MØTEINNKALLING SAKLISTE. Sak nr. Arkivsak nr. Tittel 27/11 11/785 KOMMUNESTYRE - OG FYLKESTINGVALET 2011 GODKJENNING AV VAL AV DET NYE KOMMUNESTYRET

Transkript

1 MØTEINNKALLING Utval: KOMMUNESTYRET Møtestad: Rådhuset : Tid: Varamedlemmer møter berre etter nærare innkalling SAKLISTE Sak nr. Arkivsak nr. Tittel 27/11 11/785 KOMMUNESTYRE - OG FYLKESTINGVALET 2011 GODKJENNING AV VAL AV DET NYE KOMMUNESTYRET 28/11 11/786 VAL AV FORMANNSKAP /11 11/787 VAL AV ORDFØRAR /11 11/791 VAL AV VARAORDFØRAR /11 11/792 VAL AV VALNEMND /11 11/794 VAL AV ADMINISTRASJONSUTVAL /11 11/795 VAL AV KLAGENEMND /11 11/793 VAL AV KONTROLLUTVAL /11 11/796 VAL AV UTVAL FOR OPPVEKST OG OMSORG /11 11/797 VAL AV UTVAL FOR PLAN OG UTVIKLING /11 11/799 VAL AV REPRESENTANTAR TIL ARBEIDSMILJØUTVAL

2 38/11 11/802 VAL AV REPRESENTANT TIL FYLKESMØTET I KS /11 11/803 VAL AV MEDLEM OG VARAMEDLEM TIL REPRESENTANTSKAPEN FOR SOGN OG FJORDANE REVISJON IKS /11 11/804 VAL AV MEDLEM OG VARAMEDLEM I REPRESENTANTSKAPEN FOR ALARMSENTRALEN SOGN OG FJORDANE IKS /11 11/805 VAL AV MEDLEM OG VARAMEDLEM TIL BEDRIFTSFORSAMLINGA I FIRDA BILLAG IKS /11 11/806 VAL AV MEDLEM OG VARAMEDLEM TIL REPRESENTANTSKAPEN I SIMAS IKS /11 11/807 VAL AV POLITISK REPRESENTANT OG VARAREPRESENTANT I VASSREGIONUTVALET /11 11/808 VAL AV REPRESENTANT OG VARA TIL REPRESENTANTSKAPEN TIL SYS-IKL IKS /11 11/678 TERTIALRAPPORT 2. TERTIALRAPPORT BUDSJETTREVISJON 46/11 11/659 Unntatt offentlig Ofl 13, fvl 13 SØKNAD OM LÅN 47/11 11/782 KRISESENTERTILBOD FRÅ FRAMLEGG TIL AVTALE OM INTERKOMMUNALT SAMARBEID YMSE Balestrand Einar Målsnes Ordførar

3 Sak 27/11 27/11 Kommunestyret Sakshandsamar: Ken Heine Bakke Arkiv: 014 Arkivsaknr.: 11/785 KOMMUNESTYRE - OG FYLKESTINGVALET 2011 GODKJENNING AV VAL AV DET NYE KOMMUNESTYRET Lovheimel: I.h.t. vallova 13-4 er det det nye kommunestyret som skal godkjenne valet. Valet kan kjennast ugyldig, dersom det er gjort feil som har innverknad på mandatfordelinga og som det ikkje er mogeleg å rette på annan måte enn ved omval.

4 Sak 28/11 28/11 Kommunestyret Arkivsaknr.: 11/786 VAL AV FORMANNSKAP Lovheimel: Kommunelova 8, 14, 35-38a. Formannskapet skal ha 5 medlemar, og medlemane og varamedlemane vert valde av kommunestyret for 4 år. Dei som er valbare og pliktige til å ta i mot val til formannskapet er medlemane i kommunestyret. Rett til å krevja seg friteken for val har den som har gjort teneste som medlem i formannskapet dei siste fire åra. Valet skal gjennomførast som forholdsval dersom minst ein medlem krev det. Alternativet til forholdsval er avtaleval. Dei nærare reglane for forholdsval og avtaleval går fram av kommunelova 36 38a. Val foregår på grunnlag av på førehand innleverte lister med framlegg til kandidatar. Parti eller grupperingar som er representert i det veljande organet kan berre levere eitt listeframlegg kvar. Lista kan innehalde inntil dobbelt så mange forskjellige namn som det skal veljast medlemar. Kandidatar frå eit parti eller ei gruppering kan berre førast opp på partiet eller grupperinga sitt listeframlegg, eller på ei fellesliste som går ut frå fleire parti eller grupperingar. Skal det veljast 4 medlemar eller fleire, skal kvart kjønn vere representert med minst 40 % blant dei kandidatane som er ført opp på den einskilde lista. Skal det veljast 2 eller 3 medlemar, skal begge kjønn vere representert. Ved val av folkevalde organ som etter lov berre skal vere sett saman av medlemar av kommunestyret, og ved val av arbeidsutval for folkevalde organ, skal desse reglane fylgjast så langt det er mogeleg. Listeframlegget skal vere underskrive av minst ein medlem av det partiet eller den grupperinga som set fram framlegget. Den som skriv under må vere medlem av det veljande

