SAKSFRAMLEGG. Sakshandsamar: Arne Ingjald Lerum Arkiv: 140 Arkivsaksnr.: 05/260 KOMMUNEPLANEN , GENERELL DEL. Formannskapet si tilråding:

Transkript

1 1 SAKSFRAMLEGG Sakshandsamar: Arne Ingjald Lerum Arkiv: 140 Arkivsaksnr.: 05/260 KOMMUNEPLANEN , GENERELL DEL. Formannskapet si tilråding: I samsvar med reglane i 20-5 i plan- og bygningslova, vedtek Luster kommune framlegg til kommuneplan generell del, datert , som kommuneplan for åra

2 2 Saksutgreiing: Prenta vedlegg: Planframlegg, datert Uprenta vedlegg: Innkomne merknader Protokoll over formannskapet si handsaming i møte den , sak 2/07 Samandrag: Framlegg til kommuneplan generell del, har lege ute til offentleg ettersyn og vore sendt over til 50 adressatar. Det er kome inn 5 fråsegner/merknader. Rådmannen foreslår, på bakgrunn av desse, å gjere nokre mindre endringar i planen. Utval som har vedtaksmynde: Formannskapet (kommuneplanuvalet) for det som gjeld handsaming av merknader, jf. reglane i 20-2 i plan- og bygningslova, og formannskapet sitt vedtak i møte , sak 0003/05. Kommunestyret for vedtak av planen. Fakta: Formannskapet (kommuneplannemnda), vedtok i møte , sak 0098/06, å leggje framlegg til kommuneplan for Luster, , generell del, ut til offentleg ettersyn. Utlegginga vart annonsert i Sogn Avis og på kommunen si heimeside Merknadsfristen var sett til Planframlegget vart lagt ut på 9 ulike stader i kommunen, og på heimesida. Det vart samtidig sendt til om lag 50 adressatar, dei fleste av desse er ulike organisasjonar i Luster. Det kom inn 5 innspel/merknader. Nedanfor følgjer eit samandrag av merknadene, med rådmannen sine kommentarar og tilrådingar. 1. Brev frå Sogndal kommune. Sogndal kommune har ikkje merknader til planframlegget. Formannskapet noterer seg innhaldet i brevet frå Sogndal kommune. 2. Brev av frå eldrerådet og rådet for funksjonshemma. Luster eldreråd og Kommunalt råd for funksjonshemma hadde saka føre på møte den , hhv. sak 0026/06 og 0020/06, og kjem med fylgjande uttale/merknader: Luster eldreråd og Kommunalt råd for funksjonshemma saknar delmål og tiltak for eldre/funksjonshemma i kommuneplanen for Dette må inn i planen som eige fokusområde, eller på annan høveleg plass i planen. Grunngjeving: Tal eldre/funksjonshemma er aukande og her må kommunen setja inn større ressursar for å fremja tiltak med å fylgja opp desse gruppene. Vi veit at mange eldre og funksjonshemma har store problem med einsemd, manglande aktivitet, sviktande helse m.m. Dette gjeld både i institusjonane, og ikkje minst, dei som bur heime så lenge som mogeleg. Aktuelle tiltak kan vera: Hjelp til aktivisering Auka heimehjelp Støtte til besøksteneste Betre tilrettelegging av transporttilbod

3 3 Kulturtiltak retta mot eldre og funksjonshemma Auka tilbod om støttekontakt Fokusering på sjukdommen demens På side 29 i framlegg til Kommuneplan, pkt. 5.1: Kultur og fritid Fakta, avsnitt Kultur som næring, aktuelle arrangement i dag er Kulturdagane på Skjolden utegløymd. På side 26 i framlegg til Kommuneplan, pkt. 4.2: Kommunesenter/bygdesenter Hovudmål står det under delmål generelt, 4. kulepunkt: Alle kommunale bygg osv..., skal ha tilgjenge for alle. Under tiltak generelt, 7. kulepunkt står det: Krav til universell utforming osv. Her bør det etter universell utforming også stå: (tilgjenge for alle), som ei forklaring på kva universell utforming er. Kommentarar: Etter reglane i 20-1 i plan- og bygningslova skal den langsiktige delen av kommuneplanen omfatte: 1. Mål og strategiar for utviklinga i kommunen 2. Retningslinjer for sektorane si verksemd 3. Arealdel Som det går fram av side 9 i plandokumentet, har kommunestyret vedteke at planen skal vere innretta mot 5 bestemte fokusområde som blir sett på som dei viktigaste for å utvikle kommunen vidare fram mot Kort sagt er det slik at det i dette kommuneplanarbeidet er lagt mest vekt på pkt. 1 ovanfor. Planen har såleis ei anna tematisk oppdeling enn det som er tradisjonelt, fokusområda samsvarer t.d. ikkje dei med ulike tenesteområda i kommunen. Delmål og tiltak i handlingsdelen er også i stor grad retta mot fokusområda (problemområda), medan andre tema/grupper i er handsama i mindre grad. Mål og tiltak innfor dei ulike fokusområda vil likevel gje dei ulike tenesteområda retningslinjer for arbeidet framover. Arealdelen blir handsama som eigen plan. Helse og omsorg er etter dette ikkje omtalt i eigne avsnitt, men spørsmål knytt til desse tema blir omtala i avsnitta som gjeld dei einskilde fokusområda. Dei fleste av måla og tiltaka Luster eldreråd og Kommunalt råd for funksjonshemma nemner, kan mest naturleg takast inn under fokusområdet Bu- og oppvekstvilkår. Delmål haldningar, helse og tryggleik og Tiltak, haldningar helse og tryggleik innan dette fokusområdet er meint å dekke alle grupper. Fleire av dei måla og tiltaka som er nemnde i avsnittet Kultur- og fritid gjeld alle. Funksjonshemma femner om ei vid gruppe, både i alder og interesser. Det må vere betre at desse får tilgang til kulturtiltak innan sitt interesseområde enn at det blir sett i verk eigne kulturtiltak for denne gruppa. Dette kan ein oppnå t.d. gjennom betre transporttilbod. Luster pensjonistlag m.fl. har alt i dag kulturarrangement retta mot eldre, desse blir støtta av kommunen på linje med andre. Rådmannen viser elles til budsjett for 2007/økonomiplan for , der fleire av dei tiltaka som er nemnde av Luster eldreråd og Kommunalt råd for funksjonshemma, er tekne med som overordna mål og/eller som arbeidsmål for At Kulturdagane i Skjolden har falle ut av lista over arrangement under Kultur som næring, aktuelle arrangement i dag skuldast ein feil. Tydinga av Universell utforming blir teken inn i teksten.

