Reguleringsplan for turveg Gaupne-Marifjøra. Plan-ID Datert: Eigengodkjent: K-sak 71/12 Endra:

Transkript

1 Reguleringsplan for turveg Gaupne-Marifjøra Plan-ID Datert: Eigengodkjent: K-sak 71/12 Endra:

2 Innhald: Reguleringsplan for... 1 Innhald:... 2 Planomtale... 3 Samandrag... 3 Bakgrunn... 3 Arbeid med å endra reguleringsplanen for området... 3 Vidare handsaming av planen:... 5 Historikk... 6 Gjeldande planar for området... 7 Om planområdet...10 Verknader av planen/ros-analyse...24 Reguleringsføresegner...26 Eigengodkjent Side: 2

3 Planomtale Samandrag Eit gangvegsamband mellom Gaupne og Marifjøra vert sett på som eit viktig folkehelse- og trivselstiltak for både innbyggjarane i kommunen. Vegen vil også vera eit godt tiltak for reiselivet. Det er berre 3,4 km frå sentrum i Gaupne til Marifjøra, men dei som vil gå/sykle mellom dei to stadene må no gjera dette på ein nokså sterkt trafikkert fylkesveg. Det vart bygd tunnel gjennom Røneidsberget då vegen var svært rasutsett her om vinteren og våren. Det å gå/sykle gjennom Røneidstunnelen vert i dag rekna som farlegare enn det å gå/sykle på den gamle vegtraseen på utsida av tunnelen. Den nye turvegen vil ikkje vera vinterbrøyta. Vegen skal vera slik at den kan vedlikehaldast med liten lastebil/traktor og den skal ha fast dekke slik at den er tilgjenge for alle, frå rullestol til sykkel. Turvegen vil for ein stor del liggja på fylling i fjorden. Bakgrunn Under revisjon av kommuneplan for Luster, arealdelen, vart det lagt inn ein turveg mellom Gaupne og Marifjøra. Planen er innarbeida i planleggingsprogrammet for Luster kommune. Arbeid med å endra reguleringsplanen for området Varsel om oppstart av planarbeid: Varsel om planarbeidet vart sendt som brev til grunneigarane i området 22. desember Frist for å komma med merknader/innspel vart sett til 1. februar Samstundes vart det satt inn annonse i Sogn Avis og det vart lagt ut på kommunen si heimeside. Innspel til oppstartsvarselet:. Det har komme inn tre innspel til oppstartsvarselet. Eigengodkjent Side: 3

4 Samandrag av innspela med kommentarar: Fylkesmannen i Sogn og Fjordane Miljøvernavdelinga: Planomtalen skal bl.a. gjere greie for verknadene planen vil kunne få for ulike konsekvensar og omsyn. Aktuelle tema her vil bl.a. vera natur, friluftsliv og landskap (allmenne interesser i strandsona). I konsekvensutgreiinga i kommuneplanen er tiltaket vurdert å ha store positive verknader for bl.a. friluftsliv, rekreasjon og barn og unge. Konsekvensane for areal og transport er også positive. Når det gjeld tema naturmiljø stiller naturmangfaldlova krav til sakshandsaming etter plan- og bygningslova for å sikre at det vert teke omsyn til naturmangfaldet. Vi føreset at naturmangfaldlova og dei miljørettslege prinsippa i kapittel II vert vurderte i planomtalen og lagde til grunn for utarbeiding av planen, slik at omsyna og interessene som ligg til grunn for naturmangfaldlova vert sikra. Ved Røneidsgrandane er det eit lokalt viktig våtmarksområde, spesielt med verdi for ande- og vadefuglar. I konsekvensvurderinga er konsekvensgraden for naturverdiar og biologisk mangfald sett til -1 (små negative konsekvensar). Miljøvernavdelinga ser det som viktig at det vert lagt vekt på å avgrense inngrep/utfylling i gruntområda/våtmarksområdet på den aktuelle strandstrekninga nærast Gaupne. Viss det ikkje er mogleg å unngå noko fylling, vil dei klart rå til å avgrensa inngrepa ved å nytte tørrsteinmur eller plastring. Kommentar: Det vert forsøkt å laga ei grundig ROS-analyse der naturmangfald er eit viktig tema. Det må fyllast noko for å kunna bygga turvegen, men det vert nytta mur og/eller plastring. Beredskapseininga: Kommunen har eit sjølvstendig ansvar for å sjå til at samfunnstryggleiken vert ivareteken i alle planar etter plan- og bygningslova. Det er krav om risiko- og sårbarheitsanalyse (ROS-analyse) ved utarbeiding av planar for utbygging, jf. pbl Ved endring av eksisterande planar må ROS-analysen oppdaterast. For at kravet om ROS-analyse skal vere oppfylt, må det gjerast eit systematisk arbeid som gir oversikt over risiko og sårbarheit. Vi føreset at eventuelle funn og tilrådingar frå analysen vert følgde opp og innarbeidde i planen. Det er viktig at tema for ROS-analysen ikkje vert for avgrensa. Risiko og sårbarheit kan knyte seg til arealet slik det er frå naturen si side, som t.d. at det er utsett for flom, skred eller radonstråling. Det kan òg vere knytt til menneskeleg aktivitet og bruken av arealet, t.d. plassering av bygg, anlegg, sårbare objekt eller infrastruktur. Klimaendringane er forventa å påverke framtidig risiko og sårbarheit, og ROS-analysen må difor vurdere konsekvensar av klimaendringane, som t.d. auka nedbørsmengder, havnivåstigning, kraftigare vind m.m. Det må gå tydeleg fram kven som har utført ROS-analysen, og kva kjelder som har vore brukte. Ei sjekkliste er eit godt utgangspunkt for å velje ut hendingar som må analyserast vidare. Dei understrekar likevel at ei sjekkliste åleine ikkje er å sjå på som ein ROS-analyse. Kommentar: Det vert forsøkt å laga ei så grundig ROS-analyse som råd er. Landbruksavdelinga I høve til landbruksinteressene i området har dei ingen merknader til planarbeidet. Rådet for funksjonshemma: Dei stiller spørsmål om rassikring langs heile vegen, særleg frå krysset ved gamle Eigengodkjent Side: 4