5 Sak 28/11 organet. Vert det gjort framlegg om kandidat som kan krevje seg friteken frå val, skal det vere innhenta samtykke frå denne. Ved valoppgjeret (forholdsval) vert medlemsplassane fordelt på listene i forhold til deira røystetal, ved bruk av delingstal 1, 2, 3, 4 osv. Har fleire lister same kvotient, går plassen til den av listene som har størst røystetal. Har dei same røystetal, vert valet avgjort ved loddtrekning. Døme: Divisjon med Valliste Røystetal Tal repr. Liste ,33 2,5 3 Liste , Liste ,5 1,00 0,75 1 Her får den fyrste lista 3 plassar, den andre lista 1 plass og den tredje lista 1 plass. Når det er avgjort kor mange medlemsplassar ei liste vil få, vert det gjennomført ei ny røysteoppteljing for lista sine kandidatar. Ein går då fram slik: Fyrst vert dei namna som står som nr 1 på røystesetlane talde. Den kandidaten som får flest røyster ved denne oppteljinga, er vald. Skal lista ha meir enn ein plass, tel ein deretter opp dei namna som står som nr 2 på røystesetlane. Den kandidaten som får flest røyster ved dei to oppteljingane, når ein ser bort frå den alt valde, er vald. På same måten held ein fram heilt til alle plassane lista skal ha er besett, med dei modifikasjonane som fylgjer av føresegnene om kjønnsrepresentasjon. Dersom fleire kandidatar har fått like mange røyster, er den vald som står fyrst i rekkefylgja på lista. Ved oppteljinga ser ein bort frå andre namn enn dei som står på den innleverte vallista. Viser det seg at eit kjønn etter denne framgangsmåten vil verte representert med mindre enn 40 % av medlemane frå ei liste som får 4 eller fleire medlemar, eller ikkje vert representert frå ei liste som får 2 eller 3 medlemar, rykkar kandidatar frå det underrepresenterte kjønnet så langt det er mogeleg opp på lista i det omfanget som er naudsynt for å oppnå slik balanse. Varamedlemar vert valde etter dei same reglane som for medlemar. Ved forholdsval skal kvar liste om mogeleg få så mange varamedlemar som den får medlemar, med tillegg av to. Reglane om avtaleval finst i kommunelova 38a, og inneber at det vert røysta over eit samla framlegg til medlemar på basis av avtale mellom partia. Eit slikt framlegg må i tilfelle vedtakast samrøystes. Ved avtaleval er det krav om kjønnsmessig balanse (så langt det er råd) blant dei valde medlemane, dvs at kravet om minst 40 % kjønnsrepresentasjon slår inn. Røystinga skjer skriftleg. Saka vert lagt direkte fram for kommunestyret til val.

6 Sak 29/11 29/11 Kommunestyret Arkivsaknr.: 11/787 VAL AV ORDFØRAR Lovheimel: Kommunelova 9, 35, 38 Kommunestyret skal velja ein av medlemane i formannskapet til ordførar. Den som har vore ordførar eller varaordførar dei siste fire åra kan nekte val. Framgangsmåten ved valet går fram av kommunelova 35 og 38. Valet vert halde som fleirtalsval. Ved valet kan kvar medlem i kommunestyret krevja skriftleg røysting. Den som har fått meir enn halvparten av dei gjevne røystene, er valt. Dersom ingen får eit slikt fleirtal, vert det halde ny røysting. Ved denne røystinga vert den valt som får flest røyster. Ved likt røystetal vert valet avgjort ved loddtrekning. Saka vert lagt direkte fram for kommunestyret til val.