4 4 Under Delmål bumiljø vil rådmannen foreslå at det blir teke inn: Kommunen må bidra til at alle grupper kan vere sosialt aktive og nytte møtestader og kulturtilbod. Under Tiltak bumiljø blir det tilsvarande teke inn: Kommunen må bidra til å etablere betre transporttilbod for eldre og funksjonshemma. Det blir ikkje føreslege å endre noko for det som gjeld mål og tiltak under Kultur- og fritid. Kulturdagane i Skjolden blir tekne inn i lista over arrangement under Kultur som næring, aktuelle arrangement i dag. 3. Brev av frå A/L Parken v/leiar Einar Øvregard. A/L Parken vil påpeike at Parken i Gaupne bør omtalast som eit viktig anlegg i sommarhalvåret, både regionalt og lokalt. A/L Parken ber om det blir teke inn ein høvande omtale av Parken i kommuneplanen. Parken i Gaupne blir teken med i lista over under Regionale anlegg i faktadelen under Kultur- og fritid. 4. Brev av frå Fylkesmannen i Sogn og Fjordane. Hovudinntrykket er at planframlegget er ryddig og oversiktleg med ei generell innleiing og ein handlingsplan med handlingsark som listar opp mål og tiltak. Merknaden frå fylkesmannen tek for seg 4 ulike tema, temainndelinga samsvarer med inndeling i fagområda der fylkesmannen har regionalt forvaltningsansvar. Beredskap. Fylkesmannen oppmodar kommunen om å ta inn brannvern som spesielt samarbeidsområde under tema regionalt samarbeid. ROS-analyse, ( Risiko- og sårbarhetsanalyse ), er ein viktig føresetnad når kommunen skal leggje ut nye byggjeområde. For næringsareal er det m.a. viktig å ha eit medvite forhold til: - plassering av særskilde brannobjekt - transport og lagring av farlege stoff - forureining og støy - helse- og smittefare, t.d. kjøletårn - sikker straum- og teleforsyning For bustadareal må m.a. desse tema utgreiast: - fare for ras/skred/flaum/høg vasstand - avstand til forureinande verksemd og kraftlinjer - radonstråling Planen må sikre at bustader som blir bygde spreitt får sikker forsyning av godt drikkevatn og sikker straum- og teleforsyning. Helse og sosial. Luster kommune er ein av partnarskapskommunane for folkehelsearbeid. Tema som folkehelse, universell utforming (tilgjenge for alle) og barn og unge må få plass i kommuneplanarbeidet. Fylkesmannen saknar omtale av konkrete folkehelsetiltak i planframlegget. Det er positivt at det skal leggjast vekt på universell utforming i offentlege bygg og i bygg som det vert gjeve offentleg støtte til. Barnerepresentanten si rolle i kommunalt planarbeid bør dokumenterast i

