 Kva kommune skal eg levere søknad til Føretak som har drift i fleire kommunar i fylket, skal levere søknaden til den kommunen der driftssenteret ligg. Føretak med driftssenter i Hordaland, men som har noko av drifta i eit anna fylke, skal levere søknad til heimkommunen for den delen av drifta som føregår i Hordaland. For den delen av drifta som føregår utanfor Hordaland, skal det søkjast til den kommunen der drifta faktisk skjer. Tilsvarande gjeld føretak med driftssenter i eit anna fylke enn Hordaland: det skal leverast søknad til den kommunen i Hordaland der den aktuelle drifta skjer, t.d. støling. Unntaket er ordninga beite i utmark, dette tilskotet gjeld berre for føretak med driftssenter i Hordaland.

4 Beitelag som er godkjente og som oppfyller vilkåra som vert stilte, kan søkje på tilskot til drift av beitelag. Søknaden sendes til kommunen beiteområdet ligg i. Søknad om godkjenning av nye beitelag skal leverast til beitekommunen innan 1. mai. For deltakarar i samdrift i mjølkeproduksjon gjeld tilsvarande reglar som for produksjonstilskot. Merk at både samdrifta og medlemmene sine føretak må ha gjødslingsplan og sprøytejournal. 2.3 Slik søkjer du Søknadsfrist for Regionalt miljøtilskot, RMP, er 15. oktober. Søknaden leverast elektronisk i Altinn, på same måte som for produksjonstilskot. Landbruksdirektoratet har laga ei detaljert vegleiing for hjelp til utfylling av skjemaet, sjå Landbruksdirektoratet sine heimesider ( For å søke elektronisk må du fylle ut mobilnummer, e-postadresse og kontonummer for å kunne sende inn søknaden. Det er framleis høve til å levere søknad på papir, då er e-postadresse eller mobiltelefonnummer tilstrekkeleg. Ved for seint levert søknad vert det reduksjon i tilskot med 1000 kroner pr. verkedag etter fristens utløp, opp til 20 verkedagar. Søknader som vert levert seinare enn 20 verkedagar etter fristen, vert avviste. Registreringstidspunkt/teljedato for opplysningar om areal er 31. juli i søknadsåret. Søknadsfristen for tilskot til drift av beitelag, er 15. november. Søknaden skal leverast via Altinn. Dersom det er ny leiar i beitelaget, må den gamle leiaren gje den nye leiaren tilgang til beitelaget i Altinn. Ta kontakt med kommunen om du treng hjelp til å levere søknaden. 2.4 Vedtak og utbetaling Det er kommunen som handsamar søknaden og fattar vedtak om tilskot. Vedtaket går fram av tilskotsbrevet om utbetaling av tilskotet. Du kan klage på vedtaket. Klagefristen er tre veker frå du mottek tilskotsbrevet. Tilskotsbrevet finn du i Altinn. Tilskotet kjem på konto i mars 2019, og det er Landbruksdirektoratet som står for utbetalinga. Alle tilskotssatsane i rettleiingsheftet er førebelse og vil bli endeleg fastsett på grunnlag av omfang av søknadar til RMP/OBB i Hordaland. Tilskotet blir utbetalt til det føretaket som søkte om tilskotet. Kommunen utfører kontroll av søkjarane, på same måte som for produksjonstilskot. Fylkesmannen kan òg utføre kontroll. 2.5 Avkorting, trekk, motrekning og tilbakebetaling Dersom føretaket har ufullstendig eller manglar heile eller delar av gjødslingsplan og sprøytejournal, vil tilskotet bli avkorta eller avslått. Offentlege krav kan bli motrekna i RMP, på same måte som for produksjonstilskot. For mykje utbetalt tilskot kan bli kravd tilbakebetalt eller motrekna i seinare tilskotsutbetalingar til føretaket. Det same gjeld ved avkorting i utbetalt tilskot. Dersom du gir feil opplysningar i søknaden, kan heile eller deler av tilskotet bli avkorta. Gir du grove feilopplysningar, kan du bli meld til politiet.

5 Føretak som driv eller har drive i strid med anna regelverk for jordbruksverksemd, kan få heile eller deler av tilskotet halde tilbake til forholda er retta. Dersom føretaket kan klandrast for slike regelbrot, kan heile eller deler av tilskotet bli avkorta. 3. TILSKOTSORDNINGANE Kulturlandskap 3.1 VEGLAUSE OMRÅDER (kode: Slått av lokalt verdifulle jordbrukslandskap - Regionalt prioriterte kulturlandskap - Kulturlandskap. Øyer/holmer/veiløse områder) Tilskotet gjeld drift av veglause kyst- og fjordgardar som har meir enn 5 daa fulldyrka og overflatedyrka jord og som er utan veg, bru eller bilferje. Det skal ikkje vere mogleg å transportere driftsmidlar eller avling direkte med køyretøy til og frå garden. Det omsøkte arealet skal vere i drift og slåast og haustast minst ein gong i vekstsesongen. Det er ikkje nødvendig å ha den veglause garden som driftssenter. Tilskotet blir utmålt pr. daa. Førebels sats: Veglause områder: Kr pr. daa Maks utbetaling pr. føretak: Kr BYGDENÆRT TILSKOT TIL INNMARKSBEITE I LANDSKAPSPARKAR (kode: Beite av lokalt verdifulle jordbrukslandskap - Regionalt prioriterte kulturlandskap - Kulturlandskap. Bygdenært) Det kan løyvast tilskotet til føretak som er medlem i ein landskapspark* og som har dyr på innmarksbeite i landskapsparken i minst 8 veker i løpet av vekstsesongen. Føretaket må disponere beitearealet. Landskapsparken må ha ein skjøtselsplan som dekker beiteområdet og beitebruken i landskapsparken. Førebelse satsar: Dyr på innmarksbeite: Kr 40 pr. sau/geit, kr 200 pr ku, kr 120 pr hest/ungdyr Maks utbetaling pr. føretak: Kr * Desse landskapsparkane er registrert i Hordaland pr : Herand (Jondal), Fyksesund (Kvam), Ulvik (Ulvik), Kystlandskapsparken (Sveio), Stalheim (Voss), Åkrafjorden (Etne), Vikebygd landskapspark, (Ullensvang).