5 Røneidsvegen og til enden av turvegen. Dei spør om korleis vegen bak tunnelen sikrast. Rådet meiner at turvegen bør strekke seg heilt inn til Røneidsbrua. Dette for å få ein samanheng av heile turvegen. I tillegg bør vegen vere asfaltert og så brei at det blir lett framkomeleg for rullestolbrukarar. Kommentar: Det er rasfare i heile området, men det er likevel uaktuelt å rassikre turvegen. Tvert om så må ein la vera å nytta turvegen i dei mest rasfarlege periodane. Å gå/sykla på ein turveg i eit rasfarleg område vert likevel vurdert som sikrare enn å gå/sykla på ein fylkesveg som er meir rasfarleg og i tillegg trafikkfarleg. Utanom tunnelen er det spesielt rasfarleg, det var difor det vart bygd tunnel her. Tunnelen vert rekna som ein av dei farlegaste tunnelane i Sogn, så også her ser ein det som positivt at gåande/syklande nyttar ein turveg på utsida av tunnelen utanom dei mest rasfarlege periodane. Planen er at heile turvegen skal ha fast dekke slik at den kan nyttast av alle frå barnevognbrukarar til syklistar og rullestolbrukarar. Turvegen vert likevel ikkje bygd som ein fullverdig gang- og sykkelveg. Å byggja turvegen heilt fram til Røneidsbrua er eit absolutt mål. Røneidsgrandane er regulert med gang- og sykkelveg frå krysset der denne planen startar til brua. Det som gjenstår er å byggja gang- og sykkelveg her. Røneid Grunneigarlag: Laget med fleire, disponerar nausttomtar på moloen i Røneidsberget. Moloen vart bygd i forbindelse med at vegen i Røneidsberget vart utbetra, og nausttomtane i sjøkanten måtte flyttast. I forbindelse med at det blir ein gang og sykkelveg forbi moloen, vil arealet på moloen bli redusert. Dette vil berøra nausttomtane som ligg øvst mot vegen, parkeringsareal og båtopptrekk. Laget ynskjer at det blir sett på dette, slik at det vert funne ein tilfredsstillande løysing på dette. Røneid Grunneigarlag har opp gjennom åra selt sand\grus frå elveosen og opp mot brua på RV 55. Det har no bygt seg opp ein god del massar nedstrøms brua, og det burde vera muleg å nytta desse massane til opparbeiding av denne gang og sykkelvegen. Kommentar: Det vert forsøkt å finna ei så god løysing som råd er når det gjeld nausttomtene. Gjeldande reguleringsplan viser gangveg fram til naustområdet, men ikkje over. Turvegen vil ikkje komma i konflikt med eksisterande naust. Det må vera plass til både naustbygging, båtopptrekk og bilparkering i området. Når det gjeld bruk av lausmasser i området ville kort transport vera ein stor fordel, så fremt at massane kan nyttast til den bruken ein treng massar til. 1. gongs handsaming: Planen var til fyrste gongs handsaming i plan- og forvaltningsstyret Dei vedtok å leggje planen ut til offentleg ettersyn slik som den var framlagt. Vidare handsaming av planen: Offentleg utlegging: 3. mai til 18. juni 2012 Merknader til den utlagde planen: 4. merknader kom inn 2. gongs handsaming: Plan og forvaltningsstyret Eigengodkjenning: Kommunestyret Eigengodkjent Side: 5

