VINTERDALEN BARNEHAGE Årsplan Uteliv. Vi vil leke mer! Fokus: Årstema:

Transkript

1 VINTERDALEN BARNEHAGE Årsplan Fokus: Uteliv Årstema: Vi vil leke mer!

2 FORORD Helse Bergen HF eig og driv 4 barnehagar som vert nytta til rekruttering av nøkkelpersonell og for å sikre stabil arbeidskraft i Helse Bergen HF. Barnehagane vert drivne i samsvar med «Lov om barnehagar» med føreskrifter. I følgje lova skal kvar barnehage utarbeide ein årsplan som gir opplysningar om barnehagen sitt arbeid. Årsplanen er ein viktig arbeidsreiskap for personalet og den gir informasjon til føresette, eigar og andre interesserte. Kunnskapsdepartementet har fastsett ny rammeplan for barnehagen sitt innhald og oppgåver. Rammeplanen trådde i kraft 1. august Den legg stor vekt på barna si medverking og i samsvar med dette har barnehagane i Helse Bergen valt prosjektarbeidet «Barna si medverking» i perioden Inger Johanne Klausen Barnehagesjef

3 VINTERDALEN BARNEHAGE HAR FOKUS PÅ UTELIV Vinterdalen barnehage ligg fantastisk flott til «midt i naturen». Leikeplassen vår er naturleg kupert og byr på varierte utfordringar for barna. Vi har to grillhytter i barnehagen. Går du gjennom porten ovanfor barnehagen, kjem du rett ut i skogen! Her finn du lavvoområdet vårt med naturleikeplass, gapahuk og bålplass. Dette er ein flott arena for motorisk utfalding i tillegg til at barna blir kjent med naturen sitt mangfald og moglegheiter. Vinterdalen er og eit godt utgangspunkt for mange fine turar. Vi ønsker å gi barna gode opplevingar ved å ferdast i naturen. Gjennom eit aktivt uteliv vil vi gi rom for leik, undring, glede, meistring og bruk av fantasien. Hos oss får barna: Oppleve naturen som leikeplass Lære å bli glad i naturen Oppleve at vi tek pedagogikken med ut i det fri Være ute i all slags vær Oppleve stemningsfulle måltid ute rundt bålet Være med på matlaging over open eld og på stormkjøkken Barn som har fått leike og utvikle leiken sin klarar livet sine utfordringar betre!

4 EVALUERING AV ÅRSTEMAET I Mål: Korleis kan vi sjå om barna har utvikla leikekompetanse? Med satsingsområdet «Vi vil leike» har vi arbeida med leikekompetanse på ulike måtar gjennom heile året. Vi har observert at leiken har vore prega av lyst, gitt mykje glede, stimulert og interessert barna. Leiken har hatt ei sentral betyding for språkutvikling, læring og sosial kompetanse. Den har og engasjert og motivert barna. Veslefrikk, Ole Brumm og Fjellfina (aldersgruppe 1 3 år) Dei små barna sin leik er først og fremst sansemotorisk- eller funksjonsleik. 2-åringane begynte med parallelleik, der vi såg begynnande samspel og deling. Etter kvart utvida barna leiken og dei yngste herma etter dei eldre. Konstruksjonsleiken arta seg som eksperimentering med gjenstandar, bygging med treklossar, duplo eller liknande. Etter kvart har vi sett ein begynnande rolleleik der dei brukte små rekvisittar i leiken. Askeladden og Tyrihans (aldersgruppa 3-6 år) Avdelingane har hatt fokus på parallell-, rolle- og skapande leik. Tid og rom for den frie leiken har blitt lagt vekt på. Rolleleiken ga barna ei eller fleire roller, ofte med fleire barn i samspel. Vi såg at rolleleiken som dei kallar «på liksom» vart ein fristad for oppfinnsame og magiske stunder. Barna skapte ein slags orden og struktur med reglar i leiken. I nokre rolleleikar fekk barna tildelt roller og forklaring på kva dei skulle gjere. Nokre gongar vart det endringar som eit ledd i utviklinga av leiken. Dei yngste barna vart og inkludert. Vaksenrolla Vi vaksne har vore til stades i «her og no» situasjonar og vore medvetne på kor viktig leiken er. Vi har sett at leiken har gitt barna kunnskap, moglegheit til utforsking og erfaringar med konflikthandtering. Dette har igjen bidrege til større sjølvtillit og utvikling av sosial kompetanse.