6 3.3 SKJØTSEL AV BRATT AREAL OG AREAL MED SPESIELLE VERDIAR - BRATT AREAL FRUKT (kode: Skjøtsel av bratt areal - Opprettholde kulturlandskapet - Kulturlandskap (kode: Slått av lokalt verdifulle jordbrukslandskap-regionalt prioriterte kulturlandskap - Kulturlandskap. Areal med spesielle verdier) Tilskotet skjøtsel av bratt areal gjeld drift av fulldyrka og overflatedyrka areal, brattare enn 1:5. Det er to tiltaksklasser: bratt areal 1:5 og bratt areal 1:3. Det er ein føresetnad at arealet er i aktiv drift med næringsformål. Grasareal skal haustast ved slått minst ein gong pr år. Bruk av beitepussar blir ikkje rekna som slått. På fruktareal skal det vere nødvendig skjøtsel av frukttrea, slått av undervegetasjonen minst ein gong i løpet av vekstsesongen og hausting av frukta. Føretak med bratt fruktareal kan i tillegg søkje på ordninga «areal med spesielle verdiar». Føretaket må tilfredsstille krava til tilskot til bratt areal for å ha rett på tilskot til areal med spesielle verdiar. Førebelse satsar: Areal brattare enn 1:5: Kr 225 pr. daa Areal brattare enn 1:3: Kr 460 pr. daa Areal med spesielle verdiar (fruktareal) 1:5 eller brattare: i tillegg: Kr 550 pr. daa Maks utbetaling pr. føretak for ordninga skjøtsel av bratt areal: Kr Maks utbetaling pr. føretak for ordninga areal med spesielle verdiar: Kr DRIFT AV BEITELAG (kode: Drift av beitelag - Opprettholde kulturlandskapet - Kulturlandskap) Ordninga gjeld for organiserte beitelag som har gyldig organisasjonsnummer ved søknadsfrist 15. november. Tilskotet gjeld organisert tilsyn og organisert sanking ved fellesbeiting av utmarksareal og innmarksbeite. Nye beitelag må vere godkjent for å kunne søkje om tilskot, frist for søknad om godkjenning er 1. mai i søknadsåret. Krav til beitelag: 1. Husdyrhaldet som er omfatta av beitelaget si verksemd, må drivast i samsvar med lover og forskrifter som gjeld for husdyrhald. 2. Beitelag skal ha eigne vedtekter, eit styre vald av medlemmene i laget og føra protokoll frå alle møter der det blir gjort vedtak. Laget må ha avvikla årsmøte i søknadsåret. 3. Laget skal vere ope for brukarar som har tilgang til utmarksbeite eller innmarksbeite i eit område der samarbeid kan fremme bruken av beiteområda. 4. Laget skal føra rekneskap for den økonomiske verksemda i laget i tråd med gjeldande reglar og god rekneskapsskikk. 5. Laget skal bruka heile tilskotet til å fremje den organiserte beitebruken i området gjennom felles tiltak. Tilskotet kan ikkje betalast direkte til medlemmane i beitelaget. 6. Laget skal organisere effektivt og forsvarleg tilsyn og sanking av beitelagsområdet, tilpassa lokale tilhøve. Beitelaget har ansvar for å sanke beiteområdet og plikter å ta med andre sine dyr under sanking, samt melde frå om dette. 7. Beiteområdet skal inspiserast minst ein gong pr. veke i samsvar med Forskrift om velferd for småfe av februar Beitelaget må kunne dokumentere tilsynet (dato, tilsynsrunde, unormale tilhøve i

7 beiteområde og tiltak som er sett i verk). Fylkesmannen og kommunen kan be om å få lagt fram denne dokumentasjonen. 8. Laget skal samarbeide med tilgrensande lag når det kan effektivisere ressursbruk og utnytting av beita, dette gjeld særleg sanking og ettersanking. Tilskot blir utmålt etter tal heimsanka dyr av sau, geit og storfe. Det er den som er registrert som leiar av beitelaget i einingsregisteret, som har tilgang til å legge inn søknaden i Altinn. Førebelse satsar: Storfe: Kr 40 pr. dyr Sau og lam: Kr 10 pr. dyr Geit og kje: Kr 10 pr. dyr 3.5 BEITE I UTMARK TILSKOT TIL FØRETAK SOM DELTEK I ORGANISERT BEITEBRUK I FJELLET (kode: Beite i utmark - Opprettholde kulturlandskapet - Kulturlandskap) Tilskotet gjeld føretak som deltek i organisert beitebruk på utmarksbeite i fjellet og som har driftssenter i Hordaland. Det vert gitt tilskot til dyr som tilfredsstiller krava til produksjonstilskot og har beita i minimum 5 veker. Tilskotet gjeld berre for dei dyra som går i beitelaget sitt område. Førebels sats: Sau, lam: kr 45 pr. dyr Storfe: kr 70 pr. dyr Biologisk mangfald 3.6 SKJØTSEL AV ARTSRIK SLÅTTEMARK AREAL REGISTRERT I NATURBASE (kode: Skjøtsel av slåttemark) Tilskot kan løyvast til skjøtsel av artsrik slåttemark som har vore i langvarig hevd gjennom regelmessig slått, utan jordarbeiding og med særs lite eller inga gjødsling. Areala skal vere registrert i Naturbase ( Areal som ikkje tidlegare er registrert som artsrik slåttemark kan godkjennast av Fylkesmannen i forkant av søknadsomgangen, men må fylle kriteria for registrering i Naturbase.