7 Sak 30/11 30/11 Kommunestyret Arkivsaknr.: 11/791 VAL AV VARAORDFØRAR Lovheimel: Kommunelova 9, 35, 38 Kommunestyret skal velja ein av medlemane i formannskapet til varaordførar. Den som har vore ordførar eller varaordførar dei siste fire åra kan nekte val. Framgangsmåten ved valet går fram av kommunelova 35 og 38. Valet vert halde som fleirtalsval. Ved valet kan kvar medlem i kommunestyret krevja skriftleg røysting. Den som har fått meir enn halvparten av dei gjevne røystene, er valt. Dersom ingen får eit slikt fleirtal, vert det halde ny røysting. Ved denne røystinga vert den valt som får flest røyster. Ved likt røystetal vert valet avgjort ved loddtrekning. Saka vert lagt direkte fram for kommunestyret til val.

8 Sak 31/11 31/11 Kommunestyret Arkivsaknr.: 11/792 VAL AV VALNEMND Lovheimel: Valnemnda gjer tilråding til kommunestyret i saker om val til politiske utval og kommunale representanter i nemnder, styrer og råd. I inneverande periode har valnemnda vore samansett av medlemmene i formannskapet. I førre periode var valnemnda samansett av medlemmane i formannskapet og ein representant frå det partiet som ikkje var representert i formannskapet. Saka vert lagt fram for kommunestyret til val.

9 Sak 32/11 1/11 Valnemnd /11 Kommunestyret Arkivsaknr.: 11/794 VAL AV ADMINISTRASJONSUTVAL Lovheimel: Kommunelova 25, 14, 35, 36, 37, 38a Alle kommunar skal i.h.t. kommunelova 25 ha eitt eller fleire partssamansette utval administrasjonsutval for handsaming av saker som gjeld forholdet mellom kommunen som arbeidsgjevar og dei tilsette. Administrasjonsutval kan erstattast av andre ordningar dersom dette får tilslutning frå minst ¾ av dei tilsette. Administrasjonsutvalet skal vera sett saman av representantar for kommunen og dei tilsette. Dei tilsette sine representantar skal veljast av og blant dei tilsette for to år om gongen. Fleirtalet i utvalet skal bestå av representantar for kommunen. Kommunestyret vel representantar sjølv og leiar og nestleiar blant desse. Kven som er valbar og pliktig til å ta i mot val går fram av vallova 14. Desse reglane gjeld og for dei tilsette sine representantar, med unnatak av bustadskravet. Forøvrig gjeld dei same reglane som for andre faste utval. I Balestrand kommune er det vedteke at administrasjonsutvalet skal ha 7 medlemar. Utvalet skal ha 5 politiske medlemar, og varamedlemar for desse, som skal vera personidentiske med formannskapet og varamedlemane til formannskapet. Valet av dei 2 representantane for dei tilsette og deira varamedlemar vert gjort av dei tilsette.

10 Sak 33/11 2/11 Valnemnd /11 Kommunestyret Arkivsaknr.: 11/795 VAL AV KLAGENEMND Lovheimel: Kommunelova 14, 35-38a Forvaltningslova 28 Etter forvaltningslova 28 er kommunestyret klageinstans for einskildvedtak gjort av forvaltningsorgan oppretta i medhald av kommunelova. Kommunestyret kan opprette ei eller fleire særskilte klagenemnder. I Balestrand kommune er det vedteke at ein skal ha ei klagenemnd som skal vera personidentisk med formannskapet. M.o.t. kven som er valbare og framgangsmåten ved val, gjeld dei same reglane som for andre faste utval.

11 Sak 34/11 3/11 Valnemnd /11 Kommunestyret Arkivsaknr.: 11/793 VAL AV KONTROLLUTVAL Lovheimel: Kommunelova 77, 35-38a. Forskrift om kontrollutval Etter kommunelova 77 skal kommunestyret velje eit kontrollutval til å ta seg av det løpande tilsynet med den kommunale forvaltninga på sine vegner. Utelukka frå val er ordførar, varaordførar, medlemar og varamedlemar i formannskapet, medlemar og varamedlemar i kommunal nemnd med avgjerdsmynde, medlem av kommuneråd og tilsette i kommunen. Kontrollutvalet skal ha minst 3 medlemar. Valet av medlemar skal skje etter dei same reglane som for faste utval. Dette inneber at valet vert halde som forholdsval når minst ein medlem i kommunestyret krev det, og elles som avtaleval. Sjå elles kommunelova 35-38a. Valet vert gjennomført ved skriftleg røysting. Ved likt røystetal vert valet avgjort ved loddtrekning. Minst ein medlem skal veljast blant medlemane i kommunestyret. Kommunestyret skal velja leiar og nestleiar i kontrollutvalet.