5 ÅRSTEMA «VI VIL LEIKE MEIR!» Leiken er barna sin viktigaste aktivitet. Barna leikar for leiken si skuld. Den gir glede, opplevingar og den er ein viktig arena for vennskap. Men leik er og mykje meir. Leiken er sentral i barnet si utvikling når det gjeld kjensler, tenking og sosial kompetanse. I leik og samhandling med andre barn tileignar dei seg ein samansett kompetanse der alle dei grunnleggande sosiale ferdigheitene inngår. Sist barnehageår dykka vi ned i denne fantastiske verda av magi, fantasi og læring gjennom årstemaet «vi vil leike!». Vi møtte barna på deira heimebane og det vart eit innhaldsrikt og utviklande år for både små og store. «Det er i leken barn lærer språk kutt ut språkprogrammene og la barna leke i stedet!» sier professor Anne Greve. Med dette som utgangspunkt ønsker vi å leike endå meir for å løfte den språklege utviklinga. Språket utviklar seg i leiken og er vidare vesentleg for barna sin leik. Der er ein stadig vekselverknad mellom språkleg utvikling og leikekompetanse. Språket vert ein større del av leiken etter kvart som barna vert eldre. På den måten vert språket den drivande krafta i leiken. Det viser seg at dei som gjer det best i leiken er dei språkmektige barna. Gjennom leik og samspel gjer barnet seg erfaringar som bidreg til å utvide språklege og sosiale ferdigheiter. Den frie leiken, der barnet frå vere spontan og nysgjerrig i samhandling med andre barn og vaksne, løftar språkutviklinga på ein naturleg måte. Leiken er ein viktig språkarena for alle barn. Vi har derfor valt å ha «Vi vil leike meir!» som tema dette året, med ekstra fokus på barnet si språklege utvikling. Barnet sin leik startar med funksjonsleik, symbolleik og imitasjon. Vidare utvikla det seg ein parallelleik, rørsleleik og begynnande rolleleik. Barna utviklar etter kvart ei meir avansert form for rolleleik som varar lengre, er meir samansett og som inneheld meir kommunikasjon. Andre former for leik er konstruksjonsleik og regelleik. Desse blir og meir omfattande etter alderen på barna. Vi veit at vaksne har stor betyding for om barna leikar og kva dei leikar. Personalet skal alltid vere tilstade, ta barna sin leik på alvor og sørge for at barna får ro, tid og rom til å leike. Det er viktig med lite avbryting. Vi vil vere engasjerte og leikande vaksne som er med på å sikre at leiken har ein sentral plass i barnehagekvardagen både ute og inne. Barna si medverking har ein sentral plass hos oss. Helse Bergen skal i perioden ha satsingsområdet barns medverking. Vi vil prøve å fange opp og bygge vidare på det som barna er opptekne av i den frie leiken. Dette skal danne grunnlag for store delar av kvardagen vår. Denne årsplanen er derfor meir «planlaus». Vegen vil bli til saman med barna. «Det er i leken barn lærer språk Kutt ut språkprogrammene og la barna leke i stedet» Sitat av Anne Greve

6 TILVENNING I BARNEHAGEN Barn i 1-2 års alderen er i en fase i livet hvor det dreier seg om å bygge opp en grunnleggende tillit til sine omgivelser. Denne tilliten utvikles ved at barna blant annet bygger opp nære relasjoner i møte med voksne. Det går ut på å utvikle en følelsesmessig trygghet til voksne omsorgspersoner, som igjen gir barna mulighet til å klare å fungere i andre sosiale relasjoner. Hvis de minste barna føler seg godt nok ivaretatt, får de en mental selvforståelse, som gir dem en indre motivasjon til å utforske omgivelsene. Når barnet føler seg trygg, sett og bekreftet, får det en indre ro som igjen åpner opp for at det tør å oppsøke omgivelsenes spennende muligheter. Det å føle seg trygg, sett og bekreftet går ut på at barnet føler seg verdsatt av de betydningsfulle vaksne som er i deres liv. Et eksempel er at barnet opplever seg likt for sin egen del og ikke fordi det nødvendigvis presterer noe spesielt, for å få anerkjennelse. (Karen Johanne Hjort, høgskulelektor i pedagogikk.) Med bakgrunn i teorien om trygg tilknyting har ein laga eit prinsipp som heiter Circle og security (sirkel av tryggheit). Hos oss betyr dette at personalet i Vinterdalen barnehage skal vere dei trygge vaksne som både barn og foreldre kjenner seg sett og forstått av. Barnehagen skal tilpasse seg barnet den første tida og gi tett oppfølging for at barnet skal kunne knytte band både til dei vaksne og barna på avdelinga. BRUKARUNDERSØKINGA 2018 Rambøl har på vegne av alle barnehagane i Bergen kommune gjennomført ei spørjeundersøking for fjerde gang i år. Også i år syner resultata for Vinterdalen barnehage svært gode resultat. Dette er gledeleg og til stor inspirasjon. Vi ønsker fortsatt å oppretthalde, vidareutvikle og styrke barnehagen sin kvalitet.