8 Retningsliner for skjøtsel Tilskotet vert gjeve når det vert utført nødvendig skjøtsel for å ta vare på naturtypen. Slått kan bli utført med lett slåtteutstyr, avhengig av kva arealet toler. Pussing med beitepussar blir ikkje rekna som slått. Arealet må bli slått seint kvart år, til dømes i løpet av juli eller tidleg august. Dei spesielle blomsterartane i gamle slåttenger er avhengige av sein slått for å overleve. Dersom slåtten blir for tidleg rekk ikkje blomstrane å setje modne frø som kan spire neste år. Graset må ikkje bli liggande igjen på arealet sidan dette vil gjødsle arealet. Jordarbeiding, gjødsling, kalking eller isåing er ikkje aktuelt i ein artsrik eng, då dette vil endre vegetasjonen. Særs sur eng med ph lågare enn 4,0 kan likevel bli kalka med skjelsand med ei mengd som er utrekna for å nå ph 4,0. Eit anna unntak kan vere der det er tradisjon for bruk av særs små mengder fast sauegjødsel med erfaringar om at dette ikkje har skada enga. Her kan ein etter nærare vurdering drive vidare på same måten. Dette skal vere diskutert med Fylkesmannen på førehand, med skriftleg avklaring. Ein bør ha beiting vår og haust med sau eller lett storfe. Beiting med vaksne NRF dyr og andre moderne storferasar er ueigna grunna tråkkskadar. Vårbeitinga bør vere ferdig innan utgangen av mai, slik at frø frå blomsterartane rekk å bli modne før slåtten. Førebels sats: Artsrik slåttemark: inntil Kr 500 pr. daa Maks utbetaling pr. føretak: Kr SKJØTSEL AV KYSTLYNGHEI /BRENNING (kode: Skjøtsel av kystlynghei - Prioriterte naturverdier - Biologisk mangfold. «Verdifull» -årleg skjøtsel, «særleg verdifull» - brenning) Tilskotet er todelt; årleg skjøtsel (i søknadsskjemaet kalla verdifullt ) og tilskot til brenning gjennomført siste sesong (i søknadsskjemaet kalla særleg verdifullt ). Årleg skjøtsel: Tilskot til årleg skjøtsel gjeld kystlyngheier som blir drifta på tradisjonelt vis. I tradisjonell drift av kystlynghei inngår vinterbeiting og lyngsviing. Det er krav om minst 3 månader vinterbeite med tilstrekkeleg beitepress og lyngsviing utført tilstrekkeleg ofte til å sikre god fornying og ivaretaking av lyngen. Det omsøkte arealet må vere kartfesta på kart over kystlyngheiområda i Hordaland. Areal prega av gjengroing har ikkje rett på tilskot, sjølv om det går dyr i området. Område som ikkje har hatt noko form for brenning sidan 1998 har i utgangspunktet ikkje rett på tilskot. Det skal vere god dyrevelferd og drifta skal vere i tråd med Mattilsynet sine tilrådingar. Dette omfattar m.a. løyve for å halde dyr utan tilgang på hus, tilleggsfòring ved behov og føring av dyrehaldjournal. Retningsliner for årleg skjøtsel Tilskotet vert gjeve når det vert utført nødvendig skjøtsel for å ta vare på naturtypen. Sviing: Der det er gamal lyng må ein svi lyngen for å få beiteverdi. På kystlynghei i drift bør alt arealet vere svidd i løpet av ein 20-årsperiode. På vindutsette plassar ut mot havet og der beitepresset er høgt kan lyngen halde seg frisk noko lenger. Ein bør svi eit mindre område kvar gong slik at ein alltid har lyng av ulik alder. Beiting:

9 Med vinterbeite meiner ein beiting i vinterhalvåret september til februar. Det er ikkje krav om beiting heile døgnet, og beiting kan bli kombinert med innefôring/fòring på fôringsplass. Det må likevel vere reell beiting i kystlyngheia. Full fôring inne og kort tid i lyngheia er ikkje definert som vinterbeiting. Ein kan berre få tilskot til areal der beitepresset er høgt nok. Når beitepresset er lågare enn 40 daa per sau, kan ein ikkje få tilskot for noko av arealet. Det er ikkje krav om kva dyreslag som skal beite i kystlyngheia. Det er viktig at beitepresset er tilpassa kvaliteten på lyngen. Alderen og utsjånaden på lyngen avgjer kor mykje areal ein treng for kvar sau på vinterbeite, til dømes: - Grov lyng, større delar av arealet har ikkje vore svidd dei siste 20 åra: daa vegetasjon per sau. - Mykje ung lyng og noko gamal og grov lyng: daa vegetasjon per sau. - Ekstra mykje ung og grøn lyng etter jamleg sviing: daa vegetasjon per sau. Ein har ikkje tilsvarande retningsliner for storfe. Gamal lyng har svært liten beiteverdi. Dersom det berre er gamal lyng, er kystlyngheia i ferd med å forsvinne. Det blir difor ikkje gitt tilskot for slike areal. Førebels sats: Kystlynghei: Kr 20 pr. daa Maks utbetaling pr. føretak: Kr Brenning: Det vert gjeve ei særskild eingongstilskot til brenning av kystlynghei i søknadsomgangen etter at brenninga er utført. Areala skal inngå som ein del av beitegrunnlaget. Areala skal kartfestast. Brenninga må vere avklart med lokalt brannvesen, og må vere godt planlagt og gjennomført på ein forsvarleg måte. Førebels sats: Brenning: Kr 300 pr.daa Maks utbetaling pr. føretak: Kr SKJØTSEL AV STYVINGSTRE (Kode: Skjøtsel av styvingstrær - Prioriterte naturverdier - Biologisk mangfold) Tilskotet kan løyvast til styvingstre som vert halde ved like jamleg. Trea må styvast kvart femte til sjuande år, men tilskotet blir òg utbetalt i åra mellom kvar styving. Trea må vere gamle styvingstre som tidlegare har vore nytta til fôrproduksjon el.a. Det er ikkje krav om å nytte lauvet til fôr for å få tilskot. Det kan bli gitt tilskot til nokre få nye styvingstre for å erstatte gamle styvingstre som går ut. Dei nye styvingstrea må inngå i eit miljø av eldre styvingstre. Nyetablerte styvingstre kan få tilskot når dei har blitt styva i minst to syklusar. Trea skal stå på innmark eller utmarksbeite som er i drift. Arealet skal ikkje vere prega av attgroing og styvingstrea skal stå klart fram i landskapet. Førebels sats: Styvingstre: Kr 50 pr. tre Maks utbetaling pr. føretak: Kr