12 Sak 35/11 4/11 Valnemnd /11 Kommunestyret Arkivsaknr.: 11/796 VAL AV UTVAL FOR OPPVEKST OG OMSORG Lovheimel: Kommunelova 10, 35 38a Etter politisk organisering vedteken i kommunestyret den (sak K 98/0073), skal det for kvar valperiode veljast eit utval for oppvekst og omsorg. Utvalet skal ha 5 medlemar, og er å sjå på som eit fast utval etter kommunelova 10. Etter kommunelova 10 er det kommunestyret som skal velje medlemar og varamedlemar til faste utval. Blant medlemane vel kommunestyret leiar og nestleiar. Kven som er valbare og pliktige til å ta i mot val, går fram av kommunelova 14. Utelukka frå val er administrasjonssjefen, leiar av forvaltningsgrein, den rekneskapsansvarlege i kommunen og tilsette i revisjonen. Det same gjeld den som har tapt sin røysterett. Rett til å krevje seg friteken for val har den som har gjort teneste som medlem av vedkomande organ dei siste 4 åra. Framgangsmåten ved valet fylgjer av kommunelova 35 38a. Val av medlemar og varamedlemar i faste utval vert halde som forholdsval når minst ein medlem i kommunestyret krev det, og elles som avtaleval. Røystinga er skriftleg. Ved likt røystetal vert valet avgjort ved loddtrekning. Val av leiar og nestleiar vert halde som fleirtalsval. Kvar medlem i kommunestyret kan krevje skriftleg val.

13 Sak 35/11 Når det gjeld kjønnsrepresentasjon, skal kvart kjønn vere representert med minst 40 % av kandidatane på den einskilde lista ved forholdsval, og det finst nærare reglar om framgangsmåte ved valoppgjeret for å sikre ein viss kjønnsrepresentasjon. Ved avtaleval skal kvart kjønn vere representert med minst 40 % blant dei som vert valde. Desse reglane er ufråvikelege, fordi det etter lovverket ikkje er krav om at faste utval skal vere sett saman av kommunestyremedlemar. Varamedlemar vert valde etter dei same reglane som for medlemar. Ved forholdsval skal kvar liste om mogeleg få så mange varamedlemar som den får medlemar, med tillegg av to. Ved avtaleval er det ingen reglar om kor mange varamedlemar som skal eller kan veljast.

14 Sak 36/11 5/11 Valnemnd /11 Kommunestyret Arkivsaknr.: 11/797 VAL AV UTVAL FOR PLAN OG UTVIKLING Lovheimel: Kommunelova 10, 35 38a Etter politisk organisering vedteken i kommunestyret den (sak K 98/0073), skal det for kvar valperiode veljast eit utval for plan og utvikling. Utvalet skal ha 5 medlemar, og er å sjå på som eit fast utval etter kommunelova 10. Etter kommunelova 10 er det kommunestyret som skal velje medlemar og varamedlemar til faste utval. Blant medlemane vel kommunestyret leiar og nestleiar. Kven som er valbare og pliktige til å ta i mot val, går fram av kommunelova 14. Utelukka frå val er administrasjonssjefen, leiar av forvaltningsgrein, den rekneskapsansvarlege i kommunen og tilsette i revisjonen. Det same gjeld den som har tapt sin røysterett. Rett til å krevje seg friteken for val har den som har gjort teneste som medlem av vedkomande organ dei siste 4 åra. Framgangsmåten ved valet fylgjer av kommunelova 35 38a. Val av medlemar og varamedlemar i faste utval vert halde som forholdsval når minst ein medlem i kommunestyret krev det, og elles som avtaleval. Røytinga skjer skriftleg. Ved likt røystetal vert valet avgjort ved loddtrekning. Val av leiar og nestleiar vert halde som fleirtalsval. Kvar medlem i kommunestyret kan krevje skriftleg røysting.

15 Sak 36/11 Når det gjeld kjønnsrepresentasjon, skal kvart kjønn vere representert med minst 40 % av kandidatane på den einskilde lista ved forholdsval, og det finst nærare reglar om framgangsmåte ved valoppgjeret for å sikre ein viss kjønnsrepresentasjon. Ved avtaleval skal kvart kjønn vere representert med minst 40 % blant dei som vert valde. Desse reglane er ufråvikelege, fordi det etter lovverket ikkje er krav om at faste utval skal vere sett saman av kommunestyremedlemar. Varamedlemar vert valde etter dei same reglane som for medlemar. Ved forholdsval skal kvar liste om mogeleg få så mange varamedlemar som den får medlemar, med tillegg av to. Ved avtaleval er det ingen reglar om kor mange varamedlemar som skal eller kan veljast.