6 Historikk Gaupne var ei lita jordbruksbygd der dei to elvene Jostedøla og Engjadalselva saman dannar eit breitt elvedelta ut i Gaupnefjorden. Etter kommunesamanslåinga i 1963 har det skjedd mykje med bygda. Gaupne har vakse fram som det nye kommunesenteret, riksveg 55 vart lagt utanom sentrum og kraftutbygginga på 70 og 80 talet førte til utfylling i fjorden. I samband med kraftutbygging vert Gaupnegrandane og Røneidsgrandane fylt ut. Her er same område før og etter utfyllinga. Eigengodkjent Side: 6

7 Gjeldande planar for området Reguleringsplan for Røneidsgrandane Planen er vedteken Planid: Frå planomtalen: Friområdet langs riksvegen skal plantast til med kraftig vegetasjon. Naturlege tresortar bør veljast. Når vegetasjonen i dette området har fått etablert seg, vil dette danna ei god skjerming mellom harde og mjuke trafikantar samtidig som det skjermar industriområdet godt sett frå vegen. Området skal etter etableringsfasen vera mest mogleg vedlikehaldsfritt med preg av naturleg skog. Det er spesielt viktig at mindre busker får veksa uhindra slik at området får vegetasjon i alle høgder. Spesialområde: Det er sett av plass til naustbygging ut over det utfylte neset som vert brukt til naust i dag. I tillegg vert det sett av plass til parkering, nye naust på rassikkert område og noko vinterlagring av båtar på land. Planen viser gangveg langs FV 55 frå bru over Jostedøla (Røneidsbrua) til område med naust. Denne gangvegen er ikkje bygd. Området er heller ikkje fylt opp slik planen gjev rom for. Frå føresegnene: Fareområde: I området er det fare for steinras/steinsprang. Spesialområde: I området S 1 kan det oppførast naust. Høgda må ikkje overstiga 4 meter. Eigengodkjent Side: 7

8 Kommuneplan for Luster - arealdelen Planen er vedteken Planen viser ein turveg frå brua over Jostedøla (Røneidsbrua) til avkøyring Marifjøra. I planen er turvegen omtala som område nr. 43: I 1. Vegen er tenkt som ein turveg med enkel standard og den skal ikkje brøytast vinterstid. Turvegen er konsekvensvurdert i kommuneplanen. Området er rasfarleg, men det vert som mindre farleg å gå på turveg i eit rasutsett område enn å gå på bilvegen og gjennom tunnelen. Det er påpeika at i både planleggings- og anleggsfasen må det takast omsyn til våtmarksområdet på Røneidsgrandane. Kommunal plan for trafikktrygging Planen er vedteken Frå planen: FV 55 frå Sogndal til Gaupne er den mest trafikkerte vegen i kommunen. Vegen har ca ÅDT (årsdøgntrafikk). På strekninga mellom kryss Marifjøra til Gaupne har statens Vegvesen registrert fleire ulykker med lettare personskade. Det er også problem med viltkryssingar i området. Spesielt gjeld dette mellom Røneidstunnelen og den vesle moloen. Her kryssar hjorten fylkesvegen for å komma ned til fjorden. Problemet er størst i sommarhalvåret. Planen viser til regulert gangveg på Røneidsgrandane som ikkje er bygd. Mange går rundtur langs FV 55 via gamlevegen om Røneid. Regulert gangsti på elveforbygning langs Jostedøla er heller ikkje bygd. Begge gangvegane/stiane er innarbeida i reguleringsplanen og i kommuneplanen. Eigengodkjent Side: 8

9 Planen inneheld ny turveg mellom Gaupne og Marifjøra. Ein turveg her vil vera eit positivt tiltak for både dei som bur i Marifjøra og i Gaupne, og mjuke trafikkantar på fylkesvegen. Frå handlingsprogrammet FV Røneidsgrandane: Gangveg. Mykje nytta turveg går her og vidare på gamlevegen om Røneid. FV Røneidsgrandane Røneidstunnelen Sommaropen gangveg/ gangsti Kommunen/ Statens vegvesen Må regulerast. FV Røneidstunnelen Farleg tunnel då den er smal, har dårleg lys og ligg i sving Statens vegvesen Økonomiplan for Luster med planleggingsprogram Planen er vedteken Ein av postane i planleggingsprogrammet er reguleringsplan for turveg Gaupne Marifjøra. Oppstart av planarbeidet er hausten Vegen kan få trafikktryggingsmidlar frå Statens vegvesen. Stadanalyse Gaupne Stadanalysen omfattar heile sentrumsområdet inkludert Røneidsgrandane og FV 55. I analysen ser ein for seg ulike utviklingar av sentrumsområdet. Røneidsgrandane vert sett på som ein del av eit større, samanhengande grønt drag. Det vert lagt fram idé om ei ny gangbru over Jostedøla lengst sør på Røneidsgrandane Det vert lagt fram tankar om ein ny raste- og informasjonsplass til statens vegvesen på Røneidsgrandane. Eit viktig mål er å komma lettare til fjorden både på sykkel og til fots. Det vert vist framlegg til ny småbåthamn på Røneidsgrandane, men rasfaren er ei utfordring. Det er vist eit samanhengande gang- og sykkelvegnett i heile sentrumsområdet, på begge grandane og til Marifjøra. Eigengodkjent Side: 9