10 3.9 BEITE AV ARTSRIK BEITEMARK - AREAL REGISTRERT I NATURBASE (kode: Beite av biologisk verdifulle arealer - Prioriterte naturverdier - Biologisk mangfold) Tilskotet gjeld artsrik beitemark som har vore i langvarig hevd gjennom regelmessig beiting, utan jordarbeiding og med særs lite eller inga gjødsling. Aktuelle område kan vere haugar, tørrbakkar eller andre stader der det har vore lite gjødsling. Areala skal vere registrerte i Naturbase ( som naturbeitemark, hagemark eller strandeng. Nye areal som fyller kriteria for registrering i Naturbase, skal godkjennast av Fylkesmannen i forkant av søknadsomgangen. Tilskotet vert utmålt pr. daa. Retningsliner for skjøtsel Tilskotet vert gjeve når det vert utført nødvendig skjøtsel for å ta vare på naturtypen. Arealet må bli beita, helst med same type beitedyr og same beitetid som i den tradisjonelle drifta. Planteartar kan forsvinne dersom ein skiftar dyreslag eller endrar beiteperioden. Tidleg beiteslepp er normalt gunstig. Beitet bør vere godt nedbeita på slutten av sesongen, sidan beitemarkssoppane krev mykje lys og lite oppsamling av næring. Det kan ikkje bli utbetalt tilskot til areal som er tilgrodd eller har så lågt beitepress at mykje daudgras blir liggande att. Arealet må ikkje vere dominert av tre og buskar som gir mykje skugge. I hagemarker bør ein ta vare på trea. Jordarbeiding, gjødsling, kalking og isåing er ikkje aktuelt i eit artsrikt beite. Det kan likevel vere nokre mindre område innimellom som har vore gjødsla tidlegare, og som ein dermed kan halde fram med å gjødsle på same måten. Ein må ikkje gjødsle område som ikkje har vore gjødsla tidlegare, og ein må ikkje auke gjødselmengda. Det må takast omsyn til eventuelle tilrådingar for området gitt i Naturbase. Ein må kontakte fagfolk dersom ein er i tvil om korleis beitemarka skal skjøttast. Førebels sats: Artsrik beitemark: Kr 100 pr. daa Maks utbetaling pr. føretak: Kr Kulturmiljø og kulturminne 3.10 STØLING (kode: Drift av enkeltseter med melkeproduksjon - Setring - Kulturmiljøer og kulturminner) (kode: Drift av fellesseter med melkeproduksjon - Setring - Kulturmiljøer og kulturminner) Tilskotet gjeld aktiv drift av stølar. Føretaket må ha hovuddelen av mjølkeproduksjon med ku eller geit på stølen i 4-6 veker eller i minst 6 veker i sommarhalvåret og produksjonen skal skje innanfor kvote (Forskrift om kvoteordning for mjølk av 1. januar 2017). For ein og same stølsdrift kan ein ikkje få tilskot for både støling i 4-6 veker og støling i minst 6 veker. Tilskotet vert gjeve til enkelteller fellesstølar. Føretaket treng ikkje ha driftssenter i Hordaland. (kode: Drift av enkeltseter med foredling - Setring -Kulturmiljøer og kulturminner) (kode: Drift av fellesseter med foredling - Setring - Kulturmiljøer og kulturminner) I tillegg til tilskot til stølsdrift, kan ein få tilskot til foredling med direktesal frå stølen. For å ha rett på tilleggstilskotet til foredling med direktesal, må omsetninga på stølen vere på minst kr i løpet av stølingstida. Søkjar må levere dokumentasjon over sal/omsetning på stølen til kommunen innan 15. oktober i søknadsåret.