7 BARNA SIN MEDVERKNAD Barna sin medverknad skal med utgangspunkt i ny rammeplan vere satsingsområde i dei fire barnehagane til Helse Bergen frå Rammeplan for barnehagar gjere det tydeleg kva det inneber at barna skal få medverke. I Vinterdalen barnehage har vi valt å starte med barna sin medverknad i leiken fordi leiken er ein læringsarena der barna kan oppdage, utforske, erfare og lære. Gjennom aktiv medverking i leiken ønsker vi at barna skal bli medvetne sine evner og ferdigheiter, og sjølve reflektere rundt eigen utvikling. Medverking handlar om å virke saman, om å bli spurt, lytta til og akseptert. Demokrati: Ved å legge vekt på barna sin rett til medverking så ønsker vi, frå barna er små, å legge til rette for at dei skal tileigne seg haldningar for å bli deltakarar i eit demokratisk samfunn. Vinterdalen barnehage sitt pedagogiske grunnsyn er at barn er kompetente uavhengig av alder. Det inneber at vi møter dei som fullverdige menneske med kjensler, tankar og intensjonar der dei er, ut frå erfaringsgrunnlag og alder. Ved å behandle barna med respekt i forhold til deira tankar, kjensler og meiningar så ønsker vi at barna skal få erfare at deltaking skapar fellesskap, der mange omsyn er involvert. Alle barn skal inkluderast i vårt arbeid med medverking. Vi må og hjelpe barna til å skjøne at nokre gonger må andre barn sitt behov for medverking prioriterast. Det er og ein del av det å tilhøyre eit demokratisk samfunn. Barna skal ha krav på gode forklaringar på våre val. Brukarundersøkinga for 2018 bekreftar at foreldra opplever at barna får medverke. For å gi plass til barna si medverking har vi valt ein årsplan som ikkje inneheld detaljerte planar. Gjennom året vil vi sende ut dokumentasjon som stadfestar at vi arbeider i tråd med rammelplanen, der barna sin medverking har ein sentral plass. Det er vår måte å synleggjere barna sin medverknad. Når Helse Bergen sine barnehagar no har valt å ha medverking som satsingsområde ønsker vi foreldra som gode samarbeidspartnarar.