10 Om planområdet Strandlinje Planområdet er 2.3 km langt og det ligg langs Lustrafjorden. Med unntak av ei kort strekning på det utfylte industriområdet Røneidsgrandane, ligg planområdet mellom fylkesveg 55 og fjorden. Grunneigarar: Gbnr. Namn Adresse Poststad 88/5 Hanna K og Jan A Edvardsen Røneidsvegen Gaupne 88/24 Johannes H Røneid Hagavegen 25 B 6885 Årdalstangen 88/93 Luster kommune 6868 Gaupne 88/150 Statens Vegvesen Askedalen Leikanger 93/4-5 Arne Lad 6873 Marifjøra 93/9 Statens Vegvesen Askedalen Leikanger 95/16 Kjell Bugge Næss 6873 Marifjøra 95/42 Statkraft Postboks 200 Lilleaker 216 Oslo Naust Trygve Røneid Røslebakkane Gaupne Området vert delt i fire: Område 1: Frå kryss avkøyring Røneidsgrandane til molo med naust = ca. 670 m Frå kryss til slutt oppfylling = ca. 310 m Frå slutt fylling til molo = ca. 350 m Område 2: Frå molo til tunnelopning mot Gaupne = ca. 550 m Område 3: På utsida av eksisterande tunnel = ca. 650 m Område 4: Frå tunnelopning mot Marifjøra til avkøyring til Marifjøra = ca. 450 m Total: = ca.2310m Eigengodkjent Side: 10

11 Eigengodkjent Side: 11

12 Skredfarleg område Størstedelen av planområdet må reknast som skredfarleg. Skredfaren er størst sein haust til tidleg vår. Dette er tider med mykje nedbør og frostsprenging. Der fylkesvegen går i tunnel gjennom det rasfarlege Røneidsberget, ligg den planlagde turvegen på utsida av tunnelen på den gamle riksvegtrasèen. Her går det stein- og snøskred i vinterhalvåret. Den gamle trasèen vart ført attende til tidlegare grunneigar då bilvegen vart lagt i tunnel. Frå fylkesatlas.no. Til venstre aktsomheit steinsprang. Til høgre aktsomheit snøskred. Frå fylkesatlas. Til venstre eit kart som viser skredhendelsar i samband med samferdsle i området. Under eit bilde som viser stein på sjølve vegbana like ved moloen, 2. april Eigengodkjent Side: 12

13 Område 1: Frå kryss avkøyring til Røneidsgrandane til og med molo med naust Strekninga er på knappe 700 meter der vel 300 meter er på eksisterande fylling som kom i samband med kraftutbygginga i Luster. Dette området er regulert tidlegare i reguleringsplan for Røneidsgrandane. Røneidsgrandane og FV 55 retning sør sett frå avkøyringa inn til Røneidsgrandane. Mange går tur på den gamle riksvegen som går via Røneid. For å få ein rundtur må dei då gå på fylkesveg 55 attende til FV 604 mot Jostedalen eller over brua mot sentrum. Sidan gjeldande reguleringsplan viser gang- og sykkelveg langs heile Røneidsgrandane, er berre den sørlegaste delen av området, frå avkøyringa og sørover der det er endringar i forhold til reguleringsplanen, teke med i denne planen. Å bygge turveg på det oppfylte industriområdet bør vera nokså uproblematisk. Den delen av turvegen som ligg på industriområdet og som er ein del av ein mykje brukt rundtur i sentrum, må ha vanleg gangvegstandard slik at den kan brøytast i vinterhalvåret. Det er i dag ei djup grøft mellom FV 55 og industriområdet. Om våren under snøsmeltinga fyller denne seg med vatn. Eigengodkjent Side: 13

14 Utfyllinga på Røneidsgrandane er fint plastra med naturstein. Utfyllinga på Røneidsgrandane er fint plastra med store natursteinar. Plastringa hindrar utvasking. Innerst inne i bukta samlar det seg mykje rekved og anna skrot. For å lett kunna rydda her og samstundes gi betre tilgang til sjøen for folk, viser planen ein køyrbar vegtilkomst ned til fjorden. Det er også viktig å kunne drive naudsynt vedlikehald av turvegen fram til tunnelen. Derfor må turvegen vera køyrbar for liten lastebil/traktor, sjølv om den ikkje skal brøytast om vinteren. Det ligg att ein liten rest av eit gamalt elvedelta i enden av Røneidsgrandane. Området vert sett på som eit viktig lokalt våtmarksområde for vadefuglar. Etter gjeldande reguleringsplan for Røneidsgrandane kan dette området fyllast ut, men det er i dag ingen planar og heller ikkje noko ynskje om vidare utfylling her. Røneidsgrandane sett frå lufta ca Her ser ein tydeleg det grunne området som er resten av eit gamal elvedelta. Eigengodkjent Side: 14