11 Førebels sats: Enkeltstøl/fellesstøl i 4-6 veker: Kr Enkeltstøl/fellesstøl i over 6 veker: Kr Foredling med direktesal frå stølen: Kr SKJØTSEL AV AUTOMATISK FREDA KULTURMINNE (kode: Skjøtsel av gravminne -Automatisk fredede kulturminner - Kulturmiljøer og kulturminner) (kode: Skjøtsel av gravfelt -Automatisk fredede kulturminner- Kulturmiljøer og kulturminner) (kode: Skjøtsel av andre automatisk fredede kulturminner -Automatisk fredede kulturminner) Tilskotet gjeld kulturminne som er automatisk freda etter lov om kulturminne. Gravminne er enkeltståande gravminne. Gravfelt er samling av fleire gravminne. Andre automatisk freda kulturminne kan til dømes vere kan vere buplassar, hustufter og dyrkingsspor. Kulturminnet skal ligge på eller i nær tilknyting til jordbruksareal (fulldyrka, overflatedyrka eller innmarksbeite). Skjøtsel skal skje med beiting og/eller slått og dette må skje i samsvar med retningslinjene frå Riksantikvaren. Jf. lenke: Ein må ikkje endre skjøtsel eller gjere nye tiltak utan at kulturminneforvaltninga i Hordaland fylkeskommune har gitt skriftleg løyve til dette. Førebels sats Gravminne: Kr pr. enkeltminne Gravfelt: Kr pr. daa Andre automatisk freda kulturminne: Kr pr. daa Maks utbetaling pr. ordning: Kr for kvar av dei tre tilskotstypane SKJØTSEL AV STEINGARDAR (kode: Skjøtsel av bakkemurer, trerekker, skigarder - Nyere tids kulturminner -Kulturmiljøer og kulturminner) Tilskotet gjeld steingardar på eller i kanten av innmark, dvs. fulldyrka og overflatedyrka jord, samt innmarksbeite. I Hordaland vert det ikkje gitt tilskot til bakkemurar, trerekker eller skigardar. Steingarden må vere minst 75 cm høg og vere i slik stand at den står fram som eit gjerde i landskapet. Det skal vere eit oppmura gjerde, ikkje ei ryddingsrøys. Gjerdet treng ikkje vere heile den opphavlege gjerdelinja, men den delen som det vert søkt om tilskot for, må fram stå som heil. Steingarden skal haldast såpass fri for vegetasjon at den er synleg og nødvendig vedlikehald må utførast jamleg. Førebels sats: Steingard: Kr 7 pr. løpemeter Maks utbetaling pr. føretak: Kr

12 3.15 SKJØTSEL AV VIKTIGE KULTURHISTORISKE OMRÅDE (kode: Skjøtsel av viktige kulturhistoriske områder -Nyere tids kulturminner -Kulturmiljøer og kulturminner) Tilskotet gjeld kulturmiljø som er freda etter Kulturminnelova, eller regulert etter Plan- og bygningslova som spesialområde eller omsynssone «kulturmiljø». Freda bygningar og anlegg skal ikkje endrast utan at kulturminneforvaltninga i Hordaland fylkeskommune har gitt dispensasjon. Vedlikehald og istandsetjing av bygningar som ligg i omsynssoner skal også vere avklara med Hordaland fylkeskommune. Der fleire grunneigarar eig delar av eit felles kulturmiljø, må dei einast om kven av dei som skal stå som søkjar av tilskotet. Førebels sats: Kulturmiljø: Kr pr. daa Maks utbetaling pr. føretak: Kr Avrenning til vassdrag og kyst 3.16 MILJØAVTALE ELVEMUSLING, MED UGJØDSLA RANDSONE I ENG (kode: Miljøavtale - Avrenning, prioriterte områder - Avrenning til vassdrag og kyst (kode: Ugjødsla randsone i eng - Avrenning, prioriterte områder - Avrenning til vassdrag og kyst) Tilskotet gjeld føretak som driv areal i nedbørsfelt til vassdrag med elvemusling. For å ha rett på tilskot må føretaka inngå ein miljøavtale med kommunen om tiltak for å redusere avrenning frå areala. Tilskot til miljøavtale gjeld følgjande vassdrag i Hordaland: Osvassdraget (Os og Bergen), Døsjaelva (Os), Lonevassdraget (Osterøy), Fjordabekkjen (Fitjar), Haukåselva (Bergen), Skjelåna (Samnanger), Åreideelva (Bømlo), Hopselva (Fusa), Fossåa (Fusa) og Kvernaviksbekkjen (Tysnes). Miljøavtalen er ein kontrakt mellom brukar av arealet og kommunen, med retningslinjer for drift av arealet i nedbørssona. Det blir gitt tilskot pr. dekar dyrka jord (fulldyrka og overflatedyrka) i nedbørsfeltet. Tilskotssatsen pr. daa er delt i høg sats for føretak med mjølkeproduksjon og låg sats for andre føretak (sau, hest, geit, ammekyr, anna storfe og utan dyrehald). Det er krav til at det blir ført gjødslingsjournal for heile føretaket. Føretak med «miljøavtale elvemusling» kan i tillegg søkje på ordninga «ugjødsla randsone i eng» (buffersone) på det same arealet. Dette gjeld der dyrka areal grensar tett inntil vassdrag med årviss vassføring. Det er ikkje tilskot til ugjødsla randsone på innmarksbeite. Det blir gitt eitt tilskot pr. løpemeter ugjødsla randsone mot vassdrag. Plassering og lengda av randsona må vere merka av på kart.

13 Førebels sats: Miljøavtale, låg sats: Kr 70 pr. daa (i søknadsskjema: «Miljøavtale trinn 1»). Miljøavtale, høg sats: Kr 180 pr. daa (i søknadsskjema: «Miljøavtale trinn 2»). Føretak med miljøavtale kan i tillegg søkje på ordninga ugjødsla randsone i eng. Miljøavtale ugjødsla randsone: Kr 15 pr. løpemeter. Maks utbetalt kr for buffersone. Maks utbetaling pr. føretak: Kr for areal med miljøavtale. Føretak med kombinasjon miljøavtale og ugjødsla randsone maks utbetalt kr Utslipp til luft 3.17 TILTAK MOT UTSLEPP TIL LUFT (kode: Nedlegging og nedfelling - Miljøvennlig spredning av husdyrgjødsel - Utslipp til luft Kode: Bruk av tilførselsslanger - Miljøvennlig spredning av husdyrgjødsel - Utslipp til luft) Formålet med ordninga er å betre utnyttinga av gjødsla, hindre tap av næringsstoff, redusere luktplager og redusere jordpakking ved gjødsling av husdyrgjødsel. Tilskotet blir gitt til areal der all husdyrgjødslinga blir køyrd ut med nedlegging / stripespreiing og tilførselsslange. Vilkår for tilskotet: - All husdyrgjødsel føretaket disponerer skal brukast i samsvar med gjødselvareforskrifta. (Forskrift om gjødselvarer mv. av organisk opphav av ) - Areal for miljøvennleg gjødsling skal vere kartfesta. - Tilskotet gjeld spreiing av husdyrgjødsel i veksande kultur, som her betyr eng. - Gjødsla skal spreiast på fulldyrka og overflatedyrka areal. - All husdyrgjødsel tilført omsøkt areal må vere spreidd på miljøvenleg måte. - Minste spreiemengde på fulldyrka og overflatedyrka areal er 5 kg total-n pr. daa. - Areala som får tilskot, må haustast eller beitast etter spreiing same år. - Gjødsling på omsøkt areal skal spreiast i vekstsesongen og før 10. august. Krav til metode og areal Det skal gjødslast ved bruk av nedleggingsutstyr/ stripe spreiar/blekksprut som legg gjødsla på bakken og med tilførselsslange / slepeslange. Det vert ikkje gitt tilskot ved bruk av tank/tankvogn på traktoren til utkøyring eller DGI grunna fare for jordpakking. Det blir ikkje gitt tilskot til bladspreiar/kanon med tilførselsslange / slepeslange. Dokumentasjon/gjødslingsjournal Søkjar pliktar å føre logg over gjødsling med opplysningar om 1. dato for gjødsling 2. skifter som er gjødsla 3. omtrentleg mengde spreidd gjødsel.