16 Sak 37/11 6/11 Valnemnd /11 Kommunestyret Arkivsaknr.: 11/799 VAL AV REPRESENTANTAR TIL ARBEIDSMILJØUTVAL Lovheimel: Arbeidsmiljølova 7 Forskrift om verneombod og arbeidsmiljøutval Arbeidsmiljøutvalet er lovpålagd etter arbeidsmiljølova 7. Arbeidsgjevar, arbeidstakarar og bedriftshelsetenesta skal vera representert i utvalet. Arbeidsgjevar og arbeidstakarar skal ha like mange representantar. Leiaren for utvalet vert valt vekselvis av arbeidsgjevaren sine representantar og arbeidstakarane sine representantar. Representantar for bedriftshelsetenesta har ikkje stemmerett i utvalet. Arbeidsmiljøutvalet skal virke for gjennomføring av eit fullt forsvarleg arbeidsmiljø i verksemda. Utvalet skal delta i planlegginga av verne- og miljøarbeidet, og nøye fylgja utviklinga i spørsmål som vedkjem arbeidstakarane si tryggleik, helse og velferd.

17 Sak 38/11 7/11 Valnemnd /11 Kommunestyret Arkivsaknr.: 11/802 VAL AV REPRESENTANT TIL FYLKESMØTET I KS Lovheimel: Vedtekter for KS Etter 12 i Kommunenes Sentralforbund sine vedtekter skal kommunane sine representantar veljast av dei faste kommunestyrerepresentantane. Kommunar med mindre enn 5000 innbyggjarar skal velje ein representant. Det heiter vidare i vedtektene at det er ordføraren som bør veljast. Valet gjeld heile valperioden.

18 Sak 39/11 8/11 Valnemnd /11 Kommunestyret Arkivsaknr.: 11/803 VAL AV MEDLEM OG VARAMEDLEM TIL REPRESENTANTSKAPEN FOR SOGN OG FJORDANE REVISJON IKS Lovheimel: Balestrand kommune er medeiger i Sogn og Fjordane Revisjon IKS, og skal velje ein medlem og ein varamedlem til representantskapen i selskapet.

19 Sak 40/11 9/11 Valnemnd /11 Kommunestyret Arkivsaknr.: 11/804 VAL AV MEDLEM OG VARAMEDLEM I REPRESENTANTSKAPEN FOR ALARMSENTRALEN SOGN OG FJORDANE IKS Lovheimel: Balestrand kommune er medeigar i selskapet Alarmsentralen Sogn og Fjordane IKS, og skal velje ein medlem og ein varamedlem til representantskapen i selskapet for perioden

20 Sak 41/11 10/11 Valnemnd /11 Kommunestyret Arkivsaknr.: 11/805 VAL AV MEDLEM OG VARAMEDLEM TIL BEDRIFTSFORSAMLINGA I FIRDA BILLAG IKS Lovheimel: Balestrand kommune er medeigar i selskapet Firda Billag IKS, og skal velje medlem og varamedlem til representantskapen i selskapet.

21 Sak 42/11 11/11 Valnemnd /11 Kommunestyret Arkivsaknr.: 11/806 VAL AV MEDLEM OG VARAMEDLEM TIL REPRESENTANTSKAPEN I SIMAS IKS Lovheimel: Balestrand kommune er medeigar i selskapet Simas IKS, og skal velje medlem og varamedlem til representantskapen i selskapet.

22 Sak 43/11 12/11 Valnemnd /11 Kommunestyret Arkivsaknr.: 11/807 VAL AV POLITISK REPRESENTANT OG VARAREPRESENTANT I VASSREGIONUTVALET Lovheimel: Balestrand kommune er medlem i Vassregionutvalet for Ytre Sogn vassområde, og skal velje politisk representant og vararepresentant til dette.

23 Sak 44/11 13/11 Valnemnd /11 Kommunestyret Arkivsaknr.: 11/808 VAL AV REPRESENTANT OG VARA TIL REPRESENTANTSKAPEN TIL SYS-IKL IKS Lovheimel: Balestrand kommune er medeigar i det interkommunale selskapet SYS-IKL. Kommunen skal velje politisk representant og varamedlem til dette selskapet.