15 Området nærast Røneidsgrandane er svært grunt og er tørt land ved fjøra sjø. Dette området er lokalt viktig for vadefuglar. Illustrasjon som viser gjeldande reguleringsplan for Røneidsgrandane og området slik det er fylt ut i dag. Det grunne området går heilt fram til utfylt molo med naust. Det er viktig for fuglelivet at denne delen ikkje vert utfylt eller oppmudra. I naturbasen er det i tillegg til eit variert fugleliv, også registrert oter i dette området. Eigengodkjent Side: 15

16 Moloen med naust. Området er rydda for større tre dei siste åra og køyretilkomsten er steng for ålmenta med bom. Lengst til høgre i bildet er det laga plass for sjøsetjing av båtar. Til venstre utsnitt av reguleringsplan for Røneidsgrandane og til høgre utsnitt frå ortofoto Reguleringsplanen legg ikkje opp til endra bruk av moloen. Det vert innarbeida ei byggegrense for naustbygging og det vert ikkje høve til å mudre opp og leggja båtar ut på nordsida av moloen. Det kan med fordel opparbeidast ein liten snuplass og parkeringsplass for eit par bilar på moloen. Desse kan nyttast til vinteropplag av båtar ved behov. Det er viktig at kryssinga av turveg og tilkomstveg til nausta vert utforma slik at det vert betre sikt for dei som køyrer ned til nausta enn det er i dag. Eksisterande avkøyrsle er litt låg. Eigengodkjent Side: 16

17 Område 2 Frå molo med naust til nordlege tunnelopning Heile strekninga er på ca. 550 meter. Frå moloen retning Røneidstunnelen ligg fylkesvegen på fylling utan plastring. I strandsona er det tydeleg erosjon etter stormar. Frå moloen retning Røneidstunnelen. Turvegen må leggjast på fylling med god plastring mot sjøen. Eit lite stykke etter moloen ligg det nokre større steinar der det er festa eit trigonometrisk punkt. Kan ein bevara dette naturmiljøet er det ein fin detalj på ein elles monoton strekning av turvegen. Eigengodkjent Side: 17

18 Steinane med det trigonometriske punktet og eit lite naust. Det er dessverre uråd å få bevart den vesle naustet som i dag ligg her i le av steinane. Syklande på fylkesvegen retning Marifjøra som ynskjer å sykle på utsida av tunnelen, må i dag kryssa vegen før tunnelen. Det er då uråd å sjå om det kjem bilar i mot. Eigengodkjent Side: 18

19 Område 3 Gamle riksvegen utanfor Røneidstunnelen Heile strekninga er på ca. 650 meter. Her ligg den gamle riksvegtraseen meir eller mindre intakt og treng berre mindre oppgradering. Heile området utanfor tunnelen er svært rasfarleg i tider med svært mykje nedbør, snø eller frostsprenging. Det er viktig med god informasjon på fleire språk som informerer om kva tider vegen ikkje bør nyttast. Det må også vurderast å setje opp bom her. I løpet av vinteren har det som vanleg gått stein- og snøskred. Det er uråd å rassikre strekninga utanfor tunnelen. Eigengodkjent Side: 19

20 Like etter at turvegen går over på den gamle riksvegtraseen utanfor tunnelen, passerer den ein av dei få stadene på heile strekninga der det er naturleg strand og god tilkomst til sjø. Langs heile fjorden mellom Gaupne og Marifjøra er det vanskeleg å komma til sjøen. Våtmarksområdet er ikkje det mest attraktive for folk, heller ikkje moloen med naust. Like etter at turvegen svingar av på den gamle riksvegtraseen, passerer den eit lite område med naturleg strand. I dag er det knapt råd å gå ned til sjøen her grunna steinar og dumping av kvist og kvas, men området vil ha stor rekreasjonsverdi for dei som ferdast på turvegen sommartid. Her er det fin utsikt både mot Gaupne og utover fjorden mot Nes og sørsida. Området må difor bevarast og tilkomsten må ryddast. Resten av riksvegen ligg på fylling/mur fram mot kaia. Det står ein stein her som viser skilje mellom gamle Luster og Hafslo kommune som må bevarast. Ved kaia er den gamle riksvegen fjerna og erstatta med ei smal betongbru. Det er planar om å gjera brua breiare og setja opp eit permanent rekkverk av betong. Eigengodkjent Side: 20

21 I dag vert rekkverket på betongbrua teke ned kvar haust for å unngå at det vert øydelagt av ras. I samband med kraftutbygging og bygging av ei djupvasskai, vart deler av riksvegen fjerna i ei kort strekning og erstatta av ei smal betongbru. Det er planar om å gjera brua breiare og setja opp eit permanent rekkverk av betong. Brua vil ikkje verta køyrbar, så vedlikehald av turvegen må gjerast frå begge endar av vegen. Det er i dag god bilvegen ned til kaia. Denne kan nyttast i framtida som ein del av turvegen. Eigengodkjent Side: 21

22 Område 4 Frå den sørlege tunnelopninga til kryss mot Marifjøra Heile strekninga er på ca. 450 meter. På denne strekninga ligg bilvegen nokså høgt. På det høgaste like før avkøyringa mot Marifjøra, ligg vegen 10 meter over havet. Strekninga sett frå tunnelopning og mot Marifjøra. Utfordinga på denne strekninga er å få bygd ein turveg utan å få alt for store inngrep mot fjorden. Fjorden er grunn her, men utfyllinga bør likevel haldast på eit minimum. Like etter tunnelopninga ligg ein stor fylling. Det ligg også ein stor fylling like før bussstoppen ved avkøyringa til Marifjøra. Desse kan med fordel fjernast. Eksisterande stikkveg ned mot fjorden. Eigengodkjent Side: 22

23 Ei utfordring er også å behalda den vesle stikkvegen som går ned til fjorden i dag. Vegen vert lite brukt i dag. I enden av vegen er det eit flatt område der ein del av den opphavlege strandsona er intakt. Her er det flott utsikt mot Gaupne og det er god kontakt både med elva og fjorden. Dette området vil ha stor verdi for brukarar av turvegen som ynskjer ein liten pust i bakken nede ved fjorden. Samstundes har området verdi for grunneigar då det i dag vert lagt ut båt og flytebrygge her. Det er ingen konflikt mellom å både la området vera eit område for friluftsliv samstundes som ein gjev løyve til å setje opp naust her. Det er ikkje ynskjeleg med bilkøyring ned i området, så parkering til naust må vera ved riksvegen. Flott utsikt mot Gaupne og god kontakt med sjøen. Fyllinga til venstre på bildet kan med fordel fjernast. Den store utkøyringslomma ved kryss Marifjøra med buss-stopp og informasjonstavle.. Eigengodkjent Side: 23

24 Den siste biten mot kryss Marifjøra må turvegen vera ein del av den store utkøyringslomma for bilar som ligg ved fylkesvegen. Lomma må rustast opp slik at den er asfaltert og velegna å sykla på. Verknader av planen/ros-analyse Området har ROS-analyse i kommuneplanen. Denne er brukt vidare i reguleringsplanen. Flaum / stormflod / flodbølgje / havstigning Turvegen mellom nordlege tunnelopning og Røneidsgrandane vil liggje på fylling ut i fjorden. Denne delen av vegen vil vera utsett for bølgjer og utvasking. Turvegen bør av den grunn ikkje leggjast nevneverdig lågare enn bilvegen i dette området. I tillegg er viktig å plastre godt mot fjorden for å hindre utvasking. Forventa havstigning i området er vurdert. Detaljprosjektering av vegen vil bestemme endeleg høgde, men vegen bør ikkje nokon stad liggja lågare enn kote 2. Ras Heile området må reknast som rasutsett. Spesielt rasutsett er området utanfor Røneidstunnelen. Det vert likevel vurdert som mindre farleg å ha ein turveg her enn at gåande/syklande beveger seg i sjølve tunnelen eller på fylkesvegen. Tunnelen er smal og ligg i sving heile vegen. Den vert rekna som ein av dei farlegaste i området. For å minske faren for gåande/syklande, må det informerast grundig om at turvegen utanfor tunnelen berre må nyttast dei tider av året då det er liten fare for ras. Det bør vurderast å kunna stengje vegen her aust og vinter med bom. Det er også viktig at det ikkje vert sett opp hus i det rasfarlege området. Unntaka er oppføring av naust. Hendingar på nærliggjande trafikkårer Turvegen går parallelt med fylkesvegen, slik at ulykker på denne vegen kan utgjere ei risiko for dei som brukar turvegen. Ved å bruke autovern slik som i dag, vil brukarar av turvegen vera tryggare. Tilkomst for utrykkingskøyretøy Området har god tilkomst for utrykkingskøyretøy frå begge endar. Tilkomst bil For å kunna vedlikehalda turvegen, er det viktig at den er køyrbar med mindre lastebil/traktor. Det er ikkje behov for å kunne køyre heile vegen samanhengande, men at det er råd å køyre inn frå begge endar og frå begge sider av tunnelen. Tilkomst gåande/syklande Det vert sett på som svært positivt å få gåande/syklande vekk frå køyrevegen og over på ein eigen turveg. I dag er bilvegen det einaste alternativet for mjuke trafikkantar. Strandsona Strandsona i Gaupne er i dag lite tilgjengeleg for ålmenta. Fylkesvegen og industriområder dannar ein barriere mot fjorden. Ein turveg langs fjorden vil gje både innbyggjarar og tilreisande lett tilgjenge til fjorden, noko som er eit stort pluss. Eigengodkjent Side: 24

25 Fjorden er kald, og det er ikkje særleg aktuelt med bading i området, men berre det å få kontakt med sjøen vert sett på som svært verdifullt. Det vert ikkje høve til å fylla meir ut i sjøen enn det som alt er gjort, med unntak av det som ein må fylla ut for å kunna byggje turvegen. Det er eit ynskje å få redusert to gamle fyllingar i området som ligg mellom kryss Marifjøra og den sørlege tunnelopninga. Naturmangfald Det er innhenta kunnskap om naturmiljø i naturbasen ( fylkesatlas ( og artskart ( I tillegg er det gjort fleire synfaringar i området av landskapsarkitekt frå Luster kommune. Området er vurdert etter paragrafane 8-12 i Naturmangfaldlova. 8. (kunnskapsgrunnlaget) Det er ikkje gjort funn av artar som er rekna som trua eller sårbare i raudlista innafor planområdet. Det er heller ikkje utvalde naturtypar eller prioriterte artar i planområdet. Bygging av turvegen vil truleg ikkje medføra særleg endring av naturmangfaldet då opprinneleg strandsone ikkje vert rørd og resten av området er tidlegare fylling. All eksisterande, naturleg strandsone i planområdet vert bevart. Det same vert spesielle naturformasjonar. I området er det registrert førekomst av oter og det er kryssing av hjort som skal ned til fjorden. Ein reknar ikkje med at ein turveg vil vera særleg til hinder for desse dyreslaga. 9. (føre-var-prinsippet) Turvegen vil medføra ei utviding av eksisterande fylling i eit lokalt viktig våtmarksområde. Samstundes vil den nye reguleringsplanen stadfeste bevaring av dette våtmarksområdet, ikkje utfylling slik gjeldande reguleringsplan for området viser. Det er viktig at inngrepa ved bygging av turvegen vert så små som råd er. 10. (økosystemtilnærming og samlet belastning) Ut over at gangvegen må leggjast som fylling på utsida av eksiterande fylling og det forhåpentlegvis vert fleire som går og syklar langs fjorden, vil det vera få endringar ut over eksisterande situasjon (kostnadene ved miljøforringelse skal bæres av tiltakshaver) Å hindre at miljøet vert skada eller øydelagt er viktig. Spesielt gjeld dette området mellom utfyllinga på Røneidsgrandane og til molo med naust. Her er det eit viktig våtmarksområde og turvegen vert difor lagt på plastra fylling for å begrensa inngrepa mest mogleg. 12. (miljøforsvarlige teknikker og driftsmetoder) Sjå 11. Kulturminne Ut frå den informasjonen ein har i dag om planområdet, er det ikkje automatisk freda kulturminne innafor planområdet. Når det gjeld kulturminne frå nyare tid vil turvegen medføre fjerning av eit naust. Det er viktig at den gamle grensesteinen mellom kommunane Luster og Hafslo vert bevart. Eigengodkjent Side: 25

26 Reguleringsføresegner 1 Avgrensing av planen: Det regulerte området er vist på planen med avgrensingslinje. Føresegnene gjeld for dette området. 2 Området er regulert til : 1: Bygningar og anlegg ( 12-5 nr. 1): Næringsbygningar 2: Samferdsle og teknisk infrastruktur ( 12-5 nr. 2): Køyreveg offentleg og privat Gang- og sykkelveg Turveg (vinterstengt, vert ikkje brøyta) Anna veggrunn tekniske anlegg (grøfter, skjering, støttemur) Anna veggrunn - grøntareal Kai 3: Grønstruktur ( 12-5 nr. 3): Friområde 4: Landbruks-, natur og friluftsføremål ( 12-5 nr. 5): Landbruksområde 3: Bruk og vern av sjø og vassdrag med tilhøyrande strandsone ( 12-5 nr. 6): Ferdsel Friluftsområde i sjø og vassdrag Uthus/naust/sjøbu 4: Omsynssone ( 12-6) : Faresoner: ( 11-8 a) Sone 1: Frisiktsone Sone 2 og 3: Rasfare Omsynsoner ( 11 8 c) Sone 4: Bevaring av naturmiljø våtmarksområde Sone 5: Bevaring av naturmiljø steinformasjon Sone 6: Omsyn friluftsliv - strand 3 Bygningar og anlegg 3.1 Næringsbygg a) Området er avsett til bygg for næring. Eigengodkjent Side: 26

27 b) Føresegnene for reguleringsplan Røneidsgrandane (plan ID ) skal framleis gjelde. 4 Samferdsleanlegg og teknisk infrastruktur 4.1 Køyreveg offentleg Området er avsett til køyreveg. 4.2 Køyreveg - privat a) Privat tilkomstveg til naustområdet. 4.4 Gang- og sykkelveg a) Området er avsett til gang og sykkelveg. Regulert breidde er 3 meter + skulder. Totalt 4,0 meter. b) Gang- og sykkelvegen skal ha eit dekke som gjer vegen tilgjengeleg for alle. 4.5 Turveg a) Området er avsett til turveg. Regulert breidde er 3 meter + skulder. Totalt 4,0 meter. b) Gang- og sykkelvegen skal ha eit dekke som gjer vegen tilgjengeleg for alle. c) Vegen vil vera steng i tider av året med ekstra stor rasfare og den vil ikkje verta vinterbrøyta. 4.6 Anna veggrunn tekniske anlegg a) Naudsynt areal til autovern, grøfter, skjering og støttemur. 4.7 Anna veggrunn grøntareal a) Område mellom turveg og fjorden. b) Området skal stellast slik at det er fint å sjå på både for dei som køyrer på bilvegen og dei som brukar turvegen. c) Enkelte stader skal det leggjast til rette for å kunne gå ned til sjøen. d) Der det er plass til det og området er eigna til det, kan det etablerast sitjeplassar mot sjøen. Eigengodkjent Side: 27