14 Tilskotet blir gjeve med ein sats pr. daa areal gjødsla ved nedlegging og ein sats pr. daa for bruk av tilførselsslange. Ved leigekøyring er det den som disponerer arealet som har rett på tilskot, og som har ansvar for at det vert ført gjødslingsjournal. Førebelse satsar: Tilskot til nedlegging i kombinasjon med tilførselsslange: Kr 150 pr. daa. (Fordelt slik: Spreiing ved nedlegging: Kr 90 pr. daa, Spreiing ved bruk av tilførselsslange: Kr 60 pr. daa) Maks utbetaling pr. føretak: Kr Nedlegging eller nedfelling? Nedleggingsutstyr (stripespreiar, blekksprut) er sett saman av ein bom med mange små slangar. Flytande gjødsel vert lagt i striper langs bakken, under bladdekket. Ved nedfelling/dgi blir det skore furer i marka der gjødsla blir skutt/sprøyta ned. I Hordaland blir det berre gitt tilskot til nedlegging av husdyrgjødsel, ikkje nedfelling grunna fare for jordpakking.

15 4. FORSKRIFT OM TILSKOT TIL REGIONALE MILJØTILTAK I HORDALAND Heimel: Fastsett av Fylkesmannen i Hordaland 09. juli 2018 med heimel i lov 12. mai 1995 nr. 23 om jord (jordlova) 18 og delegeringsvedtak 14. desember 2004 nr Kapittel 1. Innleiande føresegnar 1. Føremål Føremålet med denne forskrifta er å bidra til at kulturlandskapet i Hordaland vert halde i hevd og at jordbruket vert drive på ein miljømessig forsvarleg måte. 2. Føresegna gjeld Forskrifta gjeld for tilskot til miljøtiltak i Hordaland fylke. Det kan løyvast tilskot til skjøtsel av fulldyrka og overflatedyrka areal som vert brukt til fruktproduksjon med næringsformål, der arealet er brattare enn 1:5 og har rett til tilskot for bratt areal, jf. 7. Tilskotet blir utmålt pr. dekar. Tilskotet har ei maksimal øvre grense. 6. Miljøtilskot til lokalt verdifulle jordbrukslandskap «landskapsparkar» Det kan løyvast tilskot til føretak som er medlem i ein landskapspark. Tilskotet gjeld dyr på innmarksbeite i landskapsparken i minst 8 veker i løpet av vekstsesongen. Føretaket må disponere beitearealet. Landskapsparken må ha ein skjøtselsplan som dekker beiteområdet. Tilskotet har ei øvre maksimal grense. 3. Grunnvilkår Det kan berre gjevast tilskot til miljøtiltak etter denne forskrifta til: Føretak som har rett til produksjonstilskot, jf. forskrift 19. desember 2014 nr om produksjonstilskot mv. i jordbruket, og til beitelag som er godkjent av kommunen og som er registrert i Einingsregisteret, jf. einingsregisterlova av 13. juni 1994 nr. 15. Kapittel 2. Tilskot til ulike føremål 4. Miljøtilskot til veglause områder Tilskotet gjeld drift av veglause kyst- og fjordgardar som har meir enn 5 daa fulldyrka og overflatedyrka jord og som er utan veg, bru eller bilferje. Tilskotet blir utmålt pr. dekar og har ei øvre maksimal grense. 5. Miljøtilskot til areal med spesielle verdiar 7. Miljøtilskot til skjøtsel av bratt areal Tilskot kan løyvast til skjøtsel av fulldyrka og overflatedyrka areal brattare enn 1:5 og brattare enn 1:3. Arealet skal vere i aktiv drift med næringsformål. Grasareal skal haustast ved slått. Tilskotet har ei maksimal øvre grense. 8. Miljøtilskot til beite i fjellet gjennom organisert beitelag Tilskotet gjeld føretak som har beitedyr i organisert beitelag som har driftssenter i Hordaland. Tilskotet gjeld berre for dei dyra som går på fjellbeite og i beitelaget sitt beiteområde. Tilskot vert gjeve pr. dyr. 9. Miljøtilskot til drift av beitelag Tilskot kan løyvast til organiserte beitelag som er godkjente av kommunen. Tilskotet er støtte til organisert tilsyn og organisert sanking ved fellesbeiting av utmarksareal og innmarksbeite.