24 Sak 45/11 15/11 Utval for oppvekst og omsorg /11 Utval for plan og utvikling /11 Formannskapet /11 Kommunestyret Sakshandsamar: Svein Feidje Arkiv: 153 Arkivsaknr.: 11/678 TERTIALRAPPORT 2. TERTIALRAPPORT BUDSJETTREVISJON Tertialrapport 2 Hovudbokutskrift Lovheimel: Kommunelova %% 44 og 45 Det skal leggast fram rapport om rekneskapen i høve til budsjett og om den kommunale verksenda etter 1. og 2. tertial. I samband med tertialrapporten skal ein vurdera trongen for budsjettendringar. Det vert då i hovudsak lagt vekt på budsjettendringar som ligg utanfor det mynde og det høvet administrasjonen og utvala har til å omdisponera innanfor dei ulike budsjettansvarsområda. Rapporten vil vera konsentrert om dei viktigaste avvika og tiltaka. Alle tal med negativt forteikn inneber inntekt/innsparing, medan alle tal med positivt forteikn representerer utgift/meirforbruk. Som det går fram av vedlagte tertialrapport, ser ein at det blir vanskeleg å balansere rekneskapen for Den største utfordringa er at pris på sal av kraft som vedkjem heimfallsordninga har falle til eit nivå som er det lågaste på mange år. I tillegg spesielle utfordringar innan ansvar 120 (Rådmann/fellestenestene), 200 (Oppvekstkontoret), 211 (Fjortun oppvekstsenter), 271 (Helsestasjon), (Pleie- og omsorg, 296 (NAV) og 800 (Heimallsintekter).

25 Sak 45/11 Rapport etter 2. tertial 2011 viser ein underbalanse i framskrive rekneskap drift i høve til budsjett med kr i samsvar med oppstilling under. Drift: 120 Rådmann/fellestenester Oppvekstkontoret Fjordtun oppvekstsenter Helsestasjon Pleie- og omsorg NAV Heimfallsinntekter Disposisjonsfond Udekka meirforbruk Investeringar Ein har ikkje funne rom for ein grundig gjennomgang av status for investeringsprosjekt Ein er likevel kjend med at det er ein auka kostand i høve budsjett på prosjekt ombygging av ekspedisjon med kr Det vil og komma ein ekstra kostand utanom IKT-plan for ny modul knytt til SATS (skuleprogram) som fylgje av BLLS-samarbeid. Det er og varsla at det kan bli ein meirkostand i høve til prosjektet som no er på gang ved Sagatun skule. Korleis ein skal finansiera desse kostnadene må ein ta stilling til ved å prioritera blant allereie budsjetterte prosjekt og må bli ein del av budsjettprosessen for Saka vert lagt fram utan tilråding. Handsaming: Utval for oppvekst og omsorg : Tertialrapporten 2. vart gjennomgått og drøfta i utvalet Tilråding: Tertialrapport 2. vert teke til orientering Samrøystes

26 Sak 45/11 Handsaming: Utval for plan og utvikling : Utvalet kom samla fram til følgjande vedtak Tilråding: Utvalet tek tertialrapporten og budsjettrevisjonen til etterretning. Samrøystes (4 av 4).. Handsaming: Formannskapet : Formannskapet kom samla fram til følgjande vedtak. Tilråding: Tertialrapport og budsjettrevisjon for andre tertial vert teke til orientering. Udekka underskot skal dekkast inn innanfor budsjettet Samrøystes.

27 Sak 46/11 40/11 Formannskapet /11 Kommunestyret Sakshandsamar: Johannes Sjøtun Arkiv: 223 U64 Arkivsaknr.: 11/659 Unntatt offentlig Ofl 13, fvl 13 SØKNAD OM LÅN