8 FORELDREMEDVERKING Foreldra kjenner barnet best og er ein viktig ressurs for å kunne gi barnet optimal utvikling. Foreldra si medverking i forhold til eige barn er viktig både i starten, men og gjennom barnehageåret. Personalet i barnehagen har ansvar for å fremme god kontakt og samarbeid med foreldra, men foreldra er og ansvarlege for at den kontakten oppstår. Foreldremedverking inneber at foreldra tek del i barnehagen si verksemd (foreldremøter og andre arrangement), uttrykker eigne tankar og meiningar og er med på å utforme det tilbodet som barnet blir gitt i barnehagen. Foreldresamtalane gir moglegheit for å utveksle erfaringar med pedagogisk leiar til barnet sitt beste. Barnehagen sitt samarbeidsutval skal på vegne av alle foreldra ivareta forelda sine interesseområder i barnehagen. Samarbeidsutvalet har 2 representantar frå foreldra og godkjenner årsplan for barnehagen. Alle foreldra har moglegheit til å melde inn saker til samarbeidsutvalet (SU). OMSORG God omsorg styrkjer barna sine føresetnader for å utvikle tillit til seg sjølv og igjen syne omsorg for andre. Omsorg skal prege alle situasjonar i barnehagen. Vi ønsker å være trygge vaksne som er til stades og ser kva barna er opptekne av og treng, og som hjelper dei vidare i utviklinga. Ein omsorgsfull relasjon skal vere prega av vi lyttar, er nære, innleving og evne og vilje til samspel. LÆRING Leik er læring «Lek er en like viktig del av barnas liv, som pust er for oss voksne» Steinholt NTNU. Leiken er ein essensiell del av eit barn si verd, og læring er noko som skjer gjennom barnet sin leikande måte å delta i verda på. Barna er nysgjerrige og utforskande, dei spør og grev og leitar heile tida etter noko nytt å feste merksemda si på. På den måten kan ein seie at leiken er flytande. Leik kan ikkje systematiserast, derfor må vi ha eit flytande perspektiv på læring. Leik og læring er tett knytt saman så vi må tilpasse oss barna si verd, ikkje motsett, og på den måten sørge for at læring skjer på barna sine premissar. MANGFALD, LIKEVERD OG LIKESTILLING I Vinterdalen barnehage skal alle barn, uansett funksjonsnivå, alder, kjønn og familiebakgrunn, oppleve at dei er verdifulle personar for fellesskapet. Alle skal møtast med respekt. Ved å ha ei nysgjerrig haldning til likskap og ulikskap kan ein lettare få innsikt og forståing for kvarandre. Hos oss skal gutar og jenter ha like moglegheiter. Personalet skal vere gode rollemodellar og vere medvetne sine eigne haldningar og legge til rett for eit leikemiljø som fremmar likestilling. Vi skal vere ein barnehage der barn får støtte og merksemd for sine forskjellige ståstadar når det gjeld barn med særskilte behov, språk og livssyn. For å gi barna ei større forståing for ulike oppvekstmiljø i andre land så er barnehagen vår knytt til FORUT som er ein solidaritetsorganisasjon som arbeider for barn sin oppvekst i deler av Asia og Afrika. Her får barna bli kjent med andre barn og deira kvardag, som er veldig ulik vår, men der vi likevel kan finne noko felles.

9 VENNSKAP OG SOSIAL KOMPETANSE Å få ein venn og å få vere ein venn er noko av det viktigaste i eit barn sitt liv. I Vinterdalen barnehage skal alle barn få erfare at dei er verdifulle for fellesskapet. Vi vaksne er medvetne at vi er rollemodellar i alt vi gjer og korleis vi er mot kvarandre. Sosial kompetanse er i fokus i alle situasjonar i kvardagen vår. Å lære å samarbeide, hevde seg sjølv, syne empati og sjølvkontroll er viktige element i sosial kompetanse og vi vaksne rettleiar barna i ulike samspelsituasjonar gjennom barnehagekvardagen. Vi ønsker at vår barnehage skal vere ein trygg og utfordrande stad der barna kan prøve ut ulike sider ved samspel, fellesskap og vennskap. MOBBING Her i barnehagen har vi nulltoleranse mot mobbing. Vi meinar at sosialt ansvar og omsorg er grunnleggande verdiar i samfunnet vårt. Barna våre får mykje støtte og lærdom i forhold til å bli ein god venn og til å følge felles spelereglar. Hos oss har vi fokus på at alle har rett til å har det bra. Dersom vi ser mobbing i barnehagen brukar vi handlingsplanen mot mobbing. Dette er eit verktøy som er utarbeida for bruk i alle Helse Bergen barnehagane. DIGITALE VERKTØY Mange barn har erfaring frå digitale verktøy når dei kjem til barnehagen, og er nysgjerrige på å lære meir. Barnehagen sin digitale praksis skal bidra til barna sin leik, kreativitet og læring. Barna skal ut frå alder og modning få bruke digitale verktøy saman med vaksne. Det kan vere å leite fram informasjon om krypdyr på internett, laminere eit barnekunstverk, skrive ut bilde, kopiere eller spele memory eller andre pedagogiske spel på barnehagen sin ipad. Alle barna skal ut i eit digitalt samfunn og barnehagen har eit ansvar for at alle barn får tilgang til og får erfaring med digitale verktøy. Vi i personalet utøver digital dømmekraft. MILJØARBEID OG BEREKRAFTIG UTVIKLING Hos oss ønsker vi å ha fokus på miljøet i det daglege arbeidet med barna. Vi vil at dette skal vere ein naturleg del av det vi føretek oss. Vi vil appellere til fornuftig bruk av naturressursar som vatn og energi (som å ikkje sløse med vatn når vi vaskar hender og det å slå av lyset inne når vi er ute). Vi vil og gi barna gode haldningar til avfallshandtering (vi kastar ikkje søppel i naturen) og resirkulering (til dømes kan papiret vi klipper vekk i formingsaktivitetar bli til nytt papir). Vi håpar og trur at ved å ha fokus på dette i det daglege så vil barna gjere våre haldningar til sine egne. Vinterdalen barnehage har epletre og bærbuskar. Vi sår grønsaksfrø og blomsterfrø med barna. Barna får delta i dyrking, stell og hausting. FRØET Jeg ligger bare her og gror og drikker vann og spiser jord Inger Hagerup