28 e) Der det er plass til det kan det etablerast grupper med større tre. Det må ikkje verta eit tettare vegetasjonsbelte enn at det er store område med fri sikt til sjøen. 4.8 Kai a) Privat kai 5 Grønstruktur 5.1 Friområde a) Innafor området kan området opparbeidast som eit offentleg friområde med aktivitetar som er naturleg å ha på eit slikt område. b) Vegetasjonen i området skal stellast slik at området er attraktivt både for dei som køyrer på bilvegen og for brukarar av turvegen. c) Området treng ikkje stellast parkmessig, men kan vera ein naturleg vegetasjonsskjerm mot industriområdet som vert stelt planmessig. d) Heile området vert rekna som rasfarleg og det kan ikkje førast opp bygningar for opphald eller lager innafor området. 5.2 Kombinert område grønstruktur a) Området skal vera tilgjengeleg for ålmenta. b) Eksisterande vegetasjon skal stellast slik at større tre får stå, mens kratt vert rydda. c) Der naturleg strandlinje er intakt, skal denne bevarast d) Fylling lengst nord i området kan fjernast og det kan her etablerast ny strandlinje som vist i planen. e) Innafor område vist med byggegrense, kan det førast opp eit naust med maks mønehøgde 4 meter 6 Bruk og vern av sjø og vassdrag 5.1 Ferdsle a) Det skal vera fri ferdsle i området. b) Området kan nyttast av båtar som skal til og frå kai og naust i området. c) Der det ikkje er til hinder for ferdsle, kan båtar leggjast ut i sjøen med bøye/anker. d) Eksisterande strandsone skal oppretthaldast. Det er ikkje høve til å fylla lenger ut i sjøen enn det som er vist på reguleringsplan. Eigengodkjent Side: 28

29 5.2 Friluftsområde i sjø og vassdrag a) Eksisterande strandsone skal oppretthaldast. Det er ikkje høve til å fylla lenger ut i sjøen enn det som er vist på reguleringsplan. b) Båtar kan leggjast ut i sjøen med bøye/anker i område som ikkje er vist i planen som omsynssone for vadefuglar. 5.3 Uthus / naust a) Innafor område vist med byggegrense, kan det førast opp naust med maks. mønehøgde 4 meter. b) Det kan opparbeidast parkeringsplassar i området og plass for lagring av båtar. 7 Omsynssoner 7.1 Sikrings-, støy- og faresoner a) Frisiktsone i kryss. Sone 1: Innafor frisiktsona skal det vera fri sikt ned til eit nivå av 0.5m over kjørebana i den offentlege vegen. Enkeltståande tre og stolpar kan stå innanfor ei frisiktsone, så lengje det ikkje er til fare for trafikken. b) Faresone ras Heile området er definert som rasfarleg, men det er to soner der er ein må ta spesielle omsyn til rasfaren. Sone 2: Rasfarleg område på Røneidsgrandane. Området er vist som rasfarleg i reguleringsplan for Røneidsgrandane. Innafor dette er det ikkje høve til å føre opp bygg for opphald eller lager. Sone 3: Rasfarleg område på utsida av Røneidstunnelen. Området er svært rasfarleg frå haust til vår. Turvegen som går på utsida av tunnelen bør ikkje brukast i denne tida og denne strekninga skal ikkje brøytast om vinteren. Det må setjast opp tydelege skilt som informerer om rasfarleg områda. Skilta skal stå på begge sider av tunnelen og må vera på fleire språk. 7.2 Omsynssoner a) Omsynsone - Bevaring naturmiljø Sone 4: Lokalt viktig område for vadefuglar Området ligg mellom utfyllinga på Røneidsgrandane og utfylt molo med naust. Ved bygging av turvegen er det viktig å skada dette området så lite som råd er ved å leggja vegen på mur eller bratt, plastra skråning. Eigengodkjent Side: 29

30 Sone 5: Steinformasjon med trigonometrisk punkt Dersom det er råd skal ein bevara denne steinformasjonen ved å leggja turvegen nærare bilvegen enn i resten av området. b) Omsynsone Omsyn friluftsliv Sone 6: Naturleg strand Strandområdet skal bevarast og det skal opparbeidast lett tilgjenge ned til stranda. Eigengodkjent Side: 30