16 Tilskot til drift av beitelag gjeld sau, geit og storfe som beiter i utmark og på innmarksbeite i minst 8 veker. Kyr og geiter i laktasjon er ikkje omfatta av denne ordninga. Når beitelag har beiteområde i fleire kommunar, skal søknad gå til den kommunen der største delen av beiteområdet ligg. Tilskot vert gjeve etter fast sats pr. dyr som er heimsanka. Godkjenning og krav til beitelag Frist for søknad om godkjenning av nye beitelag er 1. mai i beiteåret. Søknad om godkjenning av nye beitelag skal sendast til beitekommunen. Beitelag for utmarksbeite skal ha minst 3 medlemmar og 150 småfeeiningar. Beitelag for innmarksbeite skal har minst 2 medlemmar og 100 småfeeiningar. 1 småfeeining = 0,1 storfe = 1 sau = 1 lam = 1 geit = 1 kje. Fylkesmannen fastset retningsliner for godkjenning og drift av beitelag. 10. Miljøtilskot til skjøtsel av slåttemark Tilskot kan løyvast til skjøtsel av artsrike enger registrert i Naturbase ( som har vore i langvarig hevd gjennom regelmessig slått og utan nemnande gjødsling eller jordarbeiding. Areala skal skjøttast i samsvar med retningsliner fastsett av Fylkesmannen. Nye areal kan godkjennast av Fylkesmannen i forkant av søknadsomgangen, men må fylle kriteria for registrering i Naturbase. Tilskot blir gitt pr. daa og har ei øvre maksimal grense. 11. Miljøtilskot til skjøtsel av kystlynghei Tilskotet kan løyvast til tradisjonell skjøtsel av kystlynghei, som inkluderer vinterbeiting og brenning i samsvar med retningsliner fastsett av Fylkesmannen. Dei omsøkte areala må vere kartfesta på kart over kystlyngheiområda i Hordaland. Tilskot blir gitt pr. daa. Det er ein sats for årleg skjøtsel av kystlynghei og ein sats for brenning av kystlynghei som ein del av skjøtselsarbeidet. Tilskot til brenning vert utbetalt i etterkant av sesongen brenninga vert utført. Tilskota har ei øvre maksimal grense. 12. Miljøtilskot til skjøtsel av styvingstre Tilskotet kan løyvast til styvingstre som vert halde ved like i tråd med retningsliner fastsett av Fylkesmannen. Tilskotet blir utmålt pr. tre og har ei øvre maksimal grense 13. Miljøtilskot til beite av biologisk verdifulle areal Tilskotet kan løyvast til skjøtsel av artsrik beitemark som har vore i langvarig hevd utan nemnande gjødsling eller jordarbeiding. Areala skal vere registrerte i Naturbase som «naturbeitemark», «hagemark» eller «strandeng». Nye areal kan godkjennast av Fylkesmannen i forkant av søknadsomgangen, men må fylle kriteria for registrering i Naturbase. Areala skal skjøttast i samsvar med retningsliner fastsett av Fylkesmannen. Tilskotet blir utmålt pr. daa, og har ei øvre maksimal grense. 14. Miljøtilskot til støling Det kan løyvast tilskot til skjøtsel og forvaltning av stølsmiljø og stølslandskap. Føretaket må ha hovuddelen av mjølkeproduksjon med ku eller geit på stølen i sommarhalvåret i 4-6 veker eller i minst 6 veker. Det blir ikkje gitt tilskot for både 4-6 veker og over 6 veker stølsdrift for den same stølen. Produksjonen skal skje innanfor kvote. Tilskotet vert gjeve til enkelt- eller fellesstølar. For å ha rett på tilskot til

17 foredling, må det innan 15. oktober i søknadsåret leverast dokumentasjon til kommunen over omsetning på stølen. 15. Miljøtilskot til skjøtsel av gravminne Det kan løyvast miljøtilskot til skjøtsel av gravminne ved beiting eller slått. Gravminnet skal vere eit enkeltståande kulturminne som er automatisk freda etter lov om kulturminner. Gravminnet skal ligge påeller i nær tilknyting til jordbruksareal. Arbeidet skal skje i samsvar med Riksantikvarens retningsliner for slik vegetasjonsskjøtsel. Tilskotet vert løyvd til enkeltminne og har ei øvre maksimal grense. 16. Miljøtilskot til skjøtsel av gravfelt Det kan løyvast miljøtilskot til skjøtsel av gravfelt ved beiting eller slått. Gravfeltet skal vere automatisk freda etter lov om kulturminner og liggje på eller i nær tilknyting til jordbruksareal. Skjøtselen skal skje i samsvar med Riksantikvarens retningsliner for slik vegetasjonsskjøtsel. Tilskotet vert løyvd pr. daa, og har ei øvre maksimal grense. 17. Miljøtilskot til skjøtsel av andre automatisk freda kulturminne Det kan løyvast miljøtilskot til skjøtsel av andre automatisk freda kulturminne, som buplassar, hustufter, dyrkingsspor, vegfar mv. Kulturminna skal liggje på eller i nær tilknyting til jordbruksareal. Tilskot vert løyvd pr. daa, og har ei øvre maksimal grense. 18. Miljøtilskot til skjøtsel av steingardar Det kan løyvast tilskot til vedlikehald av steingardar på innmark i jordbrukets kulturlandskap. Tilskotet er ein del av den nasjonale ordninga «Miljøtilskot til skjøtsel av bakkemurar, trerekker og skigardar.» Tilskotet vert løyvd pr. løpemeter, og har ei øvre maksimal grense. 19. Miljøtilskot til skjøtsel av viktige kulturhistoriske område Tilskot kan løyvast til skjøtsel av kulturmiljø som er freda etter Kulturminnelova, eller regulert etter Plan og bygningslova som spesialområde eller omsynssone «kulturmiljø». Tilskotet vert utmålt etter areal, der kvart kulturmiljø kan få tilskot for maks 2 daa. 20. Miljøtilskot til miljøavtale elvemusling, med ugjødsla randsone i eng Det kan løyvast tilskot til føretak som har inngått «miljøavtale elvemusling» med kommunen om drift av areal mot vassdrag med lokaliteter av elvemusling. Tilskotet vert løyvd pr. daa. For føretak med miljøavtale kan det også løyvast tilskot til ugjødsla randsone i eng. Tilskotet vert løyvd pr. løpemeter. Tilskota har ei øvre maksimal grense. 21. Miljøtilskot til tiltak mot utslepp til luft Det kan løyvast tilskot til spreiing av husdyrgjødsel i veksande kultur (eng) ved bruk av nedlegging med tilførselsslange. Av tilskotstekniske årsaker vert tilskotet løyvd med ein sats pr. daa gjødsla eng ved nedlegging, og ein sats pr. daa ved bruk av tilførselsslange. Minste spreiemengde er 5 kg total-n pr. daa. All gjødsel på teigar det vert gitt miljøtilskot til skal spreiast med miljøvennleg metode, i vekstsesongen og før 10. august. Tilskotet har ei øvre maksimal grense. Kapittel 3. Generelle føresegner 22. Retningsliner og satsar Tilskot vert utbetalt etter utfyllande