10 OVERGANGEN MELLOM BARNEHAGE OG SKULE Vi ønsker å førebu førskulebarna til ein god skulestart. Rammplanen for barnehagane sitt innhald og oppgåver seier at barnehagen, i samarbeid med skulen, skal legge til rette for barna sin overgang frå barnhage til første klasse. Vi er opptekne av at barna skal oppleve skulestart som noko positivt. I løpet av året har vi førskulegruppe 1-2 gongar i veka, der vi har fokus på sosial kompetanse, som er grunnleggande for at overgangen til skulen skal bli best mogleg for barna. Gruppa skal få vere med på fleire fine opplevingar som turar og kulturtilbod i løpet av året. Positive opplevingar styrker samhaldet i gruppa. Vi har også fokus på å gjere barna sjølvstendige når det gjeld måltid, toalettsituasjonar og påkledning. Barna skal øve seg på å ta i mot beskjedar og å vente på tur. Barnehagetida vert avslutta med ein sommarfest der førskulebarna får ekstra merksemd. TRADISJONAR Vinterdalen barnehage er opptatt av å ta vare på dei tradisjonane som vi har rundt oss. Tradisjonar er med på å skape identitet og tilhøyring, og ikkje minst forventingar. Felles songstund på Askeladden kvar fredag. Vi deltar i Forut barneaksjon og får innblikk i barn sitt levesett og kultur i andre land. Forut-prosjektet vert avslutta med kafé og basar til inntekt for året sitt Forut-prosjekt. Jul: Tenning av julegran m/ foreldre, Lucia, foreldrekaffe og nissefest. Karneval. Felles vår-tur med heile barnehagen. Tema-sommarfest med grilling. Barna medverkar i førebuingar (songar, kulisser og kostymer). Søsken, foreldre og besteforeldre vert inviterte til festen. DOKUMENTASJON OG VURDERING Barnehagen er ei pedagogisk verksemd der det vert stilt krav til planlegging, dokumentasjon og vurdering for å sikre kvalitet og utvikling for barna. Vurderingane dannar grunnlag for barnehagen sitt vidare arbeid med årsplanar og for utvikling av barnehagen som organisasjon. Kvaliteten i samspel mellom menneska i barnehagen er ei viktig føresetnad for barna si utvikling og læring. Barnegruppa og kvart enkelt barn sin trivsel og utvikling skal observerast og vurderast fortløpande slik at eventuelle endringar kan bli gjort undervegs. For å ha eit godt grunnlag for vurdering er det nødvendig at det vert arbeida systematisk med dokumentasjon. Vi vil sjå nærare på: Språket si tyding i leiken Vaksenrolla i høve barna sin medverknad

11 KOMPETANSEUTVIKLING Barnehagane i Helse Bergen har fokus på kompetanseutvikling. Kvaliteten i barnehagane avheng av personalet sin teoritiske kunnskap, personleg kompetanse og spesifikke ferdigheter innan yrker. Vi legg vekt på fagleg utvikling gjennom intern opplæring og rettleiing, deltaking på eksterne kurs, fagutviklingsdagar og føredrag. Komande barnehageår vil vi fortsette arbeide med å implementere ny rammeplan for barnehagen, spesielt med vekt på barna si medverking. Dei fem planleggingsdagane vert primært brukte til planlegging og kompetanseutvikling for heile personalgruppa. Planleggingsdager Mandag Fredag Fredag Fredag Fredag Layot Torun Hunnes Foto Ansatte ved Ravnebjerget Barnehage KONTAKTINFORMASJON Telefon til avdelingane: Veslefrikk Ole Brum Fjellfina Askeladden Mob: Tyrihans Mob: Telefon til styrar Randi Sjøthun Røen eller E-post vinterdalen.barnehage@helse-bergen.no Besøksadresse Sandviksleitet 1, 5035 Bergen