28 Sak 47/11 47/11 Kommunestyret Sakshandsamar: Vigdis Sæterbø Arkivsaknr.: 11/782 Arkiv: 026 H43 KRISESENTERTILBOD FRÅ FRAMLEGG TIL AVTALE OM INTERKOMMUNALT SAMARBEID 1. Rapport frå KS arbeidsgruppe : Krisesentertilbodet i Sogn og Fjordane frå 2012 Lov om kommunale krisesentertilbod, med verknad frå 1. januar 2010, lovfestar for første gong at kommunane skal ha eit krisesentertilbod. Føremålet med lova er å sikre eit godt og heilskapleg krisesentertilbod til kvinner, menn og born som er utsette for vald, eller truslar om vald, i nære relasjonar. Denne saka gjeld interkommunalt samarbeid om krisesentertenester frå Det vert foreslått å inngå ein samarbeidsavtale med Flora kommune om kjøp av tenester innanfor ramma av eit administrativt vertskommunesamarbeid etter kommunelova 28. Lovheimel: Lov om kommunale krisesentertilbod ( sjå side 15 i vedlagte rapport) Kommunalt ansvar for krisesentertenester Lov om kommunale krisesentertilbod (krisesenterlova, Ot.prp. nr. 96), med verknad frå 1. januar 2010, lovfestar for første gong at kommunane skal ha eit krisesentertilbod. Føremålet med lova er å sikre eit godt og heilskapleg krisesentertilbod til kvinner, menn og born som er utsette for vald, eller truslar om vald, i nære relasjonar. Det er såleis eit kommunalt ansvar å sørgje for krisesentertenester til sine innbyggjarar. Kommunane kan løyse denne oppgåva åleine eller gå saman om å etablere ei tenleg løysing. For året 2010 og 2011 har kvar kommune i fylket kjøpt tenester direkte frå Stiftelsen Krisesenteret i Sogn og Fjordane.

29 Sak 47/11 Denne saka gjeld interkommunalt samarbeid om kjøp av tenester frå 2012 og framover. Utgreiing og tilråding frå KS Sogn og Fjordane KS i Sogn og Fjordane nedsette i 2010 ei arbeidsgruppe for å sjå nærare på korleis krisesentertilbodet i fylket kunne byggjast opp på ein tenleg måte for kommunane. Denne arbeidsgruppa kom med ein hovudrapport og ein tilleggsrapport (vedlagt). Tilleggsrapporten vart handsama i KS Fylkesstyret og styret vedtok følgjande tilråding til kommunane i fylket: Fylkesstyret i KS sluttar seg til framlegg frå arbeidsgruppa vedrørande krisesentertilbod i Sogn og Fjordane frå 2012, og tilrår at utgreiinga vert sendt kommunane etter føregåande handsaming og framdriftsplan nemnd i pkt. 6 i rapporten, med tilråding om å slutte seg til ordninga i samsvar med følgjande kriterier: Krisesentertilbodet til kommunane i Sogn og Fjordane skal ha utgangspunkt i eitt krisesenter med døgntilbod og ambulerande dagtilbod i regionar med lang reisetid til døgnbase. Krisesentertilbodet i Sogn og Fjordane skal ha døgnbase i Florø og ambulerande dagtilbod/samtaletilbod i indre Nordfjord og Sogn. Krisesentertilbodet i Sogn og Fjordane vert organiserast som eit interkommunalt samarbeid etter vertskommunemodellen i kommunelova 28 Administrativt vertskommunesamarbeid. Deltakande kommunar inngår samarbeidsavtale med vertskommunen. Som del av samarbeidsavtalen vert det etablert eit samarbeidsutval med 5 representantar, 1 frå Nordfjord, 1 frå Sogn, 1 frå Sunnfjord, 1 frå HAFS og 1 frå vertskommunen. Leiar for krisesenter har møte og uttalerett i utvalet. Vertskommunen er sekretariat for utvalet. Deltakande kommunar ber Flora kommune om å ta på seg ansvaret som vertskommune for drift av eit interkommunalt krisesentertilbod. Flora kommune avgjer om dei vil drifte tiltaket i eigen regi eller kjøpe tenestene. Dersom kommunen vel å kjøpe tenester vil ein rå til at dette skjer ved anbodskonkurranse mellom ideelle organisasjonar. Fordeling av kostnader mellom kommunane skal skje med grunnlag i totalbudsjett fordelt på kvar deltakande kommune i høve del av samla indeks for rammetilskot. Gjeldande avtale mellom kommunane og Stiftelsen Krisesenteret i Sogn og fjordane vert vidareført inntil ny avtale med grunnlag i vertskommunemodell trer i kraft.

30 Sak 47/11 Framdriftsplanen i pkt. 6 legg opp til at kommunane i fylket skal ha handsama saka før 15 november Nærare om vertskommunemodell som samarbeidsmåte og samarbeidsavtalen. Kommunane kan inngå eit samarbeid med ein vertskommune for drift av eit krisesenter etter kommunelova 28 a). Samarbeidskommunen kan då avtale med ein vertskommune at denne skal utføre oppgåver og treffe avgjerder etter delegert mynde frå samarbeidskommunen. I eit administrativt vertskommunesamarbeid gjev kommunestyret i den einskilde kommune instruks til eigen administrasjonssjef om delegasjon til administrasjonssjefen i vertskommunen. Til grunn for eit vertskommunesamarbeid skal det liggje føre ein samarbeidsavtale i samsvar med vilkåra i kommunelova 28 e. Samarbeidsavtalen skal mellom anna omhandle kven som er deltakarar i samarbeidet, kven av desse som er vertskommune og kva for oppgåver som skal løysast i dette samarbeidet. Økonomisk oppgjer og uttreden/avvikling av samarbeidet skal og vere regulert. Meir informasjon om denne samarbeidsmodellen og samarbeidsavtalen er å finne i vedlagte rapport. Framlegg til samarbeidsavtale er på side 17 i rapporten. Økonomiske konsekvensar for kommunen Utgangspunktet for KS si tilråding til kostnadsfordeling mellom kommunane er at den skal gjerast med grunnlag i same prinsipp som i 2011, dvs. at totalbudsjett for krisesentertilbodet vert fordelt kvart år med grunnlag i indeks for rammetilskot i statsbudsjett ( sjå meir om dette på side 10 i vedlagte rapport) Grunnlaget for perioden vil då vere kr kr (adm.kostnader vertskommune) + løns og prisvekst i samsvar med berekning for kommunane i årlege statsbudsjett. Dette fordelingsprinsippet gav følgjande utslag for den einskilde kommune i 2011: KRISESENTERET I SOGN OG FJORDANE Framlegg til tilskott 2011 Folketal Indeks rammetilskott Tilskott

31 140 1 FLORA , GULEN , SOLUND 867 0, HYLLESTAD , HØYANGER , VIK , BALESTRAND , LEIKANGER , SOGNDAL , AURLAND , LÆRDAL , ÅRDAL , LUSTER , ASKVOLL , FJALER , GAULAR , JØLSTER , FØRDE , NAUSTDAL , BREMANGER , VÅGSØY , SELJE , EID , HORNINDAL , GLOPPEN , STRYN , Sak 47/11

32 Sak 47/ , For 2012 vil vertskommunen kome tilbake til kommunane med ei endeleg berekning når tilslutning til samarbeidet er klårlagt frå kommunane i fylket og vertskommunen har inngått avtale med driftsoperatør. Vurdering: Rådmannen vurderer det slik at dette er ein tenleg modell for kommunen for å ivareta oppgåvene etter Lov om kommunale krisesentertilbod. Vår kommune er ikkje stor nok til at det er fornuftig å drifte eit slikt tilbod åleine. Løysinga må då vere å inngå eit samarbeid med andre for å få til dette tilbodet til våre innbyggjarar. Krisesentertilbodet skal vere eit lågterskeltilbod der det ikkje skal gjerast einskildvedtak og kontakten mellom innbyggjar og teneste skal kunne skje direkte. Derfor meiner rådmannen at ein administrativ vertskommunemodell kan vere tenleg. Vertskommunen vil då på vegne av samarbeidskommunane ha ansvaret for å syte for eit tilbod i samsvar med lovverk og avtale. Det økonomiske oppgjeret mellom kommunane bør ta utgangspunkt i dei midlar kommunane får overført frå staten til formålet. Samarbeidsmodellen frå KS opp til ei slik fordeling. Under føresetnad av at totalkostnaden som skal fordelast ikkje vert vesentleg høgre enn kostnaden i 2011, tillagt løns-/prisvekst og administrasjonstilskot til vertskommune, meiner rådmannen at dette er ei økonomisk gunstig løysing for kommunen for å oppfylle lovkrava til tenestetilbod. Rådmannen vil med grunnlag i desse vurderingane rå kommunestyret til å vedta samarbeidsavtalen og delegere mynde til rådmannen, som vil delegere vidare til rådmannen i vertskommunen i samsvar med samarbeidsavtalen. 1. Kommunestyret i Balestrand kommune vedtek framlegg til samarbeidsavtale med Flora kommune om kjøp av Krisesentertenester for perioden Samarbeidet skal skje etter 28 b Administrativt vertskommunesamarbeid. 2. Kommunestyret i Balestrand. kommune delegerer med dette mynde til administrasjonssjefen til å ivareta kommunen sine oppgåver etter Lov om kommunale krisesentertilbod. 3. Kommunestyret ber om at administrasjonssjefen delegerer denne mynde vidare til administrasjonssjefen i Flora kommune som er vertskommune for tilbodet. Delegasjon av mynde skal gjerast innanfor ramma av vedteken samarbeidsavtale.