18 retningsliner, satsar, definisjonar med meir fastsett av Fylkesmannen i Hordaland. 23. Søknad og utbetaling Frist for søknad er 15. oktober. For tilskot til beitelag er søknadsfristen 15. november. Tidspunkt for teljedato for søknadsomgangen 15. oktober er 31. juli. Det skal nyttast eige søknadsskjema fastsett av Fylkesmannen i Hordaland. Ved for seint levert søknad vert det reduksjon i tilskot med kr pr. verkedag etter fristens utløp opp til 20 verkedagar. Søknader som vert levert seinare enn 20 verkedagar etter fristen, vert avviste. Det løyvde tilskotet vert utbetalt til det føretaket eller beitelaget som sette fram søknaden. Tilskotet kan ikkje overførast til eige eller pant. 24. Administrasjon, dispensasjon og klage Kommunen fattar vedtak om tilskot. Fylkesmannen kan i særlege høve dispensere frå reglane i denne forskrifta. Vedtak fatta av kommunen kan påklagast til Fylkesmannen. Vedtak fatta av Fylkesmannen i første instans kan påklagast til Landbruksdirektoratet. 25. Opplysningsplikt og kontroll Føretak og beitelag som får tilskot etter denne forskrifta, har plikt til å gje alle naudsynte opplysningar som kommunen, Fylkesmannen eller Landbruksdirektoratet krev. Kommunen, Fylkesmannen og Landbruksdirektoratet fører tilsyn med at utbetalinga er rett, og har tilgang til all bokføring, korrespondanse og dokumentasjon som gjeld tilskotet som er gjeve til føretaket. Opplysning gjeve i samband med søknad om tilskot kan også kontrollerast ved teljing og måling på landbrukseigedomane, og ved teljing av dei dyra som føretaket disponerer. 26. Tilbakehalding og avkorting ved regelverksbrot Dersom føretaket driv eller har drive si verksemd i strid med regelverk for jordbruksverksemd, kan heile eller delar av tilskotet haldast tilbake inntil tilhøva er retta opp. Er det ved brot på regelverket utvist grov aktlause eller forsett, kan heile eller delar av tilskotet som blir tildelt føretaket avkortast. For alle føretak som har jordbruksareal med planteproduksjon og som har rett til produksjonstilskot, er det eit vilkår at føretaket oppfyller krava til gjødslingsplan i forskrift 1. juli 1999 nr. 791 om gjødslingsplanlegging 3. Ved bruk av plantevernmiddel er det eit vilkår at føretaket oppfyller krava til føring av plantevernregister i forskrift 6. mai 2015 nr. 455 om plantevernmidlar. Tilskotet kan også avkortast dersom føretaket ikkje held dei fristar som kommunen, Fylkesmannen eller Landbruksdirektoratet har satt for å kunne utføre sine kontrolloppgåver i samsvar av Avkorting ved feilopplysningar Dersom føretaket eller beitelaget aktlaust eller med forsett har gitt uriktige opplysningar i søknaden som har eller kunne gitt grunnlag for urett utbetaling av tilskot til seg sjølv eller andre, kan heile eller deler av det samla tilskotet avkortast.

19 Tilskotet kan avkortast eller avslåast dersom føretaket heilt eller delvis ikkje oppfyller krava som er stilte i 3, andre og tredje ledd. Av same grunn kan utbetalt tilskot heilt eller delvis bli kravd tilbake, jf Innkrevjing og renter Differansen mellom utbetalt beløp og redusert tilskot som følgje av vedtak om avkorting etter 25, 26 og 27, kan krevjast tilbakebetalt frå mottakaren eller motreknast i seinare tilskotsutbetalingar. Tilsvarande gjeld differansen mellom utbetalt beløp og redusert tilskot som følgje av vedtak om avkorting etter 26 og 27. Beløpet kan òg bli motrekna i seinare utbetalingar etter denne forskrifta, eller i seinare tilskotsutbetalingar til føretaket. Der mottakaren ikkje var i aktsam god tru om utbetalinga, kan renter krevjast frå det tidspunkt kravet om tilbakebetaling kom fram til søkjar. Ved grov aktløyse eller forsett kan renter krevjast frå tidspunktet for utbetalinga av det urettmessige tilskotet. For renter gjelder lov 17. desember 1976 nr. 100 om renter ved for sein betaling m.m. Krav frå offentleg myndigheit som spring ut frå jordbruksverksemd, kan motreknast i seinare tilskotsutbetalingar til føretaket. 29. Iverksetjing Forskrifta trer i kraft 09. juli Frå same dato vert forskrift 30. juni 2017 om tilskot frå Regionale miljøtiltak, Hordaland, oppheva.