5 5 planen. Ved utarbeiding av arealplanar må ein vurdere trongen for leikeplassar og gang- og sykkelvegar. Miljøvern Naturmiljø og forvaltning er ikkje valt ut som eige fokusområde i i planframlegget. Fylkesmannen oppmodar likevel kommunen om å synleggjere korleis omsyna til natur og miljø skal sikrast i arealplanlegginga. Dette er ikkje minst viktig i høve til satsinga på auka hyttebygging, næringsutvikling og naturbasert reiseliv. Det blir elles vist til fråsegna fylkesmannen gav i samband med at kommunen i april 2006 varsla oppstart av revisjon av arealdelen og la fram planprogram for dette revisjonsarbeidet. Landbruk Landbruk er ei viktig næring i Luster. Kommune er ein viktig aktør i bygdeutviklingsprosjekt og mobiliseringsprosessar i fleire av bygdene. Det er positivt at Luster kommune, som ein av dei få i fylket, yter eigne investeringstilskot til ulike tiltak innafor landbruksnæringa. Luster er ein stor produsent av bær, særleg industribær. Det bør nemnast i planen at det vil være ei utfordring å auke produksjonen av konsumbær i kommunen. Registrering av kjerneområde for landbruk og kulturlandskap vil vere viktig ved utarbeiding av arealdelen. Når det gjeld skogbruk, vil bygging av skogsvegar vere eit viktig tiltak for å auke hogstkvantumet, særleg av gran som er planta etter 2. verdskrigen. Kommentar: Som det går fram av side 9 i plandokumentet, har kommunestyret vedteke at planen skal vere innretta mot 5 bestemte fokusområde. Planen har såleis ei noko anna tematisk oppdeling enn det som er tradisjonelt, jf. det som er skrive i kommentaren til merknad nr. 2, frå Luster eldreråd og Kommunalt råd for funksjonshemma. Beredskap, helse- og sosial, miljøvern og landbruk er i samsvar med dette ikkje omtalt i eigne avsnitt, men spørsmål knytt til desse tema blir omtala i avsnitta som gjeld dei einskilde fokusområda. Beredskap. I planframlegget er det under Regionalt samarbeid - Tiltak offentlege sektor, teke inn følgjande kulepunkt: Utvide samarbeidet med Sogndal og Leikanger om spesielle tekniske tenester. Brannvern fell inn under det som her er nemnt under spesielle tekniske tenester. Dei andre punkta nemnde i avsnittet Beredskap gjeld tilhøve ein må ta omsyn til ved utarbeiding av arealplanar. Helse og sosial. Spørsmål knytt til dette temaet er handsama i fleire ulike avsnitt, særleg i avsnittet som gjeld Bu- og oppvekstvilkår, m.a. under Delmål, haldningar, helse og tryggleik. Barnerepresentanten, Erling Bjørnetun, har vore aktivt med i dette planarbeidet, på linje med andre i kommuneadministrasjonen. Miljøvern. Dette gjeld i første rekkje spørsmål knytt til arealbruk, jf. også innhaldet i merknaden frå fylkesmannen. Landbruk Det bør vere ei aktuelt delmål under å få auka produksjonen av konsumbær. Elles er dei andre tema fylkesmannen tek opp, alt handsama i planframlegget, jf. delmåla og tiltaka i avsnittet om

6 6 landbruk. Etablering av investeringstilskot er t.d. nemnt som eit aktuelt tiltak. Kommuneplanutvalet merkar seg innhaldet i brevet frå fylkesmannen. Dei delane av merknaden som gjelds arealbruk, vil bli nærare vurdert ved utarbeiding av arealdelen. Få auka produksjon av konsumbær blir teke inn som eit aktuelt tiltak under Landbruk. 5. Utskrift av møteboka til ungdommens kommunestyre. Ungdommen sitt kommunestyre i Luster (UK) hadde saka føre på møte den , sak 31/06, og kom med fylgjande uttale/merknad: 1) Ungdommens kommunestyre (UK) har merka seg at det manglar konkretisering av tiltak i avsnitt. 3.1: Bu og oppvekstvilkår Fakta, særleg for ungdom over 13 år. 2) UK har også merka seg at ungdom ikkje er eit eige satsingsfelt i kommuneplanen. 3) Det bør satsast på kunstgras der det ligg grusbane i Gaupne i dag. 4) Stor samlingsplass der mykje ungdom kan treffast om fleire forskjellige aktivitetar. Kommentar: Faktadelen omtalar situasjonen i dag. Mål og tiltak i framtida er handsama i eigne avsnitt. Når det gjeld satsingsfelt, blir vist til det som er skrive i kommentarane til merknadene 2 og 4 om inndeling av planen i fokusområde. Tiltak som også er retta mot ungdom, er omtalt innan fleire av desse fokusområda, spesielt innafor Bu og oppvekstvilkår og Kultur og fritid. Av tiltak for ungdom er det regionalt motorsportsenter som er prioritert i denne kommuneplanen. Luster kommune har ein eigen plan for utbygging av anlegg for idrett og friluftsliv. Det har til no ikkje vore aktuelt å prioritere kunstgrasbane i Gaupne i denne planen. Badeanlegg m/rom også for andre aktivitetar, kan truleg bli ein slik samlingsplass som er nemnt i pkt. 4 i merknaden frå ungdommens kommunestyre. Ønskje om aktuelle tilleggsaktivitetar bør konkretiserast nærare. Kommuneplanutvalet merkar seg innhaldet i vedtaket i ungdommens kommunestyre. Dato: Tore Eriksen Arne Ingjald Lerum rådmann -plansjef- Særutskrift skal sendast: m/kopi til: