Prinsipprogram for studentdemokratiet ved Det teologiske Menighetsfakultet

Transkript

1 Prinsipprogram for studentdemokratiet ved Det teologiske Menighetsfakultet Prinsipprogrammet fastset studentdemokratiet ved MF sine grunnprinsipp og overordna politiske prioriteringar og er styrande for utforming av politikk og val av satsingsområder for Studentrådet ved Det teologiske Menighetsfakultet og tilordnede organ. Arbeidsplanar, Studentrådets satsingar og politiske dokument skal vere i tråd med prinsipprogrammet. Prinsipprogrammet skal neste gang ordinært reviderast ved MF-studentanes Allmøte hausten ORGANISASJON Studentrådet (SR) er studentenes tillitsvalte og talerøyr. Organisasjonen skal byggjast av, for og rundt studentane. Synlegheit og gjennomsiktigheit SR skal vere synlege og tilgjengelege i kvardagen på MF. Så langt det er praktisk mogleg, skal SRs kommunikasjon utad også vere tilgjengeleg på engelsk. Studentdemokratiets dokument, det vil seie styrande dokument som angitt i vedtektane, innkallingar og protokollar skal vere lett tilgjengelege for MF-studentar. Kven som sit i ulike råd og utval, samt kva som blir jobba med i studentdemokratiet, skal til ei kvar tid vere lett tilgjengeleg for studentane. Samarbeid Studentrådet ønsker breitt samarbeid både internt og eksternt med utval, råd, organisasjonar, andre studentdemokrati, og enkeltpersonar. Representasjon og aktiv rekruttering I alle organ som blir tildelt beslutningsmyndigheit på MF skal studentane ha minst 20 prosent av medlemmane, etter Lov om universiteter og høyskoler 4-4. Der dette ikkje utgjer meir enn eitt medlem, skal studentane ha rett til å møte med ytterlegare éin student med tale- og forslagsrett. Emnetillitsvalte er viktige for å sikre kvalitet og emnenivå. 1

2 I arbeid med konkrete arrangement, samt studentrepresentasjon i ulike råd og utval, skal som hovudregel også studentar utanfor SR involverast. Det skal avholdes reelle val til Studentrådet med fleire kandidatar enn det er tillitsverv, og valdeltakinga bør vere høg. Internasjonale studentar Internasjonale studentar skal på same måte som andre studentar involverast i studentdemokratiets ulike organ og daglege arbeid. Arbeidsmiljø Eit godt og profesjonelt arbeidsmiljø er viktig for at livet som studenttillitsvalt skal vere givande. Når ein trer inn i eit sentralt tillitsverv skal man trå inn i ein kontinuitet som vert oppretthaldt gjennom god overlapping. Studentrådet skal tilstrebe at kontorkvardagen og arbeidsmiljøet er engasjerande. Rutinar er viktige i eit godt arbeidsmiljø, og Studentrådets medlem, tilsette og andre med økonomisk ansvar skal vere godt kjent med økonomiske rutinar, budsjett, økonomisk tilstand og økonomistyring i SR. Vidare er det viktig å sikre god informasjonsflyt internt i SR slik at heile organisasjonen er oppdatert på kva det til ei kvar tid vert jobba med. POLITIKK Studentrådet støttar prinsippet om lik rett til utdanning. Studentrådet skal vere ein aktiv pådrivar for MF-studentanes rettar og interesser VELFERDSPOLITIKK Lik rett til utdanning Studentrådet støttar prinsippet om at all høgare utdanning skal vere gratis, også for internasjonale studenter, og meinar at studieavgifta ved MF bør senkast og på sikt avviklast. Dette må gjerast samtidig som staten tek større del av ansvaret for dei økonomiske tilskota til MF og andre ideelle utdanningsinstitusjonar. Alle studentar i Studentsamskipnaden i Oslo og Akershus (SiO) skal ha like velferdstilbud, uansett alder og utdanningssted. Det er viktig at SiO har eit godt studenthelsetilbod som dekker både somatisk og psykisk helse. 2

3 Heiltidsstudenten Det skal vere mogleg å studere på heiltid utelukkande med stønad frå Lånekassa. Antallet studentboligar som vert subsidiert av staten og bygd av studentsamskipnadane årleg må derfor aukast til etterspørselen er dekt. Samtidig bør satsane for studielån bli fastsett til 1,5 G (folketrygdas grunnbeløp) årleg og gis over elleve månadar. FAGPOLITIKK Fagleg engasjement I samarbeid med fagleg tilsette, administrasjon og leiing skal SR leggje til rette for og oppmuntre til akademisk nysgjerrigheit og faglig engasjement blant studentane. Ulike arenaer utanom forelesning der studentane kan utfordrast og inspirerast til fagleg tenking og debatt er ønskeleg. Undervisning og kompetanse All undervisning på MF skal vere forskningsbasert. Vitskapleg tilsette ved MF skal ha gode pedagogiske ferdigheiter. MF skal vektleggje pedagogisk kompetanse ved tilsettingar, samt leggje til rette for utvikling av denne kompetansen etter tilsetting. Det er ønskeleg at forelesar, i dialog med studentane, klargjer og blir einige om forventningar til kvarandre og undervisningform på eit tidleg tidspunkt i semesteret. For å engasjere studentar på ein best mogleg måte bør varierte undervisningformer nyttast. Seminarundervisning og tett oppfølging bør vektleggjast. Undervisningmateriell skal tilgjengeleggjerast i tilstrekkeleg god tid før undervisning for at studenten skal ha reell moglegheit til å førebu seg. Mest mogleg undervisning bør tas opp på podcast og/eller filmast, for deretter å tilgjengeleggjere dette på internett etter forelesning. Studiepraksis skal vere ein viktig del av alle profesjonsstudier og rammane for slike praksisperiodar må vere gode og avklarte, med god veiledning. Studentaktiv forskning MF skal leggje til rette for at studentar skal ha moglegheit til å få praktisk erfaring med forskning og utvikling i løpet av studietida. Religiøsitet og undervisning 3

4 MF skal vere ein vitskapleg institusjon der kvar enkelt student og tilsett sjølv skal kunne velje korvidt ein ønsker å delta i utøving av religiøs tru. Det er difor ikkje ønskeleg med ei uheldig samanblanding av trusutøving og undervisninga på MF. Vurderingsformer Studentane skal tilbys varierte vurderingsformer. Heimeeksamen og digitale hjelpemidlar skal i utstrakt grad nyttast, og på sikt skal bruken av klausurprøvar avviklast. Tilrettelegging Tilrettelagt undervisning og vurdering skal tilbys alle som har behov for det. På generelt grunnlag skal det tilstrebes variasjon i undervisningslokale. Læringsmidlar Det er viktig at MF tilbyr eit breitt spekter av læringsmidlar som er fagleg oppdaterte. Digital distribusjon av til dømes kompendium er ein god måte å tilgjengeliggjere pensum for studentar på. Evaluering Evaluering av undervisning er viktig for å heve kvaliteten på denne. Ved gjennomføring av all evaluering skal anonym tilbakemelding vere hovudregelen. Dialogisk evaluering skal vere varsla i god tid og skal gjennomførast på kvart enkelt emne. Der dette er aktuelt skal det gjennomførast både midtsemesterevaluering og sluttevaluering. Det skal vere lett tilgjengeleg for studentane å sjå kva tilbakemeldingane har ført til. Kvalitetssikring På lik linje med tilsette er studentane på MF viktige bidragsytarar. Det skal derfor leggjast til rette for at studentar blir høyrt og involvert i alt kvalitetssikringarbeid på MF. MILJØ Studentar på MF skal bidra til og oppleve seg som ein del av eit ope, berekraftig, engasjerande, godt og mangfaldig studentmiljø. Studentmiljø Frivillegheit er berebjelken i studentmiljøet. Studentar skal oppleve at det er enkelt og motiverande å engasjere seg i studentmiljøet. Initiativ og engasjement blant studentar skal derfor bejublast. 4

5 Breidda i arrangement og tiltak gjennom året skal reflektere at MF er ein mangfaldig studiestad med studentar på ulike studieløp og med ulik bakgrunn. MF skal ha eit godt psykososialt studentmiljø og det skal leggjast til rette for sosiale arrangement som bidreg til einskapskjensle i studentmassa. Inngangspenger eller liknande skal haldast så lave som mogleg. Utestenging, trakassering og uønska seksuell merksemd skal ikkje under noko omstende aksepterast. Alkoholfokusfritt prinsipp skal liggje til grunn for alle arrangement i regi av Studentrådet og underlagte studentorgan. Studentmedia og -tidsskrift er viktige for ei utdanning som også oppmuntrar til samfunnsengasjement og fagleg engasjement, og må støttast. Læringsmiljø Alle rom som vert brukt av studentar skal ha eit inneklima som gjer rommet behageleg i bruk. Dette gjeld særskilt for bibliotek og undervisningsrom. Alle delar av bygningsmassa som vert brukt av studentar skal vere universelt tilgjengeleg. Religiøsitet og livssyn MF skal vere ein vitskapleg høgskule som tek religiøse og livssynsmessige behov på alvor. Med bakgrunn i MFs tradisjon er det naturleg at institusjonen legg vekt på kristelege tilbod. Det er likevel viktig at SR og MF aktivt understøttar MF-studentanes rett til religiøs og livssynsmessig fridom og behov for utøving av denne utover MFs tradisjonelle profil. Dette gjeld særleg minoritetar på MF eller grupper med særskilte behov. Klima og miljø Ein berekraftig og miljøvenleg klimapolitikk skal liggje til grunn for alt studentdemokratisk arbeid. Vedteke på Allmøte den